Ka Nupepa Kuokoa, Volume LXI, Number 29, 20 July 1922 — KA AHAHUI KAUPALENA HANAU. [ARTICLE]

KA AHAHUI KAUPALENA HANAU.

Mr. Bolomon Hanohano, Lunahooponopono o ke KUokoa, Aloha oe:— E oluolu oe i koii iokōmaikai i wahi rumi kaawale o na oneki uuku o kau ahailono ke Kuokoa, no ko'u wahi manao hoakaka e pili ana i ka "Birth Contfol League" (Ka Ahahui Kaupalena Hanau) ame ka hana a keia ahahui. Ua malamaia he mau halawai e keia ahahui, a ua hooholoia e hoonaauao mai i ka leHulehu ma o na buke liilii i pa'iia, e hoakaka ana no keia mea, ke kaupalena ana i ka hanau ame na mea e pili aaa i ke kane ame ka wahine. • He poe ko'iko'i wale no na lala 0 keia ahahui, na kane ame na wahine, a ke manao nei no ka meakakau, aole no paha he-nui o ka lakou mau keiki, he ilio ke keiki a kekahi poe e malama ai, a pela lakou i mānao ai e a'o hewa mai ai i ka nui lehulehu. No ka meakakau iho, ke ku-e loa nei au i keia a'o lalau hewa, he a'o hoi e alakai aku ai ia kakou iloko o ka pilikia hoemi lahui, a no na kumu, o ke kaupalenaia ana o ka hanau, o ka pili ana no ia i ke umi keiki, hewa pepehikanaka, ina no he puukoko walia no ia,. a i ole ia, ai ana i Ica ka manao, e pau loa ka Joaa ana mai o ke keiki, ua hoomake iho oe a hoopau loa i ka ulu ana ae he uhane ola ma ia makalua, aohe kanaka kuleana e o-u 1 ka waiwai makamae a ke Akua i haawi a hoopomaikai mai ai ia kakou, a o keia a'o he uumi maoli ana ia i ke ola o ka lahui, ka manaolana hoi no ka mau ana o ke aupuni. Ma ke ano he Hawaii opio, he makuakane o eha kama liilii, aole paha i kaupalenaia ka Jieluna, ke uwalo aku nei au i n& makuakane ame na makuahine, a i oi loa aku hoi i na opio, aole loa e komo i keia ahahui lalau, aolo no hoi e heluhelu i keia mau buke a'o hupo a ao hewa nui wale. Ke hoakaka nei au he mea pono i ka Hawaiian Civic Club, ka Hui Puuhonua ame kekahi mau ahahui Hawaii e ae, e neonoo i keia mea, a e ku makaala no ke ola ame ka pono o ka lahui Hawaii. Aohe hewa ina o keia ahahui kaupalena hanau e waiho ihai no iā kokou na Hawaii, a i na lahui okoa aku no lakou e lawelawe ai i ka lakou a'o ana, ame ka lakou hana pono ole, aka, aole pela ko* lakou manao. O ka ninau nui iwaena o kakou i keia la, o ia no ka ninau hooulu lahui, aole o ke kaupalenaia o ka hanau a hoemi lahui, na ka make e hana nei ia hana. E hoohua, a e hoolaupai i ka aina, a no ka mea, o ka hoopulapula nui ia mamua o na hana hoopulapula apau, 0 ke ola mamua a mahope mai ka hana. O keia ka manawa no kakou e na | Hawaii jiloha oiaio, e ku lokahi ai, hana like a huki like, no ka pono ame ka holomua o ka lahui, ame ke aloha o ke Akua e mau no keia lahui maluna o ka lepo aloha o Ha|waii nei, ka aina kulaiwi o na kuj puna o kakou i hala aku ma kela ao no ka hooluolu ana a pela hoi e mau ai ke o ana o kela moto kaulana lua ole o kakou, <f Ua maū ke ea o ka aina i ka pono." Me ka mahalo. THOMAS K. MAUNUPAU, •++ ,