Ka Nupepa Kuokoa, Volume LXI, Number 31, 3 August 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

NA PUUWAI ELUA

A I OLE

Ka Hewa of ka Wahine---He Moolelo i Owiliia me na Haawaina Hoopihoihoi NooNoo o ke Au o ka Manawa

 

------------------------

 

            "Ina ua lilo ka‘u mau olelo i hoopuka aku nei imua ou e Miss Kolakona i kumu nou e huhu ai, alaila e huikala mai oe ia‘u.

            Aole au i noho pouliuli, no kou kulana oiaio loa, ua heluhelu aku au maluna o kou helehelena, aia malaila i kahakahaia ai kekahi mau laina maopopo loa, e hoike mai ana no ka nui o ke kaumana ame ka pilikia i loaa ia oe, i ko‘u makemake ana e hoolilo ia‘u iho i hoaloha nou, malalo wale no ia o ke iini, e hoike mai oe ia‘u i kou mau pilikia apau, i hiki a ia‘u ke haawi aku i na kokua ana, e hoomamaia ae ai kou mau manao."

            "Alaila malalo iho la anei o  ia ano, i ake mai ai oe, e noho aku au he kumukula na Jene, me kou uku ana mai ia‘u i kekahi mau dala mahuahua, ma ke ano e kokua ia‘u. Ke haawi aku nei au i ka‘u mau hoomaikai ana he nui ia oe, no keia mea au i hana mai ai no ko‘u pono, aka nae, ua hoohaahaa loa mai oe i ko‘u kulana, a mai keia manawa aku, aole loa e komo hou kuu poo maloko nei o keia hale."

            Iiuli aku la o Ela, me ka manao e haalele iho ialoko o kela nunui. Ua ku e ae la nae o Kauka Mudoko iluna, me ka alai ana ae mamua o ke kaikamahine opio, a pane mai la.

            "Mamua o kou haalele ana iho i keia keena, ke makemake nei au e hoolohe mai oe i kekahi mea ano nui loa a‘u e hoike aku nei imua ou, a o ke kumu no hoi o ko‘u ake ana e hui pu kaua i keia kakahiaka," wahi a Kauka Mudoko, me ka hele a piha i ke pihoihoi.

            "Ua haulehia au i ke aloha ia oe, mai kela manawa mua loa mai au‘u i ike ai ia oe maloko o ka paka, a ua hoomahuahua mau la ae ia aloha ahiki i keia mapnawa, e hiki hou ole iho ai ia‘u ke uumi. Aohe a‘u nana no kou moolelo o ka wa i hala, a no ka mea paha a na kanaka e kamailio mai ai, o kou ae wale mai no ka hoi la, e lilo oe i wahine naʻu, o ka hoomamaia ana ae ia o kuu puuwai. E Ela, e loaa mai ana anei he pane mai ia oe mai. no ka hoolana ana ae i ko‘u mau manao?"

            Ua like keel mau huaolelo apau e pa aku la ma na pepeiao o Ela. me kekahi mau kui e houhou aku ana i kona puuwai, a o ia ka ua kaikamahine nei i pane mai ai me ka piha i ka piena.

            "E ku aku oe e ka mea hohewale! Pehea la oe i kamailio mai ai. i na olelo au i na huaolelo kupono e hoopuka aku ai imua ou. no ka nui o ka‘u hoowahawaha ia oe."

            Ua like keel mau olelo a Ela i kamailio aku ai, me he pahi la e haehae okoa ae ana i ka puuwai o ke kauka opio, ua kulana aku la oia ihope. me ke kikihi ana aku a noho iho la iluna o kona noho. me ka puliki ana ae hoi i kona mau lima iluna o ke poo. aohe nae he nana aku o Ela i ke ano o kela kanaka, aka kaha mai la oia hele me ka haalele ana aku i ka home o Kauka Mudoka, aia hoi iloko on a ke kaumaha ame ka ehaeha, no kana mau mea i manao ai, ua hoohaahaa loa mai kela kauka iaia.

            Aohe mea poho iloko o ko Ela noonoo ma kea manawa ana o ka haalele ana aku i ka hale o Kauka Mudoka, me he mea la, iaia e nana ae la ma kona mau aoao, ua piha kona ola ana me na haawina hoehaeha he nui. Ua nana aku oia ia Kauka Mudoka, ma ke ano oia kekahi o na kanaka hoopono, eia ka auanei, ua hoikeike wale mai no kela kanaka i kona mau ano maikai iaia nei, no ke kauka‘i mai, e lilo aku oia i wahine na kela kanaka.

