Ka Nupepa Kuokoa, Volume LXI, Number 30, 27 July 1922 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

                                                            Huaka’I Makaikai

                                                            No Kaupo, Maui.

 

Pau keia wahi hana, ua hele aku makou e nana I ka heiau I’a he @ a ke’a kekahi mau inoa. O keia heiau aia no ma keia wahi makou I nana ai I ke kii pohaku, a penei kona ano: He 26 kapuai ka loa, 13 kapuai ka laula a ka 4 kapuai ka laula o ka papohaku ma waho a he 1 1/3 kapuai ke kiekie a ka aoao oloko mailuna mai o ka papohaku ahiki I ke kahua. Aia waenakoau he kuahu, he 3 kapuai ka loa a he 4 kapuai ka laula I ha@ me ka pohaku ala liilii maikai. Aia ma ka hema hikina I ke kihi, e kapuai nona hoi ka laula he 4 kapuai. E waiho ana no na pohaku kapuahi. Imu ame ka lehu. Aohe hookahi pohaku puna oloko o keia wahi, a I ole hoi iluna oka papohaku, aka ua haliiia apuni I ka pohaku Iliili maikai o kahakai.

He 100 kapuai ka mamamo o ke kai mai keia wahi aku, a e waiho ana keia heiau iluna o kekahi wahi ano kiekiona ma ka aoao komohana o ke awapae o Nuu, pili I ke kumu pali pohaku. Ua loaa ia makou iloko o ke kuono pohaku ala I owiliia me na nupepa ka Hoku o Hawaii, Novemaba 30, 1916.

I ka pau ana o keia hana ua hoi mai makou a luna o ka papohaku mai, I kahi oluolu ai kahi aina awakea. O ka 12:30 p.m., ia ia Manawa. Ua pau ka hora okahi haalele makou I keia wahi, no kauhale o Nuu. A iloko o na minuke o ia hele auau ana aku, ua hiki mai makou I ka hale a lululima aloha iho la me @ kamaaina.

Ua hoakaka aku ko maua hoa I ka maua hana, o ka hiki ana mai, o @ hoi, I hoounaia mai maua e ka hale hoikeike ( Museum no ka huli ana I a na mea e pili ana I ka heiau amen a mea kahiko apau o kela ame keia ano. Ua makemakeia keia mau mea e loaa, a e malamaia no ka pomaikai o ka ike naauao ame ka poe apau e makemake ana e heluhelu I ka moolelo Hawaii o ke au kahiko. E pili ana I keia mau mea. Ua ninau aku makou I na paha ua Ike maka kekahi o lakou I ke kii pohaku, me ke kuhikuhi pu ia ana I kahi a makou I ike ai, ua hole mai lakou.

He elemakule e Alapai Kapaeko kona inoa, ka I olelo mai, ua lohe lohe wale no oia, he kii ko ia mau wahi, koe nae kona ike maka ana. @ na makahiki I ka haneri a oi a peni I maopopo ai ia makou. Ua ninauia aku oia I kona makahiki I hanau ai, aole I maopopo iaia. Aka, wahi ana, ua nui oia make ke alii Liholiho, Kamehameha II. Ua nana iho makou Iloko o ka buke, ua hele lako makaukau mai no maua me na buke moolelo amen a palapala aina o Kaupo, nei , a oia ka mea I loaa:

Ua make ka Moi Liholiho I ka la 13, o Iulai 1824, ma Ladana, Enelani. Ua ninau hou ia aku oia pehea la kona nui ia manawa. A ua olelo mai oia ua like me kahi moopuna ana e paani mai ana. Ua nui no keia moopuna, he eiwa a umi paha makahiki. He nui ka makou mau ninau hoopahele e pilikia ai kahi elemakula. Aka, aohe hiki ia makou e @ iaia. Nolaila I ka makou hoomaopopo ana ua piha io no I keia elemakule Hawaii ka haneri a oi makahiki. O ke ola keia a ke Akua loihi na la iluna o ka aina @ I haawi mai ai no kakou. He kakaikahi loan a kanaka Hawaii I kona keia mau makahiki loihi.

Ua ninau hou aku makou ina pa@ ua mopopo ia lakou na mea e pi’I ana I ka heiau I’a, a ua olelo mai lakou o Kenui ka mea I maopopo no ka mea he kanaka lawai’a oia. La manawa ua kahea aku e Joseph Marciel ia Kenui e hoi mai. E mahiai ana oia iuka aku no, aolo I mamao loa mai ka hale aku, a no keia leo kahea ua haalele koke oia I kana hana. Ua kali iki makou ahiki mai oia. Pau ka lululima aloha ana a noho iho o kenui ilalo ua ninau aku ko maua hoa ina paha ua mopopo iaia kekahi mea e pili ana I ke kii pohaku. Ua ae mai @ a ua olelo mai ua ike oia I kona wa kamalii. He kanalima makahiki paha a oi I hala ae nei.

