Ka Nupepa Kuokoa, Volume LXI, Number 26, 29 Iune 1922 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HE MOOLELO NO
NA PUUWAI ELUA
A I OLE
KA HEWA O KA WAHINE--- HE MOOLELO I
OWILIIA MA NA HAAWINA HOOPIHOIHOI
NOONOO O KE AU O KA MANAWA
Alawa ae la ka nana ana a ua wahine opio nei, i kona mau lako mare e ahu mokaki mai ana maloko o ka rumi; o ka manao mua o ka oili ana ae iloko on a, oia no ka hoike aku i ke kauwa, e pii loa mai ka Haku Fanadale iluna, aka nae hoololi ae la oia i kela manao mua on a, a hooholo iho la oia maoli no ke iho mai ilalo, a o ia kana o ka pane ana aku i ke kauwa:
"E hoi aku oe a hoike i ka Haku Fanadale, e kakali malie oia ahiki i kuu hoea ana aku no ka hale olalo.'
Ke lohe la ua o Miss Kalani i ka himeni o ka Haku Fanadale ma ka hale mahalo, a ke lohe pu la no hoi i ka holoholo o ua haku ney, me he mea la e hoike okoa mai ana i kona kulana oiaio maoli, o ia no ka piho i na noonoo like ole, e pili ana no ko laua hoohuiia aku ma ka mare.
ua hao mai ua wahine opio nei iaia iho ma kela kakahiaka a paihi, no kona manao no, e hoea mai ana ka Haku Fanadale a he mea hooi ae kona lole nani i ka u'i ame ke kilakila o kona mau ano.
iho malie aku la oia ahiki i ka hale malalo, aia hoi ka Haku Fanadale maluna o kekahi noho kahi i kakalo mai ai iaia, a no ka piha nauki loa paha, o ua haku nei, ke hooniniu wale la no oia i kona noho, ma ia hana ana nae, ua hooku'i aku la i kekahi ipu pua, a hina ana ilalo, ke ike aku la o Bela, i kela pilikia, a o ia kana o ke kahea ana aku:
"E ka Haku Fanadale, pehea oe i noonoo ole ai no kela pahu meakanu a'u i minamina nui ai?" wahi ana me kona hele awiwi ana mai imua o kana kane hoopalau.
"E huikala mai oe ia'u Bela; aole no nae no'u ka hewa, aka mamuli o kau mau hana, a ua piha maoli, au me na manao uluahewa, e hoomaopopo ole ai i ka'u mea i hana aku ai, mamua o kou hoea ana mai la; aka heaha kau minamina wale aku no i ka mea uhane ole!"
Ua hiki loa ia Bela ke ike aku me ka hoohewahewa ole, i ka hele o na maka o ua ipo aloha nei ana a hulili i ka inaina, a he kulana pihoihoi hoi kona, a o ia kana o ka pane ana aku, aole me ka leo pikanana, aka me ka leo waipahe:
"E hamau e kuu aloha, mai kamailio nui ae oe, o lohe mai," i pane mai ai ka
Haku Fanadale, me ka hookuku ana iho nae i kona leo. "Ina he makemake kona e kaa ma kona aoao ka lanakila, alaila aole he mea pono, ka hoikeike ana aku i kona mau manao maikai ole, aka e hoao ia ma na ano apau e pahele aku ai ka noonoo o kana wahine hoopalau. "Ina e lohe wale mai ana na kauwa i ka kaua mau kamailio, alaila de lawe aku oe e Bela ia'u no kekahi wagi kaawale, a malaila kaua e kamailio ai, me ka hoopilikia ole ia mai.
"Ua hele ko'u mau manao a pioloke maoli, a o ke kumu nui ia o ko'u hoi awiwi ana mai nei, me ko'u kakali ole aku, a ike i ka lanakila ana o Debe, ka lio a'u i pili aku ai me kekahi huina, dala mahuahua. he keu aku maoli no ka nui o ko'u pakalaki; o ka loaa aku hoi koe o na pomaikai ma kekahi kumu nae i maopopo ole, o ka haule pahu iho la ia o ko;u mau manaolana apau."
No kela pane a ka Haku Fanadalem ua akakuu mai la ko Miss Kalani mau manao anoe no ka hana a kana kane, no ka mea ke ike la oia, ua pololei na mea a kana aloha e kamailio mai la, oiai ua lohe oia, i ka pili nui ana o ka Haku Fanadale i kana mau dala ma ka heihei lio, a o ia kana o ke kamailio ana mai:
"E hele ae kaua mawaho e kamailio ai me ka maikai, ua hele oloko o ka hale a wela."
