Ka Nupepa Kuokoa, Volume LXI, Number 28, 13 July 1922 — IKE KUMAKA I KA HUINI O NA PALI KUHOHO O WAIAHOLE. [ARTICLE]

IKE KUMAKA I KA HUINI O NA PALI KUHOHO O WAIAHOLE.

E ae mai ia'u e ka Lunahooponopono o ke Kuokoa; ka ipukukui uwila nana e aha'i mama aku apuni na moku, mai ka puka ana a ka la, a i ka welona a ka la i Lehua. Ma ka la, 1 o lune ua pii aku au me ka'u wahine, ame Mr. Hoaeae Luaiki, o Waikane, ma ke alahele , iluna o ka huini o na pali kuhoho 0 Waiahole. la'u e kaahele ana ma ua mau pali la, hiki pono aku la na kamahelo pii kuahiwi maluna o kekahi puu kiekie, liuli mai la ko'u kamaaina a olelo mai la maluna o kela wahi'ahua, e kau mai la mamua o [ kakou, malaila i haule ai kekalii Kepani, i kela pali, a make loa, a ia'u i nana pono aku ai, mai kahi 1 haule mai ai, a i kahi i paa ai, ua hiki aku na kapuai kiekie 500 | a hooihoia mai ke kaula me hoo- | kahi kanaka nana i kii mai kela kino make i ka pali kuhoho.

la'u i nee mai ai ihope, iho aku la au me ka'u wahine iloko o ka lua konela, a komo aku la iloko me ka liaha poelele ana, a kau pono iluna o kahi i hoomaka ai na paipu wai o hoopii ana i ka wai, a iho ma kela aoao, e holo ai no Waipahu ame Leilehua, ilaila hoomanao ae la knmahele i na pali kuhohe o na kakai pali o kona aina, na pali o Maunahina, Kauai ,oiai me ka malamalama o ke kukui e komo ai maloko o kekahi lua, a puka aku ma kahi aoao, a pela o komo hele ai a pau na helu 18 alaila puka loa i ke ao malamalama.

Iho mai la a komo ma ka lua elu.i, he wai ko ia wahi, ua hookonlōia nidi iloko o ke paipu, mailaila mai a hui me na paipu inua, pau pono loa ka wai o ktia mau pali iloko o na paipu apau, aia ka ilina i Waipahu. Huli hoi mai la a loaa na lio, olelo hou mai la ko maua kamaaina e holo kakou no Waikane, ua nee aku ka huakai a na kamahele no na pali o Waikane. Ilaila, ike iho la na kamahele i ka lawe kainepu a ka ihu o ka lio, nana iho la au he uhene mai hoi kau, i ka pukuku'i lua i ke kakalameka, mea ole ka piina ka ihona pali, i ka lawe haaheo a Kauai Boy. Hiki na kamahele ma ka hale o Hoaeae Luaiki, Waikano Cow Bay, mai iaia mai i olelo mai ai ia'u aia kela mau paipuwai e kau mai ia elua luawai mapuna, o kela wahi ua a paa, hookomoia kola mau paipuwai iloko o kela mau luawai mapuna, o ia ka wai inu o Eliwai, inu nei ame kekahi poe e ae. No keia wai keia inoa e o nei ahiki i keia la, Waikane, pii no ia mau kakai pali, nana aku la au he haahaa loa na kakaipali o Waikane, hiki na kamahele a pii a nana pono i na wahi apau o ia mau luawai. Nolaila, hoomanao ae la au i keia olelo, ma Solomona. He mea nani i ke Akua, ke huna i kahi mea, he mea pono i na lii, ke huli aku, o ia, paha. Malaila mai, huli hoi mai la na kamahele, ike aKu la au i na pali nihoniho o Kualoa, nana aku la au, a hoomanao ae la i na pali nihoniho 0 Kalalau. Kuhikuhi mai la ke kamaaina ia'u aia ma kela mau pali, aia malaila ka laau palau ooihe a Nanahoa, malaila liuli hoi no ka home o Mr. ame Mfs. Hoaeae, malaila au i ike iho ai i na ono like ole i hoomakaukauia, na oopu ai 1110 lehna, o Waikane, na Amaama ai limu lipoa o Kamaoa, na limu hoopahee puu ke moni, hulu piko waena o Makahana, na opae ame aholehole, ame na inamona o Kukuikomo, a he nui aku kekahi mau ono 1 hoomakaukauia; e na kamaaina. I ka'u nana aku, o Hoaeae ke kamaaina o Waikane i keia mau la, e nee nei, ma keia aina. Eia ka olelo ma ka Baibala, aole e ikeia ke kaula ma kona aina iho; aia a he aina okoa, alaila ikeia ke kaula, elike me oe e Hoaeae. Sure kela, go ahead, Hoaeae, imua imual Ke hooki nei au i ka'u kikoni ana i ka'u makaaila ma ke aiai o keia kalana a maluna o ka Lunahooponopono ame na keiki lima pohai o ka papapa'i o ke Kuokoa ko'u welina, Good bye. D. KANEALII, *+♦ DETBOIT, lulai 2,—Ma ka la apopo e noho ae ai ka halawai a ka' aha kukakuka o na Hoahanau i Huiifl, no ka noonoo ana ina- paha e olohani ana ka hapalua miliona o na lala o ka ahahui, no ke ku-e ana aku i ka hoemi ukuhana i kukalaia a« e ka Peresidena Grable.