Ka Nupepa Kuokoa, Volume LXI, Number 28, 13 July 1922 — E Hoopaa Hou Ana na Inoa [ARTICLE]

E Hoopaa Hou Ana na Inoa

Ua hoea hou mai i ka manawa e hoopaa ai, ka poe kupono i ke koho haloka, i hoopaa mua ole i*ko lakou mau inoa, a i koho haloka mua ole hoi. Ma kekahi wahi o keia pepa, e ikeia ai ke kahea a ke kakauolelo kulanakauhale a kalana, no ka manawa i hookaawaleia, ma kela ame kei mahele koho, e hele ae ai ka poe i paa oltf ko lakou mau inoa, no ka hoopaa ana maloko 0 ka buke o ka poe kupono i ke koho haloka. Ma keia kahea hoopaaiiioa, no ka poe kupono i ke koho baloka, ua pili wale no ia i ka poe i koho baloka ole, ma ke kau koho baloka o Novemaba i hala, o ka 1920, ina paha ua hoopaa 1 ko lakou mau inoa, a hoopaa ole paha; no lakou ia e kauohaia aku nei, e hele ae, ma na wahi i hoakakaia, ma kela hoolaha, a ma na manawa hoi i hoikeia no ka hoea aku o ke kakauolglo kalana. No ka apana o Honolulu nei, ua hamama mau ke keena o ke kakauolelo i na la apau o ka pule, iloko o na hora hana, mai ke kakahiaka mai ahiki i ke ahiahi; o ka poe i hoopaa mua o!e i ko lakou mau inoa, i hiki ai ke koho baloka ma keia mua aku, .ano ka manawa e hele koke ae ai e hoopaa i keia wa, n ai na kane a na wahine, mai kakali wale, me ka manao iho, aole he waiwai, oka loaa ana mai o ka pono koho baloka. E hoopau loa i kela manao, mai hoolilo ia kakou i poe naaupo, o hoea mai auanei i ka wa e mihi ai, he mihi make nae, no ka mea ua hala aku la ka wa kupono? 1 No ko na apana kuaaina aku nei hoi, ua maheleheleia ka,manawa a ke kakauolelo kalana e hoea' aku ai, no ka hoopaa ana i na inoa, nolaila e makaala loa i ka manawa, he mea hoomaalahi mai ia i ka poe ma na kuaaina; ina lakou e hoohemahema ana, alaila i wahi e hiki ai ia lakou ke koho baloka, e konoia ana lakou e pii okoa mai i Hono,lulu nei, e hoopaa ai i na inoa irteloko o ka buke o ka poe kupono i ke koho baloka. E hoomanao e na makaainana, i kupono i ke koho baloka, o ke kau koho wae moho e hoea mai ana, iloko ae nei o ka mahina o Okatoba, he koho ano nui ia; ma ia koho baloka, e wae ae ana kakou, i ka moho elele lahui, no ka ahaolelo lahui, ma Wakinekona, a ma ia manawa hookahi no hoi, e wae ana kakou, i na moho noloko o ko kakou ahaolelo kuloko. I wahi e loaa ai ia kakou na kanaka kupono, na kanaka i hiki ke aku, no ko lakou lilo i poe hana kanawai kaulike, aia ke ko'iko'i maluna o na makaainana koho baloka, ke koho ana aku ina keia kau wae moho; nolaila mai hoohemahema i ka pono koho baloka; aka e hele koke ae,. oi hamama ka puka no ka hoepaainoa ana i keia wa, waiho auanei a paa ka puka, a pau ka manawa no ka hoopaa ana i ka inoa, o ka wa ia e imi [ae ai i na kumupale ano ole, ua hala nae ka wa pono.