"Ua pono kela e Bela, e lawe akue oe ia'u iwaho o kekahi wahi oluolu, no ka mea ua hele maoli au a wela, i ka loa o keia hoi ana mai la iloko o ka hahana o ka wela o ka la." ma ka aoao o ka Haku Fanadale, ua hele maoli oia a piha i ka hoonaukiuki. i kela ike aku, i ka hoohie maoli o Bela iaia, aka nae ke kakali malie la ua haku nei, a hoea aku i kahi mamao, o kona wa ia e waiho aku ai i kana papahana ana i hoolala mua ai, no ke kaa mai o ka lanakila ma kona aoao.
Haawi aku la ka Haku Fanadale i kona lima ia Bela, o ka haalele iho la no ia o ua mau ipo nei ialoko o ka hale, a hele aku la no kekahi wahi, e lohe ole ia mai ai ka laua mau olelo, eia nae, aia no ka Haku Fanadale ke hoike mau aku la i kona ano hoihoi ole, ma ka hehi ana aku i na pua hoonani, e ku pono mai ana mamua o kona alahele, a i ko laua hoea ana aku no kekahi wahi mamao mai ka puka aniani aku, ku iho la ka Haku Fanadale, a kamailio ae la ia Miss Kalani:
"ea, ke makemake nei au e hoike aku ia oe e Bela, ua aneane hiki ole maoli no ia'u ke hoomanawanui iho, i ko'u huhu me ka hoonaukiuki ia oe, ame kuu kaikuahine, no ka olua mea i hana mai ai maluna o'u. owau iho la ka ilina, o na hana hoopahenehene a ko'u mau hana, i mau mea e hoopiha mai ana ia'u me ka ianina, ahiki i ko'u ku'i okoa ana aku i kekahi hoaloha, a ua komo aku hoi au iloko o na hoop@ ana me kekahi poe, a o ia keia eha au ike mai la malalo o kuu maka hema.
"O ka mea oiaio loa a'u e hoike aku nei imua ou e Bela, aole au i makaukau no ka hooko ana aku i ka mare i keia manawa. elike me ia a kuu kaikuahine i hoolala ai, no ko kaua mareia i ka la hookahi, e mareia ai oia me kana kane. ua maopopo ia'uu, ka nui o kau mau hana maikai e bela, i lawelawe mai ai no'u, aka aole ia mamuli o ko'u hookikina wale ana au ia oe, aka no kou manao ponoi maoli iho no,, e hokau ole mai ai oe i na ahewa ana maluna o'u."
i loko o keia manawa a ka Haku fanadale e kamailio aku nei, ua noho iho la o Bela ilalo , maluna o kekahi noho laau, aia hoi oia ke kupenu la i kona hainaka ma na maka, a ke olu loa la ka Haku Fanadale, no kela hiona ana e ike aku la, ka mea ana i manao kuhihewa ai, e hahana an la ka laua papaolelo ana.
No ka pane ole mai nae o Bela i kela mau olelo hoakaka a ka Haku Fanadale, ua hoomau hou mai la no oia i kana kamailio ana.
"No na mea e pili ana i ka hoolaha i hoopukaua maloko o na nupepa, no ko kaua hoohuiia aku ma ka mare iloko o keia mahina, ke makemake nei au, e hui pu mai oe me a'u, ma ka hoole ana i ka pololei o kela mau hoakaka, ma ke ano he hoolaha hoopahenehene wale no kela."
Aole no he wahi mea a pane mai o Bela, aia no ke poo o ua wahine opio nei, ke kulou la ilalo, a o ia ka ka Haku Fanadale o ka pane hou ana aku:
"Ke manzo nei au, ua lokahi kou manao me ko'u maluna o keia mea, nolaila e haawi mai oe i hookahi a'u manawa e honi aku ai i ko ihu.
Ma kahi o ka hooko mai o Bela i ke noi a kana ipo aloha, aea ae la ke poo o ua kaikamahine nei iluna, nana mai la hoi kona mau maka, i hele a piha i ka inaina maluna o ka Haku Fanadale, a hoomaka mai la e kamailio:
"Ua hoolohe aku nei a u i kau mau olelo apau i kamailio mai nei, a ke lana nei kuu manao, aole oe i poina, i na mea apau i hanaia mawaena o kaua, no kekahi manawa ae nei i hala."
