Ka Nupepa Kuokoa, Volume LXI, Number 28, 13 July 1922 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

" "a hoike muaia ae nei na inoa o keia mau lede ma ka hoo:::aka aua o keia mokuna, nolaila he mea hoopau manawa wale w ka palua aku o ka hoike ana, a ua hoike mua ia ae nei no 'ko laua holo ana mai i Amenka a eia laua maloko o ka ir ; npaniole Komohana i nei manawa, no ka imi ana e loaa ia laua na ola kino maikai a no ka hooko ana hoi i ka makenake o ka Lede Linetona, ka enemi ino loa o Vekinia. No 3<o Mrs. Fanamu moolelo iho, ua mareia oia i kona maJfeiva opiopio loa, a he makuahine hoi oia no kekahi mau keiv i ekolu—elua mau keikikane a hookahi kaikamahine. 1 lona manawa he kaikamahine ua lilo oia i pulakaumaka ra kiekahi mau opio kane o Enelani, a he lehulehu kana mau •:x>, aka nae, no kona nana nui aku i na luhiehu o keia ola ana, va hoole aku la oia i ka nui o na kane i kii mai ai iaia i huluhulō moe kehau no Milolii, he poe inoa koikoi wale no aole nae he oui o ka waiwai, a haawi aku la i kona lima ma ka mare i kekahi kanaka waiwai, he kanaka hoi me na miliona paona e ioaa ai no he manaolana e hoonui hou ia aku ana ia mau mili- < r.a iloko o ko laua manawa e mare ai. No Miriama Hita hoi, ke kaikuahine o Sa Wiliama, aole i ! k?e aku kona ui me Mrs. Fanamu, he ano hoihoi ole ia kona i ka nana aku e ume nui ole ia aku ai ka noonoo o na kanaka onio nona, a aneane loa oia e lilo i wahine elike me ka olelo a ka haole <4 01d Maid" mamua o ka loaa ana o kekahi kanaka i makemake mai iaia a mareia oia me ia. Iloko o na la opio o keia mau wahine i hoaikane ai laua, a ma ia ano i lilo ai o Mrs. Miriama Linetona i mea ike mau īa maloko o ka hale nani o kana aikane, me ka makemake nui iloko ona no na keiki a ke aikane, a mamua o ka piha ana o na makahiki he umi a oi ia Sede Fariamu, ke kaikamahine a Mrs. Fanamu, ua hoolala laua no ka hoopalau ana ia Sede Fanamu me ka hoilina waiwai o ka Hitadela, o ia ke Sa Wiliama i nei manawa, a e hoomareia laua i ko laua manawa e oo ai. *Ua lilo keia hopalauia ana o na opio i mea moeuhane mau ia no kekahi- mau makahiki lehulehu ma ia hope mai, me ka manao e hiki mai i ka manawa e hookoia ai ia mea nui i upuia, aneane mai, ka opiopio loa mai no o Sede Fanamu i aoia aku ai oia me ka naaupo loa e manao mau iho oia e lilo ana i hakuwahine no ka Hitadela i kekahi la e hiki mai ana, a e lilo ana ka Hitadela i home nona ma ia mua aku, a e nana mau aku hoi oia ia Sa Wiliama oia aku ana kana kane e mare ai oiai ua hoopalauia laua. , Nolaila, e ike mai kaua, e ka makamaka heluhelu, he puupuu ikaika loa ka mare ana o Sa Wifiama i ku'iia aku i ka poe apau i manaolana mau oia ana ka Sede Fanamu kane e mare aku ai, a eia nae ua mare aku la oia i ka wahine "i ike ole ia" wahi a lakou, he wahine haahaa loa a i loaa aku hoi ma na aina hihiu 0 Amerika, a ua lilo ka Sa Wiliama hana i mea ku-e aku i ka mea i manaoia nana, a ua hoohaahaa hoi i ka inoa alii o kona ohana ame kona aupuni. fUa like ka Lede Linetona i nei manawa me kekahi wahine 1 uluhiaia e kekahi uhane ino no kona piha loa i ka inaina no ka hoohokaia ana o kana mau hana i hoolala ai, no ka inoino ]oa o kona noonoo no Vekinia, ka wahine opio hala ele, ke kumu hoi o ia hoohokaia ana o kona mau manaolana, ua ku a hehena maoli oia, ua haalele mai na manao maikai apau i kona 1010, o kona kulana hanohano a lede oiaio ua hoolei aku oia ia mau mea i 'na welelau makani, a hooholo paa iho la i kona manao e hooikaika ana oia ma na ano apau e hiki ana iaia e hoolilo i ka hauoli o ka paamare hou i mea e