Ka Nupepa Kuokoa, Volume LXI, Number 25, 22 Iune 1922 — HE HOALOHALOHA NO MR. E. M. KAPOO. [ARTICLE]

HE HOALOHALOHA NO MR. E. M. KAPOO.

Mr. Solomon Hanohano, Aloha oe: —E oluolu mai hoi eka mea hanohano, Mr. Sol .Hanohano, c hookomo iho i keia olelo lioalohaloha ma kekahi wahi kaawale o kau nupepa, i iko mai ai na kini ,na haipule, ua hala ka lakou mea aloha, E. M. Kapoo, no ke ala hoi ole mai. Aloha no! Maiwaena ae o ko makou noho aloha ana iloko o ka hana a ko kakou Haku aloha, a ma ke kihapai nani o Wananalua, i kikoo mai ai na lima o ka make, a kaili aku la i ka hanu ola o ka Haiolelo E. M. Kapoo ma ka Poakolu, Mei 10, 1922, a nalohia aku la kekahi o ko makou paahana aloha mai o makou aku no ka wa mau loa. O ka Haiolelo E. M. Kapoo, oia hana kokua, hoeueu, hoolauna a imi kekahi o na kakoo ikaika iloko o na no hoi i na mea e pono ai, a ie pomaikai ai hoi ka ekalesia. He lunakahiko a haiolelo hoi mai ka Ekalesia o Paia, he haiolelo i laikiniia, a mamuli o ka leo kahea, pela i hoi aku ai a noho ma ka Ekalesia o "Wananalua. He kakauolelo no ka Ahahui Kula Sabati Makua o Maui, Molokai ame Lanai i huiia, a mamuli o na kumu kupono i waiho mai ai oia i ke kulana kakauolelo, no ua aha la me ka makai; a ua moe aku oia me ka haalele anta iho i ka nui o kona mau hoaloha mahope nei ,iloko o na manao minamina nona. He mea ehaeha no, ke oki pu ia ana ae o na la o ko ke kanaka ola ana; eia nae, he mea no kakou e a'o ia mai ai, eia ka make ma ko kakou mau ipuka i kela ame keia minuke; e pono ai e loaa ka hoomakaukau e

ana iloko o ka manawa e ikaika ana ke kino; no ka mea, aole kakou i maopopo i ko kakou hopena. He mea no e hoopuiwaia mai ai ka noonoo o kona mau hoaloha, no ka make hikiwawe ana o E. M. Kapoo, aka, aole nae me kakou ke kuleana ,e hiki ai ke kaohi mai i ke ola o ke kanaka; o ka kakou wale no e olelo ae ai, o ia no ka minamina no keia kauwa i hooko i ka hana a ko kakou Haku i makemake ai iaia e hana' aku ,aka nae, ua kuu ka luhi, ua pau na auwe ana, a ua hooluolu aku la mai na inea aku o keia ao luhi. Ua haalele iho oia mahope nei i kona mea aloha, he wahine, na keikikane, na kaikamahine, ka ohana, na hoaloha ,ame na hoapaahana iloko 0 Kristo, e paiauma ana i ke aloha nona. Nolaila, o makou o na lala o ka Ahahui C. E. Opio ame Pokii i huiia, n- lala o ka Ahahui C. E. Makua, na lala o ka Ahahui Kula Sabati ame na hoahanau, na lunakahiko o ka apana o Paihiihi, o ka mahele Ekalesia o Paia, ke haawi nei i ka makou leo pule i ka Makua Lani, e hoomamaia mai ka manao kaumaha a luuluu o ka ohana, ka makuahine 1 hooneleia i kana mea aloha, he kane ,ame na keiki i hooneleia i ka makuakane. Nolaila ,e hooholoia, e hoounaia i hookahi kope o keia hoalohaloha i ka Nupepa Kuokoa, i hookahi i Ka Hoaloha, a i hookahi i ka ohana o ka mea i make. O maiou iho no ma o ko makou komite la, me ke aloha pau ole. MOSES PANUI, Kakauolelo o ka Ahahui C. E. Makua o Paihiihi.