Ka Nupepa Kuokoa, Volume LXI, Number 27, 6 July 1922 — KA HOOKUKU HIMENI O KA AHA PAEAINA. [ARTICLE]

KA HOOKUKU HIMENI O KA AHA PAEAINA.

O ka hookuku himēni kekahi o na hana ohohia nui ia iloko oka nianawa e noho ai oka ahahui paeaina. He hookuku hoi 1 hele mai ai na puukani ame na loea himeni, mai na wahi like ole mai o keia Teritore. Ua hoea mai kela hana ma ka po o ka Poalima aku nei i liala, maloko o ka luakini o Kawaiahao, me ka loaa ana i ka lehulehu apau i hoea ae ma kela po, he manawa maikai loa, e lohe ai i na himeni nani, i meleia mai e na papa himeni i komo ma kela hookuku ana. Ma kekahi ano ke olelo ae, aole he kohu o ka hana, hookuku, no ke alualu ana i na makana i kukuluia mai, mamuli-'o ka wae mua ole ia ana ae o kekahi himeni hookahi, na na papa himeni e mele mai ai. O ka haawiia ana aku na kela ame keia papa himeni e wae i kana himeni ponoi iho, no kela hana hookuku, hc hana hiki pono ole ke haawiia ka olelo hooholo pololei; koe wale 110 paha ka haawiia aku o ka makana a mau makana paha i na papa himeni, «namuli o ka u'i ame ka nani o ka lakou mau himeni; oiai nae ina paha o ka himeni hookahi ia, e meleia mai ana e kekahi mau papa himeni e ae, e oi aku aha ka nani o ke meleia ana mai. Ma na makahiki mua ac nei i hala, o ka hoomaka ia ana mai o keia hana hookuku himeni, ua waeia he hookahi himeni a na papa himeni apau e mele mai ai; a ua aha'i aku na papa himeni, i komo ia mau hookuku ana i na makana, me na manao mahalo, aole wale mai ka poe i komo kino iloko o ka hookuku ana, aka mai ka lehulehu aku kekahi o ka poe makaikai. Ua lilo ka helu ekahi o ka hookuku himeni ana i ka papa himeni o Kalihi, ma keia kau o ka aha paeaina, elike me ka hooholo ana a na lunakanawai v ; he olelo hooholo nae, i hilki loa ke i ke kulike ole me ka manao o kekahi hapa o ka poe makaikai, aole keia malalo o kekahi mau kumu okoa, aka nō ka lilo ole ana, i hookahi himeni a na papa apau e mai ai. Eia hou keia pilikia ma keia hana hookuku, e pono ai e hoopauia ae, o ia no ke ano o ka wae ana ame ke koho ana, i na lunakanawai na lakou e haawi mai i ka olelo hooholo, i ka

papa himeni i kaa ai o ke eo o kela hookuku ana. Aole he mea maikai ka waeia o na lunakanawai, maiwaena mai o na lala o ka ahahui paeaina, ma o na apana la, a ma na mokupuni paha, na wahi he mau papa himeni kekahi i komo iloko o'na hana hookuku; aka e kohoia na lunakanawai maiwaena mai 0 kekahi poe ike himeni, i kuleana ole iloko o na hana o ka aha, a i na papa himeni hookuku paha. Ma kela ano, ke manaoio nei keia pepa, e oili mai ana he olelo hooholo kaulike, a e loaa aku ana h,oi ka makana, i ka papa himeni, i ike maoli ia aku ka nani ame ka maikai o ke mele ana mai i ka himeni hookuku. O kekahi keia o na hana maikai loa, i hoalaia ae, i na manawa apau e noho ai o ka ahahui paeaina, i rtiea e hoomauia aku ai keia hana maikai, e pono e laweia ae na alahele kaulike apau, e loaa ole ai na manao hoohalahala ma kekahi ano. Aole i hoea mai ka papa himeni o Molokai, no ke komo ana iloko o ka hookuku hiineni ma keia kau, no ke kumu, aole he himeni hookuku i waeia ae, no ke alualu ana o na papa himeni 1 ina pela iho la ka mea oiaio, alaila mamua o ka ukali ana aku o kekahi mau papa himeni e ae, ma ia alahele hookahi, e lawelaweia na hana hoopakele apau, e hiki ai ke ku keia hana i na manawa apau.