Ka Nupepa Kuokoa, Volume LXI, Number 30, 27 July 1922 — Eia na Moho Elele Lahui Eha ke Hooikaika Kalaiaina Mai Nei He Ekolu Mau Moho ma ka Aoao Repubalika me Hookahi ma ka Aoao Demokarata e Haha Mai Nei i ko Lakou Ikaika [ARTICLE]

Eia na Moho Elele Lahui Eha ke Hooikaika Kalaiaina Mai Nei

He Ekolu Mau Moho ma ka Aoao Repubalika me Hookahi ma ka Aoao Demokarata e Haha Mai Nei i ko Lakou Ikaika

Hakalia no apau ka ahaelele hana kahuahana" a ka aoao Repubalika, ma ka Poalua o ka pule aku nei i liala, o ka hoomaka koke no ia o na moho elele lahui, e hele e hooikaika kalaiaina, no ka haha ana i ka manao o na mana koho baloka, no ka lakou moho elele i makemake ai e hoouna no Wakinekona. Ile elua mahina okoa i koe, alaila hoea mai i ka wa o ke koho baloka "wae moho, no ke kulana elele lahui i Wakinekona, a pela hoi no na kulana o ka ahaolelo kuloko, iloko nae o keia mau mahina fl e nui ana na hooikaika ana ma ka aoao o na moho, i wahi e loaa ai ka lanakila. Ma ka aoao Eepuhalika, he ekolu mau moho i maopopo loa i keia ma* nawa, oia na Senatoa Charles E. King, John H. Wiso ame ka Lunamakaainana Norman K. Lyman; a ma ka aoao Demokarata hoi, he haokalii wale no moho i maopopo, oia ka Makai Kiekie W. P. Jarrett. No ke komo kino ana aku iloko 0 na hooikaika kalaiaina ana, i haalele iho ai o Senatoa C. E. King 1 ke kulanakauliale nei, ma ka Mauna Kea, o ka Poakolu o ka pule i hala, no Hawaii, a ma ka Poaha mai hoi, i haalele mai ai o Senatoa J. H. Wise no Kauai; a ma ka Poalima mai hoi, i hala aku ai o W. P. Jarrett no Maui, me ka hooka'ulua iki ana iho o Nonnan K. Lyman no Honolulu nei no kekahi mau la, no ka haha ana i kona kulana ikaika iwaena o na mana koho o Kakuhihewa nei. He hookahi manao nui, o ka holo ana aku o W. P. Jarrett, 110 ka hui pu ana aku no ia me Kauka kekāhi -o na alakai Demokarata ikaika loa o Maui, oiai, o ke kanaka hopohopo wale no ia, a na Demokarata, no ka holo ku-e mai ia W. P. Jarrett, eia nae, ma ka manaoio, o ka hapanui o na Demokarata, aole o Kauka Baymond e holo moho elele lahui mai ana, a i ole, o kekahi mea e ae paha iloko o kela aoao, no ke ku-e ana mai ia Jarrett. He hana paakiki ka hiki ana iloko o keia manawa, e maopopo, ke leulana ikaika o na moho, he hookahi nae mea hiki ole ia kakou ke hoohewahewa, o ia no ka hahana o na pi*io ana iwaena o na moho Repubalika, mamuli o ko lakou nui loa, a e maalahi aua hoi ka moho Demokarata, ina he hookahi wale no o W. P. Jarrett, e holo mai ana ma kona aoao kalaiaina. Ma ka manawa iho nei nae e noho ana o ka ahaelele Repubalika, ua loheloheia ae, ma o na elele la, no ka ikaika o Nomian K. Lyman, ma Hawaii Hikina, r.ka ma Hawaii Komohana, aole ka ona ikailea loa malaila aka aia ke kakoo ana a na

mana koho o kela hap-i o Hawaii, mahope o J. H. Wise, me ka loaa no nae he heluna nui o ka poe e kakoo ana ia C. E. King ma Hawaii Hikina ame Hawaii Komohana. No ka Moku o Kama, wahi a kekahi mau elele, o Maui, o ka hoea ana mai no ka ahaelele Repubalika, o John H. Wise, ka moho ikaika malaila, a wahi a lakou, he hookahi kumu o ka ikaika,- o ia no kela hoopaa a lea Elele Baldwin i liaawi aku ai. ia Senatoa Wise, ina aole oia e holo moho elele hou alaila e kokua aku ana oia, no ka lanakila o Wise, ma ia kulana. Ma ke ano nui nae ke olelo ao iloko o keia manawa, aole c maopopo pono, ke kulana oiaio o keia mau moho, ahiki i ke kokoke loa ana aku i ka' pule e malamaia ai o ke koho baloka wae molio; nolaila o na walaau o keia mau !a, ame na lono lauahea, lie mau mea hiki ole ia ke hilinaiia aku, o kela maoli ka mea oiaio. Ma ka la ehiku, o ka mahina o Sepatemaba, e pau ai ka hookomo anft ae i na palapala noi holo moho, ahiki mai nae i keia manawa, aole he hookahi o na moho i l\ookomo. ae i kona palapala holo molio, me he mea la nae, eia ke paaia mai nei iloko o ka lima o na hoaloha, no ke kakau ana mai o na makaainana koho baloka, i ko lakou mau inoa. He nui na manao kohokoho wale e. loheia aku nei i keia mau la, o ka kekahi poe e manao nei, a e kamailio nei no hoi, o W. P. Jarrett, ke koho maoli ia aku ana i elele lahui mai Hawaii aku nei no Wakinekona; iloko nae o ka noonoo o na Repubalika, aole o lakou. mauaoio, he lanakila kekahi e loaa ana i ka moho a ka aoao Demokarata, aka e kaa ka lanakila o ka paio kalaiaina, ia Senatoa J. H. Wise, a o ka kekalii poe hoi, ia Norman K. Lyman. Ua maopopo i na Demokarata ke kulana o na moho, ma ka aoao Repubalika e holo nei, no ke kau koho baloka wae moho, a ina o W. P. Jarrett hookahi wale no ka moho ma kela aoao, alaila e hooikaika ana na Demokarata, e kaa ka. lanakila, o ka waeia i kekahi moho Repubalika, ma ke koho anai ka moho nawaliwali loa; *no ka lakou manaoūo, pela wale no e loaa i'o ai ka lanakila i ka lakou moho, ma ke koho baloka laula, iloko aku o ka mahina o Novemaba. O kela moho nawaliwali nae ma ka aoao Repubalika, i manaoia, e kokua mai ana na Demokarata no k°na waeia, he ninau pohihihi no ia i keia eia nae e hoea mai ana no i ka wa e maopopo ae ai, ma keia īnua koke iho, i ka manawa e malamaia aku ai na halawai akea, ma kela ame kei - . wahi.