Ka Nupepa Kuokoa, Volume LXI, Number 28, 13 July 1922 — NA HUNAHUNA MEAHOU ANO NUI O LUALUALEI, KA LAU HUNEHUNE O KE KIAWE [ARTICLE]

NA HUNAHUNA MEAHOU ANO NUI O LUALUALEI, KA LAU HUNEHUNE O KE KIAWE

l ka Lunahooponopono o ka NuKuokoa, Mr. Solomon Hanohsno, Aloha lululima pu kaua ma;Dko o kou keena, me ka mahalo a nui i kou lokomaikai, ame kou ir.au keiki paahana o ke keena pa'i. Ma ka Poakolu, lune 28, i oili mai ai he keikikane nui maikai na Mrā. Lualualei ame Kaala, keiki a Kamaoha, ka uhiwai o Kaala. Ma keia wahi, e kala mai e na hoa heluhelu ia'u, e hooponopono iki ac au penei: Ua hoala ae a ku he walii hoahu, o na meakuai, ma ka home o kekahi kaikamahine puuwai lokomaikai palena ole o Lualualei nei, no keia mau ukana, i kuaiia ma Honolulu. no na Hawaii ponoi e noho ana iluna o ka aina hookuonoono o Lualualei, i kokoke ke kii ana aku e kuai, no na lala i komo i ka hana pono, a hookuonoono iluna o ka lepo o ua aina kaulana nei, o ia ka hua 0 ke kiawe ame ka wai ula o ka ipu haole, e ko'u ai ka puu i ka wai hu'ihu'i o Kaala. 0 ka inoa o keia kaikamahine puuwai aloha, oia no o Miss Rose Manuwai, o kona papa no ka lunahoohana, Eohaka Manuwai; Puuku D. K. Kupihea; kakauolelo Elia Nahulu; lunahooia, Isaia Luiki; kakauolelo ohi dala, Makaikiu W. K. Apuak«hau, me ekolu komite o ka papa hooko, oia o Kimo Kapela, John Kukui ame E. E. Nahulu. O ke kumu i hapai ae ai o ka poe 1 hoi mai iluna o keia aina hookuonoono, i keia hana, i wahi e nui o'e ai na hoolilo i kai o Waianae i ke kaa otomobile no ka poe i nele i na lio, no ka mea he loa ke alahele, ma kahi o ka elua mile a he ekolu mile ko kekahi poe e hele ai. O ka poe nui o ka lakou dala, e hiki ana lakou i kai o Waianae, a no ka poe uuku mai oka lakou dala, w me ka helewawae e hiki ai i Wai anae, no ke kuai ana i palenā, kopaa, kopa, aila, eke palaoa, ame leekahi mau waiwai fe ae. Ma keia ano, ua hooliloia aku na kenikeni i na Kepani amo na Pake, a no kakou na kupa o ka aina, ua nele ma na ano apau, ua ku a nana wale aku no i ka nohoalii mai a keia mau lahui, mai kahi e mai, o ka lakou nei ka hana, a ku ke ahua alaila kii aku nei kakou na Hawaii e kuai i ka lakou mau waiwai, o na kenikeni a kakou, iilo loa, hiki o!e ko hoi hou mai ia oe, no Kina amo lapana ka pahuhopu. . o kakou na Hawaii, ke iho mai nei kakou i ka hune ame ka nele, nolaila e hoolohe i ke a'o a ka Nu'pepa Kuokoa ia oe e llawaii oiāio. E loaa aku ana ka pono wai i ka poe hookuonoono o Lualualei nei, he nani hoi paha ia, ola ka makapehu o ka poe hookuonoono. Ke pau aku nei na aina hookuonoono o na helu i koe i ka lilo, a ua hele ke alanui o Lualualei nei, a kohu wailiu-la ka hulali. Ua kuonoono maoli kekahi poe o makou, ua loaa ka wai eli i ka honua, ke pii nei iluna o ka lepo o Lualualei, nolaila -ua lawa keia mau meahou o Lualualei nel, hou aku. Me ka Lunahooponopono ko'u mahalo nui, a me na keiki laulima o ke keena pa'i ko'u hialaai mau, Owau iho no, ke kiu hanu meahou, # W. K. APUAKEHAU, Lualualei, Waianae, Oahu. ++*