Ka Nupepa Kuokoa, Volume LXI, Number 28, 13 July 1922 — HE HOALOHALOHA NO KO MAKOU PAPA ALOHA. [ARTICLE]

HE HOALOHALOHA NO KO MAKOU PAPA ALOHA.

£ kuu Nupepa Kuokoa; ka uwila ahai meahou, a nau hoi ia e hai aku i na kini makamaka; ua oluolu i ka Makua Mana loa ke kipa ana mai mā ka ipuka hale o ko makou papa aloha J. R; Kahulamu, ma ke ahiahi o lune 2, 1922, a lawe aku la i ka hanu makamae o ko makou papa, i aloha nui ia, a waLho iho la i ke kino puanuanu, mahope nei na makou, na kana mau keiki e paiauma alfu ai, ma keia aoao o ka muliwai eleele o ka make me ka ohana. ** No ka pule hookahi wale no ka ma'i ana, a hoi aku la me ka mea nana i hana. ko iho la ka ka buke Nui i hoakaka mai ai, he mahu ke ola o ke kanaka i pua aj a nalo aku. Ua hanauia ko makou papa ma Kahaluu N. Kona Hawaii, a make no malaila i ke 70 o kona mau makahiki, a waiho iho la ia makou na keiki eono e ola nei, eha keikikane, ā elua kaikamahina na moopuna he iwakalua me hookahi kaikamahine hanai. 0 makou na keiki i hooneleia i ka makuakane, ke haawi aku nēi i na hoomaikai he' nui i na makamaka ame> na hoaloha i akoakoa pu mai me makou, i na hora o ke kaumaha, ko iho la ka ko kakou Haku aloha i kauoha mai ai, e hele njai oukōu apau i ou nei, poe luuluu a kaumaha a hau oukou e hoomaha aku, o makou iho no kana mau keiki i hooneleia i ka makuakane ole. B. K. KAHULAMU, T. H. KAHULAMU, C, KAHULAMU, MISS MABY PAULO,