Ka Nupepa Kuokoa, Volume LXI, Number 29, 20 Iulai 1922 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
ONI O KAHUKU I KNOW PAKENEKA POKIULAI.
@. Lunahoponopono: - Aohe no @ nani a koe na mea i hanaia @ona ole mai ai o na mahiko apu@ ka la o Keoki WakineRona, o @ Kahuku pokiulai, ua like no a @ me ka ua Kanilehua, a oi ae kekahi o keia.
Ke ka‘i ana o ka huakai ma ka @ 10 ponoi a. m., Poalua: 1. Ka @muku nui o ka la R. W. Hamilton, ka mea nana e kai ka huakai, maluna o kona lio nani ulaula; 2. Ka @na mai o Keoneula; . Ke kaa mai o ke kaikamahine a Silva e aa@u ana i ka have Amerika ame ka apahu have i owili hapa ia ka have Kuoka o Amerika, nani no hoi kona kaa i hanaia ai.
4. Ke kaa aku o Kaahumanu ka moiwahine o Hawaii nei, ua ku no i ke anoano a kapukapu, me he la no o ke au o na moi kahiko, me na @ialo na paa kahili me ka hiehie @ ui: 5. Ke kaa mai o na lii wahine o Pilipine he nani okoa no hoi ia, @a na kane a wahine ame na keiki e @uki ana, elua laina kaula mao a maanei; 6. Kaa mai o na kaukau@i kane o Pilipine; 7. Ke kaa o @a lahui like ole ewalu e noho nei ma keia mahiko; 8. Ke kaa o na Korea e huki ana i kekahi honu nui, @ hanaia a like loa me ka honu e ka noeau o keia lahui a ke akamai @ui wale e hukiia ana e na kane ame @ wahine ame ka lakou mau keiki, he nui no lakou, he ku no i ka nani, ame ka loihi no ko lakou huakai i like pu no ko na Pilipine.
9. Ke kaa mai o na Kepani. He kaa keia mamua ua hanaia a like loa me ka pele halepule, he oi aku nae o ka nui, e hukiia ana e na kane ma kekahi aoao, o na wahine ma kekahi aoao, a ua hoomoe hou ia aku elua laina kaula a loaa ka lua o ke kaa e kau ana iluna kekahi kumu pua nani loa o Iapana, aohe ona lua ma Hawaii nei, o kona lau i kulike loa me ka lau o ka malina, o kona pua u‘i loa, nani ke kaa me elua iole rapaki keokeo e moe pupuu @na mamua pono o ke kaa o keia pua.
10. Ke kaa mai o ka Pake aina lole ame ka Pake puhi opiuma, he mau Pake nui o ke kolohe, ka laua olelo ana ame na himeni ame ka laua pila himeni, ua like a like me ka Pake.
11. Kaa mai o ka poe e piiwaiwai ana; 12. He kaa paikikala he i‘a nui keia mawaho e hapaiia ana e keia kaa me ke ano hiki kupono ole n kona nui ame ka makani e pa mai ana o keia ka i‘a i hakuia ai i ka himeni penei:
He i‘a nui ka‘u
Ua paa ma ka hi‘u,
I hopu aku au,
E kapeku mai ana,
13. Ke kaa o ka poe Nika hana keaka; 14. Ka mokuahi kaua mai, e hoolei mau ana i na poka pa-hu i kona wa e pii aua i ka makani, @a kaa otomobile aku. Ua loihi keia huakai a nani loa o keia ka pau ana o ka laina kai huakai. O ka @ua loa, ua ka‘i mua aku ma ka hale o Mr. Andrew Adams a huli, a kai pololei ma ke alanui holopuni e pili ana i ka hikina a ma ka luakini Kakolika, huli hoi hope a hoopuni i ka paka o na hana lealea, ame makana ia mai.
Ua hoomaka hou ia na lealea i @oe i alakaiia e ke komite hoeueu, Mr. J. E. Hoch, ame kona mau hope komite, Kanakanui.
1. Heihei o na Ekake 4, nui ka akaakaia holo a huli hoi hope hou, @a keiki kau ekake me na ole hoomakeaka me na pokii a penaia kekahi.
