Ka Nupepa Kuokoa, Volume LXI, Number 27, 6 July 1922 — HE HOALOHALOHA NO E. M. KAPOO, [ARTICLE]

HE HOALOHALOHA NO E. M. KAPOO,

Mr. Lunahoponopono o ka Nupepa Kuokoa; Aloha oe:—Oiai makou na hoahanau o Waiehu Maui nei, e nanea ana, ua hoea mai ka lono kaumaha e ha'i mai ana o E. M. Kapoo, ka haiolelo mua a kakou ua make: Auwe! ke aloha e, ka ehaeha no hoi ke hoomanao ae iaia, a i kana mau hana i waiho iho ai, a i lilo ai hoi ia i kiahoomanao e poina ole ai na makou. Aole i hali'a mua, e kipa ae ana ka anela o ka make ma kona home hou, a ekaleaia hou no hoi, o ia o Wananalua, e keia mau la pokole; aka hoi, ke olelo nei ka Baibala penei: Aole kakou i ike i ko hora ame ka manawa o ke keiki a ke kanaka e hiki mai ai me he aihue Ia i ka po.' I ka pule elua o ka mahina o Oct. 1921, i hoi mai ai oia a noho ma ka ekalesia o Waihee, ma ke ano he haiolelo. Ia manawa no i hoomaka ai e komo hoeueu i na hta< hanau o Waihee ame Waiehu. Ua haalele mai oia i ka noho haiolelo ana i ko makou kihapai nei i ka mahina o Mar. 1922, mamuli o kana hana, ua ala maoli no na hoahanau o Waiehu nei, a pela pu no hoi na hoahanau o ka hoomana Moremona i komo a hui pu mai ai me makou ma ke alu like ana i na liana; nui ko makou minamina iaia no kana mau hana maikai. Ka hua o kana hana ana, ua loaa iaia elua mau hoahanan hou ma Waiehu ner. He oluolu oia ma ka launa ana, he ike ohana, a hoaloha, a he kukakuka pu me makou na hoahanau i ka mea pono e hana ai.

Ua hoala no hoi oia i ko makou Kula Sabati ame C. E., & eU ke ku nei, nolaila ua nalo aku la pie kana mau hana apau; a eia no nae ke mau nei no na hoomanao an\p ka minamina nui ana nona iloko o ko makou mau pnnwai pakahi. Nolaila ke komo pu aku nei makou na hoahanau na haumana Kula Sabati ame C. E. o Waiehu nēi, iloko o ka u pu aoa »9 oe e ka wahine kane-make ame na keiki makua ole i hoonelei» i ka makuakane, a pela pu no hoi e auamo ai i na luuluu ame na kaumaha i kau iho maluna 0 oukou. nei makou i ka Makua Kiekie loa e lawe ae i na luuluu ame na kaumaha i kau iho maluna ou e ka wahine kane-make ame na keiki makua ole amene. v 0 makou iho no mo ke aloha. MISS LUCY LANI, MRS. 8. KAHALEKULU, MRS. K. G. KAHOLOKAI, MRS. LOUIBE MORRIS, MRS. K. KAIMI, WILLIAM MORRIS, GEO. KAHOLOKAI, Waiehu, Maui, Mei, 20, 1922.