hooehaehaia ai laua. Ua hooholo oia ia manawa e lilo oia i hoahui me kona hoaloha me Mrs. Fanamu ma ka hana ana e hookaawaleia ai ke Sa Wiliama mai ia Vekinia mai. O kahi i laki ai o nei manao ona aia o Mrs. Fanamu ma Kaleponi ia ka home mua o Vekinia i noho ai me na makua, a malia e'hiki ana paha iaia ke ninaninau aku i kekahi poe no na mea i hanaia, na meahuna hoi nana i hookumaha i ko Vekinia noonoo i na la mamua aku, a i huna ai oia i kona inoa oaio, a i nee aku ai hoi no kekahi mokuaina okoa, kahi l*ho nui ole ia e na kanaka. Malia e ioaa mai ana kekahi mau ike ia Mrs. Fanamu, ame ia mau ike e hiki ai ke noii aku i na mea apau e pili ana ia Vekinia ame kona mau makua, a elike me ia a kakou i ike ae nei mamua, no keia piha ona i keia manao, i hoomaka koke ai oia e kakau i kekahi mau leka na Mrs. Fanamu, e kauoha aku ana iaia e huli aku ma ka ninaninau ana i na itiea apau a e pane koke mai. Ma kekahi mau leka hope a ka Lede Linetona o ke kakau ana, e kauoha aku ana ia Mrs. Fanamu e holo koke ae i Nu loka, no ka mea ia manawa ua loaa ka ike maopopo iaia aia 0 Yekinia i Nu loka kahi i noho ai, a ma ka hokele a Vekinia e noho ana ma ia hokele pu oia e noho aku ai, i hiki ai iaia ke hana aku i na hana apau e hiki ai iaia ke kokua mai i mea e holopono ai kana mau hana manao ino. Ma ia ano e loaa ai ka ike ia kakou aole wale o Mrs. Fanamu ame kana kaikamahine maloko o ka hale % hookahi me Vekinia, aka, ma ka papahele like no o ka hokele a Vekinia e noho ana, a e kakali ana hoi o Mrs. Fanamu o ka loaa o ka manawa kupono iaia e hana mai ai i ka hana hoopoino ia Vekinie, e lilo ai ko Vekinia hauoli i mea kaumaha ma ia mua aku. Ma keia manawa a Vekinia e noho ana me ka hoomanao i ke kane ua hoopihaia oia me na manao haohao i kela ame keia manawa no ka loaa ole mai o ka leka a kana kane iaia, no ka mea i na manawa maihua aku, o ka mokuahi no nana t iawe mai i na leka a ke kane oia no na mokuahi e hoea mau mai ana, eia nae, ka mea haohao aohe ana leka. 4 Xo keia nele o ka loaa mai o ka leka a ke kane iaia aneane e ku a hehena maoli oia, aka nae, ua hoolana wale ae la no oia i kona manao me ka olelo wale iho no iaia iho, e hoi hou mai ana no ke kane e kii iaia, a malia o ke kumu o ia nele ona aia ke kane ma ke alahele e kii mai ana ia laua. Aka nae, 1 ka hala ana ae o kekahi manawa me*ka loaa ole mai o kekahi leka mai ke kane mai, ua lilo maoli ia i kumu ma'i nona. "Malia paha ua ma'i oia," wahi ana o ka nalu ana iho i kekahi la, "eia nae ina he ma'i kona aole no oia e hoonele ana i ke kakau mai i kekahi leka na'u ma ka lima mai o kekahi kanaka, a i ole e hoike mai ana no kekahi lala o kona ohana ia'u me ka maopopo loa. Xo keia nele a no ka nui no hoi o kona haohao me ke aloha pu i ke kane, kakau hou iho la oia i kekahi leka hou e hoakaka aku ana i na mea apau no kona haohao i ka loaa ole mai o kana leka iaia no kekahi mau mokuahi lehulehu o ke ku ana mai, a e hoakaka pu aku ana no hoi i ka mea e pili ana iaia ame kā laua btbe, me kona moeuhane ole ua pau kana mau leka mua o ke kakau ana i ka heluheluia a puhiia i ke ahi e ka mea manaoino. i kela ame keia la mahope iho o ka hoea ana aku o Mrs. Fanamu ame kana kaikamahine, hele niai la kekahi o-laua a i kekahi manawa, o laua like no a hui me Vekinia, i ko Vekinia manawa e hele holoholo aku ai maloko o ka holo, a ia laua e

