Ka Nupepa Kuokoa, Volume LXI, Number 30, 27 July 1922 — E LOAA AE ANA KEKAHI KOKUA I KA MAKEKE OAHU. [ARTICLE]

E LOAA AE ANA KEKAHI KOKUA I KA MAKEKE OAHU.

Mamuli o ka hoakaka ana ae o ka Papa Ola i ka maemae ole o ka malamaia ana o ka Makeke Oahu e ku nei ma ke kihi o na alanui Kekaulike ame Moi, a i waihoi'a ae ai hoi ia mapao imua o ka Loio Kuhina Harry Irwin, ua hoakaka ae ka loio kuhina i kona manao e loaa ana no kekahi hoomaopopo ana i kulike me ka makemako o ke aupuni, ma nei mua kQke iho mawaena o ke aupuni ame ka ona o ia makeke ame ka poe na lakou i hoolimalima ia makeke. Ma ka nana ana a ka Papa Ola ua loaa ka ike iaia o ka laina paipu hookuu wai o na mea ino ka i kupono ole ka hanaia ana, o ka mea i makemakeia no na paia o na pakaukau kuai i'a a pela aku, e pono e penaia, a o na kaupoku kulu e pono e hanaia ae a paa e pau ai ke kulu ana, no ka mea, i ka manawa ua ua kulu iho na wai lepo mai kaupoku iho maluna o na meaai e iihu ana maloko o ka makeke e waiho wale ana no ke kuaiia ana aku, ua lawa ole ka puka wai e hookaheia aku ai o na wai ino, a ua ku maoli ka niea e lilo ai i mea lioopilikia i ke ola o ka lehulehu, a o ia mau walii apau he mea pono e hana hou ia ae a like ka maikai ame ke kupono nie ka mea i makeinakeia. X kulike me ka hoakaka a kekahi olelo hoholo i hoopukaia ae e ka Lunakanawai Cornel Franklin, "he hana ia na ka poe na lakou na pakaukau kuai he 3 ka nui, ka poe na lakou i hoolimalima i ka makeke no 50 makahiki, ka hoomaemae ame ka ha'na ana ae i na wahi o ka makelee e ikeia ana ka pilikia." Ua hoikeia aku ia mea ia lakou, o ka lakou pane ua hiki ole e loaa kekahi mau hoomanao a kuka like ana me ka ona o ka makeke mamuli o kona haawi ole mai i ka mana ia lakou e hana ae i na wahi e ikeia ana ka pilikia ame ka hoomaemae pu ana i ka makeke.

' Ma 1 ka Poakahi iho nei ka hoakaka ana ae o ka loio ma ka aoao o Ah Nin, ka ona o ka Oahu Makeke, i ka loio kuhina, no ka ae ana o Ah Nin e uku i ka hapalua o na hoolilo ana i koho wale ai e hoea aku ana mawaena o ka elua ame ka ekolu kaukani dala, ina nae e ae aan ka poe na lakou i hoolimalima, i na pakaukau « uku i ka hapa aku i koe o na hoolilo. No keia loaa ana ae o ka hoakaka i ka loio kuhina ma ka aoao o Ah Nin, ka ona, i loaa ai he manaolana e hiki mai ana i ka manawa e hoopauia ae ai ka hoopaapaa mawaena o na aoao elua no ka pomaikai ame ka palekana o ke ola o ka lehulehu, me ka lawe ole ae ia hihia imua o ua' aha hookolokolo.