Ka Nupepa Kuokoa, Volume LXI, Number 25, 22 June 1922 — Haule he Kaa Oto i ka Pali a Pau i ke Ahi Lilo Kela Kaa i Puulehu Mahope o ka Aihueia Ana a Laweia no Daimana Hila MAOPOPO OLE KA POE AIHUE I KE KAA Aohe Hoailona i Ikeia no ka Haule Ana o ke Kaa me Kekahi Mea Maluna Ona [ARTICLE]

Haule he Kaa Oto i ka Pali a Pau i ke Ahi

Lilo Kela Kaa i Puulehu Mahope o ka Aihueia Ana a Laweia no Daimana Hila

MAOPOPO OLE KA POE AIHUE I KE KAA

Aohe Hoailona i Ikeia no ka Haule Ana o ke Kaa me Kekahi Mea Maluna Ona

Ma kahi he hapaha mile ka mamao, ma ka aoao hema aku o ka hale ipukukui mawaho ae nei o Daimana Ilila, i haule ai he kaa otomobile, i ka pali, mahope koke iho o ka hora umi, o ka po o ka Poalima nei, a o ka hopena i ikeia o ia no ka pau ana o kela kaa i ke ahi. He kaa otomobile kela no R .A. McNally o ke Star-Bulletin, a ua paa no i ka iniauaia, n6 ka huina o hookahi kaukani dala. Ua lawe aihueia kela kaa otomobile e kekahi poe kolohe, mai kahi aku i kukuluia ai, ma ke kalapu University, ma na alanui Hikeke me Hokele, a ma ka hora eiwa me ka-naha-kumamalima minuke, i hoikeia aku ai ka lohe i ka oihana makai, no ka nalowale ana o kela kaa otomobile, ia wa i hoike koke ia aku ai ka lolie, i na makai ma ko lakou mau wahi kiai ma ia po. Ua loaa koke mai Ia nae kekahi hoike i ka halewai) no ka haule ana 0 kekahi kaa otomobile i ka pali, mawaho aku o ka hale ipukukui ma Daimana Hila, nolaila ua hoounaia ka Makai McCullum, no ka nana ana i kela kaa. laia i hoea aku ai, ua hele ke alanui a piha i na kaa otomobile e kuku ana, ame ka poo maHaiJfai, a ua hoea pu ae no hoi ke kaa kinaiahi o Kaimuki, no ka hoao ana e kinai i ke ahi, eia nae aohe mea hiki ke liana aku, oiai he kiekie loa kahi o kela kaa 1 haule ai ilalo. Ua a ka aila gesolina, i ka manawa i haule ai o ke kaa i ka pali, a ua lilo hoi ke kaa holookoa, he puulehu, he elua mau laholio, o ka hemo ana mai na huila aku o ke kaa i ka wa i haule ai i ka pali, o na mea wale no ia i a ole ia e ke ahi. O kahi o kela kaa o ka haule ana i ka pali, he wahi no ia, i paa ole i kekahi pa-ku, ma ka aoao pali. He elua mau kanaka maluna o ko iaua kua otomobile, e ku ana, ma kahi kokoke i kela wahi i haule ai o ka otomobile, a ua ike mai no ka laua i ka holo ana aku o kekahi kaa, aole no he ikaika loa, a i ka hala ana aku o kela leaa, ma kekahi aoao, o ka holo pololei aku la no ia, a lele i ka pali. Ma kekahi manawa pokole wale ae nei no i hala, he kaa otomobile kekahi o ka aihueia ana maloko nei 0 keia kulanakauhale, a hooholoia e ka poe kolohe, - a liaule i ka pali, ma kahi he ekolu haneri kapuai ka mamao, mai kahi o keia kaa hope i haule ai. Ua heleia olalo o kahi i waiho ai o ka lehu o kela kaa, e liuli ma ke ao ana āe, aole he mau hoailona 1 loaa aku, no kekahi kino kanaka, o ka haule pu ana me kela kaa i ka pali.