Ka Nupepa Kuokoa, Volume LXI, Number 23, 8 June 1922 — Ka La o Ka Na'i Aupuni Kamehameha I [ARTICLE]

Ka La o Ka Na'i Aupuni Kamehameha I

Ma keia Sabati iho, ka la 11 o ka mahina o lune, ka la o Kamehameha. Ua hoomanao mau ia keia la, ma ke ano o ka la hanau ia o ka Na'i Aupufti Kamehameha I ma Hawaii nei a o ia hana maa, o ka kakoU ia e lawelawe aku ana ma keia makahiki He mea maa no hoi i na ahahui Hawaii apau, ka malama ana i anaina haipule hoomanao no ka mea nona keia la kulaia ano nui, ma ke Sabati, mamua iho o ka la 11 o lune, ma keia makahiki nae ua kupono loa kela la, i ke Sabati, nolaila ua kohu ka hana hoomanao, e lawelaweia ma ke ano kui'o, a kanaka makua e kakou i keia makahiki. Maloko o ka luakini o Kawaiahao, ke anaina pule hoomano ma keia Sabati, malalo o na hooponoppno ana a ka Ahahui Kamehameha, o na ahahui Hawaii kekahi i kono pu ia e hoea ae ma ia anaina; o ka keia pepa e hoeueu aku net, e hoopiha ae na ahahui o na Hawaii ika luakini ma keia Sabati. Aole he anaina haipule oi ae o ke kupono, no lakou, elike me keia, no ka mea ua kupono i ko kakou moi ka mea nana i hoolilo i na mokupuni o Hawaii nei i hookahi. Aole nae ma ke anaina haipule hoomanao wale no maloko o Kawaiahao i makemakeia ai na Hawaii e lokahi ma ka akoakoa ana ae aka ma ke kaihuakai kekahi o ka Poakahi ae ka la kulaia aupuni i hoopaneeia mai, no ka malama ana i na haiolelo ame na himeni no ka mea nona ka la hanau O keia ka la no na Hawaii, ua ili iho ke ko'iko'i maluna o kakou na Hawaii, ka hoikeike ana ae, ma ka kakou mau hana, no ka makee 1 keia la, aole a ka la kulaia o na lahui e, ilaila iho la kakou e ohohia aku ai, o na mahalo ana nae, maluna o ka poe na lakou, na hooikaiJ<a ana, e hoolilo ia la ame na hana hoomanao, i mau mea ano nui. Aia he mau kumu maopopo loa na kakou e hoolilo ai i ka la o ka Na'i Aupuni i la ano nui iloko o ko kakou ola ana, no ka mea mamuli o kana mau hana, oiai no nae he au pouliuli kela o keia lahui kaiiaka, ke ohi nei kakou i na pomaikai, o kana mau hooikaika ana. He mea ano nui ka la hanau o na kanaka ko'iko'i o na aupuni e, i ko lakou mau lahui, e hana ana lakou i rta hoohiwahiwa hihimanu, o kela ame keia ano; e hoike ana ma ka lakou mau hana, a ma ka lakou mau olelo, i na manao makee no ka poe no lakou ia mau la hanau Aole nae a kakou hoohalikelike ana aku me ka hana a ia mau lahui kanaka, ua ku ka hana ia lakou, no lakou ponoi iho ke aupuni, ame na mea apau; aka nae, oka hana hiki ia kakou, 0 ia ka hoakoakoa ana ae, ma kekahi mau hana kupono, e laa ke komo ana iloko o ke kaihuakai ame ka malama ana i anaina haipule hoomanao He poe kakou i ikemaka ole i ka Na'i, Aupuni Kamehameha, he manaoio nae ko kakou, no kona mau arto maikai a kilakila he nui, mamuli o ia manaoio, e ku mau aku kakou, a hoike 1 kela manaoio, me na hana kui'o, no ka hanohalio o ka mea nona ka la hanau. He heluna mahuahua loa o na Hawaii i komo iloko o ko kakou mau ahahui, o lakou ka i makemakeia, e kōmo iloko o ke kaihuakahi, a e hoea ae ma ke anaina haipule. Mai lilo i poe makaikai, e hoolilo aku i na lahui e, o lakou ka poe makaikai, aka e ikeia na Hawaii iloko o na anaina i hookaawaleia no kakou.