Ka Nupepa Kuokoa, Volume LXI, Number 26, 29 June 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

            He moolelo Walohia

Ko Vekinia Waiwai Hooilina

Hoopuhiliia na Hana a ke Mea Manao Ino --- Kau i ke Aki i ka Manawa Hope

 

            He mau palapala pili kanawai wale no ia o ka loaa ana iho @@ia ame kekahi mau palapala pili oihana, me kekahi mau leka e hoakaka ana no ka inoa o kekahi mea ana i maopopo ole @ i lohe ole au hoi mamua. Ua nui ka makemake iloko ona ia manawa no kona heluhelu ana iho i na manao i kakauia ma @@ko o ia mau palapala, ia manawa hookahi no nae ke hopohopo pu la oia oloaa pono mau oia i ke kaikunane e hokai wale aku ana no oia i na hana ana i kuleana ole ai, no ia manao, waiho hou iho la oia ia mau palapala apau iloko o kahi pahu me ka hooholo paa iloko on a in a no ka loaa o kekahi manawa maikai iaia ma ia hope aku, ia manawa oia e heluhelu ai i na mea apau i kakauia makako o ia mau palapala.

            Aia mawana o ia mau pepa o ka loaa ana iaia he wahi leka l@ihi kekahi, he makamaka hou loa i kana nana iho i like ole me kekahi mau palapala e ae ka halenalena e hoike ae ana he mau palapala kahiko lakou, aohe nae he inoa i kakauia maluna o ia wahi loihi, a ma kona manao he palapala ano nui loa koloko.

            O kona wehe ae la no ia a i ka hemo ana ae eia ka o ka palapala ma@e o Sa Wiliama me Vekinia Abota.

            Ua hookahaha nui ia oia i ka ike ana iho maloko o kekahi wahi o ka mokuaina o Nevada, Amerika, kahi i mareia ai, he wahi i mamao loa mai kekahi kaona a kulanakauhale nui aku, he wahi i mamao loa mai kekahi heluna kanaka kakaikahi, a iaia i hoomau iho ai i ka heluhelu ana ua pii ka mahanahana ma kona mau papalina no ka piha loa i ka huhu.

            "Ua kakau mai hoi oia ia maua o Vekinia Abota ka inoa o ka wahine ana o ka mare ana, a eia nae hoi maloko o keia palapala mare o Vekinia wale no." Wahi ana o ka hooho ana ae me ka hulili o na maka no ka piha loa i ka huhu.

            @a manawa ua lohe aku la oia i ka halulu ana mai o kekahi kaina wawae mawaho aku o ka holo, nolaila hoolono aku la eia me ka piha pu i ka makau, no kona manao ua loheia mai paha kona hoopuka ana ae i ka inoa o Vekinia.

            Eia nae, aole o ke kaikunane, kekahi wale no o na kauwa e hele ana e hooko i kana hana, a hoomau aku la no oia i ke kuekaa ana i na mea apau maloko o ka pahu.

            "Aia kekahi mea pohihihi i hiki ole ke hoakakaia e pili ana no keia mea," wahi ana iaia iho. "O ka inoa ua hoopunipuni ino loa mai oia ia maua me ka hilahila loa. Wahi ana ma kana leka he kaikamahine ka wahine ana o ka mare ana na kekahi o na keonimana waiwai loa maloko o Kaleponi, aka nae i ka nana iho aole i noho iki ia mau mea maloko o Kaleponi, ma @ela mokuaina wale no laua o ka noho ana iloko o na la apau mamua aku o ka loaa ana aku ia Sa Wiliama.

            "I ka nana aku aia no he kumu ko laua huna loa ana ia laua @ho maloko o kela mokuaina hihiu a i mamao loa hoi mai na kulanakauhale nui aku, a no ia mea e ninaninau aku ana au no ia kumu o ko laua noho ana ma kela wahi."

            Hookomo hou iho la oia i ka palapala mare iloko o ka wahi leka a hihoi iho la hoi i na palapala apau ma kahi i loaa ai iaia a ia manawa lamalama ae la kona helehelena me he mea la ua loaa iho la kekahi manao iaia ia manawa.

