Ka Nupepa Kuokoa, Volume LXI, Number 27, 6 July 1922 — O KE ALOHA KA MEA OI AKU MAMUA O NA MEA APAU, AOLE MOKUHIA I NA WAIKAHE HE NUI. [ARTICLE+ILLUSTRATION]

O KE ALOHA KA MEA OI AKU MAMUA O NA MEA APAU, AOLE MOKUHIA I NA WAIKAHE HE NUI.

Mr. Lunahooponopono o ka Nupepa Kuokoa; Aloha oe a nui loa: —E oluolu mai kou ahonui i ka makou puolo walohia e hoouna aku nei, ma kekahi rumi kaawale o ka Nupepa Kuokoa, ina he wahi keena kaawale kekahi, i ike mai na ohana na hoaloha ame na makamaka o ka mea i haalele mai i keia ola ana, mai Hawaii moku o Keawe a Kauai, 0 Mano me ka owili lei mokihana. Ma ka hora 2 a. m.j o ka Poakahi, lune 19, A. D. 1922, ua hiki mai la ka anela me ka maluhia, a lawe aku la i ka uhane o ke Ola, mai ke kino aloha aku o Mrs. Mileka Bose Silva, ma ko makou home aloha ma ka Helu 1033 Wolters Lane, Kapalama, Honolulu, a waiho iho la i ke kino lepo uhane ole, na' makou ka ohana, me ka manao walohia kaumaha i ke aloha, no ka makou niea aloha i haalele mai i j keia ola ana. Ma ko makou homo no kona kino 1 kupapau kahi i waiho ai ahiki i ka hora 3 p. m., o ka Poalua ae la 20, na Rev. Samuel K. Kaloa i malama i ke anaina haipule ma ka home nei, ame kona wahi i hoomoeia ai kona kino lepo ma ka Pailina Kupapau o Pue'a. Ua hanauia mai o Mrs. Mileka Rose Silva, mai ka puhaka mai o kona mama aloha, Mrs. Mileka Kaleihuia ame John Moloui, ma Peahi, Ilamakuapoko, Maui, i lanuari 7, A. D. 1896, ua piha iaia he 26 makahiki a oi aku kona hanu ana i na ea oluolu o keia ao, a hoi aku la ka lepo i kona wahi mau, a o Ka uhane i ka mea nana i haawi mai oiai, lie mahu ke ola o ke kanaka i pu'a ae a nalo aku. Ma keia oukou e ike iho ai na ohana ponoi, na hoaloha, na makainaka ame na aikane aloha, ua haalele' 'mai o Mrs. Mileka. Silva ia kaleou apau loa, o kona inoa i ka-

maaina loa i kona mau hoaloha Hose Silva, nolaila, ma keia ua pan ko oukou ike hou ana ia Bose Silva, no ka manawa pau ole. Ua hoonaauaoia oia ma kē Kula o Kahehuna no na makahiki ekolu, a mahope mai o ia manawa, ua mare oia i ke kane, oia o Mr. Henry J. Silva, kekahi o na keiki a Rev. Manuel E. Silva, ka mea nona ka Halehana Kupapau e ku nei ma ke Alanui Kukui, Honolulu, na ka Rev. Elia K. Maia i hoohui ia laua iloko 0 ka halekahu o ka Hoomana Naauao o Hawaii, ma Kanoa, Lane, Koula, Honolulu, ua malama oia i ka ihiihi o ke kanawai mare ana i ae ai ahiki i kona haalele ana mai la i kana kane aloha, kona makuahine, ka papa ame kona kaikunane aloha. O ka hoomana Naauao o Hawaii, 1 hookumuia e Rev.,J. K. Maia, o ia kona ekaleeia i pili paa loa kona aloha, ahiki i kona haalele ana riiai la i keia ola ana, he wahino aloha | oiaio iloko o kona puuwai no kana! kane aloha, aloha i kona makuahine, ka papa, kona mau kaikunane ame ka ohana, kona inau hoaloha, na aikane, na makamaka apau i kamaina iaia, he puuwai aloha e hookipa ana ma ko makou home nei ka jnea i loaa iaia Ma keia, ke haawi aku nei makou i na hoomaikai a nui Joa i ke Kahu Rev. J. K. Kekipi Maia, Rev. Sain K. Kaloa ,na kahunapule kane, na kahunapule wahine, na hoahanau kane ame na hoahanau wahine iloko o ka Hoomana Naauo o Hawaii, Rev. J. K. Maia, na ohana, na hoaloha i haawi mai i ka lakou makana ma na ano pua like ole, i kokua a ala like no ke ku kiai ana, me ka hele pu ana i kona hoolewa mai ka home aku uei, a i ka pailina o Pue 'a. No oukou apau loa ka makou e haawi aku nei i ka makou ho&maikai palena ole, mailoko mai o ke aloha oiai mai ko makou mau puuwai mai, na Oia mau ka Makua, na Oia mau ke Keiki, na Oia mau ka Uhane Hemolele, e haawi mai i na hoopomaikai ana ia oukou ma ke kino me ka uhane, amene. O makou iho no iloko o na ehaeha kaumaha a ke aloha. MRS. M. KALEIHUIA, HENRY J. SILVA, W. K. KALEIHUIA, GEO, KEALOHA, JOHN KAMAKANUI, MISS A. KALEIHUIA, 1033 Wolters Lane, Honolulu, lune 26, A. D. 1922.

. MRS. MELEKA EOBE SILVA