"Aole he mea a'u i hoopina, aka nae, in a paha ua poina ia'u kekhai mea, alaila ua hoomakaukau no au i kekai poka, no ke ki ana aku i ko'u enemi, e kuu aloha," wahi a ka Haku Fanadale, me he mea la, he wahi mea ano ole loa, na olelo i kamailioia aku e Bela.
"Ua hoolohe aku ai i kau mau olelo apau," i pane mai ai o Miss Kalani," a ke makemake nei au, o oe ke hoolohe mai i ka'u mau olelo. Ua ku-e ikaika mai oe ia'u, no ko'u komo hokai wale ana aku no iloko o kau mau hana apau e Hale; o ka mea oiaio nae, owau ka mea nana i hooponopono i kau mau hana, a i uku aku i kekahi huina dala mahuahua, no ka hoopakele ana ae ia oe mai ka poino mai. aole he kumu e ae o ko'u hooko ana aku i keia hana, mamuli wale mai no ia o ka nui o ko'u aloha ia oe, ka mea hiki ole i kekahi wahine e ae, ke hana aku nou, owau wale ne."
Aole i pau aku no mea a Bela i makemake ai e hua'i pau mai imua o ka Haku Fanadale, ua kahamaha e aku la nae ua haku nei, ma ka noke ana ae i ka akaaka, me ke kau ana aku i kekahi lima imua o Bela, aka nae aoloe ia he kumu e kuha'u iho ai o Bela, ua hoomau hou mai la no oia i ke kamailio ana:
"Aole he kumu e ae o ko'u lawelawe ana aku i na hana apau e pono ai oe, mamuli wale mai no ia o ka nui o ko'u aloha noi e Hale, iloko o ia aloha aole loa he hookamani, aka he aloha mailoko lilo loa mai o ka puuwai, me ke kau o ko'u mau manaolana, e lilo oe i kane na'u no keia mua aku. Ua hanaia kekahi aelike mawaena o kaua, e hoohuiia kaua iloko o ka berita o ka mare ma ka la 25 o ka mahina o Iune nei, malalo o ia aelike, i ku ai au me ka hoomakaukau ana ia'u iho ma na ano apau. La o ko'u mau hoaloha aole au i ike i kekahi kumu kupono, e hooko ole ia ai ka mare maweana o kaua."
"Uwoki!" 'i pane mai ai o Bela me ka leo juoo. "No ka maopopo ole paha ia oe o ka hopena e hoea mai ana, ke kumu o kou manao ana, e hoolilo mai ia'u me he kamalii la. ua hoohaahaa loa mai oe ia'u, a oi aku mamua o ka mea i hanaia aku no kekahi wahine; aka nae aloe no ia he mea e hoolilo koke ia ae ai kuu aloha nou, i hoowahawaha i loko o ka manawa pokole loa. La hoopakele ae au ia oe, mailoko mai o na pani o ka halepaahao, ua hala nae ia; malia aole e hiki ana ia'u ke hoopakele ae ia oe, no ka elua o ka manawa, in a e mau mai ana kou hoohaa ana ia'u i ka pii okoa ana o ko'u inaina nou.
"e hoomanao oe, o na pohaku apau a me na lepo apau i kuleana ai oe ma ka honua nei, ua hooliloia mai ka Loio Malo mai a ia'u aole mea hiki ia oe ke hana mai, oiai o kou loio ponoi no ka mea nana i hana i ka palapala kuai hoolilo; a in a aole he mea au i hoomaopopo, alaila aole no ha'i aku ia hewa, aka nou ponoi iho no.
"Ua makaukau au ma na ano apau, e ku aku mahope ou, a hoike no kou pono, ma ke ano e ikeia mai ai kou mau ano maikai e ka lehulehu; aka nae i loko o ia manawa hookahi, aohe nana a ka kanawai ma ke ano o ke kanaka, aka ma kana hana wale no. Ina no ke kuai hoololoia aku o kou mau waiwai apau, aole e lawa ke dala e loaa mai ana, no ka uku ana i ka hapalua o ka huina a'u i kokua aku ai no kou pilikia. mawaho ae o kela huina mahuahua, ua aie hou mai no oe ia'u , me ka moraki ana mai i ke kahi waiwai, au no i ike ai aole loa ou wahi lihi kuleana ilaila, a ua hoolilo aku oe i ka hapa o kela mau dala, iloko o na hana piliwaiwai.
