Ka Nupepa Kuokoa, Volume LXI, Number 30, 27 July 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

MOOLELO O KA HALAWAI A KE KOMITE HOOKO O KA AHAHUI KULA SABATI O MAUI, MOLOKAI AME LANAI, MA WAILUKU, MEI 13, 1922.

            Ua noho ka halawai a ke Komite Hooko o ka Ahahui Kula Sabati o Maui, Molokai ame hanai ma ka hale noho o ka Peresidena Hon. J. W. Kalua, a oiai, ua kaheaia na lala o ke Komite e hoea mai ma ka manawa ame kahi i olelo ia maluna ae.

            Ua hoomaluia ka halawai e ka Peresidena Hoa. J. W. Kalua; a weheia na hana me ka pule.

            Hoomaopopoia na lala i hiki mai oia o Hon. M. P. Waiwaiole, J. N. Uahinui, Rev. J. P. Inaina ame Robt. J. K. Nawahine.

            Hoakaka mai ka peresidena, ua kahea au i na lala apau o keia komite ma ke keiepona, a ua loaa mai ia'u ka lakou pane, o ia hoi, ka poe i hiki ole mai nei, e olelo mai ana, ua paa loa lakou i ka hana, aka, e hana oukou, a o ka mea e holo ana ia oukou, o kakou pu ma ia hooholo ana nolaila, o oukou o ka poe i hiki mai nei, ua lawa loa ia e noho ai ka halawai i keia wa.

            Hoakaka hou mai oia. Ua make ko kakou hoaloha ma ka hana, oia ke kekauolelo o ka Ahahui K. S. o Maui, Molokai ame Lanai, a oia no hoi ke kakauolelo o keia komite, Edward M. Kapoo. Nolaila, ke hoolaha aku nei au, o Robert J. K. Nawahine ke kakauolelo no ia aha ma ko kau aka la i hala Maraki, 1922, ma Waikapu, Maui, ma keia nee ana aku.

            Nolaila, ua lona ke kakauolelo elike me ka'u kauoha.

            Hoakaka hou mai ka peresidena, he ekolu kumuhana i loaa ia'u a o ia ka mea a'u i makemake ai i keia komite e noho mai, mamua o ka hele ana i ka Ahahui Paeaina.

            1. Ke koho ana i kakauleka ma kahi o ke kakauleka i make, oia o Edward M. Kapoo.

            2. Ka kakou olelo hooholo no na hoike elele ame hoike papahelu o ke Kula Sabati o Kalaupapa, Molokai; he mau hoike hoi i haule hope mahope o ka pau ana o na hana o ka Ahahui K. S. Mokupuni ma Waikapu, Maui.

            3. He hoopii i waihoia mai ia'u no kekahi o na luna nui o ka Ahahui K. S. Mokupuni i kohoia ai ma ke kau aka la o Maraki i hala o keia A. D. 1922 ma Waikapu, Maui. He hoopii ku-e i ua luna nui la no kona malama ole i kona kulana Kristiano.

            Noi mai o Hon. M. P. Waiwaiole, e noonoo pakabiia n kumuhana, mai ke ekahi mai a i ka pau ana. Kokua a hooholoia.

            Hoakaka mai ka peresidena, ua kooholo ka Aha Mokupuni K. S. he $20.00, na lilo kaahele o ke kakauleka, a ua loaa ia mau dala ma ka waihona o ka puuku.

            Hoakaka mai o R. J. K. Nawahine, ua hui au me ka puuku L. B. Kaumeheiwa, a ua ha'i mai oia ia'u, aole he dala ma kona lima no ia oihana; oiai, ua lawe mua no ke kakauleka i ua mau dala la he @20.00 a oiai, oia no ke kakauolelo o ua @ la, a pela i ike ai ka Puuku ua ia nele.

            Ke manaoio nei no au, aole i loaa iloko o kona noonoo, e poino ana kona ola: a ua manaoio maoli no ioa e hiki ana no oia i ka Aba Paeaina, a pela no ko'u manao.

            Elike me ko'umanaoio, pela no iloko o ka noonoo o ko kakou puuku, a in a o kakou kahi ma ia makaua, ua manao au, elike ana no kakou pela.

            O ko'u manao, e hoopoina kakou i na mea i hala, o ia hoi, e huikala aku no ia mau hemahema i loaa ia kakou, oiai, ua loaa keia poino mamuli o na ulia o ka manawa; aka, e hoonaauao nae kakou ma keia nee ana aku, e makaala no ke pale ana i na hemahema o keia nee ana aku.  Kokua a hooholoia.

