Ka Nupepa Kuokoa, Volume LXI, Number 29, 20 July 1922 — Halawai he Koa Me ka Make ma Kekahi Ulia Pakele Aku ke Ola o Kona Kokoolua e Kau Ana Maluna o ke Kaa Hookahi ma ka Apua NO KA HOLONUI MAI NO KE KUMU POINO I Hooku'i ke Kaa Mokokaikala o Kela Mau Koa me ka Otomobile ke Kumu o ka Poino [ARTICLE]

Halawai he Koa Me ka Make ma Kekahi Ulia

Pakele Aku ke Ola o Kona Kokoolua e Kau Ana Maluna o ke Kaa Hookahi ma ka Apua

NO KA HOLONUI MAI NO KE KUMU POINO

I Hooku'i ke Kaa Mokokaikala o Kela Mau Koa me ka Otomobile ke Kumu o ka Poino

Mumuli o kekahi o na make mauwale hikiwawe loa i ikeia, o ia ka ulia i moeuhane mua ole ia ma ka po o ka Poalima o ka pule aku la i hala mahope koke iho o ka hora 6, niamuli o kekahi ulia kaa mokokaikala ma ke kihi o na alanui Moi ame Kaili, mauka ae nei o Kalihi, ua make me ka hikiwawe loa ke Kopaka Carl J. Hartwell, a no kona kokoolua hoi e kau pu ana, oia ke koa Buckley M. Lowell, ua hoihoiia aku oia noloko o ka halema'i o na koa ma ka Papu Kahauiki mo ke kulana nawaliwali loa o kona ola kino, eia nae, ma ka lono i hoikeia ae ma ia po iho, mai ka halema'i mai o Kahauiki ua manaoia e ola ae ana no kona mau wahi i poino maloko o kona kino. O ka poino i make koke ai o ke Kopala Hartwell o ia ka naha ana o kona poo, a i loaa hoi ia poino ia laua mamuli o ka hooku'i ana o ka mokokaikala a laua e kau ana me kekahi kaa kalaka gesolina e ku ana ma ke kihi o na alanui Moi ame Kaili mawaho iho o ka ha{ekuai meaai ma Kalihi. O ke Kopala Hartwell i make ai nololio oia o ka puali makai o ka oihapa koa ma ka Papu Kahauiki, h%ikoa oia no ka puali pukaa B. Helu sō, a ma ka maUawa ō kona make ana aku la e aneane aku ana ka e piha iaia na makahiki he 23. No ke kokoolua ona i halawai aj, me kela ulia, oia o Lowell, oia pu kekahi lala o ka oihana makai o ka oinana koa, a no ka puali ki pu mokuea 64 oia, a he aneane e piha iaia na makahiki he 21, elike me ka hoakaka a ka moolelo. Ma kela manawi o ka loaa ana o keia ulia i kela mai koa haawina pakalaki elua mau kanaka i ikemaka aku i ko laua halawai ana me ka poino, oia o Jolin Texeira no Kalihi no, ame S. Akamatsu o ka halekaa otomobile o Kalihi. Ma ka laua moolelo o ka hoike ana ae he kaa otomobile e kalaiwaia ana e J. Halaka ka i puka mai iwaho o ke alanui Moi mailoko mai o ka halekaa a hoohuli ae ia ma ke alaniii Kaili, ia manawa like e holo mai ana ke kaa mokokaikala e kalaiwaia ana e Buckley M. Lowell, me ke Kopala Hartwell e kau ana ma ke kaa ma ka aoao, no ke kaona nei me ka mama loa, ma ka aoao hema o ke alanui, mo ka lioao ana e hoalo ae mai ka liooku'i ana mai me ke kaa otomobilo a J. Halaka e kalaiwa ana a ma ia hana ana ua hooku'i mai la ke kaa ma ka aoao o ke kaa mokokaikala me ka huila mua 0 ke kaa kalaka gesolina, a lilo ia hooku'i ana i mea e haki ai ka peleki o ko kaa aoao o ka mokokaikala. Ia manawa ua kaia ae la ke kaa mokokaikala a hooku'i me ke kaa kalaka pauma gesolina a kiolaia na koa elua mailuna aku o ka motokaikala a iluna o ke alanui, o ka hopena poino i loaa ia laua o ia ia 1 hoike mua ia ao la maluna. He ulia i na manawa apau a ma na wahi apau me ka ike mua ole ia. tfa hanauia ke Kopala HartwelJ ma \Vasakona, Finalana, kahi a kona mau makua e ola mai la no pela ka oleloia. He kaikuahine kona o Mrs. A. Westland, aia ma Bow, Wakinekona e noho mai la. Ma ka la 10 o Dekemaba 1919 kona komo ana i ka oihana koa ma Lewis, Wakinekona, ma kona manawa he 20 makahiki me ekolu mahina, a ua hoea mai oia i Hawaii nei ma ka la 20 o Mei, a ua komo ae i ka oihana makai o ka oihana koa ma ka la 23 o Xovemaba o ia makahiki no. He kanaka oia i nui ia o kona mau hoa a pela me kona mau aliikoa maluna ae"ona, elike me ka moolelo; he lahui Suida (Bwede) o ke aupuni Suedena kona onehanau. No kona kokoolna i eha ai BuckM. Lowell, mai Butte, Monatana mai oia, a ma ka la 28 o lanuari, o ka 1821 kona komo ana i ka oihana koa, a lie makai pu no hoi no ka oihana koa, a ma ia manawa ana o ke komo ana ua piha iaia na makahiki he ame na mahina keu eono. He kaikuahine kona e ola mai la aia ma Xorris, Monatana, o Miss Pauline Lowell kona inoa. Mamuli o ka holo nui me ka nana ole [i na pnino omua i hookn'i ni ke-

kahi mau koa ma kekahi man.iwa aku nei i hala me kekahi kumulaau ma Moanalua a make loa, pela no hoi me nei mau koa, mamuli 110 0 ka holo nui me ka nana ole mai 1 na ulia omua i halawai ihb la me keia poino, ina i loaa ka hoomaopopo i ka a kahiko "E ku'i ka hele a ka naau haahaa," aolo e halawai iki ana me ka poino.