"He hana hiki no ia'u ke hoomanawanui i ko'u inaina nou in a aole au mau hana e ae i hoolilo mai ai ia'u, i mea paani lealea wale no nau, oia na mea a'u e lohe nei ma ka waha o na kauwa, i kou hoohala i kekahi o kou mau manawa, ame kekahi hapa o ka'u mau dala, no ka hauoli ame ka pomaikai o kekahi wahine okoa aku."
I ka hooki ana iho o ka Bela kamailio ana mai, aole e hiki i ka Haku Fanadale ke pane aku, no ka mea o na huaolelo apau i puka ae mai ka waha mai o Bela, he mau olelo oiaio wale no ia; ua hele hoi ka helehelena o ua haku nei a haikea pu, a ke hoonaukiuki loa la oia, no ka hoopunipuni o kona loio, a hana; nolaila noho okoa iho la oia ilalo, aia hoi iloko'ona ka hopohopo, no kona lilo aku he paahao, malalo o na manao inaina o Bela Kalani iaia.
O na mea apau a Bela, i kamailio mai ai, aole loa he hoopunipuni iloko olaila ke ui ae la oia mao a maanei, aole loa on a wahi e pakele ai, koe wale no ka wehe hamamaia ana ae o na pani o ka hale paahao a hamama nona.
Mokuna XXVII
No keia pilikia maopopo loa a ka Haku Fanadale e ike aku la, i na e hoopaakiki ana oia e like me kana i manao mua ai, e haalele iho ia Bela Kalani, ua hoopau loa ae la oia i kela manao, a hoao aku la e hoomalielie ia Bela, i wahi e akakuu mai ai ka inaina o ua kaikamahine nei, h mea oiaio, ua hoi hou mai la kela ano kahiko, o laua, a hiki i ko laua hoi hou aku noloko o ka hale, me he mea la, aole he mau olelo maikai ole i kamailioia, i na minuke mamua aku.
Ua noho ka Haku Fanadale ma Kanale Hale ahiki i ka wa i makaukau ai o ka aina awakea, he hookahi kona noho pu ana aku me Bela ame ka Lede Kalala, maluna o ke pakaukau, aohe mea hiki i ua haku hookano a me na makemake apau o Bela Kalani.
Ma na ano apau ke nana aku, ua lilo maoli ka Haku Fanadale he pio malalo o Bela, oiai ua kaikamahine nei, e haawi mau mai ana i na minoaka hoohie maluna o kana aloha, a e kamailio mai ana no hoi i na olelo olu waipa-he, a ke nana mai la hoi ke Lede Kalala, me na manao mahalo ia Bela, no ka piha maalea maoli o kela wahine opio, i ka hoolilo ana i ka Haku Fanadale, a kohu bebe.
"Aole he maikai o ko ka Haku Fanadale ano i keia kakahiaka, mamuli o ka nui o kana mau dala i poho ma ka hana heihei lio," i hoakaka aku ai o Bela imua o ka Lede Kalala noke alaila e kaawale loa aku ana oia ma na aina mamao, kahi e kaawale pu aku ai na hana hoowalewale o na ano like ole mai iaia aku. Aole a'u mea e ae e mahalo ai no ka Haku Fanadale, o kona mau ano oluolu a piha waipa-he maoli no, i kona mau hoaloha, eia nae, ua hoopilikia loa mai lakou iaia, ma ka noke ana mai i ka hoohenehene, no na mea a lakou i ike ai maloko o na nupepe, no ko maua hoopalauia ana."
Nana pono ae la o Bele Kalani i kana aloha, ke kulou la ke poo o ka Haku Fanadale ilalo, me he mea la, aole mea nui e ae iloko o kona noonoo, no na mea no ia e pili ana ia Kakalina, ke kaikamahina a ke kanaka malama meakanu, ka wahine hoi ana i manao maoli iho ai no, me ia oia e mare aku ai.
Minoaka mai la ka Lede Kalala, iaia i hoomaopopo mai ai i ke ano o ka Bela mau olelo, me kona pane ole mai nae alaila hoomau hou mai la o Bela i ke kamailio ana:
"Ua hoike aku nei au ia Hale, i ka piha mauki loa o Kimo, no ka hoea koke ole mai o ka la 25 o Iune; a aole au i ike i kekahi kumu maikai, e hooko ole ia ai na mare a elua ma kela la hookahi; a i hooko ole ia ai na mare e elua ma kela la hookahi; a i hookahi no hoi ko kakou komo like ana iloko o ka hauoli.'
