Ka Nupepa Kuokoa, Volume LXI, Number 30, 27 July 1922 — EHA POE E ALUALU NEI I KE KULANA LUNA AUHAU. [ARTICLE]

EHA POE E ALUALU NEI I KE KULANA LUNA AUHAU.

E hoakaka ana ka Nupepa The Garden Island o lulai 18, eha poe e alualu mai la o ka Mokupuni Kihapai no ke kulana luna auhau no ka apana o Kawaihau, no lakou keia mau inoaa, K. Masunaga, Arthur Wong, N. K. anie Sam Keliinoi," a ma kekahi la o ka pule aku la i hala e maopopo ai ka mea o lakou e haawiia ana, ma ka manawa a ke komite kuwaena o ka aoao Bepubalika e halawai ai a haawi i kana noonoo ana maluna o ia kumuhana. No Masunaga, he kokua luna auhau oia no kekahi mau makahiki i hala a ua ikeia kona makaukau ame kona hoopono ma ia lianu iloko o kona miiu mdnawa o ka lawelawe hana ana me kona poo maluna ae ona, oia ke kanaka a ke komite hooko o ka aoao Repubalika o ke kalapu o ka Apana o Kawaihau o ke apono ana, aka nae, koe keia, e lilo ana anei ka hoapono ana a ke komite hooko o ia kalapu i mea koikoi na ke komite kuwaena Repubalika e kalele ai i kana olelo hooholo a apono aku?

No Sam Keliinoi ame N. K. Hoopii lie mau kanaka laua i komo poo iloko o ka ehaeha o na hana kalaiaina, ma ia ano e lilo ana palia auanei laua i» mau hoapaonioni e lioohapakue ai i kana mau hooikaika ana no ka lilo o ia kulana hana iaia.

No Arthur Wong he kanaka oia i lawa i ka maksukau no ka lawelawe ana ia hana no ka mea he lunahooia ka oia a he kanaka malama buke moowaiwai i mahalo nui ia, o Ha mea wale no nana e hooholo a e apono i ka mea e hookauia aku ai o ia hana o ia no ke Komite Kuwaena Repubalika o ke Teritore.