Ka Nupepa Kuokoa, Volume LXI, Number 24, 15 June 1922 — NUI KA MAKE I KA INO MA NU IOKA. [ARTICLE]

NUI KA MAKE I KA INO MA NU IOKA.

NU lOKA, lune 11.—O kekahi ino nui a ka uwila, i ukali pu ia mai e ka makani o 88 mile ka ikaika, ke kumu i make ai kekahi poe he 50, a i hoehaia aku ai lioi he hookahi haneri a oi aku poe, me ka nui o na waiwai i poino, ma kekahi wahi o keia kulanakauhale, ma keia auwina la ame ke ahiahi ana iho. He kanaha mau moku i hoikeia mai ua piholo ma ke Kaikuono Long Island. Ona kumulaau i hina, o ka uwila ame ka makani, nolaila, mai ka h&panui o na make. He umi mau kino make i loaa, a ke huliia nei ke kino o kekahi poe he 30 . i hoikeia mai ua piholo iloko 0 ka wai ma Nu loka. Ua pa mai ka makani ma kela la me ka ikaika. Ua pa mai la ma Nu Jese, ke Kalana Westchester, ke kulanakauhale o Nu loka, Long Island, Bronx ame Manhattan. pau i ka nahala kekahi huila nui maloko o ka paka Bronx, me kā make ana o eono poe, me ka pioloke o ka poe apau o ka paka. He nui nae ka poe i hoehaia malaila. He mau haneri kaukani ka nui o na kanaka ma na kapakai i ka wa i pa mai ai ka ino i ke kulanakauhale. Ma ka hoike a ka oihana makai, aia ma kahi o ka 200 ka nui o na moku liilii i hookahuliia e ka makani, a he hookahi moku i piha i na ohua, i hoopiholoia kona mau ohua apau. Ua koho -wale ia, ua hiki aku na poho i manaoia ma kahi o na miliona dal«u