(Aole i pau)
He Moolelo no
PITA NIKOLA
A I OLE
Ke Duke i Haalele Aku i Kona Kulana
Hanohano a Lawe Mai i ke
Kulana Makaainana
"ua loihi maoli ka manawa o kou hoea mau ana mai imua o Mr. Nikola, e pono ai oe e haawi aku i kou ae e lilo i wahine hoopalau na kau kumu himeni," i kamailio hou mai ai o Miss Makuaia, me ka huli ana aku o kona alo i kahi e, e hoike okoa mai ana hoi kona mau ano apau, i kona piha i ka hoowahawaha no Beka Kamerona.
Ua hele o Nikola a piha loa i ka hoonaukiuki, no na olelo kikoola a ke kaikamahine hookano a kona haku, no laila hele awiwi mai la oia a ku iho la ma kahi o ka puka e hiki ole ai ia Miss Makuaia, ke haalele iho i kela hale, a huli mai la imua o Miss Makuaia, a pane aku la:
"Ke makemake nei au, e loaa aku ka ike ia oe e Miss Makuaia, aole loa o'u wahi lihi hoihoi iki, i ke ano o kau mau olelo ku ole i ke kulana lede, i ke kamailio ana mai nei, no ka'u malihini."
"E hookaawale ae oe i ka puka, i huli hoi aku ai au no ka hale o kuu makuakane!" i pane mai ai o Miss Makuaia, me kona anehe ana aku e hele imua.
"Alaila,, e hoao mai ana anei oe e hoolilo ia'u me he kamalii la?"
"Ke makemake nei au e loaa aku ka ike ia oe e Miss Makuaia, owau ka on a nona keia hale, elike me ka loihi o ho'u noho ana ma Pohaku Eleele nei. O ka malihini au e ike mai la maloko o kuu hale, ua hoea mai oia mamuli o ka'u kono, a ua hiki iaia ke hana elike me kana i makemake ai, oiai oia maloko nei, a owau wale no ke kuleana e ae aku aai , a e hoole aku ai i ke kuleana o kekahi mea, e hele mai ai no keia hale. Pehea, ua maopopo aku la anei ia oe, ko'u kuleana ma kei wahi?"
Hakalia no a pau kela mau olelo i ke kamailioia aku e Nikola, haawi aku la oia i kana kunou ana imua o Miss Makuaia, me ke ku ana ae ma kekahi aoao o ka puka.
"Ua hoohaahaa loa ia aku ke kaikamahine a Makuaia mamuli o keia mau olelo a Nikola a ke nana mai la hoi ua kaikamahine nei, me na maka hookokoke ia Nikola, me ka pane pu ana mai:
"He keu aku oe a ke kanaka hookano, e ike ana oe, owai la o kaua ka mea oi aku o ke kuleana o oe paha, ka mea i noho kauwa mai malalo o kuu makuakane, a i ole, owau paha ke kaikamahine a ka on a nona keia mai waiwai apau e waiho mai nei," o ka oili aku la no ia o Miss Makuaia me ka nana hou ole mai ia Nikola, a i ole ia Beka Kamerona paha.
Aia o Nikola ke ku la nana i ka hoi o Miss Makuaia, me kona piha loa i ka hoonaukiuki i ka mahaoi o kela kaikamahine, o ka hele wale ana mai no i kona hale, me ke kono ole ia aku.
I ka nalowale ana aku o ua kaikamahine nei a Mr. Makuaia, akahi no o Nikola a hoi mai noloko o ka hale a o ia kana o ka pane ana aku ia Beka:
"He aha kou kumu i hoole ae nei, i ka'u mau olelo imua o Miss Makuaia , no ko kaua hoopulauia ana?"
"Pehea auanai e hiki ole ai ia'u ke hoole aku, no ka mea ua ike no oe, aole he pololei o kela mau olelo. Aole au i ae aku e mare ia oe, a aole loa no oe i ninau mai ia'u e hiki ai la hoi e maopopo ia oe ka'u pane, nolaila aole he pololei iki o kau mau mea, i kamailio aku nei ia Miss Makuaia ."
"O ko'u manao maoli no ia ma ke kamailio ana aku nei ia oe, o ka hoea aku koe i kahi a'u e noi okoa aku ai, no kou mare mai ia'u, komo e mai nei kela kaikamahine e hookai, aka no keia manawa, ke noi aku nei au e ae mai oe e lilo i wahine mare na'u."
"Aole ana e nele ka hoi aku o Miss Makuaia a kamailio no kaua. O ka mea oiaio loa e Nikola, ua hele mai au no kou hale nei, aole mamuli wale no o ko'u makemake ponoi iho aka mamuli kekahi o kau kono."
