Ka Nupepa Kuokoa, Volume LXI, Number 26, 29 June 1922 — Ahewaia Ae he Haole Koa no ka Hewa Laweola Hookauia Mai ka Hoopa'i e Noho Paahao Oia no na Makahiki he Umi HOU OIA I KONA HOA I KA PAHI A MAKE He Wahine Mai ke Kumu o ke Ala Ana Ae o ka Hakaka Mawaena o Laua [ARTICLE]

Ahewaia Ae he Haole Koa no ka Hewa Laweola

Hookauia Mai ka Hoopa'i e Noho Paahao Oia no na Makahiki he Umi

HOU OIA I KONA HOA I KA PAHI A MAKE

He Wahine Mai ke Kumu o ke Ala Ana Ae o ka Hakaka Mawaena o Laua

Ma ka noho ana ae o ka aha hookolokolo koa, maloko o ka halema'i ma Kahauiki, ma ka I'oakahi iho nei, no ka hoolohe ana i ka hihia pepehikanaka, o kokahi koa, i lioopuka ae ai kela aha, i kana olelo hooholo, e ahewa ana i ka mea hoopiiia, oia o Gilbert Spillman, no kona pili i ka hewa lawe ola, a ua kauia mai ka hoopa'i maluna ona, e hoopaahaoia oia, a e lawelawe i na liana ikaika, no na makahiki he umi. Ile hihia kahiko loa ko kela haole koa, o ka waihoia ana, akahi no nae a hookolokoloia, me ka hoopukaia ana mai o ka olelo hooholo e ahewa ana iaia. Ma ka moolelo e pili ana no, t ke karaima a keia koa i hana ai, o ia no kona pepehi ana i kekahi koa okoa aku a make, ma ka houia ana me ka pahi, a o ke kumu hoi i ala mai ai o kela hana, mamuli no ia o kekahi wahine. Ma ka oleloia, ua hoea like kela mau haole koa a elua, noloko o kekahi hale mauka ae nei o ke Alanui Kamehameha IV, ma ka po a ao ae ka niakahiki hou, malaila kekalii anaina hauoli, me ka inuia o ka okolehao, aole nae hoi i pilikia malaila, aka i ka wa i hoea mai ai no ka hulahula ana, ua ala ae la ka hoopaapaa mawaena o kela mau koa, no ka mea kuleana o laua e hulahiula pu ai me kekahi wahine, me -ka%ileio ana o kela ame keia pakahi o laua, me ia i hoopaa mua ai kela wahine e hulahula. Mai ka uuku mai ka lioomaka ana 0 ko laua hoopaapaa ahiki i ka nui loa ana, me ke koi okoa ana aku o ke koa i hoopa'iia mai la, 1 kona kokoolua, e hele laua iwaho o ka hale e hakaka ai, nolaila ua hooko i'o aku la ua mau koa nei i kela manao hakaka, a oiai e hakaka ana, i houia aku ai ka lua 0 na koa i ka pahi, no umi manawa, a he wa pokole mahope mai i make aku ai kela koa; me ka loaa ole he manawa nona e hoakaka ae ai iinua o na makai, i ke kumu o kela hakaka mawaena o laua. Ua holo ka mea hou pahi e pee, me ka paa ole i ka hopuia e ka poe 1 ike i leela hakaka ana, no ko lakou maka'u, o houia aku auanei i ka palii, aka nae mahope mai i loaa aku ai oia ma kona wahi ma ke kahua hoomoana o na koa ma Kahauiki, a paa i ka hopuia, me ka loaa ana aku o kona palaka i hauka'e i ke koko, pela hoi me ka pahi, ua hunaia malalo o kekahi opu nahelehele. Ma kona manawa i ninauia aku ai, maliope iho o kela hopuia ana, ua ae okoa ae oia, nana i hou i ke koa i make i ka pahi, o kana kumupale nae, i hana oia pela, i hoopakeleia ai kona ola.