2. Na heihei o umi makahiki o na opiokane a pau ia, na kaikamahine, pela ka pii ana 18 a 20 o na makahiki.
3. Na heihei paku‘iku‘i ekolu a ekolu mai 4 ka poe i mare (k) ame mare wahine.
5. Heihei huilapalala, hookahi keiki hooliloia i kaa a hookahi keiki mahope mai, e pahu ai.
6. Heihei pas palus, ame na Pake.
Hoomaha ia, ua hoomakaukauia na meaai no ke anaina, paina awakea.
Ua ka‘i aku ke anaina ma ke kahua kinipopo o Kahuku, me ka hui o na koa
Hora @, i haawiia mai ai, na makana, a kela ame keia lahui i hoike mai ai i ka lakou mau hoohiluhilu ana me ka manao e oi ana mamua o kekahi, oiai, ua hai mua ia aku o ka mea oi he umi dala, pela na lahui i hoike pau ae ai i ko lakou ike hoohana no ekolu la.
Helu 1 kela kaa pele ame pua, ame 2 iole nui, $10.00; helu 2, na Pake ike himeni, a lilo paani, $5.00; helu 3, kela ia nui, a na Korea, he $5.00, o ia ke kaa honu pilikua o Kaiuli o ka aina Korea.
He 2 mau Pilipino maluna o ko laua mau lio o ko laua mau lole e komo ana, he nui maoli ke dala, oiai ua like loa ka hanaia ana me ka lole o Napoliona o alani. He ulaula oluna, a keokeo olalo koP kekahi, he @olu oluna a ho eleele olalo, like ka hanaia ana me ke ano o ka oihana kaua aina.
He huluhulu pii no ke kumukuai o ia ke ano o keia lahui @ aahu nei i na @ilika pii o ke kumukuai o $25.00 o ka palule o na ano kumukuai kiekie loa he nui loa ia poe ma Kahuku nei, a ua hookuuia na hana ma ke kiionioni.
Ua olelo no o Kak@ Opio penei: Ke pii nei o Kahuku, aela ma na mahiko apuni, no keia makahiki @ e kakoo mai ana oia i keia hana, a oiai maanei mau kana hoomaha Pokiulai oiai, eia maanei kona home nani pili kahakai.
O ia ka‘u e hoike mau nei, he aina lewa o Kahuku, a pehea ana @ He mea oiaio no, ke oni nei o Kahuku a lewa la iuka, a hewa i kai, aole i pau kuu loa ahiki mau aku ana no.
Anoai ia Mr. Lunahoopoonpono, ame kona mau keiki hahau hamare o kona papapai.
JOELL K. APUAKEHAU,
NA MEAHOU O KA POKIULAI
MA HONAUNAU, KONA HAWAII
Mr. Lunahoponopono o ka Nupepa Kuokoa; Aloha nui: --- E oluolu hoi oe i kekahi kola@ e kaawale iki ae ana, alaila, hookomo iho oe malaila, i keia po@manao e ka@ ae la maluna; aia ka pono o ka hala o ka po.
Ia‘u i hemo aku ai mai ko‘u hale ake, pa ana kahea a Mrs. H. Moku; e hele kaua i ka holoholo i ko maua wahi; aia a mahope hele aku au, hele mai, a o ko maua hele io aku la no ia, a puka i ka hale; a hoomakaukau mai la na kamaaina i wahi mea paina na makou.
Ia makou e ai ana, kamailio mai la ko‘u kokoolua ia‘u, e hele paha kaua i ka nana lealea i Honaunau, o ko‘u ae koke aku la no ia, ahiki ana no ke kaa oto a hele aku la o Moses Moku e kamailio i ke Kepani kaa e lawe ia maua i Honaunau, a ae mai la no ke Kepani e lawe ia maua i Honaunau.
Aole i hoi hou i ka hale, a lawe mai la o Mrs. H. Moku i ka hikina na-u, a nakii ae la ma ko‘u a-i, a hele aku la maua e kau iluna o ke kaa, oiai, ke Kepani e kali mai nei ia Kamili ma laua o Kaapa.