            Noi mai o Hon. M. P. Waiwaiole, e auhauia na Kula Sabati malalo o na Kaho Hula Sabati, Nui iloko o kela ame keia mahele o Maui, Molokai ame Lanai, i lona ai ka huina o $20.00 no na lilo o ke kakauleka i ka Aha Paeaina, a pela pu hoi me ma lako kakau o ka Aha ame na lako palapala, e hooi hou ae mamua o $20.00 i olelo mua ia, a na ko kakou peresidena e mahelehele aku iloko o kela ame keia mahele Kula Sabati i ka huina o $20.00, a oi aku elike me kana i manao ai he kupono.  E hoihoi ao na Kahu Kula Sabati Nui i ka lakou kokua i ka Puuku.  Kokua a hooholoia.

            Hoakaka mai ka peresidena, na ke kakauolelo e palapala aku i kela ame keia Kahu Kula Sabati Nui o oono mahele Kula Sabati, i $4.00 o ka mahele Kula Sabati a e hoihoi ae na Kahukula Sabati Nui ia mau uala ma ka lima o ka Puuku L. B. Kaumeheiwa mamua o ka wa e noho ai ka Paeaina.

            Hapaiia ke Kumuhana 2.  Ua heluheluia ka hoike elele K. S. o Kalaupapa, Molokai, a aponoia, a ua loaa pu mai na dala $2.00 o ka hoike.

            Ua heluhelu pu ia mai ka papa hoike helu o ke K. S. a apono ia me na hooponopono nae, a ua kauohaa ke kakauolelo e pane aku i ke Kula Sabati ma o kona Kahu Kula Sabati la i na mea a ke Komite i apono ai, a pela pu hoi me ka hoonaauao ana aku i na mea e hoopihapiha ai iloko o ka hoike papahelu K. S.

            Ua loaa mai i ke komite he $1.00 no ka hoike papahelu K. S. o Kalaupapa, Molokai.  Huina i loaa mai he $3.00, o ia mau dala he $3.00, ua hooliloia no na lilo o ke kakauolelo o ke kii a huli ana i na buke, pepa a lako kaku, ame na hoike elele K. S., papahelu o ka Ahahui Kula Sabati o na Mokupuni o Maui, Molokai ame Lanai ma ka lima o ka wahine kane-make a ke Kakauolelo Edward M. Kapoo ma Paia, Maui.

            Hapaiia mai ke Kumuhana 3.- Honkaka mai ka peresidena i ka mea nana ka palapala hoopii, ame ke kumu hoopii ame na hoike e hooia ana i ka pololei o ke kumu hoopii i ua luna nui la o ka Ahahui Kula Sabati o Maui, Molokai ame Lanai i wae ai iaia no keia makahiki nee aku nei.

            Ua nui na manao i kamailioia e ke Komite, a mamuli o ke keka ana, ua noi mai o Hon. M. P. Waiwaiole, e ha'i aku ke kakauolelo o keia komite i ka mea i hoopiiia no ke kumu hoopii on a i hoopiiia ai, a pela pu hoi me na oleloike no ke kumu hoopii; a e olelo pu aku iaia, e pane mai oia i ke kakauolelo no kana pane i ke kumu hoopii, in a paha ua pololei ke kumu hoopii, a nole paha Alaila, in a ua pololei ole ke kumu hoopii, e hiki ae oia ma Honolulu, i ka wa o ka Aha Paeaina, a malaila e noho ai ka Ahahui Kula Sabati kuikawa o na Mokupuni o Maui, Molokai, ame Lanai.  Kokua a hooholo loa ia.

            Hoakaka mui ka peresidena, ua pau na kumuhana a'u i makemake ni e hanaia; a mamua o ka hookuu ana o na hana, e pono e noonooia keia hana i keia wa, o ia e haawi keia komite o ka ahahui K. S., ahahuina o na Mokupuni o Maui, molokai ame Lanai i mau olelo hoalohaloha, no ko kakou hoa paahana aloha iloko o Kristo Iesu, a he lala, a he luna nui hoi iloko o ko kakou Ahahui K. S. Mokupuni.

            Noi mai o J. N. Uahinui, e lilo keia mau hoakaka a ka peresidena i kumuhana na kakou e hana ai; kokua a hooholoia.

            Nana no i noi hou mai, e kohoia i ekolu lala o ke komite hoalohaloha, kokua a hooholoia.

            Na ka peresidena i waiho mai i na inoa o ke komite Hon. M. P. Waiwaiole; Rev. J. P. Inaina R. J. K. Nawahine; a e haawiia kekahi kope o ia hoalohaloha i kawahine kane-make ame ka ohana a i keia komite, a i ka Ahahui Mokupuni o kakou, a pela pu no hoi, e hoolohaia keia olelo hoalohaloha iloko o ka Nupepa Kuokoa ame ka buke Ka Hoaloha.

            Hoolaha mai ka peresidena, aole he hana hou e ae imua o'u, nolaila, e hoopanee keia halawai ahiki i ka wa e kahea hou ia aku ai.