hookokoke mai ai iaia nei, e haawi mai ana kekahi o laua, a i ole o laua like no i ko laua aloha ma ke kunou ana mai, me ko laua haawi like mai i ka minoaka i kekahi manawa, a i ka hookamaaina loa ana iho, e haawi mai ana laua i ke aloha k;akahiaka ia Vekinia me ke ano hookamani nae, no ka mea, aia ka ino iloko kahi i noho ai, aka, i mea e loaa aku ai kekahi ike ia laua, o ko laua hoike wale mai no i ko laua mau ano oluolu ka mea e hiki ai e loaa aku. Eia nae aohe hoonui aku o Vekinia i kana kamailio ana, huli koke mai la no oia hele, a ua lilo ia hoomamao kt>ke ana mai ana i mea houiolohi i ka hoomakaaina ana a i like ole hoi ka holomua me ka Mrs. Fanamu i manao ai e loaa koke ana ka ike iaia, no ia kumu noonoo iho la o Mrs. Fanamu no kana mea e hana mai'ai. I kekahi la ua hikiwawe loa ka Sede hele ana mai a halawai me Jca wahine hiikeiki t holoholo ana maloko t o ka holo, a e hii ana no hoi ika bebe iloko o kona mau lima. "O, ke manaoio nei au o keia ka hoalauna liilii e holoholo nei maloko o keia holo i kekahi manawa," i hooho ae ai o Sede Fanamu. "He nui ko'u makemake ina kamaiki elike me keia. E ae mai anei oe e nana iki aku hoi au i kona helehelena?" "O, ke manao nei au aole no paha ia he mea e hoahewaia mai ai," i pane aku ai ka wahine malama keiki. "E ke ka-l maiki," wahi a ka wahine iftalama keiki o ka i ana iho i ka bebe, "aole o ia nei e hoopilikia ana ia oe, he nana wale mai no I kana i kou helehelena." j "Aole au e hoopoino aku ana iaia; he hale mehameha loa keia a he mea hauoli no i kekahi manawa ka lohe ana aku i ka | leo o kekahi bebe e uwe mai ana. O, he bebe u'i maoli kēna," j alaila pal« ae la i ka uhi i hiki ai iaia ke ike pono iho i ka! helehelena o ka bebe. ] "Owai kona inoa?" wahi a Sede Fanamu o ka ninau ana iho! i ka wahine hii a malama keiki, mahope o ka nana ana iho; me ka nalu nui iloko ona no ka bebe me ka puai leo ole. "O Vekinia 'Mei Hita," i pane aku ai ka wahine, me kona manao he ninau pono ka ka wahine opio. "O, u'i maoli bial Ma ko'u manao la he oi aku ka pono e kapaia kona inoa o 'Mei! no ka mea, ua like loa kona u'i me! na pua nani oka mahina o Mei." Aole ia o kona manaoio maoli, i kamailio mai oia ma ia ano no kona lohe ana o Mei kekahi inoa o ka bebe, a i kapaia iho hoi ia inoa maluna ona mamuli o kekahi kaikuahine o Sa Wiliama, elike me ia i ikeia ae nei ma kekahi o na mokuna i hala. "Aole; ua kapa iho laua i kona inoa o Vekinia. O Mei ka ka makuahine inoa i manao ai, aka ua makemake mai no nae kana kane e kapaia iho no ka inoa o kana wahine maluna o keia bebe, mamuli rro o ka nui o ke aloha ame ka makemake o ke kane i kana wahine." Pupuku ae la ka lae o Miss Fanamu no nei mau olelo a ka wahine a ninau mai la: "O kela lede a'u e ike mau mai nei e holoholo ana maloko 0 keia holo o Mrs. Hita anei ia?" I ninau mai oia ia ninau no kona makemake e hoike aku ka wahine malama keiki i ka inoa ame na mea apau e pili ana ia Vekinia. "Ae; oia, o kona inoa ia; no ka inoino o na alanui o keia kulanakauhale aohe ona makemake e hele aku i ka holokaa, a i loaa ai iaia kekahi manawa e holoholo a e hooikaika ae ai 1 kona mau wawae, pela oia i hooholo ai maloko nei o keia holo no kekahi manāwa o ka la. Ma keia manawa oili mai la o Vekinia iwaho mai kona rumi mai a ku iho la ma ka puka, a haawi mai la oia i kekahi minoaka i kona ike ana mai ia Sede Fanamu e ku pu ana me ka wahine malama keiki. Ia ike ana aku o Miss Fanamu i ko Vekinia ku mai pii iki ae la ka ula o ke ana paweo ma kona mau papalina, a pane aku la me ka manao hopohopo ole. 4 'E oluolu oe mai manao iho ua mahaoi loa keia hele ana mai nei a'u, e Mrs. Hita, e nana i keia bebe, aka e ike mai no oe, no kekahi manawa ae nei i hala ko'u iini loa ana e loaa kekahi manawa maikai, e hoolaunaia ai kaua i loaa