Ka Nupepa Kuokoa, Volume LXI, Number 24, 15 Iune 1922 — KUU KAIKUAHINE ALOHA MRS PILILUA KEKAULIKE UA HALA. MRS. PILILUA KEKAULIKE [ARTICLE+ILLUSTRATION]

KUU KAIKUAHINE ALOHA MRS PILILUA KEKAULIKE UA HALA.

MRS. PILILUA KEKAULIKE

Mr. Lunahooponopono o ka Nupepa Kuokoa, Aloha oe: —E oluolu mai kou ahonui ame kou lokomaileai, e hookipa aku ma kahi kaawale o ka oneki o ka hiwahiwa a ka lahui, i ke poomanao e kau ae la maluna. Iloko o na pule he ekolu a oi, a malalo hoi o ka lawelawe ahonui ana a na kauka, na kanaka i kauia aku o ka mAnaolana no ka hiki e hoopakele ae i ke ola, eia nae i ka manawa hope loa, ua hoike mai la na kauka i ka mea hoomokumokuahua i ka noonoo, ua oi aku ka ikaika anie ke kuonoono o ka ma'i iloko o kuu kaikuahine Pililua, e loaa ole ai he manaolana no ka hiki e lioopakele ae i kona ola, nolaila mahope iho o ka hoike ana ae o ke kauka ia lono kaumaha, he manawa' ia no ka pilihua loa, a ma ka hora 1:30 o ka auwina la Poalua, lune 6, i haalele mai ai ka hanu hope loa i kona kino lepo, maloko o ka home o kona kaikunano John Punua, ma Honuakaha, Honolulu. Ua hanauia oia ma Waiohinu, Kau, Hawaii, i ka la 2 o lanuari, 1869, mai ka puhaka mai o Keliiheleloa (w) ame Kawika Pipi (k), ua piha iaia he 53 makahiki, 5 mahina me 4 la o ke ola ana, a hor aku la Jca lepo, i ka lepo, a o ka uhane i ka Mea Nana i hana.

laia i hala aku la, ua haalele iho oia mahopi? nēi lie ponoi, o John Punua ame David Kaimi Pipi. Ua nui no kana mau keiki, ua lawe aku ka po, a koe 5 keiki e ola nei, a no lakou na inoa o Mrs. Keala Carter D. Kekaulike Jr., Simeon Kekaulike, Miss Mary K. Kaiawe, ame Miss Victoria K. Punua, e hoomanao mau aku noua. Ua hoonaauaoia oia ma na kula apana i na la mua o kona hoomaka ana e liele i ke kula, a inahope mai, ua komo ae oia i ke Kula o Maunaolu Maui, no kekahi mau makahiki. Ile oluolu, he akahai, a ake hana oia, me ka makaala mau i na hana maloko o ka liome. He puuwai hamama oia ma na auo apau, aole mea paa i kona lima, e kaana ana oia i ka mea nui, mea iki. He mea nui ka'ohana, na hoaloha ame na moopuna iaia, ua iko aku i ka poe haahaa a ka poe kiekie, ua hookipa mai oia i ka lehulehu, na lahui apau, a ua noho pu oia me ke aloha me na mea apau. Ua nolio a kupa a kamaaina oia ia Moanalua, Oahu, a malaila oia kahi i noho ai iloko o na makahiki lehulehu, a haalele mai i keia ao inea. He hoahanau kahiko loa oia no ka ekalesia o Kalihi ame Moanalua. Ma ka hora 3 o ka auwinala Poakolu,, lune 7, i malamaia ai kona anaina haipule hoolewa, maloko o ka hale kupapau o 11. H. Williams, e Mr. Amos Mawae ame Mr. Sam Kauka, a pela no hoi ma ka lua, a ma ka ilina o Puuomao, Moanalua, i hoomoeia aku ai kona kino lepo. E oluolu e apo aloha mai i ka makou hoomaikai palena ole maluna o oukou ka ohana no apau, ka Ahahui Kaahumanu, Moanalua Mother's Club, na keiki elilua o Moanalua, na hoaloha ame na makamaka i haawi mai i na makana pua, a i komo pu mai me ka ohana i hooluuluuia ma ke kumakena pu ana, a i ka'i pu aku hoi ma ka huakai'i hope loa no ka ilina.

Ia olua kekahi hoomaikai e Mr. Amos Mawae ame Mr. Sam Kauka, oiai ua hiki mai olua no ka malama ana elua anaina haipule no kuu kaikuahine aloha; a maluna ae o na mea apau, ke pule nei makou i ka Haku nona ka lani ame ka honua, Nana no e kiai mai ia kakou i na wa apau o ko kakou ola honua ana. Ia oc e Mr. Lunahooponopono ame na keiki oniuhua metala o ka Nupepa Kuokua ko makou welina paii ole. O makou iho no iloko o ke kaumaha anie ka luuluu. MRS. KEALA CARTER, NA MOOPUNA (4) D. KEKAULIKE JR, SIMEON KEKAULIKE, MISS MARY K. KAIAWE, MISS V. K. PUNUA, DAVID KAIMI.PIPI, JOHN PUNUA, Honuakaha, Honolulu, T. H.