            Hookuuia na hana me ka pule.

                        ROBT. J. K. NAWAHINE,

            Kakauolelo K. S. o ke Komite Hooko o na Kula Sabati o ka Mokupuni o Maui , Molokai ame Lanai.

ANEANE 85 EKA ULULAAU I A LA E KE AHI

            Iloko o ka pule aku la i hala aneane ma kahi o 85 mau eka ululaau ma Leilehua i a ia e ke ahi, elike me ka A. L. T. Atkinson, ka peresidena o ka Papa Oihana Mahiai ame Ululaau o ka hoike ana ae, a ua noi pu ae oia i ka poe e hele ae ana a hoomoana maloko o na ululaau e makaala loa i ke kinai ana i ke ahi ma na wahi e hoomoanaia ana, a e makaala pu hoi aole e kiloi wale i na poomoku paka kikalika pio ole maluna o na mauu maloo, no ka mea, mamuli o ia hana hemahema i a ae ai ke ahi a holapu aku la i ka ululaau, o ka panoa iho o na nahele ame na laau i ka ikaika o ka wela o ka l@@ nei mau la o ke kau ua holopapa koke aku la ka a ana a ke ahi.

            I kulike me ia a ka peresidena ka Papa Mahiai ame Ululaau o ka hoike ana ae mamuli o ka pau ana o kela ululaau i ka ahi e hoemiia mai ana kehi o ka ua e hoolulu ai ma Wahiawa e loaa nui ole ai ka wai.  Ua hoounaia aku i na kanaka pii kuahiwi a auwana maloko o na ululaau na palapala kuikawa mai ka papa aku e hoike aku ana e makaala loa lakou aole e hoa wale aku i ke ahi mamuli o ka ike a hoomaopopo ia ana o keia manawa o ke kau he manawa ikaika loa o ka wela o ka la o nele ole ai ka a o ke ahi in a no ke kiola wale ia aku o na poomoku kikalika, a i ole kinai ole ia a pio na ahi e ho'aia ana e ka poe e hele ana e hoomaha maloko o na ululaau.

            'He mea pono i na makaainana maloko nei o keia Teritore e manao nui ana i ka hookooia o na ululaau na wahi o huki nui ia mai ka ua a e loaa nui ai hoi ka wai, no keia kumu ua nui hewahewa na kanaka e noho nei maluna o keia mau mokupuni a ua kaupalenaia hoi kahi nana e hoolako mai i ka wai, kekahi mea nnui e pono ai ke ola ana o na kanaka.

KA MOOLELO PIHA O NA KEIKI POWA

Mahope iho o ka hopuia ana o na opio Hawaii e na makaiku, ua hu-e pau ae la e Palama, kekahi o na keiki Hawaii ma ka manawa o ka ninaninauia ana i kana moolelo no kona powa ana i kekahi poe no ekolu manawa, he mau powa ana i komo pu mai ai o Kamai a pela hoi me Kahikiwawe O Kamai kekahi i hoike pau ae i kana moolelo a o ia mau hoakaka apau a laua i hoike ae ai, ua kakau kikokikoia me ko laua kakauinoa ana malalo o ia mau hoakaka a laua i hoohikiia.

            I kulike me ka Palama hoakaka imua o ka makaikiu, ma kekahi ahiahi ka olelo aku la o Kamai iaia e hele laua e aihue kaa otomobile, ke kaa e ku ana me kekahi wahi i kukuluia e ka poe i hele i ka hulahula.  Aole o Kahikiwawe pu kekahi me laua ma ia hele ana.  Ua pii aku la o Palama ame Kamai ahiki i ke alanui Prospect, ma Puowaina, a malaila laua i ike aku ai i kekahi kaa oto e ku ana i ke alanui.  He pu ka laua.  I kulike me ka Palama hoike o Kamai ka i kauoha aku i ke kanaka ame ka wahine e kau ana iluna o ke kaa e haalele laua i ke kaa.  Ua laweia aku na mea iluna o ke kaa a kekahi wahi mehameha pouliuli, he pauku hao paipu ka Palama e paa ana iloko o kona lima ia manawa, ame ia pauku hao i hili aku ai oia i ke poo o ke kanaka a pau kona ike a kiolaia e laua iluna o ka honua, a ia manawa i loomaka aku ai e huli i ke kino o ka wahine, elike me ka Palama hoakaka.  Na Palama i kapai i ke kanaka mai kona wahi i haule ai a kaa ma kekahi aoao o ke alanui a uhi aku la i kona mau maka me ke kehei o ka wahine, a ia manawa laua i hoomaka ai e powa i ka wahine a lilo mai ia laua he 95 keneka, he puuwai uwaki ame ka uwaki gula.