            "A, e holo aku ana o Sera i Kapalakiko, a iaia malaila e kakau aku ana au iaia e ninau aku i ka mea e pili ana ia Abota ame kana kaikamahine, i mea e maopopo ai iau ka moolelo e pili ana i kela kaikamahine a Vekinia i hanau mai la mamua o ka piha ana o ka mahina iaiama keia ao, a i ka manawa e maopopo aku ai e hiki ana paha iaia ke holo mai i Hitadela nei a noho moiwahine mai maluna o makou a aole paha."

            I ka pau ana o kana hana maloko o na rumi o ke kaikunane, hele aku la oia ma na hana i maa mau iaia, me ka hoike ole ae i kekahi hiohiona e ikeia mai ai aia ka ino iloko onakahi i no ai, a e hooko aku ana hoi oia ia manaoino maluna o ka mea ana i inaina ai.

            Mahope iho nae o ka pau ana o kana hana ma ka rumi o ke kaikunane kahea aku la oia i kekahi kauwa e kii mai a lawe aku i ka pahulole i pau loa ae la na lole oloko i ka weheia iwaho, e hapai aku noloko o ka rumi e waihoia ai na pahu, a mahope iho hoi aku la oia a loko o kona rumimoe a malaila i hoohala ai i kekahi hora a oi ma ke kakau ana i kekahi mau leka no ka hoounaia ana aku ia Sera.

            I ka pau ana o kana mau leka i ke kakau, opiopi iho a hookomo iho la iloko o ka wahi, sila iho la a paa, a kauoha aku la i kekahi o na kauwa e lawe i ka haleleka, mawaho o ka wahileka i kakau iho ai oia i keia inoa:

                        "MRS. SARA FANAMU,

                                    Palace Hotel, Kapalakiko, Kaleponi."

            Ke hoomanao la no paha na makamaka heluhelu, i kela manawa a ka Lede Hita ame ka Lede Linetona e u kamailio ana no ka mare hikiwawe ana o Sa Wiiama, o ka inoa o "Sede", kekahi o na kaikamahine a keia mau lede i makemake ai i wahine na Sa Wiliama, ka i kamailio pu ia e laua.

            He kaikamahine Pelekane ui o Sede nona na makahiki mawaena o ka iwakalua kumamalua ame kolu, oia ke kaikamahine wale no a Mrs. Sara Fanamu, ka lede iaia ka leka a ka Lele Linetona o ke kakau ana a i laweia aku ai hoi e ke kau@a i ka haleleka.

            I ka manawa i lohe aku ai o Sede Fanamu no ka mare ana o Sa Wiliama me kekahi wahine opio o Amerika ua nui kana mau mea o ke kamailio ana me ka noonoo nui no ka hoopohoia ana o kona manaolana, no ka mea, ua lilo ka nu hou e pili ana i ka mare ana o Sa Wiliama me ka ui a "moiwahine hoi o na mauna o Nevada "wahi a Sa Wiliama, i mea hoopuhili i kona mau manalana no kona pomaikai ame kona hanohano pu.

            No keia kaikamahine no Sede Fanamu, ua nui kona makemake me ka iini pu e lilo ke Sa Wiliama iaia i kekahi la, a e lilo ana hoi oia ka hakuwahine o ka Hitadela; no na makahiki lehulehu kona hoopue malie ana i keia makemake iloko o kona naau, a no na makahiki lehulehu no hoi kona hoao ana e hoohei i ka noonoo o ka baroneta opio elike me ka ike ame ka makukau apau i loaa iaia, i mea e lilo ai ke kanaka opio ana i aloha ai iaia, a e hokoia ai hoi kona mau iini apau,

            He mau hoaloha pilipaa loa o Mrs. Fanamu ame ka Lede Linetona mai ko laua mau la kamalii mai, a he mea hauoli nui no hoi na laua mau la kamalii mai, a he mea hauoli nui no hoi na laua ka ike ana ua mareia ke kaikamahine a kekahi me ke kaikunane o kekahi, ma ia ano e loaa ai la Sede he kulana hanohano a he inoa kiekie hoi maloko o Enalani, @ oiai he kaikamahine waiwai no hoi o Sede mai kona makuakane mau, e lilo ana kona waiwai i mea hoonui loa ae i ko laua mau waiwai i ko laua manawa e hoohuiia ae ai.