Eia no o Napeha ka ola nei, aka, o kona wahi noho, aole I maopopo iaia. He 60 a oi makahiki o Kenui. Ua ninau hou ia aku oia ina paha he pena no ka kanaka o ke au kahiko ua ae mai oia. He elua pena a kahiko, he alae lepo ulaula, a he alae I ku’iia me ka wai oke kukui ame kawai oka ulu. He pena paa loa keia aole mea e pau ai. O keia hoike ua kulike loa me kea no o ke pena a makou I ike ai iluna o ke kii pohaku. He hana nui maoli ka hanaia ana o na kii pohaku I penaia, ina pela iho la I hanaia ai. Aole hookahi kumu kukui a ulu ma keia mau wahi o Nuu nei, aia iuka o Kaupo e loaa ai, a iuka no hoi o ke kuahiwi he mau @ ka loihi. O keia kekahi hoike aole na kamalii I hana keia mau kii I penaia, no ka mea, aole paha lakou e hele ana I keia loa no keia mau mea a hoi mai @ I ke kii apau, pena a I ole malia paha ua malama ne kanaka I keia ano pena I ka hale a lilo I kamalii I mea pena kii.

Pau ka makou kamailio ana no ke kii pohaku, ua ninau hou ia aku o Kanui no ka mea e pili ana I ka heiau I’a, a penei kana hoakaka: O ka heiau ia, he heiau ia no ka hoouluulu ana I ka I’a o keia ame keia ano elike no hoi me ka makemake. He kuula kehai inoa he akua keia no ka poe lawai’a, a he akua keia no ka poe lawai’a, a he ko’a hokahi inoa mamuli o ka halii ia ana o ke kahua mohair me ka pohaku puna kookea o kahakai. Penei ka moolelo o Kuula:

Eia na inoa o na akua lawai’a: O Kuula ke kane, o Hina ka wahine, o Aiai ke keiki; o Aloa, ma Hana, Maui, ka aina noho. Iloko o ia kau e alii ana o Kahealii no Hana, a o kona wahi noho, o ka puu o Kauiki, a o kana mau lawai’a, o Kuula ma. Hoouna aku la o Kahoalii I kona mau kahu e kii I I’a; pela no ka hana mau ana a ke alii ahiki I kona huhu ana I na lawai’a. I ka holo ana aku a na kahu imua o Kuula ame Hina, haawi mai la laua I ka I’a he kahala; a olelo mai laua me ka pololei I na kahu penei: “E hoi olua a ke alii olelo aku, e kaha ka I’a, e kepi ka io e kalua ka iwi I ka imu, a mo’a ai no ka mea he au-pehu, E kai e Kama, Ka I’a o Lanakila, Eia e Hana la, He aina au pehu.

O ia na olelo a na lawai’a, I na kahu o Kahealii. Ahiki na kahu imua o ke alii, o Kahoalii, olelo aku la me ka hoopunipuni, a me ka opa, Eia ka olelo a na kahu: “ Olelo mai nei au lawai’a e kopi ko I’o o hoolua ke poo ame ko iwi I ka imu.”

I ka lohe ana o ke alii I keia mau olelo opa a kona mau kahu, huhu iho la oia, a kena aku la e make na lawai’a, oia o Kuula ame Hina.

Hele aku la na kanaka ma ke kauoha a ke alii, e puhi I ka hale o Kuula I kea hi Eia nae, he ano akua ko Kuula ame Hila a ua lohe no I keia make o lakou ike alii. Nolaila hoomakaukau iho la I ekolu uli-liilii, (e ia he ipu liilii) I mea hoopahu I kea hi, I ole lakou e make. O kuula, O hina, O Aiai, iloko no lakou o ka hale. Puhiia Ka hale I kea ahi, paniia na puka a paa o ka hale. Nolaila, olelo aku o Kuula I ke keiki: “E! o o eke ola, o maua ke make. Ina I moe ka uwahi o kea hi mauka, malaila oe o hele ai a kahi e noho ai, o maua hoi, @ hoi maua iloko o ke kai e noho ai. “

I ka wa I a ai kea hi apuni owaho o ka hale, moe aku la ka uwahi mauka. Hele aku la e Aiai a noho I ke ana, he wahi e aku, a o na makua, hoi aku la laua ma ka uwahi e moe ana iloko o ke kai a loko o ka moaua noho. O na uliuli ekolu I hoomakaukauia ai, o ia ka mea I poha iloko o ke ahi, a manao iho la ke alii ua make o Kuula ma I kea hi, ma ke pahu ana o keia mau mea.

