Ka Nupepa Kuokoa, Volume LXI, Number 28, 13 Iulai 1922 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NA HUNAHUNA MEAHOU ANO NUI O LUALUALEI, KA LAU HUNEHUNE O KE KIAWE
I ka Lunahooponopono o ka Nupepa Kuokoa, Mr. Solomon Hanohano, Aloha lululima pu kaua maloko o kou keena, me ka mahalo a nui i kou lokomaikai, ame kou mau keiki paahana o ke keena pa'i.
Ma ka Pakolu, Iune 28, i oili mai ai he keikikane nui maikai na Mrs. Lualualei ame Kaala, keiki a Kamaoha, ka uhiwai o Kaala.
Ma keia wahi, e kala mai e na hoa heluhelu ia'u, e hooponopono iki ae au penei:
Ua hoala ae a ku he wahi hoahu, o na meakuai ma ka home o kekahi kaikamahine puuwai lokomaikai palena ole o Lualualei nei, no keia mau ukana, i kuaiia ma Honolulu, no na Hawaii ponoi e noho ana iluna o ka aina hookuonoono o Lualualei, i kokoke ke kii ana aku e kuai, no na lala i komo i ka hana pono, a hookuonoono iluna o ka lepo o ua aina kaulana nei, o ia ka hua o ke kiawe ame ka wai ula o ka ipu haole, e ko'u ai ka puu i ka wai hu'ihu'i o Kaala.
O ka inoa o keia kaikamahine puuwai aloha, oia no o Miss Rose Manuwai, o kona papa no ka Iunahoohana, Robaka Manuwai; Puuku D.K. Kupihea; kakauolelo Elia Nahulu; lunahooia, Isaia Luiki; kakauolelo ohi dala, Makaikiu W.K. Apuakehau, me ekolu komite o ka papa hooko, oia o Kimo Kapela, John Kukui ame E.E Nahulu.
O ke kumu i hapai ae ai o ka poe i hoi mai iluna o keia aina hookuonoono, i keia hana, i wahi e nui ole ai na hoolilo i kai o Waianae i ke kaa otomobile no ka poe i nele i na lio, no ka mea he loa ke alahele, ma kahi o ka elua mile a he ekolu mile ko kekahi poe e hele ai.
O ka poe nui o ka lakou dala, e hiki ana lakou i kai o Waianae, a no ka poe uuku mai o ka lakou dala, me ka helewawae e hiki ai i Wai anae, no ke kuai ana i palena, kopaa, kopa, aila, eke palaoa, ame kekahi mau waiwai e ae.
Ma keia ano, ua hooliloa aku na kenikeni i na Kepani ame na Pake, a no kakou na kupa o ka aina, ya mele ma na ano apay, ua ku a nana wale aku no i ka nohoalii mai a keia mau lahui, mai kahi e mai, o ka lakou nei ka hana, a ky ke ahua alaila kii aku nei kakou na Hawaii e kuai i ka lakou mau waiwai, o na kenikeni a kakou, lilo loa, hiki ole ke hoi hou mai ia oe, no Kina ame Iapana ka pahuhopu.
@o kakou na Hawaii, ke iho mai nei kakou i ka hune ame ka nele, nolaila e hoolohe i ke a'o a ka Nupepa Kuokoa ia oe e Hawaii oiaio.
E loaa aku ana ka pono wai i ka poe hookuonoono o Lualualei nei, he nani hoi paha ia, ola ka makapehu o ka poe hookuonoono.
Ke pau aku nei na aina hookuonoono o na helu i koe i ka lili, a ua hele ke alanui o Lualualei nei, a kohu wailie0la ka hulali.
Ua kuonoono maoli kekahi poe o makou, ua loaa ka wai eli i ka honua, ke pii nei iluna o ka lepo o Lualualei, nolaila ua lawa keia mau meahou o Lualualei nei, a oili hou aku.
Me ka Lunahoeponopono ko'u mahalo nui, a me na keiki laulima o ke keena pa'i ko'u hialaai mau,
Owau iho no, ke kiu hanu meahou,
W.K. APUAKEHAU,
Lualualei, Waianae, Oahu.