            Ke au la oia, i kana wahi e hoona aku ai, i loaa ai ka maha i kona uhane, aole he maopopo iki iaia, aka nae o kana mea i hooholo iho ai he mea pono, e hele oia maloko o kekahi paka o ke kulanakauhale, malaila oia e hoohala ai i kekahi mau ho@a o kela la, no ka hoomaalili ana, i kona mau manao kaumaha.

            Hoea i‘o aku la ua o Ela maloko o kekahi paka, i hele a nui na kumulaau malumalu e ulu ana, malaila oia i noho iho ai no ka hoomaha ana,  a o kela no hoi ka paka, a kekahi poe i @aa na haawina elike me kona, i hoohala ai i ko lakou mau manawa o ke kaumaha ame ka ehaeha.

Mokuna XXII

            Ua hele a na hora o ke ahiahi, akahi no o Ela a hoea aku no ka hale, a hakalia no a pau ka aina ahiahi o kona hoi aku la no ia noloko o kona rumimoi, me ka olelo ana mai i kona makuahine, i ka nalulu o kona poo.

            "Ea, e loohia hou ana oe i ka ma‘i, ke hoomaopopo aku nei na i kou ano," i kamailio mai ai ka makuahine, no ke ano ku@ale o Ela. "Ina no kou loaa ou i ka ma‘i, pehea ana la ko kakou pono keia noho ana aku? Ua like ka uku e loaa nei @@lina wale no me eono peni no ka hapaha, ua emi iho malalo ke hele e a‘o ana i keia mau haumana ekolu, me ka ole, oiai he umi o ekolu kilina no ka pule hookahi; a in a no ka hiki ole ia oe he kauka‘i ana aku, no ka loaa o kekahi dala mai keia kauka mai, aole au i ike i kekahi alahele e paekana ai kakou koe wale no ka hamama mai o na ipuka, o na home i hookaawaleia no ka poe ilihune."

 

Me kela hoakaka mai ka makuahine mai, no oko iho la oia i ka uwe, a oia ka Ela i kamailio aku ai:

 

"E hoopau oe i kou uwe ana e mama, e hookuu mai oe ia‘u e hoi e hooluolu, no ka mea ua hele au a luhi maoli, a ke hooa aopopo nei au, no ko‘u loaa i ka ma‘i. Ua noonoo au e hele aku imua o ka hui o Kapa & Kalima, no ka haawi ana mai i na kokua ana ia kaua, no ka mea aia malalo o ka malu o kela hui, he mau kaukani paona i kuleana ai o Keaka, a malia o hiki ia Mr. Kapa ke haawi mai i kekahi huina dala mahuahua, no ko kaua komo ana aku iloko o kekahi oihana. Aole e hiki ia‘u ke a‘o hou i kekahi mau haumana, a aole au e hele hou ana no ka hale o Kauka Mudoka, a in a no kona hele hou mai, mai ae aku oe iaia e ike ia‘u."

 

‘Auwe, pehea auanei e hiki ai ia‘u ke kipaku aku i kela kauka, no ka mea oia kekahi o na kanaka oluolu loa, a i haawi mai no @i i loaa ia oe? E akahele mai kou noonoo ana e Ela i ka mea pono e hana aku ai, mai pupuahulu oe i ka kaahele ana i ka hana i loaa, ahiki i ka maopopo ana o kekahi hana hou ae."

 

"E noi aku ana au ia oe e mama, aole e kamailio hou mai i ka inoa o Kauka Mudoka imua o‘u," i pane aku ai o Ela me ka leo huhu.

 

Aole no hoi he hoopuka hou mai o ka makuahine i ka inoa o ke kauka opio, nolaila, ua hoohala aku la laua i kekahi manawa. ma ke kamailio ana no na mea e pili ana no kekahi oihana. a ua nanea maoli ka makuahine, i ka hoolohe mai, i  na hoolala ana a kana kaikamahine, no kekahi hana e loaa ai ka noho kuokoa ana ia laua, aka nae, o ka mea wale no nana e hookaumaha la i ka noonoo o ka makuahine, o ia ka hoole mai o ka hui i komo aku ai kana keiki, i ka haawi ana mai i kekahi mau dala ia laua nei.

 

"Malia paha e ku-e mai ana o Kapena Leonada, no keia manao ou; aka nae, he keu kela a ke kanaka lokoino, o ka holo mahuka ana, a haalele iho ia oe iloko o ka nele."

           

Aohe he holohe aku o Ela, i kela mau olelo hoinoino a kona makuahine no Kapena Leonada, aka noi mai la oia iaia, e hookuu aku e nooluolu ua o Ela, a haalele aku la ka makuahine, i kana kaikamahine, no ka hoi an mai noloko o kona rumi.

