Ka Nupepa Kuokoa, Volume LXI, Number 28, 13 July 1922 — KA'U MEA ALOHA HE WAHINE UA HALA. [ARTICLE]

KA'U MEA ALOHA HE WAHINE UA HALA.

Mr. Solomon Hanohano, Luiiahoif* ponopono, o ke Kuokoa, aloha oe:— E oluolu mai oe no'u kauwahi kaawale o ka kaua hiwahiwa, ka if>ukukui pio ole i na kau a kau, ka mea nana e uwila aku apuni na moku, i ike mai ai o'u mau kini lehulehu e noho ana mai ka Ia puka, mai ma Kumukahi, a kiei aku i ka mole o Lehua, ho ka'u' mea aloha he wahine. Ua haalele mai kuu wahine alohfi ia'u ame na keiki a maua, i ka~ la 10, o ka mahina o lune, 1922. Ua hanauia ka'u wahine aloha Mrs. Hattie Kaaihuo Kanekoa, ma Kipahulu, Maui, i ka la 10, o Maraki, 1898, mai ka puhaka mai o Kaaihue Lepo (k) ame Aleahi Keala (w), nolaila ua piha iaia na maka- ! hiki he 24 ame na mahina ekolu , o kona hanu ana i ka ea hu'ihu'i o keia ola ana. Ua hoohuiia maua ma ka berita maemae o ka mare i ka la 11 o lanuari 1911. Mailoko mai o ko maua puhaka i hanau mai ai he elima keiki, hookahi keiki i hala mua ma kela ao, he kaikamahine ka maua hiapo, a koe mai elia e ola nei, he mau keikikane wale no. Ua hanau mai oia i ka maua'keiki hope loa, i ka la 14, o Mei 1922, iloko o kona mau la nawaliwali. Ua hoomailo ka ma'i maluna ona, mai ka mahina mai o Maraki, ahiki wale no i kona hele ana aku la. He wahine aloha ohana; he puuwai hamama i ka poe apau e kipa mai ana i ko maua home. He wahine hoomanawanui iloko o ka hune ame ka nele. He wahine hoopono, he lala oia no ka ekaleaia o lesii Kristo o ka Poe Hoano o na La Hope nei; a he hoa kuka oia no ka hui Manawale'a, he kumukula no hoi no na pokii o ke Kula Sabati. '» Ua lilo oia i mea nui i ka poe apau i kamaaina iaia; mamuli o kona ano maikai he nui, ua lilo leana mau hana maikai i mea na'u e poina ole ai i na la apau o ko'u ola ana. Nolaila ke haJwi aku nei au i ko 'u hoomaikai, i na hoaloha ame ka ohana, no ka lakou mau makana pua i lu iho maluna o ka'u mea aloha, a i puulu pu me a'u ia mau hora o ka luuluu ame ke kaumaha. Ke pule n'ei au i ke Akua, Nana no e hoomama mai i ko'u niau luuluu apau, ma ka inoa o ko kakou Haku aloha, lesu Ivristo, amene. Maluna o .ka Lunahooponopono ko'u aloha liope ame kona mau keki honohohua kepau o ka papapa'i ko'u welina pau ole. Owau iho no, ke kane wahinemake me na keiki. CHAS. K. KANEKOA SR., CHAS. K. KANEKOA «TR., WILLIE K. KANEKOA, BAMUEL K. KANEKOA, JOHN K. KANEKOA, Nahiku, Maui, T. H.