Ka Nupepa Kuokoa, Volume LXI, Number 24, 15 June 1922 — O KE KINO WAILUA KA'U I IKE IHO. [ARTICLE]

O KE KINO WAILUA KA'U I IKE IHO.

Mr. Lunahooponopono, Aloha nui: —Ke waiho aku nei i noi aloha i kou oluolu e ao mai hoi i kekahi wahi rumi kaawale o ko kaua moku aha'i mama, no na lono kaumaha. Ua hanauia o David Kaheki Poepoe ma Keoneoio, Honuaula, Maui, mai ko maua puhaka aku Mrs. Kaapuni Poepoe ame Rev. J. S. Poepoe, no Keoneoio no. Ua hanau o David Kahiki Poepoe i lulai 2, 1891; ua piha iaia 30 makahiki a oi. Ua mare oia i ka wahine, a ua loaa ia laua eha keiki hookahi i hele mua, ekolu i waiho iho la me ka wahine i hooneleia i ka makua, me ka naau luuluu o ke aloha makua, i ke keiki, ma ka la ekolu o keia mahina, o ia no ka Poakolu.

Oiai e hana ana makou ma ka uwapo o Makena, ma ka hora umikumamakahi, ua kaheaia mai la au ma ke kelepona, ia'u i hele aku ai a hoolohe, ua hoikeia mai la ka manao kaumaha, ia keia, ua makemake o David Kahiki Poepoe e ike ia oe, mamua o kona make ana. Ua haalele i ka hana, ua hoi i ka hale, kau ma ka lio, hiki i Kihei, kau ma ke kaa hiki i Wailuku, ilaila oia kahi i noho ai o ke kino lepo kau i hamo iho me na kulu waimaka me ka ehaeha, ua hu mai ke aloha no kona mama no ka mea aia oia i Honolulu me kekahi mau keiki a maua. I ka pau ana o ka'u hoohanini ana i ka waimaka, ua hele aku la au e hoike hou i kona mau pokii, mau kaikuaana, i Makena, a ua hiki lakou i ka hora ewalu o ia po, a ma ka Poaha i hoomoeia aku ai ma kona halelua no ka wa pauole, e hoomaikaiia ke Akua ma na lani kiekie, Nana no i haawi mai, a Nana no i lawe aku. Ka nui o na hua i loaa ia maua he umikumamalima, ka nui o ko maua mau makahiki iloko o ko ma-

ua berita o ka mare, he kanaha-ku-mamahiku. Ke hoomaikai hou ae nei au i ke Akua no Kona lokomaikai, no ka mea o Kona makemake ke hanaia Ua hoopahaohaoia no kona make hikiwawe ana, me ka lohe mua ole ia o ka lono make, ka mea i loheia, ua hoi oia iuka o Haiku - ka hana hookahi pule, a i kona hoi ana mai i ka Poaha, e waiho ana ka wahine me na keiki i ka ma'i, o ka mea apiki nae, make e ka mea ma 'i hope no elua la wale no, a ua palekane ka wahine me na keiki. Ke haawi pu nei au i ka poe i komo pu iloko o kona kumakena, ka poe elilua me ka poe i lawe mai i na bo-ke pua ame kona halelua, o ke kino lepo, ua malamaia kona anaina haipule, maloko o ka luakini o ka hoomana o na la hope, e na misiona kaahele, a no ka mea o kona hoomana ia, no oukou apau ka'u noi aku nei, e lawe aku i ka'u hoomaikai he nui, no ko oukou komo pu ana iloko o ka huakai hope loa o ka maua keiki, ahiki iloko o kona wahi i hoomoeia ai maloko o ka pa o ka Ekalesia o Waikapu, a ma ke Akua la ame Kona mana la, e hoomaikaiia oukou a ia kakou apau ame na keiki o ka papapa'i. Owau iho me ka luuluu, REV. J. 8. POEPOE, Makena, Maui,