Ka Nupepa Kuokoa, Volume LXI, Number 26, 29 June 1922 — E LILO NA MAKAI IPO HOOKO KANAWAI. [ARTICLE]

E LILO NA MAKAI IPO HOOKO KANAWAI.

Ma ka pule koke aku la no i hala, i waiho hou ae ai ka Makai Nui Asch, i ka hoohalahala imua o ke komisina makai, no ka ona ame ka hoohaunaele, o kekahi makai, oiai oia e hooko ana i kana oihana. Ua pakele nae keia makai, mai kona kapae loa ia aku mai ka oihana makai mai, mamuli o na hoike i waihoia ae imua o ke komisina, o kela ka manawa mua loa, i ku-e ai oia i kana oihana. Ua nui na hana hakihaki a ku-e kanawai, i lawelawe mau ia maloko nei o keia kulanakauhale, a he hookahi no alahele, e ha'o mai ai na hana karaima, o ?a no ka hoomahuahuaia ae o na makai, e lawa pono ai na apana apau, e wiwo ai ka poe hakihaki kanawai Pehea nae, ka nui o na makai, e hoolimalimaia ana e ke aupuni kulanakauhale, ina aole lakou e lilo, i poe hoko i ke kanawai, aole no ia he mea e ha'o mai ai ka ikeia ana o na hana karaima maanei nei. Ua maumaua maoli na hoopii hoohalahala, e ku-e ana i na makai, i waihoia mai imua o na komisina makai, o na wa ae nei i hala; aia wale no a lilo na makai, i poe hooko pono i ka lakou mau hana, alaila, me ke kanalua ole ke olelo ae, ua makaukau loa na hoa o ka papa lunakai, ame ka lehulehu, e kakoo aku. i kekahi noi hoomahuahua i ka puali maka»