            Eia nae, ka mea kupanaha, no ke Sa Wiliama iho aole oia he kanaka noonoo nui aku no ia mea he launa mau ana me na wahine, ma kekahi olelo ana ae hoi he kanaka hoopilipili nui ole aku oia me na anaina a na wahine. Oiai nae he lehulehu no kana mau manawa o ka huikau pu ana aku me na anaina a ka poe koikoi o ka aina, na anaina i lehulehu ai na lede i ikeia maloko o ia mau anaina, mai na lede aoo a na kaikamahine opiopio, aohe nae oia i hoohihiaia ma ka manao no kekahi o ia mau kaikamahine, oiai nae o Sede e hahai loloa mau mai ana iaia, o Sede a makemake mau e pili mau mai oia ma ko Sa Wiliama aoao, no Sa Wiliama nae e hoomamao mau ana oia i ka hohonu.

            He makemake no oia ia Sede aole nae ma ke ano he ipo, aka, ma ke ano he hoaloha wale no, a mamuli o kona launa mau, me Sede ua lawa ka ike i loaa iaia no ko Sede mau ano maikai ole i kupono elike me kana i makemake ai, a oiai kona kaikuahine, ka Lede Linetona, he makemake la oia ia Sede e hele mai e hoohala i kekahi mau pule lehulehu me lakou, no ka haawi wale mai no keia i manawa no Sa Wiliama ame Sede e aloha ai kekahi i kekahi, eia nae, no Sa Wiliama iho aohe i komo mai ka iini ame ka mekameka iloko on a, mamuli no o kona ike aku i kekahi mau ano maikai ole iloko o Sede, oia hoi ka hookano, ka haakei ame ka puni nani.

            Mamua o ko Sa Wiliama holo ana i Amerika ua hoopaa oia i kekahi manao me Sede no kona kakau mau mai i leka na Sede i kela ame keia manawa kupono ana e ike a e loaa ana, no ka hoike ana mai iaia i kana mau wahi e hele aku ana e makaikai, a pela hoi me na mea hou ana e ike aku ana me Vekinia aia me ia maloko o kona pakeke kekahi mau leka lehulehu a Sede o ke kakau ana aku iaia.

            Eia nae, iloko o ia mau leka lehulehu a Sede Fanamu o ka loaa ana aku iaia aole hookahi o ia mau leka i hoopa aku i kona uhane, oia hoi ma ka olelo maopopo ana ae, aole i komo iho ia mea he aloha a he makemake hoi iloko on a nona, a oki loa aku hoi kona hoopaa iaia iho e lilo na Sede i kona manawa e hoi aku ai i Enelani, ua hoolilo oia iaia iho elike me na manu e lele ana ma kela a ma keia wahi, aole hoi elike me na manu i hoopaaia maloko o ka halemanu.

             No Sede Fanamu o kekahi no ia o na opuu rose nani i mohala a i hiilaniia hoi me ka malama maikai loa ia mai kona wa kamalii maim a o ka moa wale aku no koe o ka pulehu; he kaikamahine piha laiwale, he hoihoi mau kona helehelena a ua hoonaauao maikai ia no hoi, he ui oia ma na ano apau, a oia no hoi kekahi o na wahine opio ui o Enelani, aka nae, aia no kekahi mau ano maikai i nele iloko on a i ku like ole a i hoowahawaha ai o Sa Wiliama, elike me ia i hoike mua ia ae nei, a o ia mau ano maikai i nele iloko o Sede ua ike aku ke Sa Wiliama iloko o Vekinia ma kona manawa mua loa o ka launa ana me ia, o ia hoi ka oluolu, ke kulana lede oiaio ma ka olelo a ma ka hana, a pela hoi me ke ano o ka noho ame ka hooponopono ana i na mea apau e pili ana i ka noho home ana.