 

Ma kela po, aole i loaa iki ia Ela ka hiamoe maikai ana ahiki wale no i ke ao ana ae; eia nae, ua hoolala oia mamua o kona hoi ana e hiamoe, no ka hele aku e hui pu me Mr. Kapa, a e koi aku iaia e haawi mai i kekahi huina dala, no kona komo kino aku iloko o keakahi oihana.

 

Ua hoopau loa ua o Ela i ka manao, e a‘o i kekahi mau haumana, oiai he nui na kaikamahine, i loaa ia lakou ka makoukou i oi ae i kona, ma kela wahi, no ka hoopiha ana i na wahi apau e makemakeia mai ana i mau kumukula.

 

He hookahi leka o ka loaa ana mai iaia ma kela kakahiaka, a iaia i nana iho ai i ka limakakau mawaho o ka wa-hi, ike koke iho la no oia na Kauka Mudoka mai kela leka. O ka noonoo iloko on a, o ia no ka hoihoi hou aku i kela leka, me kona wehe ola ae e heluhelu i na manao oloko, a in a aole kona makuahine e noho kokoke mai ana iaia, in a ua kiola okoa ia kela leka eia iloko o ke ahi, i kau a mea o kona piha i ka huhu ia Kauka Mudoka.

 

"E heluhelu mai hoi paha oe e Ela, i ka manao o kena leka, i maopopo hoi ia‘u ke kumu, o kou hoopaapaa ana me Kauka Mudoka. Ma ko‘u manao koho wale no nae, me he mea la o Mrs. Mudoka, ka mea makemakea ole ia oe, aka nokela kauka opio, oia kekahi o na kanaka oluolu loa, me ka piha lokomaikai a‘u ike ai."

 

"Mai noke mai oe i ka niele ia‘u i keia manawa, aka i kekahi la ma keia hope aku, e hoike aku no au ia oe," wahi a Ela, me ka hookomo ana iho i ka leka iloko o ka pakeke o kona lole, me kona heluhelu ole i na manao i kakauia.

 

No kona uluhua loa nae, me ke ake e ike, i na manao oloko o kela leka, hoi okoa aku la ua o Ela noloko o kona rumi, a wehe ae la i ka leka, me ka hoomaka ana iho e heluhelu, a i ka pau ana o kela leka iaia i ak heluhelu, ua oili loa ae la kona mau ano apau, ma kahi o kela huhu me ka inaina ia Kauka Mudoka o ka mahalo ame ka makee ka i paniia aku ma ia wahi, no kela kanaka opio.

 

Penei na manao o ka leka ana o ka heluhelu ana iho:

 

"E kuu Miss Kolakona. Mahope iho o kou huli hou ana aku ma neihinei ua noonoo nui loa au, no ka hewa ko‘iko‘i loa a‘u i hana ai, i lilo ai au i mea makee aku no kou pono. Aole a‘u i hana ai, i lilo ai au i mea makee aku no kou pono. Aole a‘u mea e ae i hana aku ai ia oe, o ka hoike wale aku no i ka nui o ko‘u aloha nou, aole o kela aloha hookamani, aka he aloha oiaio mailoko lilo mai o kuu puuwai, eia nae, ua lilo ia, i kumu nou e piena loa ai, a kapa mai la oe ia‘u, i ke kanaka hoohaahaa i kou kulana.

 

"Aole loa o‘u noonoo ia mea he wahine iloko o ko‘u ola ana, aka ia‘u i halawai ai me oe maloko o ka paka, o ka manawa mua loa ia, i komo mai ai ka makemake iloko o‘u e lawe mai au i kokoolua no‘u no keia ola ana, a no ka mea ua komohia koke ke aloha iloko o‘u nou. Ua nana aku au ma kou mau maka, ua kilo aku au i kou kulana, a ua maopopo loa ia‘u  aia iloko ou ka oiaio, ame ka manao hiipoi, no ke kanaka e lawe ana ia oe i wahine nana.

 

Ina he mau mea kau i lohe ai no‘u, ame ka‘u mau hana ma ko‘u ola ana, alaila ke nonoi aku nei au ia oe, e haawi mai i manawa no‘u e kupale ai no‘u iho, a mai hoahewa mua mai oe ia‘u, ahiki i kou lohe ana i na mea oiaio apau mai ia‘u aku. Malia paha aole no au mau mea i lohe ai no‘u, oiai he kakaikahi loa ko‘u mau enemi, he manao koho wale no keia na‘u; aka nae, no ka pono o na aoao a elua, e ae mai ana anei oe, e hoakaka mai i na kumu, o kou maliu ole ana mai i ka‘u mau ulono ana aku imua ou?