            Wahi a Palama, ua hoihoiia eia ka uwahi gula i ka hale, a ua laweia nae e ka makuakane me ka maopopo ole on a i ke kumu o ka loaa ana o ia uwaki, mo kona manao he uwaki ia na Palama i kuai.  Mahope o ka powa ana o laua i ka wahine ke kokoolua o ke kanaka i hahauia ai ke poo me ka pauku hao, ua ike aku la laua i ka hele mai o kekahi mea, o ko laua haalele no ia i ka wahine a kuupau aku la i ka holo a hoi loa aku la no ko laua hale.

Ka Lua o ka Powa Ana

            Elua a ekolu pule paha ma ia hope mai, wahi hou a Palama, pii like aku la laua me Kamai, o Kahikiwawe pu kekahi melaua, ma ke alanui Kapiolani a ike aku la i ke ku mai o kekahi kaa otomobile mahai o ke alanui ma kekahi wahi pouliuli.  O ko Palama manawa hoi ia o ka hoike ana i kona manao aa e powa, a elike no me kela powa mua ana a laua i ke kanaka me ka wahine iluna o ke kaa pela no i nei manawa, me ke kau ana aku i ka pu imua o ke kane.  Ua kauoha aku oia i ke kanaka e kau i kona mau lima iluna aohe mae i hoko mai ke kane i kana kauoha, ma kahi o kona kau i kona lima, e hokani iho ana oia i ka o-le o ke kaa, a ua lilo ke kani ana o ka o-le o ke kaa i mea no Palama ma e maka'u ai, a hoi pololei loa i ka hale.

            Aneane i ka hora 6 o ke ahiahi Poalima, Iune 30, wahi hou a Palama ma kana hoike, aihueia e ia ame Kamai kekahi kaa otomobile mai kekahi alanui ololi kokoke i ka Paka Aala.  Na George Kahikiwawe, ke keiki opiopio loa o lakou i kalaiwa ia kaa a holo nui aku la noluna o ka puu o Ualakaa, ahiki iuka loa a hoi ae ia ma ke alanui o Puohia ahiki i Papakolea, haaleleia ke kaa i Papakolea, a hoi wawae mai lakou no ko lakou mau home.

            I ke ahiahi mahope mai, wahi a Palama, i aku la ka o Kamai he kaa otomobile ka kona hoahanau aohe i hoohanaia ia manawa, a e lawe lakou i ka helu o ia kaa a hoopaa ma ke kaa aihue a lakou o ke kii ana.  Ua hooko lakou i keia mamao, a me ia kaa aihue lakou i holoholo ai, a ma ke kakahiaka nui ae hora 5 o ke kukahiaka Sabati, Iulai 2, i hoea ae ai lakou i ka hale, mahope o ka haalele ana i ke kaa iuka o Pauoa.

Ka Powa Ana ia Irvine

            Ma ia ahiahi Sabati iho ua pii hou aku la ua mau keiki kolohe nei no uka Pauoa, no kahi a lakou o ka haalele ana i ke kaa oto, a i ka loaa ana no kekahi manawa ko lakou holopuni ana maloko o ke kulanakauhale, wahi a Palama.  Na Kamai i hoakaka ae kekahi manao e holo lakou no uka o Manoa, i ka holo like ana o ia manao mawaena iho o lakou ua kalaiwa aku la o Kahikiwawe i ke kaa nouka o Manoa.  Aneane ma ka hora 9:30 a 10 paha, ua ike aku la lakou i kekahi kaa i ke ku mai mauka iki aku o ka palena o ke alanui kaa uwila.  Ia lakou i holo aku ai a kaalo ae la ma kekahi aoao o ia kaa ike aku la lakou he kane me ka wahine ko ia kaa.  Hoomau loa aku la lakou i ka holo ana no kekahi manawa ahiki i ke kokoke ana aku i ke kihi o ke alanui e kokoke aku ana i ka Home o ke Salvation Army, hoohuli hou mai la i ke kaa a holo mai la no kai, a oiai lakou e holo mai ana oia ko lakou manawa i hoolala ai no ka powa ana i ke kane ame ka wahine maluna o ke kaa otomobile e ku ana i ke alanui a lakou no o ka ike ana ia lakou i holo aku ai.