            I ka manawa i lohe aku ai o Sede no ko Sa Wiliama mare ana me ka aui o na lalani mauna o Nevada. ua make loa kona manaolana apau, aneane e naha kona puuwai, ua like kona mau manaolana ia manawa me na pua nani loa i akoia ae a mae, a no ka nui loa o kona kaumaha ua ku a mai maoli ke nana aku, no ka mea, ua lilo ka ai i mea ono ole nana, a i ka wa i hoi hou aku ai o Sa Wiliama i Enalani a hoomakaia ae la ke kamailio ana nona ma kela ame keia wahi no kona hoi ana aku, hooholo iho la o Mrs. Fanamu e lawe i kana kaikamahine i Amerika no ka hoohala ana aku i kekahi mau mahina malaila, i mea e kaawale loa aku ai o Sede aole hoi e ike a e hoomanao mau loa no Sa Wiliama, me kona manao e hoihoi pu aku ana o Sa Wiliama ia Vekinia me ia i ka Hitadela, kahi a Vekinia e lilo ai i hakuwahine no ia home.

            I kulike me ia hooholo ana ana ua holo io aku la laua i Amerika, a i ko laua ike ana aia o Sa Wiliama ma maloko o ke kulanakauhale o Nu Ioka kahi i noho ai ua holo pololei aku la laua no ke kapakai Pakipika aneane elua pule mamua iho o ko Sa Wiliama hoi ana ae no ka Hitadela.

            O ka leka a ka Lede Linetona o ke kakau ana a i hoouna ae ai i kona hoaloha, Mrs. Fanamu, elike me ia a kakou i ike mua ae nei, i ke kakahiaka mahope iho o ka hoi ana aku o ke kaikamahine a Vekinia, a i kapaia ai kona inoa o Veki Mei Hita, loaa aku la i ua o Mrs. Linetona, ke kaikuahine o Sa Wiliama, ka pane mai ia Mrs. Fanamu aku, a e hoakaka ana penei ma kekahi hapa:

            "Ma ka mea e pili ana i na ninau ano nui au i noi mai ai no kou hoike ana aku no- aole au e kakau ana i ka inoa no kou makau malia o loaa aku keia leka i kekahi mea a ikeia hoi, ua loaa mai iau a ike no kekahi mau makahiki lehulehu i hala ka noho ana o ia ohana maloko o Kapalakiko nei. He kulana kiekie ko laua maloko o na pohai o ka poe koikoi o keia kulanakauhale, he mau mea hanohano, a i mahalo nui ia, aole nae he nui loa o ko laua waiwai, a eia nae, ua halawai laua me kekahi poino nui, a no ia kumu ua hoohauleia laua mai kela kulana hanohano a kiekie mai a laua i ku ai, a ua hoopoino pu ia me ko laua waiwai, no ia haawina poino i loaa ai ia laua ua haalele iho laua i keia kulanakauhale a holo aku la no kekahi wahi kuaaina loa me ka hilahila no ka huna ana ia laua iho. (No Mr. Aboto keia a Mrs. Fanamu e hoakaka nei ame Vekinia kana kaikamahine). He moolelo ano huikau no keia i ka nana iho, a oiai aole i loaa mau iau ka moolelo piha a oiaio loa aole hiku iau ke hoakaka aku i na mea apau. Aka, in a he makemake kou e loaa ka moolelo piha ia oe no laua e hoao no au e hooko aku i kou makemake.

            "Heaha kou manao nui ma keia ninau ana mai nei au? Heaha kau mea i ike no keia ohana; He mea anei kekahi au i makemake ai e loaa aku ka ike e pili ana no kela kaikamahine i mare ai me ko kaikunane ma ke ano i kupono ole i kou manao? Ina pela, e oluolu oe e hoike mai iau, ala@la hele aku au e ninaninau ma kela ame keia wahi o keia wahi o keia ainapuniole nui i mea e loaa mai ai iau kekahi mau ike no kela wahi wahine opio lapuwale nana i hoohoka i ka manao ame ka makemake o kuu Sede, a i lilo ai hoi i kumu mai nona, a i ou ia ae ai hoi na manaolana apau o kuu Sede no ka lilo mai o Sa Wiliama iaia.

            "E hoike koke mau, a me ia mua ao apau au i makemake ai e hoouna mai ana e hooko aku ana au me ka hoohala ole i kekahi mea.

            "La makaukau au e hui pu aku me oe kuu mau lima ame kuu naau ma na hana apau e maopopo ae ai ka moolelo piha o ka mea i hoohaunaele mai i ko kakou maluhia."