 

"He nui ka‘u mau mea i makemake ai e kakau aku ia oe, aka ke hoopokole nei au i ka‘u kakau ana, koe wale no koʻu hoike ana aku imua ou, ua lilo kou hoopau ana i ke a‘o ana mai i kuu Jene, i mea hookaumaha loa aku iaia. Ua aloha aku kela kaikamahine ia oe, me he makuahine la nona, a i kona ike ole ana ia oe ma keia mua aku, e hoi hou mai auanei kela ano ma‘i kahiko i loaa iaia, a maluna auanei o‘u ke ko‘iko‘i o na hoahewaia, no kona kulana.

 

"O ka wahine âme ke kaikamahine e noho pu nei me a‘u, he mau mea aloha ia na ko‘u kaikuaana i hala i ka make, a maluna o‘u ke kau ana mai o ko laua manaolana no ka pono o kolaua ola ana, i loko o na la helu wale no, a ke Akua, i haawi mai ai ia kakaou, e hoohala ma keia honua. Ina ua paa maoli kou manao, aole loa au e kamailio hou aku ia oe, alaila aole no au e maku‘e wale aku ana maluna o ia manaopaa; a inā aole loa oe e hoike mai ana ia‘u, i na kumu, o kou lawe ole ana aku i ka‘u noi a noonooo, a i ole, i na kumu paha o kou makemake ole ana mai ia‘u, i koko‘olua nou, alaila aole e hiki ia‘u ke kaohi iho, i ka hoike okoa ana aku i ka mea oiaio loa, iloko o na la apau o ko‘u ola ana ma keia hope aku, aole loa au e aloha ana i kekahi wahine o koa ae, aka ia oe wale no, ia Ela Kolakona."

 

I ka pau ana o kela leka i ka heluhelu, ua hele maoli o Ela a Piha me ke aloha, a ke ike la oia i ke ko‘iko‘i o kona hewa, no ka awiwi o kona hoahewa ana aku ia Kauka Mudoka, no kela noonoo iloko on a, ua piha maoli oia me ka hilahila.

 

Iloko o ka manawa pokole, hooholo koke iho la no o Ela i kana mea e hana aku ai, o ia no ka mihi ana aku imua o kela kauka, a e lilo pu hoi oia i namea hoopakele ia Jene, ma ka hooko ana aku i kekahi hana, e hoopakeleia ae ai kela kaikamahine mai ka ma‘i mai.

 

E noonoo ana no nae ua o Ela, i ke ano o kana pane e hoouna aku ai no kela leka a Kauka Mudoka, kani ana no ka bele kahea mawaho o ka lanai o ka hale, a he manawa pokole mahope mai, lohe pono aku la oia i ka leo o Kauka Mudoka, iloko o kela manawa, o kona manao huhu a hoowahawaha no kela kauka ua auhee aku ia, a kauoha aku la oia ia Ema, e hele aku e hookipa mai ia Kauka Mudoka, noloko o ke keena hookipa uuku, i hookaawaleia ia no ua o Ela wale no.

 

Ke noho maile la no o Ela maluna o kona noho, a iloko o kona nanea, komo mai la o Kauka Mudoka, a i ka ike ana mai o ua kauka nei, i ka waiho o kana leka iluna o ke pakaukau, hoomaka mai la e kamailio:

 

"Akahi au a maopopo, eia ka ua loaa mai ia oe ka‘u leka, a ua hiki loa ia‘u ke heluhelu aku ma kou helehelena, ua huikala mai oe ia‘u, elike me ka‘u i noi mai ai ia oe maloko o kena leka. Malia paha he komohewa keia a‘u o ke kipa ana mai la me ka loaa ole ae o ke kono mai ia oe mai, aka nae, mamuli o kekahi hana ano nui, e kaawale aku ai au no kekahi mau la lehulehu, pela au i hele okoa mai nei, no ke ake ana no e ike, i ka hopena o ka‘u leka," alaila hooki iho la ke kamailio ana mai a ua kauka nei, no ke kakali ana i ka Ela pane.

 

"Ae, ua huikala aku au ia oe ma na ano apau, a ua ike iho no hoi au i ke ko‘iko‘i maoli o ko‘u hewa. Ua kuhihewa loa au he wahine mare la o Mrs. Mudoka nau, mamuli o ia kuhihewa, i kapa aku ai au ia ‘oe i ke kanaka ino, i kou kanaka ino, i kou wa i noi mai ai ia‘u e lilo aku i wahine mare nau, a na kau leka, i hoopau ae ia kuhihewa, eia ka he wahine oia na kou kaikuaana, a o Jene, he kaikamahine hanauna ia nau."

