Ka Nupepa Kuokoa, Volume LXI, Number 30, 27 July 1922 — MAEMAE KA MALAMA IA ANA O KA MAKEKE AALA. [ARTICLE]

MAEMAE KA MALAMA IA ANA O KA MAKEKE AALA.

Ma ka nanaia ana o na wahi apau o ka Makeke Aala e na lunanana o ka Papa Ola, aohe mea e hoohalahala ia iho ai ka noonoo, a ua kaena ae hoi na lunanana o ka Makeko Aala ka helu o na makeke i malamaia me ka maemae loa ma na wahi apau, me ka maemae pu o na mea ai e kuaiia mai' ana malaila, mai na huaai, ka i'a ame ka i'o bibi. Lehulehu na launahele aiia ame na huaai, i ikeia na kumukuai kupono i kanu a i hoouluia maluna o na aina mahiai i oua ia e ka poe na lakou e kuai mai nei ia mau mea ma ka Makeke Aala. O kekahi o na aina mahiai a hooulu i na meaai nona lea nui o 52 eka, mailaila e hoolakoia ae nei na meaai ame na huaai i kekahi o na kanaka kuai nui loa i na mea ai ame na huaai o na ano like ole' i hoouluia maluna 0 keia mokupuni, komo pu me ke kalo ma ia makeke. Aia maloko o ia makeke' he 20 ka nui o na pakaukau kuaiia ame P°i, o ia mau pakaukau apau ua malama wale ia no me ka maemae. 1 keJa ame keia po e holoi ia an& ia mau pakaukau. O ka poi, ka i'a ame kekahi meaai punahele i na Hawaii e loaa ana malaila me na kumukuai oluolu loa. Aole no i mamao ioa ka Makeke Aala mai ka poe e hele ae ana i na halekuai no ke kuai ana i kekahi mau mea liilii, he elua jnau alanui akea e hamama mau mai ana e hoea ak'u ai ilaila; no ka malamaia ana °ia makeke me ka maeniae ame ka honohonoho a hooponoponoia ana o na pakaukau ame na mea kuai apau ua haawiia "aku na mahalo a nui i lunahoohanaj o ia makeke oia o Mr. Kee.