            Aole o Mrs. Fanamu i kakau i kona inoa maluna o ka leka, aole no oia i kakau iki i kekahi inoa e pili ana i ke Sa Wiliama ia Vekinia Hita, a i ole ia Abota Alena, ka makuakane o Vekinia, no kona hopohopo o loaa ka leka i kekahi mea a ikeia ka laua meahuna.

            I ka loaa ana o keia leka i ka Lede Linetona hene iki iho la kana wahi aka me ka kupanaha loa:

            "Pela no kau mea i koho au," wahi ana, "a i loaa ai he kuleana ia laua maloko o ka Hitadela nei pela laua i makemake ai e hoomare ia o Mrs. Hita me Sa Wiliama, me ko laua ike no nae he mau inoa ko laua i waia a i hoohilahilaia hoi me ka manaolana ole no ko laua pii hou ae ma ke kulana kiekie a laua i paa ai mamua, a no ka huna ana i ko laua mau poo ua holo aku la a noho maloko o kela apana haahaa loa i kupono na ka poe eli pula e noho.

            "Aole loa, e kuu Haku Kita; aole e komo mai ana ke poo o ko wahine mare me kona kulana e hoohilahila mai ai i ka ohana maloko o na puka o keia home in a he hana hiki ia ke keakeaia aku ma ke kanawai a ma kekahi ano e ae paha, aole la!" i namunamu iho ai ka Lede Linetona.

(Aole i pau)

 

Kuu Kane Aloha Ua Hala

 

            Kuu Solomon Hanohano, aloha nui kaua: -- E oluolu mau kou ahonui e hookomo iho i kau wahi puolo waimaka nui o ke aloha e kau ae la maluna, ma kahi kaawale o ke Kuokoa, i lawe hele aku ai hoi ma na paemoku aloha o Hawaii nei, i ike mai hoi na ohana kaikuahine, e noho mai la mawaho ae nei o Kapahulu, na keiki, kona papa, na hoaloha ame au pu no hoi kana wahine aloha nui ia, ana i haalele iho ai me ka ike ole i kona hora hope, oiai au ma Kona, Hawaii.

            Ua haalele mau oia i keia ola ana i ke awakea Poakahi, i ka la 20 o maraki i ka hora 12.

            Ua kaamai oia no na pule wale no he elua a haalele mai la i keia ola aua, a ua haalele pu mai oia au kana wahine aloha, e kumakena aku nona mahope nei. He mea nui loa au kana wahine iaia, kau mau keiki, na moopuna ame ka ohana apau.

            He makuakane oluolu, puuwai hamama ma na ano apau, aohe mea paa i kona lima, e kaana like ana i ka mea nui me ka iki, a he luaole no hoi kona piha hauoli.

            Auwe no hoi kuu aloha nui wale i kana mau hana maikai luaolem e loaa hou ole aku ai ma keia noho ana aku oiai, ua hal@ aku la oia me kana mau hana maikai apau no e hoomanao mau nei nona ame ke kaumaha pu no hoi no kana mau hana hoalohaloha, i ke ano o ko maua noho maikai ana oiai oia e ola ana.

            Ua hoohuiia maua ma ka berita maemae o ka mare ma Pahoehoe, Kona, Hawaii, i ka la12 o Augate, 1918. Aloha wale na wahi apau a maua i pili ai ke hoomanao ae, i ka noho mahiai i na uka huihui o Honokaa a he mau mahina wale no ko maua noho ana i Kona, hoi mai la maua i Honolulu nei e noho ai, me kau mau keiki ame na moopuna, ame ka hauoli he nui iwaena o ko makou noho ana a hala wale aku ia no oia ma kela aoao o ka muliwai eleele.

            Ua hanaia eia maluna o na moku ahi holo pili aina apau a maluna no hoi o ka mokuahi Kukui, a i ka manawa i haalele ai na limahana o ka mahiko, no ka liilii o ka uka, ua hoonohoia oia i luna no na limahana wahine ma Waipahu.

            Ua piliia e maua ia aina kamanina ole, o ia hoi o Waipahu, mamuli o kekahi pilikia i kau aku maluna o ka maua kaikamahine i hookui i ke kaaahi o Waipahu, oiai ke kaaahi e huli hoi mai ana me na limahana i ke ahiahi no Honolulu.

