Ka Nupepa Kuokoa, Volume LXI, Number 27, 6 July 1922 — KA HOOKOHU MAKAI KIEKIE. [ARTICLE]

KA HOOKOHU MAKAI KIEKIE.

Ua wae ae nei ke kiaaina, i ka inoa o John C. Lane, no ke kulana makai kiekie 110 ke Teritore, no ka hoopiha ana aku i ka makalua i hoohakahaka iho, ma o ka pau ana o ka hookohu o ka Makai Kiekie William P. Jar.rett. He mau Hawaii no keia a elua, aka nae elike me ke ano mau 0 na hana kalaiaina apau, pela iho la i kikoo mai ai ke kiaaina ia Mr. Lane, ma kona ano he Repubalika, a kapae aku Ia hoi ia Mr. Jarrett, no kona Demokarata ana. Ma keia kikoo ana mai la o ke kiaaina ia Mr. John Lane no ke kulana makai kiekie 110 keia Teritore, ua kukulu mai oia i ka ninau aoao kalaiaina, o ia ka mea mua, a mahope aku ke kulana makaukau o ke kanaka, a ma kekahi olelo ana ae hoi, na ka hana e a'o mai i kekahi mea, i na makaukau no kana oihana. Ua mahalo nui ia o William P. Jarrett, no ke ano o kona malama ana i kana oihana, kona mau ano oluolu, a hana maikai 1 na paahao, a he mea minamina 110, ke kaawale ana aku o kekah; kanaka i ikeia kona kupono no kela oihana; aka nae, ke manaoio nei ke Kuokoa, aia no iloko o Mr. John C. Lane ia mau ano maikai, a na ka hana auanei e hoike mai, aole i knuhihewa keia manao o ke Kuokoa. Ke manaoia nei no hoi keia pepa, ia Mr. John Lane e hoi aku ai a noho ma kela kulana oihana hou, e huki pu aku ana oia i kekahi heluna nui o na Repubalika, no ka hoopiha ana aku i na kulana i paaia e na Demokarata, no na makahiki loihi; a ma kekahi olelo ana ae paha, he hana kuapo keia mawaena o na Demokarata ame na Repubalika, a kakou e hoohalahala ole ai, oiai o keia iho la no ke ano o ke kalaiaina, mai Amerika mai la hoea i Hawaii nei. Ua kakali ka aoao Repubalka me ka hoomanawanui, iloko o na makahiki i kaa ai ka hooponopono aupuni kuloko ana malalo o na kiaaina Demokarata, a i ke kau ana ae nei he kiaaina Repubalika ma ia wahi, aohe mea a na Demokarata e hookekee iho ai, no ka mea ua loihi ko lakou ai ana i ka momona 0 ka aina, a o ko na Repubalika manawa hoi keia e komo aku | ai a lawe mai i ko lakou mahele o na pomaikai, iloko o na | hana kalaiaina. 'Na ka aoao lanakila e puunauwe i na waiwaipio," o keia ka olelo maa ia kakou iloko o na hana kalaiaina, nolaila aia no hpi a hoea mai.i ka manawa e kaa ai ka noho kiaaina hou ana i na Demokarata, alaila aohe a na Repubalika mea e hana aku ai, o ka wehe wale aku 110 i ka papale, no ke kunou ana aku 1 ke kanaka e pani ae ana', ma kahi i paaia e ka Repubalika.