            Mahope o ka uhi ana a paa i ka helu o ke kaa me kekahi apana welu, hoopaa ae la lakou i ka welu uhimaka eleele ma ko lakou mau maka.  Ua malie loa ia holo ana mai a lakou ahiki i ke kokoke ana i ke kaa e ku ana i ke alanui a i ke kaa iki ana mai o ka lakou kaa mahope, a oiai ua makaukau mua o Palama no ka lele ana iho oiai ua hemo mua ke pani o ka puka o ke kaa, holo aku la oia no kahi o ke kanaka e hana ana i ka ipukukui o ke kaa a kauoha aku la e kau i kona mau lima iluna, a ma ka Palama olelo, aole i loaa he manawa iaia e hana aku ai i kana hana hoopoino maluna o ke kanaka no ka men, iaia no a kokoke aku a i ka ike ana mai o ke kanaka i ka pu panapana ua hoomaka mai la oia e lele e aumeume me ia, me k ahooe kaili i ka pu panapana mai kona lima aku.  Mahope o ke aumeume ana o Palama me Irvine no kekahi manawa, a no kona ike e pilikia ana oia kahea niai la ia Kamai e holo aku e kokua iaia, o ia ko Kamai manawa i holo aku ai mahope o ke kaa a ku'i aku la ia Irvine ma ka waha, a ia manawa i kuhea ae ai o Irvine no kekahi kokua, o ko Kamai haalele aku la no ia iaia a holo hou mai la noluna o ke kaa, a iloko o kela manawa a Palama e aumeume ana me Irvine no ka pu panapana oia ka manawa i kani aku ai ka pu a ku o Irvine ma ka papalina akau.

            I ke ku ana o ke kanaka i maopopo ole ka inoa ia lakou i ka pu o ko lakou hoomaka mai la no ia e holo, a i ka hoea ana mai o ka lakou, a i ka hoea ana mai o ka lakou kaa ma kahi kokoke mai i ka palena o ke alanui kaauwila ua wehe ae la lakou i ka welu i hoopaaia ai ka helu o ke kaa.  Mai kela wahi aku i holo ai lakou no Laeahi a hala loa i Niu, no ko lakou maka'u o juliia aku e na makai, a mawaena o ka hora 2 ame 3 o ka wanaao i huli hoi mai ai lakou, oia ka wanaao o ka Poakahi.

            Ma ka Palama hoakaka i ka makaikiu ua hooholo like lakou e powa a i lawe ka oia i ka pu i mea hoomaka'uka'u aku ia kanaka, a in a e lilo ole ana ka pu i mea no ke kunaka e maka'u mai ai, alaila holo lakou.  Ma kana olelo o kela ku ana o Irvine ma ke ano ulia wale no ia, aole oia i manao e ki iaia.

Okoa no ka Kamai Moolelo

            Ma ka Kamai hoakaka i keia manawa a Palama i kahea mai ai iaia o hele aku e kokua, oia kona manawa i holo aku ai a ku'i aku la ia Irvine ma ka waha.  I ka manawa i ike mai ai o Irvine ia hoea ana aku ana hookuu ae la oia i ka paa ana i ka pu, a hoomaka ae la ke kahea no ke kokua, o kona holo hou mai la no ia noluna o ke kaa.

NA MEA OIAIO E PAIO ANA

            I HOIKELA NO KA B. B C.

Aohe Alekohola Iloko o ka B. B. C.--Ke Kuaiia

Aku Nei Me Kone Mahaloia Ma Ke

Ano He Laau Lapaau.

KO MR. WM. B. BURKE MA'I I HOPOHOPOLA

KA HAKU O KA HALE HOLOI LOLE IDEAL

Ka Mrs Burke Hoakaka:

            "Ke haawi nei makou i ka B. B. C. i ka mahalo kiekie a e kala mau aku ana i na hoomaikai nona a no ke aha auanei maua e hoomaikai ole ai@ No kan mea i hana mai ai no Mr. Burke e nana mai.  Ua haalele iho ka ma'i flu iaia iloko o ke kulana nawaliwali loa me ka haalulu pu a no ia nawaliwali on a aneane loa e pau ka manaolana no kona ola hou mai.  No kona nawaliwali a haalulu ma ka manawa i hukiia ai kona aiho popo ua maule oia iluna o ka noho o ke kauka huki niho, ke ano o ka mea e make aku ana no na manawa like ole.  O kona kulana ma'i aole hiki i ka waina me kekahi waiona ke hooikaika ae i kona opu nawaliwali a ua lilo ia i mea hoonui loa aku i kona pilikia.  E emi mau aku ana oia i ka nawaliwali a e ke ano kupilikii maoli me ka maopopo ole o ka mea e hana aku ai nona, no ia hopohopoia kauoha okoa aku la maua i kona kaikuahine ma Kapalakiko e holo mai, mamuli o ko makou manao aole oia e ola ae ana.  Aneane ma kela manawa ua a'o mai la kekahi hoaloha o Mr. Burke e inu oia i kekahi laau hooikaika kino aohe alekohola iloko, a hooia pu mai la i ka'maikai o ka B. B C. oiai ua pinepine kona lohe no ka maikai ame ka mahalo i@ o ia laau.  Ua hoomaka koke o Mr. Burke e inu i ka B. B. C., a  maloko o na pule eono he mea hookahaha i ka noonoo ka hopena i ikeia no ka mea ua ola loa ae la oia.  Ua hoi hou aku oia i kana hana mamua, me ka hoea mau aku ma kahi o ka hana i kela ame keia la.  Moakaka ka ike a kona mau maka, ikaika kona mau aalolo, ono mai oia i ka ai, moe lealea kona po me ka pii mau ae o kona kumaha i kela me keia la.  Ua lilo oia he mea hookhaha aku i ka manao o kona mau hoaloha ame na hoalauna e noho kokoke mai ana, ka poe i manao aole oia e ola hou mai ana.  He mea olaio loa keia, ua @ie nui makou i ka B. B. C. no ka maikai ame ka hauoli ana i haawi mai ai iloko o ko maua ola ana."