 

"Auhea oe e Ela--" wahi a Kauka Mudoka me ka piha hoihoi o kona helehelena, ua papa e aku la nae o Ela iaia i ka i ana aku:

 

"Aole oe e kamailio koke mai, aka e kakali malie iho oe pela, a mai kuhihewa mai hoi oe, i ke ano o ko‘u manao maoli. Mai keia manawa aku, aole loa kaua e kamailio iki, e pili ana no ia mea he aloha. Ua haawi aku au i ko‘u mahalo kiekie loa ia oe no kou mau ano oiaio, a ua ike au i na hana maikai a kou puuwai aloha, a ke kaumaha loa nei au, no ko‘u kuhihewa maoli, ma ka‘u mau mea i koho ai nou. Ua hoikeike wale mai no oe i kou mau ano hoopono imua o‘u, a ma ko‘u aoao, he mea pono ia‘u, ke pana‘i aku i na hana pololei wale no.""

 

(Aole i pau.)

 

He Moolelo no

PITA NIKOLA

A I OLE

Ke Duke i Haalele Aku i Kona Kulana Hanohano a Lawe Mai i ke Kulana Makaainana

 

--------------------------------

 

O ka nanea nae ia o Beka i ka hele ahiki i kona ku ana mamua o ka puka o ka hale o Nikola, a iaia i kiei aku ai iloko, he kanaka okoa loa ke noho mai ana, aole hoi o Nikola. O ko Beka manao maoli, e waiho oia i ka leka ma kekahi wahi, e nele ole ai ko Nikola ike, alaila huli hoi aku oia no kona home, me ke kakali ana mai, o ka hele aku o Nikola e ike iaia, mahope iho o ka heluhelu ana, i na olelo i kakauia mawaho o ka wa-hi o kela leka, eia ka auanei, e holopono‘ole ana kela manao mua on a.

 

Aole e hiki i ua o Beka ke kuemi hope mai, he maikai ole paha ia i ka manao o ke kanaka maliini, o kuhihewaia mai, he manao kolohe ko ia nei o ka hoea ana aku, nolaila, pono kamailio wale aku la no oia i ka ninau aku:

 

"Aole anei o Mr. Nikola maloko nei o kona hale?"

 

"Aole oia maloko nei o ka hale, i keia manawa, aka ua hala aku oia i ka hana, no kahi o ka hale olopapa, a aole oia e huli hoi mai ana ahiki i ke ahiahi. He mea hiki anei kekahi ia‘u ke hana aku nou?"

 

"I hele mai nei hoi au, me ka manao la eia no oia ma ka hale nei, no ka waiho ana aku i kekahi mea ana o ka poina ana ma ko‘u home i ka po nei."

 

Aole ana e nele ko Nikola kaumaha loa, no kona loaa ole ana mai ia oe. Owai kou inoa e kapa aku ai ia oe e ka lede opio?"

 

"Ua maopopo no o Nikola ia‘u, nolaila aole a kaua noonoo ana no ia mea," wahi a Beka me kona huli ana aku e nana i kahi e.

 

Akahi no a komo mai kekahi manao iloko o Beka, malia he kanaka kela he hana nui kana i makemake ai ia Nikola; ma kana mea i koho aku ai, aole kela he hoaloha no kana aloha, me he mea la he enemi nona, elike me kekahi mau mea ana i hoomaopopo ai maloko o ka leka, e pili ana ia Rusia.

 

"Ina aole ou pupuahulu loa i ka hoi, alaila e hoomanawanui no hoi oe i ke kakali ana, malia o hoi koke mai no o Nikola," i kamailio mai ai ke kanaka malihini, me ka uwai ana mai i kekahi noho no ua o Beka. "Ma ka‘u koho aku, aole oe o Miss Pege Makuaia, ke kaikamahine a ka on a nona keia mau aina."

 

"Aole au o Pege Makuaia, aka o Beka Kamerona ko‘u inoa. Pehea he hoaloha nae paha oe no Nikola ea?"

 

"Ae, ma kekahi ano, he hoaloha au nona, mamua o kona hoea ana mai no Amerika nei."

 

"Ina pela, ua kamaaina maoli oe iaia no kekahi manawa loihi, aole anei pela?"

 

"Ae, no ka mea he hookahi moku a maua i kau like mai ai, no ka holo ana mai i Amerika nei."

 

"Pehea, ua ike mua no nae paha oe iaia ma Ladana ea?"

 

"Aole ma Ladana, aka heaha ke kumu o kou waiho ana mai la i kena ninau imua o‘u?"

 

"He makemake wale ae la no hoi no‘u e maopopo, pela au i ninau akula ia oe."

 

Ma ka Beka nana aku, ua hele maoli na maka o kela kanaka a hulili, o ia no oe o ka mea, i makaukau e lele mai maluno o kana pio. Ke mihi loa la ua o Beka, no kona noho ana e kamailio pu me kela kanaka, ua lohi loa nae kela loaa ana aku o ka ike iaia, a ua hoopohoia mai no hoi kona mau manaolana, no ka holopono ole o kana misiona i hele mai ai no ka hale o Nikola.

