Ka Nupepa Kuokoa, Volume LXI, Number 28, 13 Iulai 1922 — Huli Hoi Mai Nei ka Elele H. A. Baldwin E Hala Ana Iaia he Mau Mahina Maanei Mamua o ka Hoi Hou Ana no Wakinekona UKALI PU MAI NEI O MRS. BALDWIN ME IA Hoike Hou Oia i Kona Manao Aole e Holo Moho no ke Kulana Elele no Hawaii Nei [ARTICLE]

Huli Hoi Mai Nei ka Elele H. A. Baldwin

E Hala Ana Iaia he Mau Mahina Maanei Mamua o ka Hoi Hou Ana no Wakinekona

UKALI PU MAI NEI O MRS. BALDWIN ME IA

Hoike Hou Oia i Kona Manao Aole e Holo Moho no ke Kulana Elele no Hawaii Nei

Ma ka mokuahi Wilhelmina o ke ku ana mai ma ka Poalua aku la i hala, i huli hoi mai ai ka Elele Baldwin mai Wakinekona mai, i ukali pu ia mai e Mra. Baldwin, a ua apoia aku laua e na hoaloha lehulehu, ma ka uwapo, iloko o 'na manao ohohia, no ka halawai hou ana, mahope iho o ke kaawale ana no kekahi mau mahina. Ma ka wa i ninauia aku ai, ina paha e holo hou ana ka Elele Baldwin i moho no keia kau, ua hoole loa ae oia, elike no me kana i hoole mua ai, ma na hoike i loaa mai i Hawaii nei, mai Wakinekona mai, nolaila ua hoopau loa ia ae na pohihihi o koonei poe, no ke kulana oiaio o ka Elele Baldwin no ka ninau elele lahui. Ua hoakaka hou ae no hoi oia i kona manao, o ia kona komo ole mai ma kekahi ano, e hooikaika i kekahi moho, ma keia kau koho wae moho ae, aka nae i ka wa e waeia ae ai ka moho a ka aoao Bepubalika, o kona manawa ia e haawi ai i kana mau hooikaika ana, no ke kohoia o ka moho Bepubalika, a ua manaoio loa oia, e kaa ana no ka lanakila i ka moho a ka aoao Bepubalika, ma keia kau. j Ua hauoli loa ka Elele Baldwin, ;n,o keia hoea hou ana mai la no a e hoohala ana oiā maanei no kekahi mau mahina, ahiki I i ka pau ana o ke koho baloka laula | iloko ae nei o Novemaba, a ma ka mahina aku o Dekemaba, e hoi hou ai oia no Wakinekona. No na mea e pili ana i ka bila e haawi ana i ke kuleana paa oihana o na wahine,. ua hooholo ka hale 0 na lunamakaainana i ka bila, a koe aku ka aha senate, aka aolo no nae ona kanalua, no ka holo o kela bila iloko o ka hale oluna. No kekahi mau hooponepono ahaolelo e ae, i manaoia no Hawaii nei, a laa ka hookomo pu ia aku o Hawaii, iloko o ka bila haawina, no na kula, na alanui ame kekahi mau -hana ano nui e ae, ua hookaliaha loa ia kona noonoo, no ka mea aohe maliuia mai o kana mau hooikaika ana no ka pono o Hawaii nei, Qiai aia ka ahaolelo ma ke kulana e hoemi mai ana i na hoolilo, a ma kekahi olelo ana ae hoi, aia ma ke kulana homakaulii. No na mea hoi e pili ana i ka bila hoopae limahana, ua nui na ku-e 1 lioalaia mai e na ahahūi uniona, eia nae aia ka bila ma ke kulana ana i manao ai, e holopono ana no. O ke kumu ku-e ikaika, i hoalaia mai no keia bila, ina no ka aeia e hookomo mai i na Pake i Hawaii nei, alaila o maalahi ana ko aiahele no lakou e klomo aku ai i Amerika, oiai nae aole i ikeia mamua, ka hoao ana o na Pake, e holo aku no Amerika mai Hawaii aku nei. Ua lioohalaia kekahi manawa e ka Elele Baldwin, ma ke kamailio pu ana me ka Peresidena Harding, mamua o kona haalele ana aku ia Wakinekona, a me he mea la, ma ka manawa e noho mai ai ka ahaelele hana Repubalika, ma keia pule ae, e lilo ana ka Elele Baldwin', i mea kokua nui, ma ka hoakaka ana ae, f kekahi mau hana kupono loa, e liokomoia iloko o ke kahuahana kalaiaina, no keia nee ana aku.