He Mau Haneri o na Kanaka Koikoi o Honolulu i Hoike Mai i ka Mahalo Kiekie no ka B. B. C

Ua wae ae makou i kek@hi poe kakaikahi no ka hoakaka ana aku:

            Wm. Kawohionalani, Waikiki,-Ma ko'u manao he laau kamahao maoli ka B. B. B no ke koko hakuhku ino i nele ka holo ma na aakoko.

. . Capt. H. Blanchard, Alapai St.-No kekahi mau makahiki ko'u hoonawaliwaliia ana me ka ma'i piha o ka opu i ka makani, i nei manawa ua ola loa.

            "Ia'u i holo mai ai ua holo pu mai la o Palama mahope o'u a huli hou aku la nae ihope a ki aku la i ke kanaka (Irvine) me ka pu panapana."

            O na oleloike a Kamai i kakau ai i kona inoa malalo he pokole iho ia mamua o ka Palama, eia nae, ma ka hapanui o ka laua moolelo ua kulike loa ma na mea ano nui.  Ua kakau o Kahikiwawe i ka Kamai mau oleloike ma ka hope loa o ka Kamai mau olelo: "O keia ka mea oiaio loa."

MR BEN BRUNS.

Loea hoolaha ka mea iaia ka hoolaha ana i ka B. B. C., a hoikeike maloko o Honolulu

            Mr. S. Furukawa o ka Nippu Jiji-

He laau maikai loa ka B. B. C. No ka ma'i o ka opu ame ka hooikaika ana ae i na mea paahana o ke kipo.

. . Mr. Jos. Amiel, Halokuai Store, Alanui Moi-He laau hooikaika ae i ke kino ka B. B. C. no na mea paahana o ke kino i nawaliwali.

            A. Guinduin, Alanui 820 Mokauea-

He maikai na laau B. B. C.-oia hoi ma Laau Kunu no ka Hano ame ka ma'i maloko o ke kinia-i.

            Mrs. J. Warboye, Beach Walk, Waikiki-Ma ko'u manao he laau maikai loa ka B. B. C. no ka hooikaika ana i ka opu ame na mea paahana o ke kino.

            Mr. David Kakalia, Kihi o Alanui Beritania ame Kamika-He laau hoomaemae koko ka B. B. C. me ka hooikaika i na mea paahana o ke kino-he maikai pu no ka rumatika.

            Mr. Jas. Borges, Alanui Self 1749-He laau maikai ka B. B. C. o ka opu ame ke akepaa-e hooulu ae ana ia ia oe.

            Mr. John Daly-O ka mokuahi Metsonia-Na ka B. B. C. i hoola hou ia'u mai ka ma'i nawaliwali mai o na aalolo ame ka ma'i o ka opu.

. . Mr. Manuel de Mello, Kona, Hawaii-He laau maikai loa ka B. B. C. no ka ma'i iloko o ka opu me ka nawaliwali iloko o na mea paahana o ke kino.

            Mr. Samuel Kind, Monaarrat Ave.-O ka B. B. C. ka lau maikai loa no ka nawaliwali holookoa mai o ke kino.

            Mrs. Chas S. Wakita, Alnui Luse 1912-Ma ke ano he laau no ka opu a he laau hooikaika kino holookoa aohe lua e like me ka B. B. C.

            Mr. Esmael Sebilia, Boston Store-O ka B. B. C. aoke haau e like ka lua me ia no ka ma'i o ka opu, akepaa ame na aalolo.

. . Mr. A. Williams, Alanui Ekahi, Kaimuki-He laau hoehaa loa ka B. B. C no ka opu ame ka hooikaika holookoa ana i ke kino.

            Mr. Peter Pascal, Kama Lane, Palama-No kekahi manawa loihi ko'u loohia ana i ka ma'i a na ka B. B. C. i hoihoi hou mai i ke ola maikai ia'u.

            Mr. W. L. Thoene, Hokele Blaisdell-Ua pololei loa ke kapaia ana o ka B. B. C. he laau hooulu i ke kino.  Ua hana i'o ia ia hana.