            Aloha no ia aina malihini a maua i pili ai, me ka maua kaikamahine, moopuna, ia aina makamaka ole, a he mau la helu wale no i pili pu ia ai ke kehau ana huihui o ia aina hoaloha ole.

            He makua lokomaikai piha, aoh@ ana mea poipoi. Ua heleia na alanui liilii au@w na alanui akea apau o Honolulu nei eia a he nui no hoi kona mau hoaloha, mamuli mai no ia o kela ano ohaoha ona. Aole on a ku e mai i kou mau manao in a au e olelo aku e hoi kaua i Kalihi e noho ai, me kela mau keiki a kaua, ko ia la ae mai la no ia.

            Aloha wale ke noonoo ae no kuu kane hele loa, i ka hauoli pu mai me na keiki. Walohia wale ke hoomanao ae nona, oiai au e hoomakaukau ana e holo i Kona, i ka pule mua o Maraki, a oiai no hoi oia e hana ana iluna o ka moku holo pili aina no Kauai, me ka ola kino ouawaliwali, a iaia i hoi mai ai i ke ahiahi Poakahi, haawi ma la no hoi oia i ke kenikeni, a ninau pu mai la no hoi, pehea la e lawa ana paha olua i keia kenikeni aole paha.

            Ia hoi ana mai ana me ka onawaliwali i aku la au iaia, e noho no paha au, a pane mai la no hoi kela, heaha hoi kou mea e noho ai@. Olelo aku la no hoi au no kou kaumaha i ka haalele iho iaia mahope nei me na keiki, me kou ike aku no i ka onawaliwali o kona ola kino paakiki no kela iau e holo no i Kona.

            I ke kakahiaka Poalua, kau iho la no hoi au me kau moopuna maluna o Maunaloa me kou manao no, aole oia e hiki ae i ka uwapo mamuli o kona paa i ka hana, aku ua hoea ae no oia i ka uwapo, me kona olelo pu mai e holo ao ana oia ma kekahi moku ae, eia ka o ko maua hui hope ana ka ia; walaau aku walaau mai no ka manawa hopo loa. Aloha no!

            I hoi no ka pilikia o kau kaikamahine, a he pule wale no i Kona, loaa ae ana ka leka me ka nuhou kaumaha, e hoike ae ana o Papa Beni Lualoa, ua haalele mau i keia olu honua ana, oiai ua kii mai i keia ola honua ana, oiai ua kii mai la no ka anela i kana mea makamae a lawe aku la ma kahi mau o na mea apau. Auwe no hoi kuu kane aloha e, i kou manawa hope aole iho la au malaila.

            Ua kaa i na keiki ka hooponopono ana iaia, a malalo ae nei oia o Silva kahi i malamaia ai, a i ka auwina la Poalua i laweia aku ai kona kino wailua no ka pa ilina Maluhia.

            Ua nalo, ua maha kona kino no ka manawa mau loa. Ke haawi nei au i kou mahalo nui i ka poe apau i akeakea ae, e ike i kuu kane ame ka lakou mau makana pua a maluna o kau mau keiki kau mau hoomaikai he nui, a nou e Solomon kau mau mahalo nui.           

            Owau no me ka luuluu,

                        MRS. BEN K. LUALOA

 

NA LEKA KII OLE LA MAI AHIKI I IUNE 24, 1922

Hapai, Miss Char-Kamakawiwoole, lotte       Miss Daisy

Kaahea, Mr. Ka-Kanealii, Mrs. Aikala           R.M.

Kaikaka, John                         Kealoha, Mas.

Kahalewai, Mrs.          William Sol.    Nakapalau, Mrs.

Kaloio, Joseph             Lelemanu

Kalaukamahele, Punilei, Miss Ro- John P.     ae A.

Kalua, David

            E ninau mai ma na leta i hoolahaia ke kii mai.

                        D.H. MacADAM,

                                    Lunaleta

 

WAKINEKONA,      Iune 19- Ua hooholoia e ke senate i keia la ka bila o na hoolilo no ka makahiki o ka oihana kaua moana $293,450,000 a e hoolako ana i 68,000 mau kanaka no ia oiahan. O ka huina o na kanaka iloko o ka oihana kaua moana i nei manawa 115,000.

