Ka Nupepa Kuokoa, Volume LXI, Number 28, 13 Iulai 1922 — E NANAIA ANA NA HALEKUAI MEAAI E KA PAPA OLA [ARTICLE]

E NANAIA ANA NA HALEKUAI MEAAI E KA PAPA OLA

No ka maka'uia o puka mai ka ma'i fl(va taifoida mamuli o ka malama 010 ia o ka maemae maloko o kekahi o na hakkuai meaai a na lahui Aaia, a mea e hoomr.emaeia ai □a wahi e ikeia aku aua ke kapulu a e loaa ae ai hoi ke kulana maemao i ae ai ke Kauka J. T. Waysoō e nana maloko o na halekuai o ke kulanakauhale ma ka Poakahi oei. Me ka hoike ole aku i na ona o na halekuai no ke kumu o kona hoea ana aku i wehe aku ai oia a nana ia loko o na pahu e waihoia ai na meaai, na.wahi ana i manao ai aia nialila na mea kupono ole e loaa ai kekahi mau ea inoino a o puka mai ai hoi na ma'i liko ole, e laa ka fiv;i taifoila. Ua lilo kona hoea ana aku iloko o na halekuai i mea hoopahaohao i ka manao o ka poe no lakou na halekuai ana i ike aku ai i ka maemae o na mea apau ame ka maemae ole, o kona manao no nae ma ia hele ana aku e nana, o ia no ka ike aku ua malamaia ka maemae o na. wahi e rvaihoia ai na meaai a pela hoi ka maemae o#na wahi e hoopuni ana i ka halekuai mawaho a maloko. 0 na pahu e waihoia ai ka hau, kahi e waihoia aku ai na pika waiu, na i'o bipi, ka i'a, nh huaai, o ia na mea ano nui iloko o ka noonoo o ke Kauka Wayson nana i koi iaia e hele oku maloko o na halekuai meaai e i nana ai, a wahi ana o ka hoike ana 1 ae, he lehulehu na halekuai ana i ike | ai ua malamaia ka maemae elike me ] ka mea i makemakeia, a he lehulehu no hoi na halekuai ana i īke ai aoho i malamaia ka maemae elike me ka mea i makemakeia. Maloko o na haleaina na wahi piha mau ia e na kanaka, a he mea pono e malama mau ia ka maemae o n# pahu hau kahi o waihoia aku ai na meaai o kela ame keia ano, i ka manawa e kapuluia ai ka malama ana ia g»au i pahu hau ame na meaai i waihoia aku maloko olaila e lilo ana ia i mea hooweliweli mai i ke ola o ka lehu- , lehu.

Ma ka hoike a Kauka Wayson aole hookahi o na haleaina ame na halekuai meaai ana o ka hele ana ae e nana he mau hale e lilo ai i wahi hoohua mai i na ma'i fiva talfoida, aka nae, aole e lilo ka ikeia ana o ka.maikai o ka malamai» ana o na halekuai ame na haleaina i nei manawa i mea e hoopalaleha aku ai i ka makaala ana a.e loaa aku ai paha ka manao iloko o na ona no lakou ia mau halekuai a haleaina aohe mea hoopoino i ke ola o ka lehulehu e puka ae ana mai ko lakou mau hale ae.