Ma keia holo aua o Kuula ame Hina, aiai, ua lawaeia na I’a apau loa aohe I’a koo o ke kai a me ka moana, e pili ana me Hana. Aole loaa iki ka I’a I na lawai’a a Kahoalii, no ka mea, he kino I’a o Kuula ame Hina.

O Aiai hoi, hele aku la oia a he wahi ana I ke kipapali, kahi I pili ai. Malaila oia I noho pio ai a loaa ia Pilihawawa. Lawe aikane ia oia ahiki I kona hale, noho iho la laua. Mahope o keia noho ana he mahiai ka laua hana, a loaa ka ai, aohe I’a. Olelo aku o Aiai I ko aikane, o ulana hinai hooluuluu hinalea. Ulana iho la laua a paa, iho aku la laua ahiki I kaheka kai, kukulu hio la I ka hinai, a kahea aku la o Aiai I ka I’a I na makua: E kuula ame Hina, Ehookomo mai olua I ka I’a, O Ka pua hinaea, ame ka opule. I aku la ho Hina ia Kula: “E haawi ae oe I I’a na ka kaua keiki.”

Iloko o keia wa e ku ana ka hinai, ua komo ka I’a a hu iwaho, ua piha loa I ka ia. Nolaila, ohi ae la ke aikane o Pilihawawa I ka I’a a waiho I ke one maloo. Hoouna mai la no o Kuula I ka nalu, popoi iho la no pau loa kai’a I ka moana. O na I’a I malamaia iloko o ka ipu koe.

Pela kea no, ka lawai’a ana, ame ka hoomaka ana o ka poe lawai’a ahiki I keia la. He pohaku maoli o Hina e waiho nei ahiki I keia la, a he mau inoa I’a kona, eia na inoa: O ke aku, o ke akule, o ka oio, o ka moi, o ke au, o ka manini.

Pela no o Kuula a me Aiai, he mau pohaku I’a no, a he mau kapu no ko lakou ahiki I keia la. He kapu na mea ulaula ia Kuula, o ia ka puakai ka pakohukohu, kela mea ula keia mea ula, a pela aku no.

Nolaila, ma o Kuula la I laha ai na lawai’a apau loa, amen a I’a ma keia mau mokupuni; a noloko mai olaila na kumu o ka lawai’a. O ka heiau I’a a oukou I nana mai nei he akule kona I’a.

He makuakane lawai’a ko’u a mai iaia mai no ko’u wahi ike uuku I ka lawai’a. He nui na ano o ka pohaku kuula he ako’ako’a kekahi ano pohaku, a he pohaku maoli no kekahi ano. I kekahi poe o keia pohaku kuula, he pohaku ia I ili mai ka makua a I ke keiki ahiki I ka hanauna hope. I kekahi poe, hoi ulia laki wale no ka loaa ana o ka pohaku kuula, elike paha penei, hele oe I ka lawai’a kukaula I ka moana lipolipo, a lou I kau makau ho pohaku ako’ako’a. Hoihoi mai @ I keia pohaku a waiho iuka o ka aina. Mahope mai loaa ia oe he moeuhane me ke kii ana I keia pohaku, a hoihoi mai I kahi maikai no ka malama ana. Na keia pohaku no e hoolale ia oe no ke kii ana I na meahana no ka mohair ana, I loaa hoi ka pomaikai. He ihiihi ka malama ana o ke kuula, a pela no ke kii ana I na mehana. O kekahi mau meahana maamau o ia hoi kela, puaa, mo’a I’a ula.

Aole I pau.

He Hoaloha No Ko Makou Papa Aloha

I ka Nupepa Kuokoa: E oluolu hoi oe e hookomo iho ma kauwahi kaawale o kou mau kolamu, no ka makou papa aloha haalele mai I keia ola ana I ka la 10 o Iune hora I mo hapa.

Owau o kana kaikamahine, ame ka’u kane, ame kana mau moopuna ka ike hope I kona aho hope.

He ma'i huki kona ma'i i make koke ai, in a aole oia i loaa i kela ano ma'i, aohe oia e haalele koke mai ia makou.

O kuu papa aloha Oliva Alapa, ua hanauia oia ma Kaaua Alapa, o kona mama o Kuahua.

He nui no lakou i hanauia mai ai, ua pau loa no i ka make a koe hookahi oia, a haalele mai la no hoi oia, apau loa.