I lawa no a kau maua iluna o ke kaa, o ka lalau aku la no ia o ke kiakaa i ke ki o kulaipau ame kaomiwale, he uweke ana i ka hope o Maunaloa, ke oki mai la no ia ahiki ana maua i ke ahua o Huakaii e nana aku ai ia Honaunau ame ka puuhonua o Haleokeawe.
Ike aku la maua i ka lana mai o kekahi waa i ka moana, a olelo aku la au i ko‘u hoa hele, pau hoi ka heihei waa, a i ole akahi no paha a heihei; a kapalulu ana ko makou otomobile i ke one o Kapuai, a i nana hou aku auanei ka hana e heihei hou ana na waa, ua kaulike iho la ka mamua iho, a e heihei hou ana.
Ke nana la makou ahiki i ka pahu hae, a ku ana iwaho, ilaila hilikau ka ai a kawele‘a, hihia na ama, aohe no he wa a kaulike hou no. A ike aku la au i ka auamo mai o ka poe kanaka na lakou ke eo i na eke palaoa; o ia ka ka uku no ka heihei ana.
O ka waa i lilo ai ka eo, o ka waa o Honaunau. No Kalehua, auhea oukou e na keiki o ka makani kehau o Kapalilua, iluna no ka ua wael@ e no ke pulu (waa) i makepono ka helena mai o ka loa.
O keia kekahi o na la kanaka maoli, a o ka hapanui, o ka lahui Kepani no, a me he mea la, ma kahi paha o ka eono haneri a tausani no paha.
He heiheri au a luu kekahi, aole au i hele e nana, loaa iho la hoi o Lunakanawai Robert Makahalupa lilo loa i ka upena kahe.
O kahi e paina ai, aia ma ka aoao akau hikina o Haleokeawe, a ma ka aoao akau komohana o ka puuhonua; a he nani keia wahi a malu i ka ulunui, a he oluolu maoli no. A o kahi keia e kapaia nei ka paka o Honaunau.
He ahaaina nui no ka na Kepani i hoomakaukau ai na ka lehulehu holookoa, ame na malihini kipa mai, mai na wahi mamao mai. O ka hapanui o ka lealea, he hakoko Kepani; aole i pau iki keia lealea, a ahiahi loa a haalele aku maua me ka pau ole o na lealea.
E makaukau ana maua e kau i ke kaa, pa ana kahea a ia puuwai hamama Kala Kekuewa. Komo mai e ai puaa, ai i‘a hou! Heaha ka hana a na‘lii, he ai, kakou. I komo aku hana o ka puaa oe, o ka i‘a maka, a miki poi liilii wale no, a ku ka ihu i Halekuke; kau i ke kaa o ka home ka pahu hopu.
Me na keiki honohohua ka anoi, a o kuu aloha pau ole, me ka Lunahooponopono.
Z.P. KALOKUOKAMAILE, Napoopoo, Hawaii.
EKOLU POE KALEWA WAIONA I PAA I NA MAKAI.
Ma ka manawa i paa ai o Seijiro Takeshi i ka hopuia ua ona oia a he waiona uuku me ia ia manawa, a he nui no hoi kona oleole ia manawa, e hoike okoa mai ana no ua pa kiaha oia; ma ke alanui Kukui kona wahi i hopuia ai He Kepani i hooiaia ae he kuai waiona mau kana hana ma ke alanui Pauahi a nona hoi ka inoa o Genzo Yoshimoto, oia ka lua o ka mea ku-e kanawai waiona i hopuia, a ma ka hoo@heia ana o ko laua mau hihia mamua o ka aha ma ka Poakolu aku nei i hala, he $25 hoopa‘i me na koina o ka aha ka i kauia mai maluna pakahi o laua. O ke kolu o na Kepani ku-e kanawai i hopuia ma ka auwina la o ka Poaha aku nei i hala o Soho Uyehara kona inoa; he ipuhao puhi rama me kekahi mau omole okolehao ka i loaa aku maloko o kona hale ma kahi kokoke aku i ka Paka Kapiolani. Iloko o ka hoopa‘i mau ia me na hoopa‘i ko‘iko‘i moa kau i na Kepani la a maka‘u iho, hana no nae i ka okolehao.
HOOHUILA IA MAU OPIO ILOKO O KE ALOHA OIAIO.
