Ka Nupepa Kuokoa, Volume LXI, Number 29, 20 Iulai 1922 — Pau Elua i ka Make i ka oi o Ka Pahi Pelu Lawe he Kepani i ke Ola o Kana Wahine o Oki no Oia Iaia Iho a Moku i ka Pahi MAOPOPO OLE KE KUMU O KELA HANA Manaoia Nae no ka Lokahi Ole o ko Laua Noho Ana Pela i Hanaia ai ke Karaima [ARTICLE]

Pau Elua i ka Make i ka oi o Ka Pahi Pelu

Lawe he Kepani i ke Ola o Kana Wahine o Oki no Oia Iaia Iho a Moku i ka Pahi

MAOPOPO OLE KE KUMU O KELA HANA

Manaoia Nae no ka Lokahi Ole o ko Laua Noho Ana Pela i Hanaia ai ke Karaima

Mamuli o ka moleu pahi kukonukonu loa i loaa like ia laua, he hopena awahia loa i loaa ia laua mahope o ka lioopaapaa ana, i hoihoiia ao ai o Kama Shimabu]uiro ame kana ivahine Nabe Okinawa, he mau Kepani, i ka halema'i Moiwahine ma ke ahiahi Poaono o ka pule aku la i hala, a ma ka oleloia aohe manaolana no ko laua palekana ae. No ke kane lie emi iho ke kukonukonu loa o kona eha, a oia ka mea o laua i manaolanaia no kona palekana ae. I kulike me ka moolelo a ka Makaikiu McDuffie, ka mea nana i ninaninau pono i ke kumu o ke ala ana mai o kela karaima, maloko o ka hale o leeia mau Kepani ma Wailupe i hanaia ai kela oki pahi mawaena o ka hora 6 ame 7 o ke ahiahi Poaono i hala. Ma ka oleloia ua ae ae o Kama Shimabukuro imua o ka makaikiu, ma kona manawa o ka ninaninauia ana, nana io no i oki i kana wahine me ka pahi a mahope elei iho la no iaia iho mo ka manao e make like no laua, o ka pahi anii i oki ai ia laua ma ka oleloia he pahi pelu ia elima iniha ka loihi o ka oi. I ka manawa i moku ai ka wahine ua hoomaka ae la oia e uwa me ka uwo kapalili a na ia leo uwe ana i kono aku i kekahi Kepani hoaloha 0 laua e noho kokoko mai ana e holo mai no ko laua hale, a iaia 1 hoea mai ai ua ike mai Ja oia i ka uioku o ke kane anie ka -wahine. Ua moku ka wahine ma kahi o ka opu a ua komo loa ka oi o ka pahi i ke akemama ame ka naau. No ke kane hoi ua oki no oia iaia iho ma ka opu maluna iki ae o ka piko. I kulike me ka moolelo i hoikeia ae i ka makaikiu MuDuffie, ua mareia keia mau Kepani ewalu makahiki i hala aku, a he makahiki ae nei ko laua loilii o lea hoea ana mai i Hawaii nei mai lapana mai. No kekahi mau mahina i hala aku nei ua ala ae no na manawa lehulehu kekahi hoopaapaa hahana mawaena 0 laua, a no ia hakaka mau o laua ua haalele aku la ka wahine i ke kane a hoi mai la e noho me kona mau pilikoko, a ua a*o aku nae ia mau pilikoko ona iaia e hoi hou aku oia no ko laua home. I ka lua o ka manawa o ka haalele ana aku o ka wahine ua koi mai la ke kane iaia a ua ao pu aku no hoi kona mau pilikana iaia e hoi oia 1 ko laua home, a ina no ka maikai ole o ko laua noho ana o hookomo ae oia i ka hoopii okimare no lea hookaawale ana ia laua, a ua paanaau loa keia ao i ka wahine. I ka hoi hou ana i ko laua aina ahiahi aneane i ka liora eono o kela Poaono aku la i hala, ua hoala aku la ka wahine i ka manao e pili ana no ka hookaawale ana ia laua aole e noho pu hou a i ole e hookomoia ae kekahi hoopii okimare i ka aha i mea no laua e kaawale ai. Ma ka oleloia ua noi mai ka o Shimabukuro i ka wahino e huikala aku iaia no na hemahema i hanaia o ka wa i hala, a e hoopoina loa laua eia nae,- ua hoike aku ka wahine i leona manao imua ona aole ona makeinako e noho loihi hou aku me ia. U«a lilo ia mau olelo i kumu hoopii wela i ke kane, o ko ku ae la no ia o'na a hopu aku la i ka pahi, a me ia mea i lele aku ai a pahu aku la i ka wahine ma ka opu, a mahope hoohuli mai la i ka oi o ka pahi iaia. No ka lili mai no ke kumu o keia hou pahi. ■ ! SEATTLE, luai 16.—Hooku 'i na mokuahi Harry Luckenback ame ka Henry T. Scott maloko o ke kowa Juam de Fuca ma ka hora 6:15 o keia kakahiaka iloko o ka manawa e paa ana i ka noe. Eha mau luina oluna o ka mokuahi Scott i make ilpko o ka manawa o iā hooku'i ana. E holo ana ke Scot't no Seattle mai Kapalakiko aku a mai Seattle mai *hoi ka Luckenback o ka holo ana mai no Nu loka. Aohe i hoopoinoia ka mokuahi Luckenback. Maloko o na lialekuai 200 ka nui malok® o ke kulanakauhale i nanaia e na lunanana o ka Papa Ola he 73 o ia huina i ikeia ka maemae ole, i ua kauohaia aku na ona o ia mau halekuai e hoomaemae a kulike me i rula a ka Pnpa Oln.