KE ANO O KE KALAIAINA.
(Kekauia e Z.P.K. Kawaikaumaiikamakaokaopua.)
(Hoomauia mai.)
I ka imi ana i mea e akaka ai kela mau hihia, pono e noonoo ka, koue i kekahi mau ano o kanaka.
@ Ina noono kakou i ke ano o ko kakou mau kino, ua maopopo no ko ke Akua manao i kana hana ia kakou pela. Elike me kakou e nana aku ai i ka moku, a hoomaopopo ka manao o ka mea nana i hana, pela no e maopopo ai ka manao o ka mea i hana i ko kakou kino. Ike kakou i ke kino o ka moku. ua paa, aola liu, alaila maopopo loa, ua hanaia i mea waiho maluna o ka wai, i mea lana hoi.
Nana hou kakou ua nui ka loa, ua uuku ka laulu, ua mimo mamua, ua mio mahope, ua lapalapa malalo, ua palahala maluna, alaila, maopopo loa ia kakou, ua hanaia i mea holo. Nana hou aku kakou i na kia, ame na i-a, ame na kaula, ame na pe'a, ua maopopo loa ka manao o ka mea nana i hana. Ua hanaia @a kia i mea e paa ai na i-a. Ua hanai na kaula nui i mean e paa ai na kia.
Elike me ia no ko kakou hoomaopopo ana i ka manao o ka mea nana i haha i ko kakou kino. Ua haawi mai oia i ka ikaika. Ua haawi mai oia i na lima, i na wawae, i na maka. Ua haawi mai no hoi i ka ike, i mea e pono ai. No ka ke Akua hana ana i ke kanaka pela, ua maopopo kona manao, e hooikaika ke kanaka i ka hana. Aole pela ka hana ana i na holoholono. Aole hiki ia lakou ka mahiai, ame ka lawai'a, ame ia hana aku, ia hana aku. Nolaila, ua maopopo ko ke Akua manao.
Ua manao oia e hana ke kanaka. Ua hoike mai oia pela iloko o ke kanawai eha, olelo mai oia. "Ina la eono e hana ai oi i kau hana apau." I mai o Paulo. "Aka, e hanai, e hooikaika ana me na lima." Eia kekahi. "Ina aole e hana ke kanaka, aole hoi ia e pono ke ai." Hoino nui o Solomona i ka poe palaualelo.,
1. Eia no hoi kekahi mea e maopopo ai ko ke Akua manao e hana ke kanaka. Aole ia i haawi wale mai i na mea e pono ai ke kanaka Uuku loa ka ai pono a ke Akua i hoomakaukau ai, me ka hana ole o ke kanaka. Aole i hana mai ke Akua i ka hale, aole i hana mai i ka lole. Ua haawi mai nae i na mean e pono ai kakou ke hana. Ua maopopo no ko ke Akua haawi ana mai i kela mau mea, i mea e ikaika ai kakou i ka hana.
2. Aole oluolu iki ka noho ana o ke kanaka, ke hana ole oia i kekahi hana. Aole loaa iaia kekahi mea nui a maikai me ka hooikaika ole. Aole loaa i ke kanaka ka naauao, me ka hooikaika ole i ke a'o, Aole e loaa na mea e oluolu ai ke kino, aole hoi na mea e ola ai, ke hooikaika ola. Ua maopopo no kela kanawai ka hiko o ke Akua, a o ia hoi ke kanawai paa i keia manwa. "Me ka hou no o kou maka e ai ai oe i ka ai, ahiki i kou wa e hoi hou aku ai i ka lepo."
Ina imi ke alii i ke aupuni, loaa no ma ka hooikaika. Ina ili mainana, paa mau iaia ma ke hooikaika Ina manao ke kanaka i ka waiwai, ma ka hooikaika wale no e loaa ai.
A pela no na mea pono apau loa. Aole loaa i ke mea noho wale, a i ka mea molowa, ama ka mea palaualelo.
Ea, auhea oukou e ka poe hookuonoono ame ka poe e hoi aku ana i Molokai, eia no ua kalaiaina nei ke hoonaauao mai nei ia kakou apau.