Kuu Solomon Hanohano: -- E oluolu mai oe i kela wahi poomanao e kau ae la maluna, i ike mai ai na hoaloha o na opio, i ka oiaio o ia mea he aloha, a kuu ipukukui o ka malamalama e uwila aku ai apuni na mokupuni, a na ohana o na opio e noho mai nei ma kela ame keia mau kahakai.
Ma ka hora eono o ke ahiahi Iune 22, 1922, i hiki aku ai kuu moku kaa i ka home o ke kane e noho nei ma Kalihi, a kau mai la oia ame kekahi o kona mau makuahine, oiai, ua hoomakaukauia na mea apau, a holo mai la no Kapalama, no ia makuahine no, a kau aku la ka ihu i ka makani no Puunui, a ku iho la i ka home o ka wahine.
Oiai, aole mea i maopopo i kou m@akaukau nei, ke ano o ka‘u hana, a oiai e nee ana ka manawa imua, i hoikeia mai ai ia‘u, e hoohuiia ana na opio; ua nui ko‘u kahaha ia manawa oiai ua kamaaina loa au i ka opio kane, a pela no hoi me kona hulu makuahine, a o kona makuakane, ua haalele mua mai oia, aka o kona inoa eia no k@ o mau nei maluna o kana mau keiki ame ka lehulehu pu, a pela no hoi me ka m@akaukau nei.
Ke hookokoke aku nei i ka manawa, i holo aku ai maua no ke kii ana i ka wahine opio, ame na hoike, a holo aku la i ka home o ka makua maikai Rev. H. K. Poepoe, o ka hora 7:10 p.m., ia a lele aku la na opio, aia au ke haawi la i ka‘u mahalo ana, oiai ua kupono maoli ke nana aku ia laua; oiai ua puka like mai laua, mailoko mai o na kihapai maikai, a ua a‘ola i na mea maikai wale no.
I ka pau ana o na hana maamau maluna o na opio, i hui iho ai makou maluna o kuu kaa, a haawi aku la au i ka‘u mau hoomaikai ia laua, ame ke ano o ko laua ola ana, a hoi aku la makou i kahi i hoomakaukauia ai kekahi papaaina ma ka home o ke kaikunane o ka wahine opio.
Aia hoi ka ohana o na opio e kali mai ana, na hoaloha no hoi he manawa ia o na lululima ana no na opio, ame na makana no hoi, ame ka noho ana iho o na mea apau, maluna o na papaaina i hoomakaukauia ai, ua hele ia la uluwehi i na mea e pono ai keia ola kino.
Ku ae la kekahi o na makuahine o ka opiokane, a hoomaikai ae la i ka Makua Lani, e nonoi ana me ka haahaa, e uhaiia ame ke aloha oiaio, ame ka home ame ka poe i akoakoa mai, e ike ia laua, a e hauoii iloko o ke aloha oiaio.
Iloko o keia pule ana, i loaa pono mai ai ke ano o keia mau opio i kou meakakau nei, a iloko o ka hapalua liko o ka ai ana, i ku ae ai kou meakakau nei a hoomaikai ae la i ka mea nona ka home, a pela hoi i na opio no laua ka la ame ka ohana, ame na hoaloha i akoakoa mai, ma ka‘u nana aku, o na opio no ka nui, ka iini iloko o‘u ia manawa, e lawe ae a kukulu aku imua o lakou i ka manao o ia mea he aloha oiaio.
Ia kakou e ai nei, a e hauoli nei, e hoomaikai mua ae au i na opio, no ka opio kane nei, oia hoi o Lawrence K. Lono, ua kamaaina au iaia, ma ka‘u nana aku aia iloko ona ka manao e malama mau i na mea maikai, oiai ua puka mai no oia, mailoko mai o ke kihapai maikai, oiai ua laweia aku kona makuakane, aka o ka inoa o kona makua eia no ke o mau nei ia hanauna aku, oiai ua hana i na hana maikai i kiahoomanao nona e poina ole ia ai, a o ia haawina like no i keia keiki, o ia no ke ahiahi iaia, i na manawa apau a kona luaui makuahine i pili mau aku ma kona poli, i piha me ka hauoli i kela po i kona ike pono ana i ka hoohuiia ana o kana keiki hope loa, a kona uhane i hoomaikai ae ai i ka loaa ana o kana hunona wahine maikai, oia o Miss Abigail Mahoe.
