Ka Nupepa Kuokoa, Volume LXI, Number 24, 15 Iune 1922 — Ka Ninau Hoonaauao i na Opio Hawaii [ARTICLE]

Ka Ninau Hoonaauao i na Opio Hawaii

Eia kekahi poe kanaka opio, elike me na hoike i loaa mai i keia keena, ke hoolala mai nei, e hoahu i kekahi waihona, no ka hoonaauao ana i na opio Hawaii, i hiki ole i ko lakou mau makua ke hoonaauao, ma na kula kiekie, e lilo ai lakou, ma keia mua aku i poe e paa ana i kekahi mau kulana ano nui iloko nei o ka aina ,a e lilo ai no hoi i mau alakai no keia lahui. Malia paha o keia kekahi kumu o ke kakaikhi o ko kakou mau opio Hawaii, e ikeia nei maloko o ko kakou mau kula kiekie, 0 ka nele i na kokua, no ka hoopau pono ana i ko lakou huli ana i ka ike ame ka naauao; ina pela, ua kupono i'o kela manao e hoolalaia mai nei e kela poe Hawaii; pela iho la paha e mahuahua ai ko kakou poe opio maloko o na kula kiekie o kakou. Aole no nae keia he hana malihini, eia na haumana o na Kula Kamehameha, ke kokua nei, ma ka hoonaauao ana i kekahi heluna nui o na Hawaii, me na haawina dala, i lulu maoli ia e ka poe i hemo, ma o na ahahui la o na haumana i puka, eia nae, he hoonaauao wale ana no kela maloko o na Kula Kamehameha ahiki i ka hookuuia ana mai, malaila iho la no pau, o ka manao ana o kekahi opio, e komo aku maloko o na kula kiekie ae, ma Hawaii nei, a ma Amerika paha, nai\a ponoi no e uku i kona mau hoolilo, a i ole na kekahi mea dala paha i loaa ka manao kokua ,e hoopau pono i kona imi ana i ka naauao. Ina no ka hoonui ana aku i ka ike ame ka naauao, ma ke konio ana o na keiki ma ke Kula Kiekie o Hawaii, a ma na kula kiekie paha o Amerika, ka keia poe kanaka opio i manao ai e haawi aku i na kokua ana, alaila o keia kekahi manao, e pono ai e kakooia e kela ame keia Hawaii i loaa na manao makee 110 keia lahui kanaka. O ka Ahahui Puuhonua o na Hawaii ka i oili okoa ae nei iwaho, a hoike mai, no ka makemakeia o kakou na Hawaii, e hoahu aku i kekahi waihona hoonaauao no na keiki Hawaii, ua kupono no ia manao o kela ahahui, aole nae ia he kuinu e ake'ake'aia aku ai kekahi mau alahele e ae e manaoia ana, ina. pela iho la e loaa aku ai ka hoonaauao kiekie ia, i kekahi heluna nui o ko kakou mau opio Hawaii. Oka nui o na keiki Pake ame na keiki Kepani, e komo nei maloko o na kula kiekie maanei nei ,aole ia i nele i na kokuaia aku e ko lakou rtiau lahui ponoi, ke ku nei he mau ahahui o na keiki Pake ame na keiki Kepani, i hemo mai na kula mai, a i loaa ia lakou he mau kulana ano nui e paa nei i keia la, o kela mau ahahui, kekahi kokua nui, ma ka hoopau pono ana aku 1 ka huli naauao ana o na keiki o kela mau lahui, ma ka hoolako ana aku ia lakou me na hoolilo o ko lakou hele ana i na kula a lakou i komo aku ai ■ 1 :, i ika hookuu pono ia ana mai. Aole keia i lohi loa no ka īnn ana aku i kekahi mau alahele e hoōhoihoiia aku ai ka manaō o ko kakou poe opio Hawaii, ma ka hoomau ana i ka huli ana i na ike kiekie, o keia ola ana,

ma na haawina hoonaauao like ole; nolaila ua ili iho ke koiko'i maluna o na kanaka Hawaii, i loaa ia lakou na maiiao makee, no ka hopena o keia lahui kanaka, ke kukuiu ana ae i kekahi mau hana ,e hapaiia ae ai ke kulana kupono ame ka naauao o ko kakou poe opio ma keia mua aku; na alakai e kauia aku nei na manaolana no ka lahui Hawaii*