Ua mare ko makou papa i kana wahine mua, a make no oia; mahope mai, mare me ko makou mama Pahuaniani Makakao, mailoko mai o laua he 10 keiki, 8 keikikane, 2 kaikamahine, ua lawe aku no ka make, a koe 3 no makou @ ola nei, 3 keikikane me 1 kaikamahine. Ua make mua no ko makou mama; he 25 makahiki i hala ae nei.

I ka makahiki 1897, haalele ma kou ia Hawaii nei, a hele aku i Mauna Pohaku, no ko makou papa ka hele, hele pu me keiki.

Ua mare hou oia i ka wahine kuu anate ponoi, 2 a laua kaikamahine pau loa no i ka make. O Iosepa ka aina ia o ua Hawaii. Ua noho hoomanawanulia ka noho ana o ka aina anu, a haalele aku makou i ka noho ana olaila, huli hoi hou mai i ka aipahanau, i ka makahiki 1916; hoi mai a noho ilalo o Laie, a haalele mai kana wahine iaia, 3 makahiki i hala ae nei, kona make ana, a uhai aku la no hoi oia mahope.

No'u no kana kaikamahine ke koho aua i ka aina o Waiakea Homestead nei, hoi mai la oia, a noho pu me a'u, noho no hoi me ka hoomanawanui, i kela makahiki aku kona hiki ole ke hana i ka @ mai on a wawae, iloko no o ia eha, e hana ana no oia, eia ka e haalele hookahi mai ana oia ia'u e noho i keia aina malihini, aole au i kunu kunu i ka malama ana iaia, aka ua kii mai la no ko kaua Makua Lani a lawe aku ia ia, o Kona makemake ke hanaia.

He hoahanau kuu papa no ka Hoomana o Iesu Kristo o ka Poe Hoano o na La Hope nei.

Ke mahalo aku nei au i ko'u poe hoaloha i ko lakou hele ana mai e ike i kuu papa, me ka lakou makana pua, no lakou ko'u mahalo nui, a pela pu no ho'i me ke kalana i ko lakou haawi ana mai i pahu no kuu papa e hiamoe ai, ame ka eli ana i ka lua, no lakou kou mahalo nui, no ka nele mai hoi ke kumu hiki ole ke alo ae.

Kanuia kuu papa aloha ma Alae Cemetery, Hilo, Hawaii.

Na Mr. George R. Sims i hoopomaikai kona lua.

O makou o kana mau keiki i hooneleia i ka papa.

Mrs. Ana Hoopiiaina, me ka Ohana.

Hoolaaia Na Luna Nui O Ke Kula Sabati O Ka Ekalesia O Paia, Maui.

Mr. Lunahooponopono, Welina nui kaua; E oluolu mai kou ahenui e hookipa mai ma kahi kaawal o ka kaua hiwahiwa, ka Nupepa Kuokoa, i kela mau hua palapaia e hhekau pono ae la maluna, a o ia iho noia malalo nei penei:

Ma ka la 9, o Iulai nei, maloko o ko makou botela ma ka Ekalesia o Paia, Maui nei, ua oluolu i ko makou kahu ekalesia, Rev. Moses @ Kahiapo, kona hoolaa ana i na Luna Nui o ke Kula Sabati o Paia, Maui no keia makahiki o @ hou nei, ponei:

Kahu Kula Sabati Apana, Mrs. Daisy Kalaaupa; Hope Kahu Kula Sabati Apana Mr. Kealoha Kalaaupa; Kakauolelo, Mr. Jno. Hokoana; hope kakauolelo, O. Knox Poniaulani; Puuku. Mrs. Quong G@ Lum Ho; Kakauleka, John Hokoana; Hoakuka, Mr. Eddie Aru; Lunahooia, Joseph A. Kaholokula; Kahu Kula Sabati o na Home, Mr. Quong G@ Lum Ho; alakai himeni, Mrs. Rose Milikaa, Elele, Mrs. Rose Milikaa.

Kumu papa o na kane, Mr. Jimmy H. Kahaawinui, Kumu papa o na Makuahine, Mrs. Alice L. Kahokuoluna.

Me ka lana o na manao o kou mea e kakau nei, i keia mau itamu, e loaa mai ana no he mau hookipa ohaoha ana aku,

Kou OIaio,

O. Knox Poniaulani,

Ma Ke Kauoha

Teritore O Hawaii.

Koona o ka Puuku, Honolulu, Oahu

Maka hana e hoopau ana i ke Tong Yip Company, Limited Oiai, o ke Tong Yip Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala nei no ka hoopau ana i ka hui @, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

Nolaila, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa, ma kekahi ano iloko o ka hui i @, e pono e waiho mai i na ku-e ana no ka aoia aku o ka palapala noi i @ maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, he pono e @ kino ae ma ke keena o ka mea nona ka inoa malalo iho maloko o ka Hale Mana Hooke, Honolulu, ma ka hora 13 awakea o ka la i oleloia, a e hoike mai i ka kumu in a he kumu kekahi i wahi e ae ole ia aku ai ka palapala noi i oleloia.