Ua ike no au i keia opio wahine i kona hele i kana hana he kumukula no Kalihiwaena, nolaila ma ka‘u nana ana i keia mau opio, ua kupono maoli, o ia hoi, e hoihoi mua ae i ke aloha mamua, mahope na mea apau, e loaa auanei ke gula me ke daimana ame na lole nani.
Nolaila e keia anaina, o ke aloha mamua me ka oiaio, o ke aloha mamua ke kumu alakai ia kakou apau, a i ka hoohuihui ana i ke aloha ma ka oiaio, e ike auanei kakou apau, loaawale mai no na mea apau elike me ka pule i puleia iho nei.
Nolaila e na opio, e noho mai nei, mai puni wale i na mea nani pau wale, aka ē hoihoi ae maluna o ke aloha oiaio, a e nana mau aku maluna o ka mea au i manao ai, he aloha me ka pumehana, a i ka hoopau ana i ko‘u mau manao, e hoopau ana i ko‘u mau mana‘o, e hoomaikai ae au i ka Makua Lani e kiai, a e makaala mai ia olua, e Mr. ame Mrs. L. K. Lono, a e hoopomaikaiia ko olua kihapai, ka‘u leo pule, a hookuu nohoi na mea apau i ka pili o ke ao; me ka ulumahiehie o na mea apau.
Me oe e kuu kapena kou iini pau ole, ame na keiki o ke keena, ko‘u welina pau ole.
J. K. MOKUMAIA,
MA KE KAUOHA.
E hoea ana ke Kakauolelo Kulanakauhale a Kalana ma na wahi i hookaawaleia a ma ka manawa i hoakakala malalo iho nei. i hoikeikeia no ka hookupono ana i ka poe i kuleana e koho ma kekahi koho baloka, wae moho, laula, teritore, kulanakauhale, a ano e ae paha ; o ke ano o ka hoolaha maluna ae, aole ia i pili no ka poe i hoopaa mua i na inoa, a i koho hoi ma ke koho baloka laula Teritore aku nei i hala i malamaia i Novemaba 2, 1922.
O ka põe kupono i ka hoopaainoa i hoopukaia aku ai na palapala hookupa ame ka poe kupono i ka hoopaainoa, i hoopukaia aku ai na palapala hooia no ka hanau ana ma Hawaii nei, e pono ia lakou e hoike mai ia mau pepa, @ oka hoomaalahi ana i ka hoopaainoa ana, a no ka hoopau ana ae i na pohihihi.
PAPA HOIKE
Haalele i ke Keena Hoea ma
Poakahi, Iulai 17, 8:45 a. m.-Halekula mao aku o ka pukapa alanui i Kailua, 10:30-11:30, Keena Mahiko o Waimanalo, 12:00-1:00, Hale Hookolokolo o Kaneohe, 2:30-3:30.
Poalua, Iulai 18, 7:45 a. m.-Hale Hookolokolo o Hauula, 10:00-10:30, Hale Hui Alahao o Koolau, Kahana; 11:00-11:30, Haleleka o Waikane, 12:15-1:15, Halehana Libby, McNeill & Libby, Kahaluu; 2:00-2:45.
Poakolu, Iulai 19, 8:30 a. m.-Hale Hoolulu o Pupukea, 10:15-10:45, Keena Mahiko o Kahuku, 12:00-1:00, Haleleka o Laie, 4:30, 6:00.
Poaha, Iulai 20, 9 a. m.-Hale Hui ma Puuloa, 9:45-10:30, Halekuai ma Castner, 12:00-1:00.
Poalima, Iulai 21, 9 a. m.-Hale Hooluu Kaaahi ma Wahiawa, 10:15-11:00, Oihana Wai o Wahiawa, 11:15-11:30, Hale Hookolokoo o Waialua, 11:50-12:45, Halekuai o ka Mahiko o Waialua ma Kawailoa, 1:00-2:00, Keena Mahiko o Waialua, 4:00-6:00.
