Ka Nupepa Kuokoa, Volume LXI, Number 29, 20 July 1922 — Nuhou Kuwaho [ARTICLE]

Nuhou Kuwaho

WAILUKU, Maui, lulai 16.—Aneane i ka hora 11 o ka po Poaono i powaia ai o Doong Soong, he kanaka lawelawe oihana kalepa no Wailuku nei a lilo aku he $3600. Ma ka Soong olelo, ekolu mau kanaka ana i koho ai he Pilipino aku iloko o ka halekuai a kuai i kekahi mau waiwai, me ka haawi ana mai iaia i kekahi bila $20. I ka manawa a Soong i wehe mai ai i ka pahuhao no ke kii ana aku i mau dala no ka wawahi ana ia bila, 0 ka manawa no ia o na kanaka ekolu i lele aku aUmaluna ona a nakiikii i kona mau lima me ka hoopiha i kona waha me ka wqlu a haalele iho la ia Soong iluna o k& papahele a Ahai aku la ka pupuhi 1 ka poe kolohe me na dala aihue. PEKINA, Kina, Ijilai 16.—Ua hoea mai i Pekina nei i keia la maluna mai o ke kaaahi kuikawa mai Chinwangtao mai o Edwin Denby, ke kakauolelp o ka oihana kaua moana o Amerika me kona mau ukali ma ke ano he mau malihini koikoi na ke aupuni o Kina. Ua ukAli pu mai ka Adimarala Strauss o ke aumokukaua Amerika ma na ka io Kina ia lakou. Na ka peresidqna L Yuanhung i hookipa mai i na kanaka Amerika. SAVANNAH, Ga., lulai 17.—Elima mau kaa ohua holo loa o ke kaaahi laweleka Nu loka ame Jacksonville i huli ma kahi kokoke i Cox, Ga., i keia la. Hookahi kanaka i make a he lehulehu kekahi poe e ae i hoehaia. No ka haki aha o kekahi alahao ke kumu o kela ulisi.