            Mrs. O. R. Lover, Allan St.-Ua kokua mai ka B. B. C. i ka wa i hiki ole ai na laau e ae ke hoola i ka ma'i o ka opu ame na ma'i e ae o ke kino.

            Mr. J. K. Mokumaia-Ua inu au i ka laau B. B. C. o ua ike au i ka maikai o ka hana a ia laau.

            Mr. K. Higasi Makeke Kuai I'a-Mea kuai puaa-He laau maikai loa ka B. B. C no ka puupaa ame ka ma'i rumatika.

            Mr. W. Legros, Alanui Gasette-Ke hooia aku nei au he laau maikai ka B. B. C. no ka opu, na aalolo ame ka nawaliwali holookoa o ke kino.

. . Mr. Chas. Akana, Liliha âme Moi-O ka B. B. C. ka laau maikai loa ma ke ao no na ma'i hoonawaliwali o kela ame ano i ke kino.

            O ka B. B. C. (Body Building Compound) he laau hooulu a hooikaika hou ia i ke kino.  E hookomo ana ia i ka ikaika iloko o na mea paahana a pau o ke kino, kela ikaika o ka wa opio, a e hookoe ana hoi i ka ikaika ma kekahi ana kiekie e hooulu hou ae ana i ka ikaika iloko o ke kino a oi aku mamua o ka ma'i maloko a mawaho o ke kino, o ka hua maikai e oili mai ana, oia ka loaa o ke oia maikai i ke kino. Ina e loaa hou ka ikaika iloko o ke kino e like me ke ano mau mamua, a maikai no hoi ka hoohana ana a na mea paahana a pau, aole loa he ma’i e loaa ana i ke kino. Oia ke kumu o ka pau a nalohia ana o ka ma’i o ka opu hoowali ai, oia ka wali ole o ka ai, ke kapalili o ka houpo, ka rumatika, ke koko hakuhaku, a inoino, ka eha o ke poo, ka haalulu o ke kino, ka nawali mai o ke kino, ka hia-a hiki ole ke hiamoe i ka po, ke emi pu wale mai no o ke kino, ka hoao ame ka umauma naha, ka lepopaa, ka ma’i o ka puupaa ame ka puumimi, ma ka manawa e inu hoomau ai i ka B.B.C., pela pu me na ma’i hoomailo i ke kino no ka manawa loihi, e like me ia i hooiaioia mai e na kanaka lehulehu i ola maloko o Honolulu i ka B.B.C.

            Ua kuaiia a ke kuaiia mai nei ka B.B.C. e ka poe kuai luau apau a ma na halekuai a na mahiko. Pela pu me ka halekuai a Ah Ki & Co, ma ka Mkeke Kuai I’a.

            Kumukuai $1.00, Kumukai no ka manwa 6 no ka $5.00.

            O Benson, Smith & Co., Ltd., Honolulu, ka poe kuai aku ma o a ma o no ka manawa.

            E hoopihapiha aku no na kauoha ma ka ekalesia.

 

OLELO HOALOHALOHA.

            O makou o ka Ekalesia o Nahiku, ke Kula Sabati ame ka Ahahui C. E. ma o ke komite la, ke komo pu aku nei makou me oe, ke kane i hooneleia i kau mea aloha he wahine; na keiki i hooneleia i ka makua, ame na mopuna i nele i ke tutu, a mamuli o ka haalele ana mai i keia ola ana o Mrs. Sarah Kahookele, nolaila, ua ili iho ke ko'iko'i o ka noho kaumaha ana, iloko o na ehaeha o ka manao,, maluna iho o oukou ka ohana, oiai, ma ka la 2, o Iulai i pauaho mai ai oia, a hele kohana aku la, a waiho iho la i ka ukana a ke aloha, na ka ohana, na hoaloha ame ka lehulehu, e paiauma aku ma keia aoao o ka muliwai eleele o ka make.

            Ko ae la ka mea i palapalaia, "Heaha la ka pomaikai o ke kanaka ke lilo keia ao apau iaia, a lilo aku kona Uhane!"

            He hoahanau oia no ka ekalesia o Nahiku, a he lima kokua nui, no ka pono o ka hana a kona Haku aloha, a he Kahu Kula Sabati Apana oia, i kekahi mau makahiki i hala ae nei, a he lala no hoi no kona Ahahui C. E., o na makua.

            O kona hala ana aku la ma o, ua hoopau ae oia i kana lawelawe ana, i ka hana a kona Haku aloha ma keia ao, ma kona ekalesia, a kuu iho la i ka luhi o kona kino, iloko o na inea o keia ao.  Luuluu wale! E hooholoia, ke komo pu aku nei makou, na hoahanau o ka ekalesia o Nahiku, na haumana Kula Sabati, ame na lala o ka Ahahui Hooikaika Kristiano o na C. E., me oukou ka ohana; ke kane mare, na keiki ame na moopuna i hooneleia i ka oukou mea aloha, e amo pu i ke ko'iko'i o ko oukou noho kanikau ana iloko o na kaumaha.