Henry O. Hapai,

Hope Puuku, Teritore o Hawaii.

Honolulu, Iune 20, 1922,

6509-Iune 22, 29; Iulai 6, 13, 20,

27, Augate 3, 10, 17, 24.

Teritore o Hawaii

Keena o ka Puuku, Honolulu, Oahu.

Ma ka hana e hopau ana i ka Island Commercial Company, Limited.

Oiai, o ka Island Commercial Company, Limited., he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

Nolaila, ma keia ko haawiaku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aoia aku o ka palapala noi i oleloia maloko o keia keena mamua ae o ka la 28 o Augate 1989, a o kela ame keia mea e makemake ana e holoheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala nei i oleloia.

Henry C. Hapai

Puuku, Teritore o Hawaii

Honolulu, Iune 20, 1922.

6300-Iune 22, 29; Iulai 6, 13, 20, 27, Augate 3, 10, 17, 24.

Teritore O Hawaii

Keena o ka Puuku, Honolulu, Oahu.

Ma ka hana o hoopau ana i ka Haiku Co-Operative Association, Limited.

Oiai, @ ka Haiku Co-operative Association, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia hui pu me kekahi palapala i hooiaioia i hoohui pu ia me ia, elike me ia i keiia ai ma ke kanawai.

Nolaila, ma keia ke haawila aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aoia aku o ka palapala noi i oleloia maloko o keia keena mamua ae o ka la 7 o Augate, 1922, a o kela ame keia mea e makemake ana e hooloheia aku maluna o ia mea, he pono hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ko kumu, in a he kumu kekahi i wahi e ae ole ia aku ai ka palapala noi i oleloia.

Henry C. Hapai

Hope Puuku, Teritore o Hawaii.

Honolulu, Mei 29, 1922.

6506-Iune 1, 8, 15, 22, 29; Iulai 6, 13, 20, 27, Aug. 3, 1922.

Teritore O Hawaii

Keena o ka Puuku, Honolulu, Oahu.

Ma ka hana e hoopau ana i @ The Hokuitsu Mutual Supply Company.

Oiai, o ka The Hokuitsu Mutual Supply Company, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i @ ai ma ke kanawai.

Nolaila, ma keia ke haawiia aku nei ka hoolaha i kekahi moa, a i na kanaka apau he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aoia aku o ka palapala noi i oleloia maloko o keia keena mamu ae o ka la 29 o Iulai, 1922, a o keia ame keia mea e makemake ana e holoheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale mana Hooko, Honolulu, ma ka hora 12 awakea o ka la i oluolu, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

Henry C. Hapai

Hope Puuku Teritore o Hawaii.

Honolulu, Mei 19, 1922.

6505-Mei 23; Iune 1, 8, 13, 32, 29; Iulai 6, 13, 20, 27, 1922.

Hoolana Kuai O Ka Hoolimalima Aupuni Laula.

Ma keia ke haawiia aku nei ka hoolaha akea, ma ka hora 10 a.m., Poakolu, Augate 2, 1982, ma ka puka komo mamua o ke keena o ka Hope-Akona Aina Mr. F. K. Kalua, Wailuku, Maui, malaila e kuai hooliloia aku ai ma ke kudala akea i ka mea koho kiekio loa, malalo o na manao o ka Pauku 73 o ke Kanawai Kumu o Hawaii ame ka Pauku 390 e na Kanawai Hooponopono Hou ia o Hawaii o ka 1913, ka Hoolimalima Laula e komo ana ka hapa o ka aina Aupuni o Kahikinui, Maui, e moe ana mawaena o na aina o Auwahi ame Nakula, ae holo ana mai ke kai mai, ahiki i ka palena hou o ka Ululaau, Hookoeia o Kahikinui, e kukuluia aku ana ma kahi kokoke loa mawaena o Puu-Kou ame Puu-Pane, nona ka iliaina o 12,655 eka, oi aku a emi mai paha.

E Kuai hooliloia aku ana keia hoolimalima malalo o ke kuleana ma ka aoao o ke Teritore o Hawaii, e unuhi hou ai mai ka hoolimalima mai, ma kekahi manawa, i kekahi hapa, a o ka aina no paha apu i oleloia me ka hookuonoono ana, a i ele no ka hoohana ana aku paha a ke Homisina Home Hawaii, elike me ia i hoakakaia ai ma ke Kanawai Kumu o Hawaii, a e hookomoia kekahi manao hoakaka no keia mea maloko o ka hoolimalima i oleloia.