Aole no oukou wale no e ka poe hookuonoono, keia olelo kalele nui a koe ae ka lehulehu holookoa, pau pu a Lanai. Aole e kamailio ana keia buke no ka poe hana; no ka poe kanu ai, kanu olena, okuu, molowa, palaualelo. Aole loa kakou e pololi a make i'a, a i ae i ka wi, aohe ai, aohe i'a.
Pela no hoi ka põe e hoi aku ana i Molokai, e malama i na olelo a ke kalaiaina naauao Kanaloaahokana. Eia kana: O ka pono o ke Akua, ame ka pono o ka noho ana o na kanaka, o ia wale no na koo e paa ai ka aina ame ka pomaikai, ame ka waiwai, na kia paa loa hoi o ka pono o na kanaka, ame na keikipapa o ka aina.
Hoino nui loa o Solomona i ka poe noho wale, molowa, ame palaualelo. Na ka meakakau keia.
3. O ka hana kekahi mea e ma'i ole ai ko kakou mau kino, a he mea hoi e ikaika ai ke kanaka i ka noonoo. Aole loa e ole ka ma'ima'i o ke kanaka noho wale me ka hana ole. Ua maopopo loa i na kahuna lapaau akamai apau, ka pono o ka hana i mea e ikaika ai ke kino, i mea hoi e ola loihi ai.
Ina e nana aku kakou i ke ano o ka noho ana o no kanaka, maopopo loa keia mea. O ka poe hoomau maikai i ka hana, aole loaa pinepine ia lakou ka ma'i, ame ka hu'u, ame ke nahu, ame ke ino o ka opu. Ua ikaika lakou. Ua nui no hoi ka lakou mau keiki. he hapa na keiki a ka poe hana ole. He nawaliwali aole ikaika ka noonoo. O ka hana nai o ka manao. Ma ka noonoo nui e loaa ai ka ikaika i ka noonoo ana. O ka noonoo ka ai e ola ai ka manao.
4. He mea lealea ka hana i ka poe pono, he mea lealea ole ka noho wale. Aole nai i ka poe pono wale no, i na kanaka hewa no kekahi. Okoa ka hana a kekahi i makemake ai. Aka, o ka hooikaika ana kekahi mea, kakaikahi ka mea makemake ole. Ina hooikaika ke kanaka i ka hana, loaa no iaia ka malo-e-lo'e, ama ke kaumaha, He hapa nae ia eha, he nui okoa ka hu'i , ame ka eha o ka mea moe maile me ka hana ole.
Ma Amerika, maloko o kekahi hale paahao, aia no i ko ke kanaka makemake, ke hana, ame ka hana ole. Aole nai i keia kekahi, ua loihi noho wale ana. Ua makemake lakou apau i ka hana. Aia ma Gerenewika, ma Beriania kekahi hale nui no ka poe hune i ku i ka poka, a i eha hoi i ke kaua. Aole a lakou hana. O ka noho wale k olakou, a ai i ka ai, a moe iho. Ua oleloia mai, aole lealea iki kela noho an ao laou. E aho no ka poe hana ma ka halepaahao.
Eia kekahi mea a maopopo ai ke makemake o no kanaka i ka hana, o na kamali. Aole kakou i ike i kekahi kamalii, ua makemake oia i ka moe malie iloko o ka hale. O ka holoholo, o ka lawelawe, o ka hana o ia ko lakou makemake nui. O kekahi poe kanaka, nui ka hila hila i ka hana maoli, nolaila, imi lakou i ka mea like, i hana lealea. Ma kekahi aina he hana lealea ka lawai'a. Ma kekahi aina, he hana lealea ke ki manu. Ma kekahi aina he hana lealea ka hahai holoholona hihiu. O ka hololio no hoi kekahi, o ka paikau kekahi, o ke kakapahi kekahi, a ma keia aina hoi, o ka heenalu, ame ka heeholua ua like wale no keia mau hana apau loa.
Eia nae kahi like ole. Ua hanaia kela mau hana i mea lealea. Ua hanaia ka hana maoli i mea e pono ai. Aka, o ka makemake o na kanaka, i kekahi hana, ua makemake no.