Poakahi, Iulai 24, 9 a. m.-Hale Hookolokolo o Pearl City, 9:45-10:45, Keena Mahiko o Waipahu, 11:15-12:30, Haleukana o ka Mahiko o Honolulu, 1:00-3:30.
Poalua, Iulai 25, 9 a. m.-Hale Hoolaulea o Ewa, 10:30-12:00, Hale Hooluu o Waimea, 12:45-1:00, Hale Hookolokolo o Waianae. 1:45-3:00.
HOAKAKA:-E hookaawaleia ana he la kaokoa, no ka hoopaa ana i na inoa o ka poe i kupono e koho, a e noho ana ma ka Halema'i o Kalihi-ua hookaawale ae ke Kiaaina i na kahua o ka Halema'i o Kalihi, ma ke ano he mahele koho hou (21) malalo o ka la o Iune 20, 1922.
D. KALAUOKALANI,
Kakauolelo Kulanakauhale a Kalana.
6512-Iulai 13. 20.
WALOHIA ALOHA NO KUU KAIKAMAHINE UA HALA I KE ALA HOI OLE MAI.
E Solomon Hanohano:-E oluolu oe ame kou ahonui i kekahi rumi kaawale o ka kaua hiwahiwa, ka Nupepa Kuokoa, ka mokulele ahai mama, i kela poomanao e kau ae la maluna, i ike mai ai na hoaloha, na kini ame na makua ame na pokii o maua me kuu kaikuahine, e noho mai la i ka makani apaapa, mai ka la hiki ae ma Kumukahi, a ka la kowelo i ka ilikai o Lehua.
Me he hekili ku'i pamalo la o Ikuwa ka Pohakoeleele a i ole o ka pohaku ku'i nakolokolo Kaelo ame Kaulua i pa pono mai ai ka huaolelo walohia a hoeha noonoo, me he pahi oilua la e haehae ana i ko'u puuwai ma na hora liula o ka Poakolu la 7 o Iune o ka hora 5 paha ia o ia ahiahi o ia ko Mr. Kalehiwa Kahele i iho mai ai, maiuka mai o makou, me ka hapa eke kalo.
Kuu i ka ukana mai ka ai iho, o ia kona wa i pane mai ai i ka huaolelo walohia me he poka pahu la ka nakolokolo iloko o ko'u mau pepeiao, o Kahula Pilipo H@ae, ua make i keia kakahiaka. Auwe ka ehaeha, ame ke aloha hoi me ka minamina i kuu kaikamahine hookahi wale iho no i kuu ike ole i kona helehelena a moe aku la oia i ka poli o ka makuahine honua.
Aohe he lono i hoikeia mai ia'u mai kona ma'i ana ahiki i kona make ana, a i na hora o ia ahiahi, he lono make ka mea i loaa ae, a lohe au i kahakai o Honokua, oiai au me ka'u wahine e nanea ana me ka Mr. Kalehiwa wahine i ke kaomi a ka makani kewai o ia ahiahi, a e hoolohe ana hoi i ka nehe o ke kai o Keawakapu, pa pono ana ko'u pepeiao i ka lono kaumaha.
Ua hanau o Kahulaleaokeakealani (w) i ka la 14 o Iune M. H. 1867; i ka 15 o kona mau makahiki, ua mare laua me Pilipo Haae, a o ke 40 makahiki o ko laua noho ana me ka maemae, ua hoolu'e mai ko laua puhaka mai i na keiki he 14, he 4 keikikane, 10 kaikamahine, a he 2 keikikane i moe, a 2 kaikamahine i moe, ua loaa no nae ka laua mau hua ohaoha mai ka Haku mai 2 a kekahi 1 a kekahi e ola maikai nei no.
O kuu kaikuahine i moe aku la i ka moe kau a moe hooilo, he wahine oia ma ka hanau ana, he kane maoli oia ma ka hana, ma ka mahiai oia ka helu ekahi ma Kealia apuni, aole he wahine e ae ma ia mau aina a kane paha nana e uhai mahope o kona mau lala hana, a pela no ka lawai'a, ma ka olelo ae, he makuakane maoli oia no ka home, e malama ana i ka ohana malalo o kona ikaika ame kona hoomanawanui me ke kunukunu ole, a he @iha kona alo i kana mau keiki ame na moopuna.