            E hooholo hou ia, ke pule n@i makou i ke Akua Mana loa, e hoa mama ae i ko oukou noho kaumaha ana, a Nana no e holoi ae i ko oukou mau waimaka o ka ehaeha@ iloko o ke aloha o ko kakou Haku o Iesu Kristo.

            E hooholo hou ia no e hoounaia keia kope o ka olelo hoalohaloha i ka Nupepa Kuokoa.

            Komite Ekalesia:-

                        S. K. KAAILUA,

            Komite Kula Sabati:-

                        MRS. E. MAUAE,

            Komite C. E.:-

                        MRS. P. MAUAE

Through for the day

Pau ka Hana no ka La

            E hoopokoleia mai ana kau hana no ka la me ka maalahi no hoi ke loaa ia oe he kapuahi ila kuke maikai.  E hoohanaia i ka Aila Star aohe au halihali ana i ka lanahu me ka wahie, a kopala ana paha.

            E hana ana oe me kekahi mea wela maemae i hoopololeiia malalo pono ae o ka ipuhao, kahi i makemakeia ai-a e oluolu maikai ana kou halekuku, me ka ike ole i ka lepo.

            He aila maikai o ka a ana ka Aila Staf , me ke emi o ka lilo i hoomaimaeia a hoomaemae hou ia ma kekahi alahele kuikawa.

            Ke kuaiia nei e ka poe kuai aila ma na wahi apau ma ke kini a ma na pahu. E kauoha ma ka inoa-Aila Star.

STANDARD OIL COMPANY

(California)

Star Oil

(Kerosene) HEAT AND LIGHT

STANDARD OIL COMPANY (California)

Perfection Home Bakery

Alanui Beritania ma ka aoao Waikiki o ke Alanui @@@ea

Maanei e loaa ai ia oe na Meaono ono loa no ke kumukuai haahaa loa. Na Pai hua, Apala a pela wa@e aku.

Ua hiki ke hoolawaia na kauoha mai na kuaaina mai.

Na Ahahui Manawalea, he emi loa ke kuai ia lakou.

                                    O ka Poe i Holopono ma ka Hoahu Ana Akahele ka Lakou Haohu Ana

            He nui ka poe i hoomaka e hoahu, a ua haule pahu nae me ka nee ole aku miua.  O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahina paha.  Alaila, hoomau i ka hoahu ana ma ia huina.  He ano paakiki no i kinohi, aka, he hiki wale n onae oiai kela manao hoomakaulii e pii mahuahua ao ana i kela ame keia wa.

            Aole anei e hiki ia makou ke hoikeike aku ia oe i ke alahele @ lilo ai oe i mea hoahu holomua@

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, in a uo he uuku ia.

            Chinese-American Bank

            KIHI O NA ALANUI MOI AME NUUANU.

P.O. Box 2000.           Honolulu, Hawaii.       Kelepona 6119.

E Hoahu me ka Banako Holomua!

O ka

The Liberty Bank of Honolulu,

LIMITED.

He Banako ia i lawa pono me na loina

hana holomua o keia au nee mua.

Ka Makaukau, ke Kamaaina me ka Hana, ka Hilinaiia Ana, ka Nui o na Loaa e Komo Nei, ame ka Lawelaweia o na Hana me ka Makaukau Maoli. E Hoahu i Kau Mau Wahi Hunehune Liilii, a o Nana Aku o na La Ua.

E nee aku ana makou no ko makou kahua hou ana ke kihi o na Alanui Mauanakea ame Moi ma ka mahina o Iulai e hoea mai ana. I keia wa eia no makou ke lawelawe nei i ka makou mau hana ma ko makou keena kuikawa, ma ke Alanui Moi, mawaena o na Alanui Maunakea ame Kamika, he hookahi kuea mo ka hapa ma@ ka Makeke Kuai I'a mai.

E HOAHU MAI ME MAKOU

The Liberty Bank of Honolulu,

LIMITED.

KUMUWAIWAI $200,000.00.

O NA HAWAII

i makemake i ka pomaikai o ke Kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina. Ke malama nei makou i na Lako Hana Maikai Loa, pela hoi me ke PENA SHERWIN-WILLIAMS, ka mikini Umi Waiu DE LEVAL ame na lako pili i ka home o na ano apau. Maloko o ko makou Keena o na Lako Paani e loaa no he ahua o na pu liilii ame na raifela maikai.

E. O. Hall & Son, Ltd.