Aia o Nikola ke holoholo la maloko o ka hale, me ka pe'a ana o kona mau lima mahope o ke kua, a ke namunamu la hoi i kekahi mau huaolelo, me he mea la, in a he kino kane ko kela kaikamahine, aole oia e hoohakalia iho i ka haawi ana aku i kekahi pa'i mahanahana ma kona kumu pepiao, e hiki ole ai iaia ke hoopoina.
"Ea, akahi a maopopo ia'u ka manao o na olelo a Miss Makuaia i kamailio mai nei, he mau olelo pahenehene kela ia'u; a in a no kona noho loihi iho maloko nei in a owau maoli no ka mea nana e koe aku i kona mau papalina, me kuu mau makiao nei." alaila noke okoa ae i ao Beka, i ka akaaka. "He keu aku a ka mea kupaianaha, e kapa mau ana au ia Miss Makuaia i ke kaikamahine oluolu, eia ka auanei, ua piha oia me ka pikanana."
"Mai kuhihewa oe, he maikai kekahi iloko o kela kaikamahine, aole loe. Ua like pu kona mulea me ka viniega; a e ike aku ana no oe, o kela ke kaikamahine nana e hapala aku ana i kou inoa maikai, me na moolelo haku epa o ka hoopunipuni."
"Aole no a'u ahewa wale ana aku i na olelo a Miss Makuaia i kamailio mai nei, o ka uku hupono iho la no ia eloaa ia'u, no ka mea aole loa o'u wahi kuleana iki e hele mai ai no kou hale nei, a oki loa aku ka noho ana maanei ahiki i ka poeleele ana."
"Heaha ka mea e loaa ia oe e Beka, ma ka hoala ana mai i ke kamailio o kena ano? Nokeaha no hoi i hoopau ole ae ai oe i kou mau manao olalau, a nana aku kaua ma na aoao maikai wale no o ko kaua ola ana?"
"Aole anei, e hooholo ae no hoi kaua me ka lokahi, ua hoopalauia kaua i keia manawa. Ina he kanalua kou ma ia mea, a laila e ae mai ana anei oe e lilo i wahine mare na'u? Aia anei kekahi pohihihi i loko ou, au i kamalua ai no ko'u ano oiaio,"
'|Ae, aole he manao kanalua iki iloko o'u nou, ua maopopo ia'u na mea apau; aka heaha ke kumu o kou makemake ana mai e lilo aku au i wahine mare nau?"
"He hookahi wale no kumu elike me ia a'u i hoike mau aku ai ia oe, o ia ka nui o kuu aloha ia oe e Beka."
Puili loa mai la o Nikola ia Beka imua o kona umauma, aia no hoi ke kaukamahine opio ke hooikaika la e hookaawale iaia iho, mai ia Nokola aku aohe nae he wahi mea a hookuu aku o Nikola.
"Ina no e ae mai ana oe, a ae ole paha, e mare aku ana no au ia oe e Beke. Pehea he hu-e a nei kekahi ma kou aoao?"
"Aole a'u mau ku-e ana, aka nae pehea e hiki ai ia'u ke mare aku ia oe, no ka mea aole he aloha iloko o'u nou?"
"aohe a'u nana no kou aloha ia'u ame ka ole, e hoea mai ana no i kou wa e ike ai ia mea he aloha. E mare aku ana au ia oe iloko o ka manawa pokole loa mai keia wa aku," alaila kulou iho la o Nikola a hona aku la i ka ihu o Bejka, aohe mea a kaili ae o ua kaikamahine la, me he mea la, o kona olu paha ia e kakali mai ana
"Auhea oe e Beka, aole e hiki ia'u ke hoopunipuni aku ia oe, ua hele maoli no kuu puuwai e noho aku la a piha i ke aloha nou, aole he aloha ma ka lehelehe wale no, aka he aloa oiaio loa, e mokuhia ole ai i na waikahe he nui. Mai kinohi loa mai o kuu ike ana ia oe, mailaila mai no ko'u aloha ana ia oe a oi loa hoi i keia manawa."
"Aole o oe hookahi wale no e Nikola ka i loaa ia haawina maemae loa, aka owau pu no kekahi i haulehia i ke aloha nou ua hoao au e hoopakele ia'u iho mai ka lilo ana he pio na kela aloha. aole nae he hiki. Ua haawi maoli aku no au i ko'u hilinai me ka paulele piha ana maluna ou e Nikola ma na ano apau."