E holilo pu ia no hoi keia hoolimalima, malalo o na ano ame na kulana mahope ae nei e hookomoia ma ke ano he mau kumu hoopaa maloko o ka hoolimalima e hanaia aku ana.

(1) Manawa o ka hoolimalima 21 makahiki, mai Sepatemaba 21, 1923 aku;

(2) Uku hoolimalima haahaa $1266.00 o ka makahiki, e uku hapa-makahiki mua ia;

(3) E koiia ana ka mea e lilo ai e waiho mai me ke Komiaina, o na Aina Aupuni, mamua ae a i ole ma ke hanaia ana ame ka haawia ana o ka hoolimalima i oleloia, a iloko o kanakolu la, mahope aku o ka la o ke kuai, i kekahi bona kupono a lawapono ma ka huina o $2500.00 me na hope o aponoia o ke Komiaina o na Aina Aupuni, e hoakaka ana no ka hooke pono ia e na kulana apau ame na kumu hoopaa i paa maloko o ka hoolimalima i oleloia;

(4) E kukulu ka mea e lilo ai iloko o hookahi makahiki mai ka la aku o ka hoo maka ana o ka hoolimalima i oleloia, a e malama iloko o ia manawa hookahi malalo o kona mau lilo ponoi, i pa holoholona paa, ma ka palena o ka aina e hoolimalimaia ana, i kulike me na palena o ka Ululaau i Hookoeia o Kahikinui e kukuluia aku ana. Ua hoakakaia no hoi ina e lilo mai @ ka mea hoolimalima i keia wa, o ka aina i oleloia, oia ka mea e lilo ai o keia hoolimalima, alaila o ka pa ana i koila malalo o keia pauku, e kukuluia ia iloko o hookahi makahiki, mai ka la aku i hanaia ai ka hoolimalima i oleloia E kukuluia ka pa i koiia malalo o keia pauku, elike me na koi ana a ka Papa Mahiai ame Ululaau, e pili ana i ke kukulu ana i na Pa o ka Ululaau i Hookoeia;

(5) Ina no ka huki hou ia e kekahi hapa o ka aina i pau ma keia hoolimalima e pili pu la me ka Ululaau i Hookoeia io Kahikinui no ka hookuonoonoia, e hoonee aku ka mea paa hoolimalima i ka pa ma ka palena o ka Ululaau i Hookoeia, a kahi i huki hou ia; @ nae, e lawe mua ia aku na holoholona apau i onaia e ka mea paa hoolimalima, mai ka iliaina aku i huki hou ia

E uku koke ka mea e lilo ai mahope iho o ke kuai, i ka uhu hoolimalima i @ o na mahina mua eono hui pu me na hoolilo o ka hoolaha ana, ame na kuki e ae e pili ana me ka hoomakaukau ana i ka hoolimalima i oleloia

E @ aku no ka Hoolimalima Laula maluna ae malalo o na ano ame na kulana o ka Hoolimalima Apuni Laula, i hoopukaia e ke keena o ke @ o na Aina Aupuni.

Eia ke kii palapala aina o ka aina e hoolimalima aku ana ame ke ano o ka Hoolimalima Aupuni Laula, ma kahi waiho o na palapala, a e ikeia no ma ke keena o ka Hope-Akena Aina Wailuku, Maui, a i ole ma ke keena o ke Komiaina o na Aina Aupuni, Hale Kapitala, Honolulu, T. H.

No ka hoakaka laula, e ninau ae ma ke keena o ka Hope-Akena Aina Mr. F. K. Kalua, Wailuku Maui, a i ole ma ke keena o ke Komiaina o na Aina Aupuni, Hale Kapitala, Honolulu, T. H.

C. T. Bailey,

Komiaina o na Aina Aupuni. Honolulu, T. H., Iune 30, 1922 6511-Iulai 6, 27.

Hoolaha Kuai O Na Hoolimalima Aupuni Laula.

Ma keia ke haawiia aku nei ka hoolaha akea, ma ka hora 1 p. m., Peaha, Augate 10, 1922, ma ka puka komo mamua o ka Haleleka o Hanapepe, Kauai, T. H., malaila e kuai hooliloia aku ai ma ke kudala akea i ka mea koho kiekie loa, malalo o na/ manao o ka Pauku 78 e ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, na Hoolimalima Laula o na Aina Aupuni mahope ae nei:

1. Aupuni 23, na Apana Taona o Hanapepe, Hanapepe, Waimea, Kauai, nona ka iliaina o 7231 kapuai kuea, oi aku a emi mai paha; ma nawa o ka hoolimalima, I0 makahiki mai Augate 10, 1922 aku; uku hoolimalima haahaa, $50.00 o ka makahiki, e uku hapa-makahiki mua ia.