5. Eia kekahi mea e maopopo ai ka pono o ka hana. Ua hoopaiia ka poe hana ole. Aohe mea o lakou i pakele. Ina noho wale ke kanaka, aole hooikaika e a'o, eia ka uku, o ka hupo, a naaupo, ame ka poino apau ilaila. He uku nui loa no hoi ia. E nana kakou i ka like ole o ka Nuuhiwa, ame ke kanaka ko'iko'i o Amerika.
(Aole i pau)
IKE KUMAKA I KA HUINI O NA PALI KUHOHO O WAIAHOLE
E ae mai ia'u e ka Lunahooponopono o ke Kuokoa; ka ipukukui uwila nana e aha'i mama aku apuni na moku, mai ka puka ana a ka la, a i ka welona a ka la i Lehua.
Ma ka la, 1 o Iune ua pii aku au me ka'u wahine, ame Mr.Hoaeae Luaiki, o Waikane, ma ke alahele iluna o ka huini o na pali kunoho o Waiahole.
Ia'u e kaahele ana ma ua mau pali la, hiki pono aku la na kamahele pii kuahiwi maluna o kekahi puu kiekie, huli mai la ko'u kamaaina a olelo mai la maluna o kela wahi ahua, e kau mai la mamua o kakou, malaila i haule ai kekahi Kepani, i kela pali, a make loa, a ia'u i nana pono aku ia, mai kahi i haule mai ai, a i kahi i paa ai, ua hiki aku na kapuai me hookahi kanaka nana i kii mai kela kino make i ka pali kuhoho.
Ia'u i nee mai ai ihope, iho aku la au me ka'u wahine iloko o ka lua konela, a komo aku la iloko me ka haha poelele ana, a kau pono iluna o kahi i hoomaka ai na paipu wai e hoopii ana i ka wai, a iho ma kela noao, e holo ai no Waipahu ame Leilehua, ilaila hoomanao ae la kamehele I na pali kuhoho o na kakai pali o kona aina, na pali o Maunahina, Kauai, oiai me ka malamalama o ke kukui e komo ai maloko o kekahi lua, a puka aku ma kahi aoao, a pela e kono hele ai a pau na helu 18 alaila puka loa i ke ao malamalama.
Iho mai la a komo ma ka lua elua, he wai ko ia wahi, ua hookomoia mai iloko o ke paipu, mailaila mai a hui me na paipo mua, pau pono loa ka wai o keia mau pali ioloko o na paipu apau, aia ka ilini i Waipahu.
Huli hoi mai la a loaa na lio, olelo hou mai la ko maua kamaaina e holo kakou no Waikane, ua nee aku ke huakai a na kamahele no na pali o Waikane.
Ilaila, ike iho la na kamahele i ka lawe kainepu a ka ihu o ka lio, nana iho la au he uhene mai hoi kau, i ka pukuku'i lua i ke kakalameka, mea ole ka piina ka ihona pali, i ka lawe haaheo a Kauai Boy. Hiki na kamahele ma ka hale o Hoaeae Luaiki, Waikane Cow Bay, mai iaia mai i olelo mai ai ia'u aia kela mau paipuwai e kau mai la elua luawai mapuna, o kelawahi ua palainaia a paa, hookomoia kela mau paipuwai iloko o kela mau luawai mapuna, o ia ka wai inu o Eliwai, inu nei ame kekahi poe e ae.
No keia wai keia inoa e o nei ahiki i keia la, Waikane, pii no ia mau kakai pali, nana aku la au he haahaa loa ua kakaipali o Waikane, hiki na kamahele a pii a nana pono i na wahi apau o ia mau Iuawai.
Nolaila, hoomanao ae la au i keia olelo, ma Solomona. He mea nani i ke Akua, ke huna i kahi mean, he mea pono i na lii, ke huli aku, o ia, paha.
