Ka Nupepa Kuokoa, Volume LXI, Number 30, 27 Iulai 1922 — HOOKAUIA MAI KA HOOPA'I MALUNA O GEO. KAHIKIWAWE. [ARTICLE]

HOOKAUIA MAI KA HOOPA'I MALUNA O GEO. KAHIKIWAWE.

Maloko o ka aha hookolokolo kaapuni a ka Lunakanawai Frank Andrade o ka Poaha aku nei i hala i kauia mai ai ka hoopa'i hoopaahao maluna o George Kahikiwawe, ke kolu o na keiki Hawaii i hoao ai e hoopoino i ke ola o Irvine ma ke Awawa o Manoai ma kekahi manawa i hala aku nei, a ola no hoi ke keiki opiopio loa o kela mau keiki, nona na makahiki he 17 wale no, e noho oia me ka hana oolea maloko o ka halepaahao Teritore ma Kalihi no ka manawa aole e emi iho malalo o ka elima, aole hoi e oi aku maluna o ka 10 makahiki, o na koina o ka aha ka i hoihoi hou ia aku iaia.

O keia ae la no ka hoopa'i like i kauia aku maluna o na keiki e ae oia o Palama ame Kamai, no ka hoao ana e hopoino i ke ola o Irvine. No ka powa hna o Palama ame Kamai i kekahi kane ame kekahv wahine maluna o ke Alanui Prospect, oia o Williams, a hiliia ai kona poo me ka pauku liao paipu a i lilo mai ai he 95 keneka mai ka wahine kokoolua mai o Williams, a pela hoi me kekahi uwaki ame ka puuwai uwaki, ua hoopa'iia laua apau ke ola, a laua o ka halepaahno e noho ai i ke koena aku o ko 4aua mau la o ke ola ana, ke ole e huikalaia aku e ke kiaaina.