2. Apana 26, na Apana Kanu Laiki me Kula o Hanapepe, Hanapepe, Waimea, Kauai, nona ka iliaina o 8.10 aka, oi aku a emi mai paha; manawa o ka hoolimalima, 10 makahiki mai Augate 10, 1922 aku; uku hoolima haahaa, $40.00 o ka makahiki, e uku hapa-makahiki mua ia.

E uku koke ka poe e lilo ai mahope iho o ke kuai, i ka uku hoolimalima o na mahina mua eono, hui pu me ka hoolilo o ka hoolaha ana ame na kaki e ae e pili ana i ka hoomakaukau ana i na hoolimalima i oleloia.

E kaa aku no ke kuai o na Hoolimalima Laula maluna ae, malalo o na ano ame na kulana apau o ka Hoolimalima Laula Aupuni, i hoopukaia e ke Keena o ke Komiaina o na Aina Aupuni.

Eia ke waiho nei na kii palapala aina o ka aina e hoolimalima aku ana ame ke ano o ka Hoolimalima Laula Aupuni, ma kahi waiho palapala, a e ikeia no ma ke keena o ka Hope-Akena Aina, Hale Aupuni Kalana, Lihue, Kaui T. H., a i ole ma ke Keena o ke Komiaina o na Aina Aupuni, Hale Kapitala, Honolulu, T. H.

No na hoakaka laula, e nei ae ma ke Keena o ka Hope-Akena Aina, Mr. J. M. Lydgate, Hale Aupuni Kalana, Lihue, Kauai, T. H., a i ole ma ke Keena o ke Komiaina o na Aina Aupuni, Hale Kapitala, Honolulu, T. H.

C. T. Bailey,

Komiaina o na Aina Aupuni.

Honolulu, T. H., Iune 27, 1922.

3611 Iulai 6, 27.

Hoolaha Kuai O Na Hoolimalima Aupuni Laula.

Ma keia ke haawiia aku nei ka hoolana akea, ma ka hora 10 a. m., Peaha, Augate 10, 1922, ma ka puka komo mamua o ka Hale Kapitala, Honolulu, T. H., malaila e kuai hooliloia aku ai ma ke kudala akea i ka mea koho kiekie loa, malalo o na manao o ka Pauku 73 o ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula o na Aina Aupuni malalo iho nei:

(a) Ka mahele o ka Aina Aupuni o Lualualei, Waianae, Oahu, nona ka iliaina o 695 eka, oi aku a emi mai paha;

(b) Apana B. Lualualei, Waianae, Oahu nona ka iliaina o 470 eka, oi aku a emi mai paha;

© Apana 7A, na Aina Hookuonoono e Lualualei, Waianae, Oahu, nona ka iliaina o 132 eka, oi aku a emi mai paha;

Huina, 1297 eka, oi aku a emi mai paha; manawa o ka hoolimalima, 15 makahiki mai Augate 10, 1922 aku; uku hoolimalima haaha, $750.00 o ka makahiki, e uku hapa-makahiki mua ia.

E komo ana maloko o keia hoolimalima he pauku e hookoe ana me ke Teritore ka pono hoomoe hawai na alanui e ku ana ame na moali alanui, maloko o keia mau apana aina, ame kekahi mau alanui e ae, moali alanui, ame na pono alahele, e koiia mai ai no na hana o ka lehulehu; pela hoi me kekahi pauku, e hookoe ana me ke Teritore, i ke kuleana e hoopuka ain i na laikini no ke oki wahie ana maluna o na aina e hoolimalima ana.

E uku kok ka mea e lilo ai mahope iho o ke kuaiia ana o ka hoolimalima i oleloia, i ka uku hoolimlima, o na mahina mua @, hui pu me na hoolilo o ka hoolaha ana. ame na kaki e ae apau e pili ana me ka hoomakaukau ana i ka hoolimalima i oleloia.

Ua kaa aku ke kuai o ka Hoolimalima Aupuni Laula maluna ae malalo o na ano ame na kulana apau o ka Hoolimalima Aupuni Laulai hoopukaia o ke koena o ke Komiaina o na Aina Aupuni.

Eia ke kii palapala aina o na aina e hoolimalima aku ana ame ke ano o ka Hoolimalima Aupuni Laula, ke waiho nei ma kahi waiho palapala, a e ikeia no ma ke keena o ke Komiaina o na Aina Aupuni, Hale Kapitala, Honolulu, T. H.

No ka hoakaka laula e noi ae ma ke Keena o ke Komiaina o na Aina Aupuni, Hale Kapitala, Honolulu, T. H.

