Ka Nupepa Kuokoa, Volume LXI, Number 31, 3 August 1922 — EIA HOU NO UA HANA POWA NANA. [ARTICLE]

EIA HOU NO UA HANA POWA NANA.

He mea kau la, i ka paa ana o kekahi poe keiki opio, i ka hopuia, he mau pule ae nei i hala, a i hoopa'iia ai, no ka hewa powa, e noho maloko 0 ka halepaahao, a pau na hana powa, he o ia mau no ia, e lawelaweia mai nei, a me he mea la, e kakali Vale ana no ka poe i maa i kela hana, a loaa ka wa kupono, o ka manawa iho la ia, e hookau aku ai i na poino maluna o ha'i. Mawaho ae nei o Daimana Hila, ma ka po o ka Poakāhi, o ka pule 1 hala, i kekahi malihini e huli hoi mai ana mai Kahala mai, maluna o I kona kaa otomobile, no ka hokele Moana, ua kauohaia aku la oia e kekahi poe kanaka ekolu, ma ke alanui, e ku, me ke kauia aku o ka pu panapana imua ona. Me ka hoolohe ole aku nae i kela kauoha, ua kuupau aku la oia i ka holo o kona kaa, me kona ku ole i ka poka, o ka pu i kiia mai; ua ukaliia mai la nae oia e kela poe kanaka powa, me ka loaa ole, ahiki i kona komo ana iloko o ka hokele. He pule mamua aku, i kekahi keonimana me kona kokoolua, he wahine opio, e noho ana maluna o ko laua kaa, ma ke ahiahi o ka Poakahi, ua holo aku la he kaa otomobile me elua kanaka oluna, a hoopili aku la i ko laua kaa, ma kahi kokoke i ke kaa o kela mau mea, ia wa i lele aku ai ua mau kanaka nei ilalo, a hookahi o laua i lelo aku e hopu i ke kane, a kaualako mai la hoi kona kokoolua i ka wahine opio, o kahi nae o ka holopono ole ana, o na hana' limanui, a kela mau kanaka, o ia no ka oili koke ana mai o kekahi kaa otomobile okoa aku, 0 ka mama no ia o na wawae o na kolohe a kau ana maluna o ko laua kaa. Ua alualuia aku nae kela kaa, ahiki i ka maopopo aoa o ka helu e kau ana, ia wa i waihoia ae ai ka hoike i ka oihana jnakai, a iloko o ka <wa pokole, i paa ai ua mau kanaka nei i ka liopuia, eia nae aole 1 hookomoia ae he' hoopii no laua, no ka makemake ole o na mea i hoaoia e powa, e ike wale ia ae ko laua mau inoa i ke akea