Malaila mai, hulu hoi mai la na kamahele, ike aku la au i na pali nihoniho o Kualoa, nana aku la au, a hoomanao ae la i na pali nihoniho o Kalalau. Kuhikuhi mai la ke kamaaina ia'u aia ma kela mau pali, aia malaila ka laau palau ooihe a Nanahoa, malaila huli hoi no ka home o Mr. ame Mrs. Hoaeae, malaila au i ike iho ai i na ono like ole i hoomakaukauia, na oopu ai liko lehua, o Waikane, na Amaama ai limu lipoa o Kamaoa, na limu hoopahee puu ke moni, hulu piko waena o Makahana, na opae ame aholehole, ame na inamona o Kukuikomo, a he nui aku kekahi mau ono i hoomakaukauia; e na kamaaina.
I ka'u nana aku, o Hoaeae ke kamaaina o Waikane i keia mau la, e nee nei, ma keia aina. Eia ka olelo ma ka Baibala, aole e ikeia ke kaula ma kona aina iho; aia a he aina okoa, alaila ikeia ke kaula, elike me oe e Hoaeae. Sure kla, go ahead, Hoaeae. Sure kela, go ahead, Hoaeae, imua imua!
Ke hooki nei au i ka'u kikoni ana i ka'u makaaila ma ke aiai o keia kalana a maluna o ka Lunahooponopono ame na keiki lima pohai o ka papapa'i o ke Kuokoa ko'u weline, Good bye.
D. KANEALII,
DETROIT, Iulai 2.-Ma ka la apopo e noho ae ai ka halawai a ka'aha kukakuka o no Hoahanau i Huiia, no ka noonoo ana in a paha e olahani ana ka hapalua miliona o na lala o ka ahahui, no ke ku-e ana aku i ka hoemi ukuhana i kukalaia ae e ka Peresidena Grable.
Ma Ke Kauoha
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke TONG YIP COMPANY, LIMITED. Oiai, o ke TONG TIP COMPANY, LIMITED, he hui ia i kukuluia a e ku ana malalo a ma ka mana o na kanawai o he Teritore o Hawaii, i kulike ai me ka kanawai i hoomakaukauia ma na hana o keia keena he palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ke hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua a e kuleana nei paha i keia manawa, ma kekahi ano iloko o ka hui i oleloia, e pono e waho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, hepono e hoea kino ae ma ke keena o ka mea nono ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii.
Honolulu, Iune 20, 1922.
6509Iune 22, 29; Iulai 6, 13, 20, 27, Augate 3, 10, 17, 24.
TERITORE O HAWAII,
Keena o ka Puuku, Honolulu, Oahu.
Ma ka hana e hopau ana i ka ISLAND COMMERCIAL COMPANY, LIMITED.
Oiai, o ka ISLAND COMMERCIAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e holoheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka liora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Puuku, Teritore o Hawaii.
Honolulu, Iune 20, 1922.
6509 - Iuna 22, 29; Iulai 6, 13, 20,
27, Augate 3, 10, 17, 24.
HOOLAHA I KA POE PAA AIE.
Waipahu Land Company, Limited.
Ma keia ke haawiia aku nei ka hoolaha, ua hoopauia ka WAIPAHU LAND COMPANY, LIMITED, he hui Hawaii i hookuiia, a ua kohoia aku ke JOHN II ESTATE, LIMITED, he hui Hawaii i hoohuiia i Kahu, no ka poe paa aie ame k apoe paa mahele no ka Waipahu Land Company, Limited, ma ke kauoha a Henry C. Hapai, ke kokua Puuku o ke Teritore o Hawaii, i hanaia i Iune 19, 1922.
Ma keia ke haawiia aku nei ka lohe i ka poe paa aie apau o ka Waipahu Land Company, Limited, e waiho mai i ka lakou mau koi i ke mea nona ka inoa malalo iho nei, ke Kahu i oleloia, ma kona keena oihana ma ka Helu 402 Hale Kauikeolani, 116 Alanui Moi Hema, Honolulu, Teritore o Hawaii, iloko o kanaiwa (90) la mai Iune 22, 1922 aku, (o ka la ia i hoopuka mua ia aku ai o keia hoolaha). O na koi apau e waiho ole ia mai ana pela, e hoole mau loa ia aku no.
Hanaia, Honolulu, Iune 20, 1922.