C. T. Bailey,

Komiaina o na Aina Aupuni.

Honolulu, T. H. Iune 27, 1922.

3611-Iulai 6, 27.

Ka Pila

GRAFONOLA COLUMBIA

Maopopo ka Wa e Pau Ai Na ka mea hoopaa @ iho e makaala ia ea nou. Ua hiki ia oe ke hulahula ahiki i ka hua olelo hope loa.

Uku Liilii ke Makemakeia

Thayer Piano Co., LIMITED.

148-150 Alanui Hokele

Mau Apana Aina Kuai

$300-Lot 50x100, Kapahulu. $26 down $10 per month.

$450-Lot 50x150, Claudine Ave., Only two left. $20 down, $10 per month.

$550-Lot 50x150, 10th Ave., Only one left. $20 down, $10 per month.

$900-Let 75x150, Ocean View, Kaimuki. $50 down, $20 per month.

PAULO KALAUKA

(P. E. R. STRAUCH)

Alanui Moi, Helu 74, Mawaena o na Alanui Papu ame Betola.

T.O. MURATA

FURNITURE STORE

(Na noho hoolimalima me lako pa maanei.)

Na Lako Hale Hou me Kahiko. Hoolimalima me Kuai Hoolilo.

715 Alanui Hema, Honolulu, T. H. Kelepona 1695.

CITY MILL CO.

KEKAHI O NA HUI KAHIKO LOA MA HONOLULU NEI.

Pee kuai Papa, Pilihala me lako Paipu, na Laau Puka Ani ani me Panipuka lako Pili Hao; na mea no apau no ka home ma ke kumukuai oluolu loa.

Kukulu makou i na hale ma ka uku liilii ana, me na hookaa liilii.

O KA OI LOA AKU NO KA POE HOOKUONOONO.

Mai Poina---Hele Mai Ia Makou

Kihi o na Alanui Moiwahine me Kekaulike. Honolulu, T. H.

Honolulu Paning Mill, LIMITED

POE HANA I NA PUKA LAAU ANIANI LAAU HALE, OLEPELEPE, MOLINA, WAHI KAU.

ALANUI PAPU, ESPLANADE

KA VICTROLA

Ka Meakani Mele Kilakila---he keakani e pono e loaa ma kou home. Kauoha mai i na kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NAROLA PAANI

NA PEPA MELE HOU

NA PILA AHA

âme na mea apau pili i na mele.

Bergstrom Music Co.

1026 Alanui Papu Honolulu

He Pahuolelo Victrola Anei Kau ma ka Home?

Ke kuai nei makou i na ano like ole o keia mau @ mai ka $25 a pii aku.

Maanei e loaa ai na Papa Leo Mele hou, na Mele Olelo ame na Pepa Leo Mele.

Ma ke ano nui, NOU MAKOU MA NA MEA PILI MELE.

Hawaii Sales Co., Ltd.

Nuuanu, kokoke i ke Alanui @

Keena Hawaii

NO NA

Lako Hana Mahiko

Hapuku Kila Oliver Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

NANA I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

Na Paionia o na Hana Halihali o Hawaii nei

HALE UWI WAIU

MAPULEHU

PUKOO, MOLOKAI

E Hooholo Ana i ka MOKUKUNA GESOLINA

LELEIONA Mawaena o na Awa o Honolulu me Molokai

Geo. P. Cooke,

ONA.

Poe Lawe- Hau me Waiu

He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?

E HAAWI MAI NA ʻ U E KUAI HOOLILO NOU.

He @ ka põe i haawi mai i ko lakou @ ia'u no ka makemake i @ no lakou, a oia lakou ke kali nei.

FRED K. MAKINO

Kelepona 3652

Keena Pa'i o ka Hawaii @ Alanui Moiwahine.

Mawaena o na Alanui Kaahumanu ame Nuuanu.

Kakela & Kuke

(KAUPAL@NAIA)

Poe Kalepa ma ke Komisina

A HE

Poe Agena no na Mahiko Lehulehu

PAPA NA LAKO KUKULU HALE

***

No ka hoahu ana i kou wai ma na Pahu wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

***

ALLEN & ROBINSON, LTD.

HONOLULU, T. H.

Nupepa Kuokoa

No ka makahiki(one year) …. $@.@@

O na Dala âme na Hoolaha @

e hoouna pololei mai i ka ADVERTISER PUBLISHING CO., LTD, wale no, P. O. Box 3110, Honolulu, T. H.

217 Alanui Mei, ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T. H., @ Second Class Matter.

SOLOMON HANOHANO, Lunahooponopono,

CHARLES S. O@ANE, Lu@a N@