Me keia mau manao ame keia mau hoakaka, ua lawa kaua, me ke aloha a nui, a ke haawi aku nei au i na ohana ame na hoaloha i hele e ike, a e huna i kuu kaikuahine i kou aloha a nui ia oukou apau. Owau no me ke aloha paumako oiaio,
S. M. PAAUHAU,
AINA ME KA HALE NO KE KUAI
Hale hou i noho mua ole ia me ka aina no ke kuai, Hele 226 Alanui Makee Ailana, Waikiki. E ninau ia John K. Kamanoulu, 230 Alanui Makee Ailana, a i ole, e kelepona mai ma ka Helu 79347
6511-Iulai 6, 13, 20.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka THE HOKUITSU MUTUAL SUPLY COMPANY.
OIAI, o ka THE KOKUITSU MUTUAL SUPPLY COMPANY, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, eliko me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 29 o Iulai, 1922, a o kela ame keia mea e makemake ana o hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko@ Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi o ae ole ia aku ai ka palapala noi i olelo ia.
HENRY C. HAPAI,
Hope Puuku Teritore o Hawaii.
Honolul, Mei 19, 1922.
6505-Mei 25: Iune 1, 8, 15, 22, 29;
Iulai 6, 13, 20, 1922.
KAHEA HALAWAI.
E noho ana ka halawai makahiki a ka Hui Kuai Aina o Peahi, i ka la 29, o Iulai, 1922, maloko o ka Halepule Moremona ma Peahi, Hamakualoa, ma ka hora 10 a. ., nolaila ua makemakeia na lala apau o ka hui e akoakoa ae ma ia la, ma ke kauoha a ka peresidena o ka hui, no ka hooponopono ana i na mea e pili ana i ka hui, a no ka hoolohe ana i na hoike a na lunanui o ka hui.
FRED WILHELM,
Kakauolelo.
6512-Iulai 13, 20, 27.
Ka Pila
GRAFONOLA
COLUMBIA
Maopopo ka Wa e Pau Ai
Na ka mea hoopaa nona iho e makaala ia @ea nou. Ua hiki ia oe ke hulahula ahiki i ka huaolelo hope loa.
Uku Liilii ke Makemakeia
Thayer Piano Co.,
LIMITED.
148-150 Alanui Hokele
Mau Apana Aina Kuai
$300-Lot 50x100, Kapahulu. $20 down $10 per month.
$450-Loa 50x150, Claudine Ave., Only two left. $20 down, $10 per month.
$550-Lot 50x150, 16th. Ave., Only one left. $20 down, $10 per month.
$800-Lot 75x150, Ocean View, Kaimuki. $50 down, $20 per month.
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Papu ame Betela.
Ma Ke Kauoha
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke TONG YIP COMPANY, LIMITED.
OIAI, o ke TONG YIP COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii.
Honolulu, Iune 20, 1922.
6509-Iune 22, 29; Iulai 6, 13, 20, 27, Augate 3, 10, 17, 24.
TERITORE O HAWAII.
Keena o ka Puuku, Honolulu, Oahu.
Ma ka hana e hopau ana i ka ISLAND COMMERCIAL COMPANY, LIMITED.
OIAI, o ka ISLAND COMMERCIAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Puuku, Teritore o Hawaii.
Honolulu, Iune 20, 1922.
6509-Iune 22, 29; Iulai 6, 13, 20, 27, Augate 3, 10, 17, 24.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAIKU CO-OPERATIVE ASSOCIATION, LIMITED.
OIAI, o ka HAIKU CO-OPERATION ASSOCIATION, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii.
Honolulu, Mei 29, 1922.
6506-Iune 1, 8, 15, 22, 29; Iulai 6, 13, 20, 27, Augate 3, 1922.
HOOLAHA I KA POE PAA AIE.
Waipahu Land Company, Limited.
Ma keia ke haawiia aku nei ka hoolaha, ua hoopauia ka WAIPAHU LAND COMPANY, LIMITED, he hui Hawaii i hoohuiia, a ua kohoia aku ke JOHN II ESTATE, LIMITED, he hui Hawaii i hoohuiia i Kahu, no ka poe paa aie ame ka poe paa mahele no ka Waipahu Land Company, Limited, ma ke kauoha a Henry C. Hapai, ke kokua Puuku o ke Teritore o Hawaii, i hanaia i Iune 19, 1922.