 

"E oluolu ana anei oe e hoike mai i kou inoa ia‘u?"

 

Hoopinana ae la ke kanaka malihini i kona mau poohiwi iluna, me ka luliluli ana ae hoi o kona poo, a o ia kana o ka pane ana mai: "He wahi mea ano ole loa ko‘u inoa ia oe e ke kaikamahine opio."

 

"Ke kaumaha loa nei au no kela ninau a‘u i waiho aku nei imua ou."

 

Hookomo iho la ke kanaka malihini, i kona mau lima iloko o na pakeke o kona kukua, me ke ku ana ae no hoi iluna, alaila nookokoke mai la no kahi a Beka e noho ana.

 

"Pehea, he mau hoaloha maikai loa nae paha olua me Nikola ea?"

 

"He mau hoaloha maua, aole nae ma ke ano i hoopaaia kekahi na kekahi," wahi a Beka, me ke ku ana ae iluna, me kona manao, e haalele iho i kona noho ana e kamailio me kela kanaka malihini.

 

"Alia hoi paha oe e pupuahulu i ka hele ana, aole i pau ka‘u mau mea i makemake ai e ninau aku."

 

Ku iho la o Beka, no ke kakali ana, i ka mea a kela kanaka e ninau mai ai iaia, eia nae, aia ka hopohopo iloko on a, no kela kanaka, no ka hookau mai i kekahi hoopilikia ana maluna oia nei.

 

"Ke makemake loa nei au e maopopo ina o Miss Kamerona kou inoa, pela anei?"

 

"Ae, o ko‘u inoa i‘o kena au i hoopuka mai la."

 

He inoa kamaaina loa o Kamerona ma kekahi mau wahi o ka honua nei, a he inoa malihini hoi ma kekahi mau wahi. He kamaaina anei oia no Nu Jese?"

 

"Aole i maopopo ia‘u ia mea."

 

"Pehea, eia no anei kou makuakane ke ola mai nei?" ma ke Komohana."

 

"Aole, ua make oia he mau makahiki lehulehu ae nei i hala, "Ma kahi hea o ke Komohana kona wahi i make ai?" wahi a ka malihini, me ka hokio okoa ana ae, me ka hookokoke loa ana mai hoi ma ka aoao o Beka.

 

"Aole no he mea maopopo ia‘u, no kona wahi oiaio loa i make ai."

 

"O Beni Kamerona anei ka inoa pololei loa o kou makuakane?" me ka hopu okoa ana mai o ke kanaka malihini i kekahi lima o Beka.

 

"E hookuu ae oe i kuu lima, he keu maoli ka ikaika o kau o-pa ana, ke eha mai la kuu lima."

 

Hookuu ae la ke kanaka malihini i ka lima o Beka, eia nae, ua hele kona helehelena a eena, a o ia kaBeka, i ninau aku ai:

 

"Heaha ke kumu o kou makemake ana e ike i ka moolelo o ko Beni Kamerona make ana?"

 

"Aole no he mea ano nui, a ke manao nei au, e hoi oe no kou hale, a hele mai no kekahi manawa okoa aku, a i ole i keia ahiahi no hoi," washi a ka malihini, me kona haule ana iho noho iluna o ka noho paipai o Nikola.

 

Aole nae o Beka i hoi, elike me ke kauoha a kela kanaka, aka ke ku malie loa la oia aia wale no kana nana ana ma na maka o kela kanaka, me kona hookahaha loa ia mai, i ka loli hikiwawe ana ae o ka hana a kela kanaka, mai kona mau manao mua mai i kinohi.

 

Hoala mai la nae oia i kekahi mau ninau lehulehu iloko on a, o ia no ke kulana oiaio mawaena o keia kanaka malihini ame Nikola, a pela hoi me ke kumu nui o kona kamailio ana mai no Beni Kamerona.

 

Oiai no nae oia e nalu ana iloko on a, no ka inoa oiaio o kela kanaka, elike me kana i hoohuoi aku ai, ma ke ano o kana ka niele no Kamerona, koho iho la oia, aole kela he kanaka okoa aku, aka, o Haka Kenede kela, ka mea nana i pepehi i kona makuakane a make ma ke Komohana.

 

Aia no o Haka Kenede ke nana pono mai la ia Beka, ua @aa aku paha ka ike i ua kanaka nei, ua hoomaopopo loa @@@@@ kaikamahine, oia no ka mea nana i pepehi i kona makuakane no laila hooholo iho la oia iloko on a, e hoolilo i ke kaikamahine opio, i pio nana.

