Ka Nupepa Kuokoa, Volume LXI, Number 27, 6 July 1922 — Lawelaweia ae He Hana Powa Hilahila Ole Kiia he Haole i ka Pu e na Kanaka Elua i Paa na Maka i ka Uhiia MAMA NAE I KA HOLO I OLE AI E HOPUIA Oiai e Hana Ana i ke Kukui o ke Kaa i Lawelaweia ai Kela Hana Powa [ARTICLE]

Lawelaweia ae He Hana Powa Hilahila Ole

Kiia he Haole i ka Pu e na Kanaka Elua i Paa na Maka i ka Uhiia

MAMA NAE I KA HOLO I OLE AI E HOPUIA

Oiai e Hana Ana i ke Kukui o ke Kaa i Lawelaweia ai Kela Hana Powa

Mauka ae nei o Manoa, ma ka hora umi o ka po o ko Sabati aku la i lialā, i lawelaweia ae.ai he powa ku i ka hilahila ole e kekahi mau kanaka elua, i paa ko laua mau helehelena i ka uhiia, maluna o William Inwin ,o ko alanui Liliha, me ke kiia ana o Mr. Irwin i ka pu panapana, a pakele mai kona ola ma ka apua. Ma kela po, o holo ana o Mr Irwin maluna o kona kaa otomobile ma ke al«\nui o Manoa a mamuli o ka pilio kekahi kukui omua o ke kaa, ua hoopaa iho la oia i ka liolo o kona kaa, me ka lele ana aku ilalo e nana ai i ka pilikia o ke kukui. Oiai nae oia e .hooponopono ana i kahi o ka pilikia o ka ipukukui, o ka wa ia i holo aku ai he kaa otomobilc okoa ae me ka malie loa ,a i ke kokoke ana aku i kahi o ke kaa o Mr. Irwin e ku ana ,ua hoopaaia iho la ka holo o kela kaa a lele aku la he elua mau kanaka ilalo i paa ko lua mau maka i ka uhiia me ka hookokoke ana aku i kahi a Mr. Irwin e kulou ana imua. He pu panapana ko paa ana iloko 0 ka lima o kekahi o kela mau kanaka oia ka mea mamua loa, mo ke kauoha ana aku ia Mr. Irwin e hau kona lima iluna, a iloko o ia manawa hookahi i helo aku ai ka lua o na kanaka, me ka manao paha e huli i na pakeke o ka lole o Mr. Irwin. No ka hoopakele ana ae iaia mai kela mau kanaka powa mai, ua holo mai la o Mr. Irwin imua me ka haule ana mai o kona lima akau a pa ka pu panapana e kau pono aku ana imua ona, o ka manawa no ia 1 kiia aku ai kela pu panapana, a ku aku la ka poka ma ka papalina ma kahi e kokoke loa la i ka ihu. Ua hina koko o Mr. Irwin iluna o ke alanui, me ke kau koke ana aku o na kanaka powa maluna o ko laua kaa ,a lioomaka aku la e holo, me ka loaa ole ia laua o ka manawa o huli ai iloko o na pakeke o ka mea a laua i powa ai. Ua loheia ke kani o ka pu panapana ,o ka poe e noho kokoke mai ana, ma ko lakou mau home, a pela hoi me ka poe oluna o ke kaa u/wila, nolaila ua holo mai la lakou no kahi o ke alanui ,a loaa mai la o Mr Irv.in e waiho ana me ke kaheawai ana o ke koko. Ua hoikeia mai ka lohe no kela poino i ka halewai, a hoounaia aku Ia ke kaa makai, no ka hoihoi ana mai i ka mea poino no ka halema'i o na ulia poino, malaila i lawela.weia aku ai na hana e palekana al ka mea poino, a mailaila aku i hoihoi loa ia aku ai no ka Hale-

ma*i Moiwahine. Aole i maopopo ka helu o ke kaa otomobile o na kanaka powa ia Mr Irri'in, oiai aole i loaa he manawa iaia e nana ai 1 ka helu o kela kaa, a oki loa aku hoi ka hiki ana iaia ke ike aku i na helehelena o kela mau kanaka powa, oiai ua paa i ka uhiia. No na pule ekolu mamua aku, o kela powa i lawelaweia, ua nui a lehulehu wale o na hana powa i hoikeia ae «i ka oihana makal, pela hoi na hana hoopilikia a kekahi poe kanaka opio, maluna o ka poa e hele ana ma na alanui, a maluna o na kikamahine opio, a he ekolu poe i paa i ka hopuia, fie pule ae nei i hala. *+* Ma ka hookuku himeni a na papa himeni maloko o ka Luakini o Kawaiahao ma ka 'po o ka Poalima aku la i hala, ua haawi ae na lunakanawai i ka pono o ka lakou olelo hooholo o ka Papa Himeni o Kalihi ka helu ekahi, o ka papa aku o Hilo ka helu elua, a o ka ahahui C. £~ o Maui ka helu ekolu, oiai nae, ma ka nana ame ka hoolohe aku a ka lehulehu i ka Ahahui C. E. o Hilo ka makana ekahi e lilo ai ka pololei. Mai'poina i ka hele ae e uku i ka auhau wai ma ke keena o ka Oihana Wai, Alanui Moi ame Alakea. Pau keia mahina kuwala ka auhau; e paa pu aku nie ka likiki kahiko, a bila kikoo wai paha, i ole ai e nui ka hana ma ke «keena.