JOHN II ESTATE, LIMITED.
Kahu no ka põe paa aie ame ka põe paa mahele o ka Waipahu Land Company, Limited.
6509 - Iune 22, 29, Iulai 6, 13, 20
Mau Apana Aina Kuai
$500 - Lot 50x100, Kalihi. $20 down, $10 per month.
$600 - Lot 50x100, 9th Ave., Palolo, 2 blocks from carline $25 down, $10 per month.
$900 - Lot 50x150, Notley St., Kalihi; $30 down, $20 month.
$400 - Lot about 50x120, Claudine Ave., $20 down, $ 10 per month.
$450 = Lots 50x150, Claudine ave., Kaimuki; $20 down, $10 per month.
PAULO KALAKAUA
(P.E.R. STRAUCH)
Alanui Moi, Helu 74, Mawaena o na Alanui Papu ame Betela.
AINA ME KA HALE NO KE KUAI
Hale hou i noho mua ole ia me ka aina no ke kuai, Helu 226 Alanui Makee Ailana, Waikiki. E ninau ia John K. Kamanoulu, 230 Alanui Makee Ailana, a i ole, e kelepona mai ma ka Helu 79347.
6511 - Iulai 6, 13, 20.
NU IKOA, IUNE 29. - I keia la i ae aku ai o Kack Dempacy, ka moho ku'iku'i puupuu o ke ao nei, i ka aa hakaka a Harry Wills, he negero, no ka inoa moho. Mahope aku e noonooia ai ka la no kela hakaka.
Ma Ke Kauoha
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka AHUIMANU PINEAPPLE AND RANCH COMPANY, LIMITED.
OIAI, o ka AHUIMANU PINEAPPLE AND RANCH COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakakauia ma na hana o keia ano ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohi pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke kena o ka mea nona ka inoa malolo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922
6503 - Mei 11, 18, 25; Iune 1, 8, 15, 22, 29; Iulai 6, 13, 1922.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka HAWAIIAN FERTILIZER COMPANY, LIMITED.
OIAI. o ka HAWAIIAN FERTILIZER COMPANY, LIMITED, he huiia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakakauia ma na hana o keia ano, ua waihoi mai iloko o keia kena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hore 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922
6503 - Mei 11, 18, 25; Iune 1, 8, 15, 22, 29; Iulai 6, 13, 1922.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke KAHALUU PINEAPPLE AND RANCH COMPANY, LIMITED.
OIAI, o ke KAHALUU PINEAPPLE AND RANCH COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka nui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ke hoolaha i kekahi mea, a i na kanaka apau, he mau kuleane mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922
6503 - Mei 11, 18, 25; Iune 1, 8, 15, 22, 29; Iulai 6, 13, 1922.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka H@@KU CO-OPERATIVE ASSOCIATION, LIMITED.
OIAI, e ka HAIKU CO-OPERATIVE ASSOCIATION, LIMITED, he hui ai i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hanao keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka @@ia aku o ka palapala noi i oleloia maloko o keia keena mamua ae o ka la 7 o Augate, 1922, a o kela ama keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 29, 1922
6506 - Iune 1, 8, 15, 22, 29; Iulai 6, 13, 20, 27; Aug. 3, 1922.
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ke KOOLAU FRUIT COMPANY, LIMITED.
OIAI, o ke KOOLAU FRUIT COMPANY, LIMITED he hui ai i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 17 o Iulai, 1922, a o kela ame keia mea e makemake ana o hooloheia aku maluna o ia mea, he pono e hoea kina ae ma ke keena o ka mea nona ka inoa malolo iho maloko o ka Hale Mana Hooko, Honolulu, ma ka hora 12 awakea o kala i oleloia, a e hoike mai i ke kumu, in a he kumu kekahi i wahi e a@ ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922.
6503 - Mei 11, 18, 25; Iune 1, 8, 15, 22, 29; Iulai 6, 13, 1922.
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka HONOLULU PINEAPPLE COMPANY, LIMITED.