 

"Akahi a maopopo loa ia‘u, o Haka Kenede kou inoa ke kanaka nana i pepehi i kuu makuakane a make," i kamai@@@@@ aku ai o Beka, me ke ku koke ana ae iluna o hoike @@@ @@ kona mau ano apau, no kona piha i ka inaina, i kela @@@@@ ana aku, oia ka mea nana i pepehi ia Kamerona. "Owai ka mea nana i hoike aku ia oe, he mea papahiaknaka au?"

 

"Aole he mea nana i hoike mai ia‘u aka o ko‘u manaolana wale no keia."

 

"Owai ka mea nana i kamailio mai ia oe no Haka Kenede?"

 

"Aole no he mea nana i kamailio mai!"

 

"Mai hoao oe e hoopunipuni mai ia‘u e ke kaikamahine aole e loaa wale ae no ia oe ka inoa o kekahi kanaka. @@@@ o ka moeuhane ana, aka o Nikola ka mea nana i kamai@@@ aku no Haka Kenede, aka nae ua hoopunipuni aku oia ia oe."

 

"O Nikola i‘o ka mea nana i kamailio mai ia‘u nou, a o ka mea oiaio wale no kana i kamailio mai ai, aole he hoopunipuni iloko o kela kanaka."

 

HIki hou ole iho la ia Haka Kenede ke hoomanawanui ka mea ua ahuwale kona mau ano apau imua o Beka kaikamahine, o kona hopu mai la no ia i na lima o Beka, a kama@@@ aku la noloko o ka hale, no ka mea aia laua ma ke puka kahi i ku ai. Ua hele loa o Beka a piha i ka maka‘u , eia nae aole he hiki iaia ke kahea ae i mau kokua, ua like maoli @@ me kekahi mea lolo, i kau a mea o kona piha me ke kahaha, no kona ike pono ana, i ke kanaka, nana i hoonele mai iaia me kona makua ame ka waiwai.

 

Aohe he kupaka ae o ua o Beka, oiai o Haka Kenede @ @@ ana ikona mau lima, a oiai no oia e noonoo ana, i ka mea h@@ aku a kea kanaka e hana mai ai maluna on a, ua ka‘ika‘ia @ la oia iluna, a hoonohoia aku la maluna o kekahi noho, o ka eleu mai la no ia o Haka Kenede, e pani i ka puka a @@@ me ke ki ana aku, a hookomo mai la i ke ki, maloko o ka pa@@@ o kona lolewawae.

 

"Akahi a nanea ka kaua kamailio ana, aohe mea nana e hokai mai ia kaua. AOle e huli hoi koke mai ana o Nikola, no kekahi mau hora loihi, a aole no hoi oe e hoi ana, me ka pau p@@@@@ o ka‘u mau mea i makemake ai e niele aku ia oe. Alaila o Nikola anei ka mea nana i hoopihapiha ia oe me na olelo hoopunipuni, no ka pepehiia ana o kou makuakane e aʻu? Akahi a maopopo loa mai la na mea apau ia‘u i keia manawa!"

 

Aohe mea hiki ia Beka ke hana aku, ua lilo maoli oia he @@ na kela kanaka. O kela ano koa on a mamua aku, ua auhee aku ia, o ka weliweli ame ka maka‘u ke nohoalii la maluna on a kau a mea o ka hele maoli o na maka o Haka Kenede a hulili. Aole he maopopo iki iaia o ke kumu nui, o ka puka ana aku o na olelo mai kona waha ae, no na mea e pili ana i ka make @@@ @ kona makuakane, malia paha na Beni Kamerona okoa no, i hookomo mai iloko on a, eia nae, ma kona hana ana pela, ua kaumaha aku oia ia Nikola, a iaia pu no hoi kekahi.

 

"Akahi au a ike, ua lokahi like kou manao me ko Nikola no ka imi ana aku i ke alahele, e hoohokaia ai o Mr. Makuaia, me ka loaa mai ia olua o kekahi makana kiekie loa, no ko @@@ la e hoohuiia ai ma ka mare, a e nele loa au ma na ano apau. He keu aku no paha ko olua piha maalea, eia nae, aole e hookoia ana ia mau kuko palaualelo, aole loa."

 

Ke pono kamailio wale la no o Haka Kenede, iloko o kona noonoo uluahewa, me ka nana ana ma o a maanei o kela rumi, alaila haka pono aku la kona mau maka, makahi a Beka e noho mai ana, me ka pane hou ana aku:

 

"O Nikola hoi paha ka mea nana i kamailio mai ia oe, na‘u i pepehi i ko makuakane ea? Aole he pololei iki o ia mau ol@ aole na‘u i pepehi i ko makuakane, aka o Mr. Makuaia ka mea nana kela hana, a ua hiki loa ia‘u ke hooia aku. Aole loa e hiki ia Nikola ke hooili mai i ke hooili mai i ke karaima a‘u i hana ole ai, maluna o‘u.

