Ka Nupepa Kuokoa, Volume LXI, Number 28, 13 July 1922 — E Auamo i ka Ko'iko'i e Pono ai [ARTICLE]

E Auamo i ka Ko'iko'i e Pono ai

Ua ahewaia o Mr. Herbert Truslow, ka peresidena mua o ka banako o na kanaka o liilo, e na kiure, no ka pili o ka hewa lawe i ka waiwai i haawiia aku nana e malama, a ua kauia aku ka hoopa'i maluna ona, no kona noho iloko o ka halepaahao, no kekahi mau makahiki, mamua o kona hookuu hou ia ana mai. . Ma ka moolelo o na hana.i lawelaweia e Mr. Truslow, ua ili aku ka poino nui maluna o kekahi poe lehulehu i hookomo i ka lakou maloko o kela banako, a maloko hoi o ka hui hoopukapuka waiwai, i noho poo ia e Mr. Trustow; nolaila i ke ahewa ana o na kiure iaia, pela hoi ke kau ana mai o ka lunakanawai, i ka hopa'i maluna ona, ■ ua hoomamaia ae ka manao o ka poe ana i hana hewa aku ai, aole paha no ka hoihoi hou ia aku o ko lakou poho, aka no ko lakou ike ana, ua kau aku na ahewa ana maluna ona. Ua hoohalahala aku nae o Mr. imua o ka aha kiekie i kela olelo hoholo, he hookanaaho wale no, malia o kaa i'o ka pono ma kona aoao, malalo paha o kekahi mau hemahema ma ka aao 6 ke aupuni, o kona pakele no ia; aka nae, aole ia e holoiia ae ai na alina a na kanaka ana i hoopoino aku ai e nana mau aku ana, he mea oia i kolohe aku i ko lakou mau waiwai. Ina e holo like ana o John H. Wise ame Norman K. Lyman, no ke alualu ana i ke kulana elele lahui, ma keia kau koho baloka wae moho, e hoea mai ana, he hana paakiki, ka loaa ana o ka lanakila, o kekahi o laua. Aole he moho ili keokeo i loheia ae i keia mau la, aka nae, ua lawa na haole, me na kanaka makaukau loa, a ina no ke kukuluia mai o kekahi haole, no ka holo ku-e ana ia elua kanaka Hawaii, ua maopop'o loa o ka haole ana ke waeia, a ina no hoi no ka loli o na haawina laki, alaila o kekahi ana o na moho Hawaii, ke lanakila. L T a loaa mai ka ike i keia keena, oka Lunanana Poi David Kanuha, ka mea nana e imi mai nei i ke alahele, e hoemiia mai ai ke kumukuai oka poe, e kuaiia mai nei ia kakou. Ua hoemi i'o ia mai ka poi, ma-ka la mua iho la o keia mahina, a i ka nana aku, aole he loihi o ka manawa a kakou e kakali aku ai, ma keia mua aku, e hookaulike mai ana na wahi hana a kuai poi, ika lakou kumukuai. He pomaikai hoi paha ia no «a kanaka Hawaii!