 

HOOLAHA.

            Miss Mary L. Gardner @e Kumupoo no ke Kula Kaikamahine o Kohala i ka 1899 e hoi hou mai ana oia i Hawaii nei maluna o ka Mokuahi Maui, e ku mai ana, ma ka la 4 o Iulai, mahope o kona kaawale ana no na makahili he iwakalua kumamakolu. Ua makemake o Miss Gardner e hui me kekahi o kana mau haumana kahiko, e noho ana ma Honolulu nei. E loaa ana oia mai ka la 4 ahiki i ka la 12 o Iulai ma ka hale o Mrs. Gray, ma ke alanui Kalia, Helu 2221. a e hauoli loa ana oia ke halwai me kekahi o kana mau haumana kahiko, a i ole lohe mai paha mai ia lakou mai ma ke kelepona.

6510--- June 29, 1922.

 

KOPA MOI KEOKEO NO KA MIKINI HOLOI

-----------

He Kopa maikai loa i hiki ke hoohanaia no na ano hana apau i pili i ka home. Hiki ke holoi i na lole nahenahe loa me ka pilikia ole. O kona oi loa aku o ka maikai no na mikini holoi-- No ka holoi i na pa ame holoi hale.

-----------

KUAI I PUOLO MAI KOU HALEKUAI MEAAI MAI

-----------

T.H. Davies & Co., Ltd.

Na Akena Wale no no ka Paeaina Hawaii

 

E KA POE HOOKUONOONO KE MAKEMAKE OUKOU I NA LOKO----

No ka home a no ka aina mania paha e kipa ae ma ke keena o na lako pulu hao o ka

AMERICAN FACTORS, LIMITED

No na mea elike me keia:

Kapuahi

Lako Mahiai

Lako Halekuai me Pa.

Meahana Mahiai

Meahana Kamana

Pili Have a Ano e Ae

Uwea Pa Moa me Pa.

Pena me na Palaki

Aila me Vaniki.

 

O KE KANAKA KUAI I NA LAKO HANA MAIKAI UA LANAKILA E NO OIA I KA HAPA O KA HAKAKA

Aole hiki ia oe ke lawelawe i na hana maikai me na meahana inoino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, in a he noonoo oia. Aku nae ua pohowale ka manawa ame ke dala ma ka hana ana pela. Ke kuai nei o Lewers & Cooke, Ltd. i na lako hana maikai wale no.

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

He makemake paha kou i

Koi, kipikua, kopala, ho, hamare, pahiolo, koi liilii, na lako, kamana piha pono, hoana hookala, pakeke.

PAPA O KEIA AME KEIA ANO, NA LAKO HAO, PENA, ANIANI

Kakau mai a i ole kipa mai no na hoakaka. E hookoia no na kauoha apau ma ka leka me ka akahele ame ka hikiwawe loa.

LEWERS & COOKE, LIMITED

Honolulu

 

NA IO PIPI MOMONA WAEIA MAI NA AINA HANAI PIPI LIKE OLE MAI O HAWAII NEI

O keia io pipi momona, ka papa maikai hookahi ma ka makeke, a ke kuai hoolilo nei makou, ma ke kumukuai haahaa, me ka hoopono maoli.

Eia keia mau kumukuai malolo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na io pipi, he mea pono e lilo ko makou makeke i makeke nou.

Pipi ku mokupumi……………..15 c              o ka lb.

Kulana aoao o ka pipi……………..15 c         o ka lb.

Kuekue pipi…………………… 12.5 c         o ka lb.

Pipi Palai iwi hoehoe……………… 15 c       o ka lb.

Pipi palai uha………………………..15 c      o ka lb.

Kulana aoao koala………………….15.5 c    o ka lb.

Io hipa ku…………………….……. 10 c      o ka lb.

Io umauma o ka hipa…………….. 10 c        o ka lb.

Io hoehoe palupalu…………………12.5 c   o ka lb.

WAUBAKA MAILE………………50 c      o ka lb.

METROPOLITAN MEAT MARKET

E ninau no LUI: he eluelu na kukai ana ma ka kaua olelo makuahine

Hele mai, mai hilahila!