"Ke hoomaikai ae nei au i na Lani, no kou haawi kahiko ana mai i kou hilinai piha maluna o'u, aka nae , pehea oe i hana mai ai pela, me kou maopopo mua ole i ko'u moolelo."
"aohe a'u nana no kou moolelo, ame ka moolelo o koi oina na. he hookahi no a'u mea i nana aku ai, o kela ano oiaio iloko ou, ua lawa loa kou mau ano apau, no ka'u kane i makemake ai e mare."
"Aole anei ou makemake e maopopo aku ia oe ko'u ano oiaio, a heaha na mea i pili ia'u a me ko'u ohana."
"Malia paha no kekahi manawa okoa aku, no keia manwa la, aole a'u mea e hoohalahala ai, a ua makaukau au i na manawa apau au e makemake mai ai, e haawi aku ia'u @ @ wahine nau." Ke hele loa aku nei keia manawa i ka poeleelee hookuu mai oe e hoi aku au no ko'u home.
Aohe he kaohi hou ana iho a Nikola no ka mea ua hoea mai i ka ookoia ana o ka iini a jona puuwai, o ko laua ku like ae la no ia iluna, a hele aku la iloko o ka pouli, me ke kuikuilima pu ana o na ipo e hoike mai ana hoi ko laua mau helehelena, i ka hele a piha i na haawina kilakila o ka hauoli paena ole.
Mokuna XVI
Ua lilo kela hoea ana mai o Miss Makuaia, i mea hoihoi ole loa na Nikola, no ma mea ua maopopo mua iaia, he kaikamahine hookane kela, me ke kikoi o ke ano o kana mau olelo oiai nae aole no a Nikola mea e hopohopo ai, no na hana a kela kaikamahine, a o kana mau mea paha e hele akuai e kamailio oiai aole loa e lilo kekahi o ia mau olelo, i mau mea e hoopilikia mai ai ia Beka ma kekahi ano.
Ua hookuku o Nikola ia Miss Makuaia me Beka, a ua ike oia i ka oi loa aku o ko Beka mau ano kilakila, imua o kela kaikamahine, i pailaniia a i hoonaauaoia me na dala nunui a kona makuakane, a mamuli o ia i ke i loaa aku iaia i kohoiho ai oia o Beka kona kokoolua o keia noho honua ana, aole hoi o kekahi kaikamahine e like me ko Miss Makuaia ano.
Ua huli hoi mai o Makuaia no kona home ma ke ahiahi mamua aku, i ka hoea ana aku o Nikola e ike iaia,, ma kekahi kakaiaka mai, me ka hoike ana aku no kona hoopalau ana me Beka Kamerona, ua haawi koke mai la kela keonimana kona mahalo,,, me ka lilo ole o na olelo hoonuinui a kana kaikamahine, o ka hoopihapiha ana aku iaia, i kumu no ua kanaka nei e pikanana ai o ke kumu paha no ka olelo wale ana aku no o Nikola o ke kaikamahine hanauna a ka wahine malama hale kana wahine hoopalau.
Mahope mai nae, o kela nanea ana o laua i ke kamailio, akahi no o Nikola a hoike aku i ka inoa o kana wahine oia no o Beka Kmerona, aole no ia he mea no Mr. Makuaia e hoike mai ai i kona manao ku-e aka nae ua ike aku o Nikola , i ka hele a pii ka ula o Mr. Makuaia, no kela lohe ana mai paha i ka inoa o Mr. Kmaerona.
Ua hoakaka aku la o Nikola no na mea e pili ana i kana mau hana, oia ka maikai ole o ka noho ana o na kanaka malalo on a, eia nae ua hooikaika oia ma na ano apau, e hiki ai ke hookoia ka aelike, no ka hoolako ana aku i ka papa iloko o ka manawa i aelike ia.
Ma kela la, ua hele kino aku la o Mr. Makuaia me Nikola ka nana ana i ka hana a na kanaka, a ike pono aku la ua kana ka nei, i ka Nikola mau hana apau o hooikaika ana me kona poe kanaka kakaikahi. Ma ko laua huli hoi ana mai, ua hoi pololei loa ae la laua no ka hale o Nikola , a malaila i hoikeike aku ai ke kanaka opio i ka leka a Haka Kenede o ke kakau ana mai iaia a ua hoohalaia hoi kekahi manawa loihi e ua mau kanaka nei ma ka hoolala ana i na hana e hoohokaia aku ai o Haka Kenede.
