Ka Nupepa Kuokoa, Volume LXI, Number 29, 20 Iulai 1922 — KAHEAIA KA INOA O KEKAHI BEBE O MOSES KAHIAPO KAMAKELE JR. [ARTICLE]

KAHEAIA KA INOA O KEKAHI BEBE O MOSES KAHIAPO KAMAKELE JR.

| Solomon Hanohano, Aloha nui kaua:—E oluolu oe e 'hookomo iho i na meahou o Kahului ma ka kakou Nupepa Kuokoa, o kekahi wahi kowa o na itamu o ka kaua pepa. Ma ke kakahiaka nui Sabati o lune 18, A. D. 1922, i hiki kino ae ai o Mrs. Kamakele ame James Kamakele, e hui pu me ke Kahu Moses M. Kahiapo, no kekahi manao maikai, maiwaena mai o keia mau hoahanau, o ia no e aeia mai, e kaheaia ka inoa o ka laua bebe o Moses Kahiapo Kamakele Jr. Ma ia kuka ana tfa ae mai la ke kahU me ka piha i ka hauoli nui. O ka mua loa keia o kekahi o na hoahanau i piha i na mea maikai, a haawi i ka laua bebe e kaheaia ka inoa o kekahi kahunapule, i kiahoomanao no ko laua aloha i ko laua kahuhipa, elike me ka Davida i olelo mai ai. Aia hoi, nani ka oluolu, o ka noho lokahi pu ana o na hoahanau. Ma keia kakahiaka Sabati no, i bapetizeia ai keia bebe e ke Kahu. 0 na hoahanau i hoikeia ae la maluna, keiki ponoi keia a Eev. J. Kamakele o Keokea, Kula Maui, kekahi o na makua hoomanawanui Ika pono o ke Akua. Owai hou ae ia mau hoahanau e Kahea ana i ko i lakou kahuf E hoomaikaiia ka inoa o ke kamaiki ma ka inoa o lesu Kristo, a pela pu hoi me na Makua, nana no e ninini mai i ka mana o Kona Uhane Hemolele i piha i ke aloha maluna o kakou apau. « Me ke alōha, NA KEKAHI HOAHANAU, Kahului, Maui T. H