OIAI, o ka HONOLULU PINEAPPLE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ana, ua waihoia mai iloko o keia keena he palapala noi no ke hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ke hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ke hui i oleloia, e pono e waho mai i na ku-e ana no ka aeia aku o ka palapala noi oleloia maloko o keia keena, mamua ae o ka la 17 o Iulai, 1922, a o kela ame keia mea @ makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hore 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922.
6503 - Mei 11, 18, 25; Iune 1, 8, 15, 22, 29; Iulai 6, 13, 1922.
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka THE THOMAS PINEAPPLE COMPANY, LIMITED.
OIAI, o ka THE THOMAS PINEAPPLE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleane nei paha i keia manawa, ma kekahi ano iloko o ka hui i oleloia, e pono e waiho mai i palapala noi i oleloia maloko o keia keena mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ke inoa malalo iho maloko o ke Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 9, 1922.
6503 - Mei 11, 18, 25; Iune 1, 8, 15, 22, 29; Iulai 5, 13, 1922.
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka THE HOKUITSU MUTUAL SUPLY COMPANY.
OIAI, o ka THE HOKUITSU MUTUAL SUPLY COMPANY, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 29 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii. Honolulu, Mei 19, 1922.
6505 - Mei 25; Iune 1, 8, 15, 22, 29; Iulai 6, 13, 20, 1922.
T.O. MURATA
FURNITURE STORE
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me kuai Hoolilo.
715 Alanui Hema, Honolulu, T.H. Kelepona 1695.
CITY MILL CO.
KEKAHI O NA HUI KAHIKO LOA MA HONOLULU NEI.
Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na hookaa liilii.
O KA OI LOA AKU NO KA POE HOOKUONOONO
Mai Poina --- Hele Mai Ia Makou
Kihi o na alanui Moiwahine me Kekaulike. Honolulu, T.H.
Honolulu Planing Mill,
LIMITED.
POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.
ALANUI PAPU, ESPLANADE
KA VICTROLA
- Ka Meakani Mele Kilakila - he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
âme na mea apau pili i na mele.
Bergstrom Music Co.
1020 Alanui Papu Honolulu
He Pahuolelo Victrola Anei Kau ma ka Home?
Ke Kuai nei makou i na ano like ole o keia mai @ ikini mai ka $25 a pii aku.
Maanei e loaa ai na Papa Leo Mele hou, na Mele Olelo ame na Pepa Leo Mele.
Ma ke ano nui, NOU MAKOU MA NA MEA PILI MELE.
Hawaii Sales Co., Ltd.
Nuuanu, kokoke i ke Alanui Moi.
Keena Hawaii
NO NA
Lako Hana Mahiko
Haouku Kiku Oliver
Chilled âme na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA
UKANA ME KALAKA ME
KA HANA HOU ANA
Schuman
Carriage Co., Ltd.
Na Paionia o na Hana Halihali o Hawaii nei
HALE UWI WAIU
-o-
MAPULEHU
PUKOO, MOLOKAI
E Hooholo Ana i ka
MOKUKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA.
Poe Lawe Hae me Waiu
He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?
E HAWAII MAI NA'U E KUAI HOOLILO NOU.
He nui ke poo i haawi mai i ka lakou kauoha ia'u no ka makemake i home no lakou, a eia lakou ke kali nei.
FRED K. MAKINO
Kelepona 2052.
Keena Pa'i o ka Hawaii Hochi Alanui Moiwahine.
Mawaena o na Alanui Kaahumanu ame Nuuana.
Kakela & Kuke
(KAUPALENAIA)
Poe Kalepa ma ke Komisima
-A HE-
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia ku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T.H.
Nupupa Kuokoa
No ka makahiki (one year) …. $2.50
O na Dala âme na Hoolaha apau e hoouna pololei mai i ka ADVERTISER PUBLISHING CO., LTD. wale no, P.O. Box 3110, Honolulu, T.H.
217 Alanui Moi, ma Waikiki o
ke Alanui Alakea; ka Nupepa Advertiser
Entered at the Post Office at Honolulu, T.H., as Second Class Matter.
SOLOMON HANOHANO, Lunahooponopono.
CHARLES S. CRANE, Luna Nui.