Ma kela hoolala ana a ua mau kanaka nei, i hoakaka okoa aku ai o Nikola i kona manao, o ia no kona hoao ana e komo pu aku me Haka Kenede ma kana mau hana a e hoikeike mai iaia iho, ma ke ano he enemi no kona haku, he kunokunou wale no ke poo o Mr. Makuaia, me ke apono aku i na mea apau e hoakakaia mai ana e kona kanaka malama ululaau.
Ua loaa maoli ka manao koa ia Mr. Makuaia ma kela wa a laua e kukakuka la, mamuli mai paha o kona hele hoomaha ana, aka o ke kumu nui nae mamuli o ka hoomamaia ana ae o kona lunaikehala, ma o kona hoike ana i kana mau meahuna apau ia Nikola .
"Ina no ka hiki mai i ka manawa e halawai ai au me ka pilikia, ua maopopo loa, aole hiki ia'u ke alo ae ma kekahi ano, koe wale no ke poholo iloko o ka lua. O kela kau mau o ka weli ia'u, no ka halawai pu me Haka Kenede, ka mea nana i hoauhee aku i ke koa ame ka maka'u ole mailoko aku p'u i aka nae ke hauoli nei au, aole i make kela kanaka, elike me ia a'u i makemake ai i kinohi, a ua kaawale loa kuu mau lima mai na kulu koko mai o kela kanaka ino.
"ua nui ka'u mau mea i noonoo ai ia'u i hele hoomaha aku nei, a eia ka'u mea i hoomaopopo: ua kakauinoa i'o au malalo o kekahi pepa, e hoike ana no ka pepehiia ana o Beni Kamerona a make e a'u ame Haka Kenede, a ua kakauinoa pu no hoi kela kanaka, nolaila aole e hiki iaia ke hoikeike ae i kela palapala e paa nei malalo o kona malu o komo pu auanei oia iloko o ka poino, koe wale no kona hoao ana e kaualako aku ia'u ilalo i kahi o ka poino ke hooko ole ia kona mau makemake lapuwale maluna o'u.
"Ua hiki ia kaua ke pulapu iaia no kekahi manawa, me kou hoao mau ana e pahele i kona noonoo maila he alahele maalahi ia e kaa mai ai kela palapala malalo o kou malu, Pehea, he mau mea mai ai kela palapala Malalo o kou malu, Pehea, he mau mea anei kekahi au i hoolala ai e Nikola?"
"ae, he nui ka'u mau alahele i hoolala ai, e hana aku, no kou pono e Mr. Makuaia. O ka mua, e hoao ana au e kaa mai keli@ palapala malalo o ko'u malu, ma ke ano maalea, a i ke ko ole ana o kela manao alaila e lawe ae ana au i kekahi keehina wikani e hookeia aku ai kela kanaka a pili pu i ka paia."
Ma kela wahi o na hoakaka a Nikola, ku ae la o Mr. Makuaia i lina me ka lalau ana aku i kona papale a pane mai la:
"Aole i maopopo ia'u ke ano o ka hoomaikai a'u e haawi aku ai ia oe e Nikola, no kau mea i hoolala ai e hana aku no ko'u pono; aka nae in a ma ke dala e ukuia aku ai kou luhi,, alaila i halalia i ka owaka ae o kou waha ua makaukau au e haawi aku elike me kau e noi mai ai."
Ku ae la o Nikola iluna, me ka hele ana aku no kahi o ka puka aniani, a kamailio mai la:
"Ina aole oe e pupuahulu loa no ka huli jhoi aku no kou home alaila e hoakaka'aku no au i na mea e pili ana i kahi o ke dala." alaila noho hou iho la o Mr. Makuaia ilalo, me ka waiho ana aku i kona papale iluna o ke pakaukau.
"Mamua o kou hele ana ma kau huakai hoomaha, ua hoike mai oe imua o'u aole loa oe i hooikaika ma kekahi ano e huli aku a e nninaninau aku no kahi i noho ai o ka ohana o Ben Kamerona. Ma ka'u mau mea nae i hoomaopopo aku, i kou kamailio ana mai, in a ka i maopopo ia oe, he ohana no ko kela kanaka e ola nei, alaila e hana aku ana oe i kekahi mea, e pilikia ole ai ka oahana o Beni Kamerona. Pehea, o ka mea oiaio anei ia e kuu haku?"
"Ae, ua pololei kena mau mea au e ninau mai la ia'u aka heaha ke kumu'o kou lawe ana mai la i kena ninau i keia wa?"
(Aole i pau)