ai i manawa maikai no'u e ike iho ai i keia bebe, ke hauoli nei au i ko'u ike ana. He bebe u'i maoli keia, a elike me ka makemake nui o kekahi poe wahine e ae i nei mea he bebe pela no me sl'u" laia e kamailio aku ana aia wale no maluna o Vekinia kona mau maka kahi i nana pono ai, me ka hookani pu iloko ona i ka maemae ame ka ui o ko Vekinia helehelena a pela hoi me kona mau aahu e komo ana, he kulana lede maopopo ana e ike aku ana e hiki ole ai iaia ke hoohewahewa iho, oiai nae kela manao lili punalua iloko ona e hana mao ole ana ia manawa, a ia manawa hookahi no nae, ke noonoo pu la no ōia aohe ana wahine opio i ike ai ka u'i elike me ka wahine opio ana e ike aku ana ia manawa, kona hoapaio. I kona manawa mua o ka ike ana aku ia Vekinia e ku mai ana ma ka puka, haawi aku la oia i kana kunou haahaa ana imua ona me ka minoaka pu. "E kala mai ia'u, e Mrs. Hita no ka mioi/ no ka mea, oiai ua hoolauna mua iho nei hoi au ia'u iho i keia bebe, e ae mai oe e hoolauna aku hoi au ia'u iho imua ou. O Sede Fanamu ko'u inoa, a he mau hoalauna pu no hoi au me ko'u mama e noho pu nei me oe maloko o keia hokele a maluna hoi o keia papahele like m'e kou. Ua lehulehu no na manawa oko kakou ike ana aku a ike mai, aole nae hoi ma ke ano e hookamaaina ai ia kakou nolaila e hookamaaina kakou ia kakou iho mai keia manawa aku." "O, ke hauoli loa nsi au i ka maopopo ana i kou inoa, a elike me kau noi e hooko mau ia aku ana ia, elike me ka loihi o ko kakou noho pu ana maloko o keia hokele," i pane mai ai o Vekinia me ka manao maikai, me ka manao nei nae ke pono la hoi ia hookamaaina ana, ma kahi o kona kuhihewa e lilo ana o Miss Fanamu i hoaloha eia nae, oia kekahi o na mooniheawa e hoao mai ana e kiko iaia me kona niho waiawa o ka make. Ua hauoli maoli o Vekinia i ka halawai ana me Miss Fanamu ma keia ano o ka hoolauna ana i maa mau ole ia, me ka manaolana nui iloko ona e lilo laua i mau hoaloha, oia ka i loaa ka manao pela, o kona enemi nae he hoolauna ana mai ia ma ke ano hookamani. No ia mau la ana e noho ana ua ike maoli iho no o Vekinia i kona ano mehameha, i anoai i ka wahine malama keiki i ka noho mau mai me ia loaa kona hookamailio, aole o kona mehameha wale, aka, o ka hoomanao mau kekahi no kana kane i kaawale mai iaia aku a i oi loa aku hoi mamuli o ka loaa ole mai o ka leka mai ke kane mai e hoolanaia ae ai kona noonoo. Aohe ona mau hoaloha ma ia wahi, a he kakaikahi loa no hōi kona poe owaho mai e hui aku ana, oiH ke kauka anie ka wahine malama keiki, nolaila aole no e nele ana kona uluhua i ka noho maloko o ia hokele me ka loaa ole o kekahi mea nana e hoohauoli mai i kona noonoo a e hoomahaia ae ai kona mau manao pilihua apau. , "Ke hopohopo nei au e manao mai ana paha auanei o mama ua hana hewa aku au a ua ku-eia hoi na loina o ka launa ana," wahi a Sede o ka hoomau ana mai i kana kamailio," aka, e ike iho no nae hoi oia he mau malihini like no kakou i keia kulanakauhale, a mai kela manawa mai a'u o ka ike lihi ana ia oe maloko o keia ahiki i keia manawa he iini nui loa ko'u e hui a kamailio pu me oe elike iho la me keia. Eae ana anei oe e komo mai au iloko o kou rumi i kela ame keia manawa kupono no ka ike ana ia oe ame keia kamaiki u'i?" No ka maikai ame ka hoihoi o ka Sede Fanamu mau olelo, a pela hoi me kona helehelena, pela me kona honi ana iho i na ka bebe e kau ana maluna o na lima o ka wahine malama keiki, ua walewale loa o Vekinia a ua lilo maoli no kona naau i ka lede opio hookamani, me kona manao he mau olelo ia ana a he ano hoaloha maikai i'o o Sede Fenamu. fAole i oau)