Ka Nupepa Kuokoa, Volume LXI, Number 23, 8 Iune 1922 — Nuhou Kuwaho [ARTICLE]

Nuhou Kuwaho

MEXIA, Texas, lune 2.—Hookahi kanaka ili keokeo i hoikeia mai ua pepehiia a make a he ekolu mau haole e aku i hoehaia e na Paele ma kekahi aina hanai holoholona a mahiai ma kahi kokoke i Kirvin, Texas. He kānaka hana no ke kelepona ma Kirvin ka i olelo ae he 75 mau Paele i komo aku maloko 0 ia aina mahiai a ku e aku i na haole ili keokeo, na haole i kelepona ai i Corsicana i mau poka. Eha mau Paele i liia iluna o ke kumulaau ma kahi kokoke i Kirvin. Ua hoohuoiia o lakou pu kekahi i komo pu ma ka pepehi ana a make 1 kekahi wahine.

LADANA, lune 2. —Ua hooponoponoia e ke aupuni ka uku ana aku i 25,000,000 pāona dala Pelekane ka ukupanee maluna o ka aie a Pelekane i aie a.i ia Amerika ma ke kau haulelau i hala, ua hoikeia ae ia mea i keia la. I kulike me na buke heluwaiwai o ke keena puuku o ke aupuni, ua aie o Pelekane ia Amerika ma ka la 1 o Aperila $4,166,318,358 ma ke kumupaa, a ma ka ukupanee $500, 137,742. Ua hookaaia e Pelekane no ka ukupanee ka huina o $247,844,685.

' HILO, lune, 2.—He meha wale no ma ka po aku la i hala ma na wahi apau e hoopuni ana i ka Luapele. 0 ka a ana ame ke kahe ana a ka pele ma kekahi manawa i hala koke aku nei i ka nana aku me he mea la ua pio loa, eia nae he lehulehu no o na kanaka e makaikai nei i ka luaopele no ka nana ana i ka hopena o ka hana a ka pele maloko o Halemaumau. He koa ka i kapeke a haule i ka pali ma Uwekahuna ma keia auwina la, a ua nui ka eha i loaa iaia. O ke kumu o kona haule ana no ka haki ana o ka pohaku kahi ana o ke ku ana ma k'ekae o ka pali.

WAKINEKONA, lune s.—He pualikoa uiiku o na koa Amerika ke okoeia aku ana maloko o Coblenz, Kelemania, mahope aku o ka la 1 o lune, ka la i hookaawale ia no ka haalele ana aku o na koa Amerika ia Coblenz ; o ia ka mea i hoikeia ae i keia la i ke keena kaua, mamuli o na noi mai Kelemania mai a mai na aupuni huiia e ae kekahi. O ka Mekia Kenerala Henry Allen ame elua mau bataliona o ka puali helewawae 8 ke noho ana, eia nhe, o ka loihi o ia manawa a lakou e noho aku ai aole i hooholoia.