 

"Ina o Nikola kekahi maanei nei, manao au aole oe e kamailio wale ana i kau mau mea i kamailio mai nei ia‘u, a he pomaikai maoli keia loaa ia‘u, i kou hookuu ana ae nei i ka popoki iwalo o ke eke. Akahi nae a pau ko‘u pohihihi, ua hui pu oe me Nikola, a malia, o oukou no apau me Mr. Makuaia no ke ku@ ana mai ia‘u. Ea, pela no ka oe e noho mai ai, me he mea aa la, e hiki ole ai ke kamailio. Ua mumule ia anei oe e keia kaikamahine?"

 

"Aole au i mumule, ua hiki no ia‘u ke kamailio, aka he@ha aku auanei ia mea a‘u e hoike ae ai ia oe?" wahi a Beka, me ka hooikaika ana ae e noho pono iluna.

 

"Ina hoi ha pela, e kamailio koke mai oe, o pa‘iia aku auanei ko waha e a‘u! Aole anei, ua hoopihapihaia aku oe e Nikola ma ka olelo ana, o oe ke kuleana i na dala a MR. Makuaia e ai hookano mai nei? Aole anei, ua hoike pu mai oia ia oe, @@@ hoi hou mai ana o Mr. Makuaia i na dala apau i kuleana ai ka makuakana?"

 

"Aole au e pane aku ana i kena mau ninau au!"

 

"O kau paha kena e kamailio mai nei, aka aole loa e hiki i k@@ waha ke paa aku, ke hana aku au i kekahi mea a hamama @@ ko waha. Heaha ka hana nui au i hele mai ai i keia la no ka ike ana ia Nikola? Auwe, i lawe mai nei ka hoi oe he leka haawi iaia, e haawi koke mai oe i kela leka ia‘u."

 

Ke puliki la o Beka i ka leka iloko o kekahi lima, me ka @@@ ana mai e hookomo iloko o kona lole, ua lele mai la nae o Kenede e aumeume me ia, ahiki i ke ku okoa ana ae Beke iluna me ka holo ana aku no kahi o ka puka aniani e hamama@@@ ana, a mai lanakila ole no o Haka Kenede maluna o Beka o ka paa wale ana mai no o na lima o Beka i ka hopuia mamua o ka hoea ana aku o na kaikamahine nei no kahi o ka puka ana pela iho la i lilo mai ai kela leka ia Haka Kenede.

 

I ke ko ana o ka makemake o ua kanaka nei, ua loaa ka leka, huki aku la oia ia Beka, a kiola aku la noluna o k@ moe o Nikola, me ka hele nae a nui ka hanu, me ka hoke o mai hoi i ka hoopuka i olelo hailiili.

 

Aohe mea hiki ia Beka ke hana ae, aia oia iloko o ka mea o kela kanaka ino, o ka hana pono wale no, o ia ka noho m@@ ana , a kakali aku ana, o kekahi mau hana hou ae a kela kau i manao ai e hookau mai maluna on a.

 

Ke heluhelu la hoi o Haka Kenede i leka, me kona po@@@ no, ahiki i kona nana okoa ana mai no kahi a Beka e moe ana, a i mai la.

 

"Ua maopopo no anei ia oe owai keia mea o Pita Nikola?"

 

"Aole a‘u mea i maopopo!"

 

"Mai huna mai oe i ka mea oiaio, ua ike no oe i keia @@ Nikola. Ihea keia leka o ka loaa ana ia oe?"

 

"Maloko o ko‘uhale ma keia kakahiaka, ua haule mai ia @@ kola mai, ma ka po nei."

 

"Pela i‘o ka, a eia ihea kou hale kahi i ku ai?"

 

"Aia ma kahi o na kauhale o na kanaka hana."

 

"Ae, ke maopopo la kena mea au e kamailio mai la ia‘u a @@ anei keia mau huaolelo i kakaku mawaho o ka wa-hi?"

 

Aole o Beka i pane aku i kela ninau a Haka Kenede, @@@ ke hoomaopopo aku la oia i ka manao o kela kanaka, o ia @ ka noii pono ana mai i kana hana ame Nikola, nolaila n@ mumule wale iho la no oia, me ka noke ana ae o ua o H@@ Kenede i ke kamailio:

 

"O kela wahine nana keia leka i kakau, a i kapa i kona @@o o Anati, ma ka‘u koho, me he mea la, he kamaliiwahine @a pehea ua maopopo no nae paha kela wahine ia oe ea? Ua maopopo no anei ia oe ko PIta Nikola kulana oiaio? E pane koke mai oe ia‘u!"

 

(Aole i pau)