Ka Nupepa Kuokoa, Volume LXI, Number 28, 13 July 1922 — KA MOOLELO NO KII PENA ELUA. [ARTICLE]

KA MOOLELO NO KII PENA ELUA.

(Kakauia e Thomas K. Maunupau) He mau makahiki loihi i hala ae nei, oiai kekahi kanaka Italia kaulana i ke pena kii, e hele ana ma na alanui o ke kulanakauhale, me ka naau luluu, mamuli o kekahi mau pilikia, ua halawai iho la oia me kekahi wahi keiki uuku, nona ka helehelena i like me ka anela. I kona ike ana i kela helehelena, ua poina koke oia i kona mau pilikia apau, a piha ae la me ka hauoli. "E pono e pena au i kela helehelena anela, no ko'u keena waiho kii, M wahi ana i puana ae ai. "Oluolu _anei oe e hele pu mai i ko'u keena pena kii no ko'u pena ana i kou kiil" i ninau aku ai ke kanaka aoo i ka opio. Ua ae aku la ka opio, a uhaele aku la, a mahope iho o ka hala ana o kekahi manawa, ua paa iho la'ke kii anela o ke keiki opio i ke penaia. Ua hauoli loa ke kanaka penakii, i ka nana mau ana i kela helehelena anela, a i kona mau hora o ka luuluu ame ke kaumaha, ua hoomahaia mai la kona naau, a olioli kona puuwai, ma ka nana mau ana i kela kii o ka anela maikai. Ua lehulehu ka poe i kipa mai, i makemake e kuai i kela kii, aka, aole ona ae e kuai i kela anela maikai. Ua nele no oia i kekahi manawa, aka, aole no oia i kuai aku i kela kii.

He mau makahiki i hala ae, a iaia e nana mau ana maluna o kela kii, ua nalu mau kona noonoo, pehea la ko ano o kela keiki iloko o ia manawa. "Makemake au e ike i ka helehelena o keia keiki i keia manawa. E hoomaopopo anei au iaia, aole paha? He kanaka maikai anei oia, a i ole, ua hahai aku anei oia ma ke alahele o ka ino ame ka poino! A ina ua hala oia ma kela ao, aia anei oia ma kahi o ka hauoli mau loaf " I kekahi la iaia hele ana iloko 0 ke kulanakauhale, ua halawai iho la oia me kekahi kanaka opiopio nona ka helehelena ino ana i ike ole ai mamua, a o ia kana i puana ae ai: ' 'Makemake au e pena i kela helehelena, a e kau pu me ke kii o kuu anela maikai." Ua noi mai la ke kanaka opio iaia i dala, oiai he kanaka makilo oia a aihue. (< E hele pu mai i ko 'u keena pena kii no ke pena ana i kou kii, alaila haa--1 wi au i dala nau.' * Ua hahai aku la ka opio mahope o ke kanaka penakii, a kali iho la no ke penaia ana o kona kii. I ka pau ana, a loaa mai na dala, a iaia e haalele iho ana i kona nohp, ua nana aku la oia ma ka paia hale, a halawai aku la kona ike me ke kii anela e kau mai ana, ua haloiloi koke ihō la kona mau waimaka a uwe ae la oia a nui. Kuhikuhi aku la oia i ke kii e kau mai ana, a me ka leo o ke kauaka poino, ua puana ae la oia: "He iwakalua makahiki i hala ae nei, ua koi mai oe ia'u e hele mai iloko nei no ke pena ana i ko'u kii, a o kela helehelena anela maemae, o ko'u kii no ia. E nana mai ia'u he kanaka poino i keia manawa, ua lapuwale a ino ko'u helehelena. ,f Ua kahaha loa ke kanaka penakii, a ua hiki ole iaia ke hilinai mai, a o ia kana i ninau mai ai: "E hai mai, heaha ke kumu o keia loli ano e ana o kou anof" Ua hooma-

ka aku la ke kanaka opio e hoike i kona moolelo walohia: Oia hookahi wale no ke keiki a kona mau makua, a no kona hookahi. a kanaka opio u'i, ua lilo oia i mea pailaniia Ua pili pu oia me na keiki kolohe a lapuwale, a ua ike oia i na hana lapuwale. He nui no kana dala, aka, ua hoolUo oia ma na mea waiwai ole ame ka uhaai ana i ka inu waiona, a i ka pau ana o ke dala ua hilahila oia i Tce noi ana a hoomaka i na hana ino ame ka ai- : huo. Ua paa oia ika hopuia no ka aihue a hoopaahaoia. Aka, ika hemo ana mai, me he mea la ua konoia mai no oia e hana hou aku i na hewa nui ae a oi aku. He moolelo piha walohia keia, a ua kulu iho na waimaka o ke kanaka penakii, iaia i lohe aij a me ka naau mokumokuahua, a'o aku la oia i ke kanaka opio e haalele ia alahele o ka poino, a e kokua no oia iaia. Aka, aia hoi, ua hala ka manawa kupono. Ua loaa oia i ka ma'i mamuli o kona uhaai i ke ola kino, a iaia i hoomaopopo ae' ai i ka nui o na ehaeha no na poino i loaa iaia, ua naha aa la kona puuwai a make iho la mamua o ka hiki ana iaia ke hoi hou mai ma ke alahele o ka pono. Ua kau hoopili kokoke ia keia mau kii elua o ka anela maikai ame ke kii ino ma ka paia, a i ka poe makaikai e ninau mau ai iaia no ke kumu o kona kau pu ana i kela kii ino ame ke kii maikai, ua pane aku la oia: "Mawaena oka Anela Maikai ame ke Diabolo, he Iwakalna wale no Makahiki o ke Ino."