Ma keia ke haawiia aku nei ka lohe i ka poe paa aie apau o ka Waipahu Land Company, Limited, e waiho mai i ka lakou mau koi i ka mea nona ka inoa malalo iho nei, ke Kahu i oleloia, ma kona keena oihana ma ka Helu 402 Hale Kauikeolani, 116 Alanui Moi Hema, Honolulu, Teritore o Hawaii, iloko o Kanaiwa (90) @a mai Iune 22, 1922 aku, (o ka la ia i hoopuka mua ia aku ai o keia hoolaha). O na koi apau e waiho ole ia wai ana pela, e hoole mau loa ia aku no.
Hanaia, Honolulu, Iune 20, 1922.
JOHN II ESTATE, LIMITED.
Kahu no ka põe paa aie ame ka poe paa mahele o ka Waipahu Land Company, Limited.
6509-Iune 22, 29, Iulai 6, 13, 20.
T. O. MURATA
FURNITURE STORE
(Na noho hoolimalima me lako pa maanei.)
Na Lako Hale hou me Kahiko.
Hoolimalima me Kuai Hoolilo.
715 Alanui Hema, Honolulu, T.H.
Kelepona 1693.
CITY MILL CO.
KEKAHI O NA HUI KAHIKO LOA MA HONOLULU NEI.
Pee kuai papa, Pilihale, na lako Paipu, na Laau Puke Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na heekaa liilii.
O KA OI LOA AKU NO KA POE HOOKUONOONO.
Mai Poina---Hele Mai Ia Makou
"Kihi o na Alanui Moiwahine me Kekaulike. Honolulu, T. H.
Honolulu Planing Mill,
LIMITED.
POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.
ALANUI PAPU, ESPLANADE
KA VICTROLA
-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
âme na mea apau pili i na mele.
Bergstrom Music Co.
1020 Alanui Papu Honolulu
He Pahuolelo Victrola Anei Kau ma ka Home?
Ke kuai nei makou i na ano like ole o keia mau @ ikini mai ka $25 a pili aku.
Maanei o loaa ai na Papa Leo Mele hou, na Mele Olelo ame na Pepa Leo Mele.
Ma ke ano nui, NOU MAKOU MA NA MEA PILI MELE.
Hawaii Sales Co., Ltd.
Nuuanu, kokoke i ke Alanui Mof.
Keena Hawaii
NO NA
Lako Hana Mahiko
Hapuku Kila Oliver
Chilled âme na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA HANA HOU ANA
Schuman
Carriage Co., Ltd.
Na Paionia o na Hana Halihali o Hawaii nei
HALE UWI WAIU
MAPULEHU
PUKOO, MOLOKAI
E Hooholo Ana i ka
MOKUKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA.
Poe Lawe Hau me Waiu
He Apana Aina a he Home Anei Kekahi Ou, I Makemake Ai e Hoolilo no Kekahi Kumukuai Kupono?
E HAAWI MAI NAʻU E KUAI HOOLILO NOU.
He nui ka poo i haawi mai i ka lakou kauoha ia'u no ka makemake i home no lakou, a eia lakou ke kali nei.
FRED K. MAKINO
Kelepona 3052
Keena Pa'i o ka Hawaii Moch@ Alanui Moiwahine.
Mawaena o na Alanui Kaahumanu ame Nuuanu.
Kakela & Kuke
(KAUPALENAIA)
Poe Kalepa ma ke Komisina
A HE
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year)….&2.50
O na Dala âme na Hoolaha apau e hoo@na pololei mai i ka ADVERTISER PUBLISHING CO., L.TD wale no, P. O. Box 3110, Honolulu, T. H.
217 Alanui Moi ma Waikiki o ke Alanui Alakea; ka Nupepa Advertiser.
Entered at the Post Office at Honolulu, T.H., as Second Class Matter.
SOLOMON HANOHANO, Luna hooponopono.
CHARLES S. CRANE, Luna Nui.