Ka Nupepa Kuokoa, Volume LXI, Number 27, 6 July 1922 — Waeia ae o John C. Lane i Pani ma Kahi o Jarrett Apono ke Komite Kuwaena Repubalika i Kona Inoa i Makai Nui no ke Teritore I AUGATE AE NEI E PAU AI O JARRETT Nui Kekahi Mau Hookohu Oihana i Aponoia ae e ke Komite Kuwaena Repubalika [ARTICLE]

Waeia ae o John C. Lane i Pani ma Kahi o Jarrett

Apono ke Komite Kuwaena Repubalika i Kona Inoa i Makai Nui no ke Teritore

I AUGATE AE NEI E PAU AI O JARRETT

Nui Kekahi Mau Hookohu Oihana i Aponoia ae e ke Komite Kuwaena Repubalika

ke pani ana- ae i ka makalua i hoohakahakaia, mamuli o ka pau ana o ka hookohu o ka Makai Kiekie William P. Jarrett, i wae ae ai 'o Kiaaina W. R. Farrington ia John C. Lane no ia kulana oihana, me ka hoouna ana aku i kona inoa i ke komite kuiwaena Teritoro o ka aoao Repubalika, ma ka Poakahi nei, no ke apono ana mai. Ua kaheaia lie halawai a ke komite kuwaena Repubalika ma kela Poakahi, maloko o ko keena o L. M. Judd, ka lunahoomalu o ke komite, m 0 ka haawi ana o kela komite i ke apono ana me ka manao lokahi. a kauohaia aku ke Kakauolelo J. H. Wise e hoike aku i ke kiaaina, no ka mea a ke komite i hooholo ai. Ua pau ka manawa o ka hookohu o ka Makai Kiekie W. P. Jarrctt, mamua kok e aku nei, eia nae ua hoomau aku no ke kiaaina iaia ma kela kulana ,ahiki i ka la 1 o Augate ae nei i hiki ai iaia ke hoomakukau i ka hoike o kona keena, mamua o kona waiho ana iho i ka hana, na ka mea hou e pii ae ana ina kona wahi. Ma kela halawai ana a ke komite kuwaena Rcpubalika, i heluheluia ae ai he leka mai ke Kakauolelo Raymond C. Brown mai o ke Teritore. o hoakaka ana no ke kokoke loa mai i ka manawa e pau ai ka hookohu o S. F. Chillingworth, he Ropubalika amo A. V. Gear, lie Demokarata, ma .ko laua kulana oihana, he papa hoopaainoa no ka poe kupono i ke koho haloka. O ka mea a ke. komite i * hana aku ai ,o ia no ko apono ana ia S. F. Chillingworth, e hookohu hou ia mai, a pela hoi ke apono ana ae i ka inoa a Robert J. Parker Jr, i pani ma kahi o A. V. Gear; he mau Repubalika no keia a elua. Ua hoouna pu ae ke Kiaaina lie leka i ke komite, e hoakaka ana no kona manao e hookohu hou aku ia Lyman H. Bigelow no ke kulana lunanui o na hanahou, me ke noi ana mai i ke apono ana aku a ke komite; ua hookoia aku ia manao me ka lokahi. Ho hookahi nae lala o ke komite i hoike ae he Demokarata o Mr. Bigelow ,aka mamuli o na manao hoakaka mai kekahi mau hoa mai i hoopau loa ia ai kela pohihihi, oiai he Repubalika ko Mr. Bigelow aoao kalaiaina. He mau hookohu oihana e ae no kekahi a ke komite i noonoo ai, a i haawi aku ai i ke apono ana, no ko lakou hookohuia aku, no na kulana oihana pakahi, i makemakoia ai lakou, a ua kohoia hoi kekahi komite kuikawa ,no ka huli am e ka noii pono ana aku i ka aoao kalaiaina o t kekahi poe noi, i waiho ae i ka lakou mau noi oihana i ka Lunakanawai o'Bricn.