Ka Nupepa Kuokoa, Volume LXI, Number 23, 8 June 1922 — E HULI NUI I KA IKE E PILI ANA I KA HANA KOPAA. [ARTICLE]

E HULI NUI I KA IKE E PILI ANA I KA HANA KOPAA.

• Ma ka haawai a na Pilipino o ka malama ana maloko o ka halekoa ma ke ahiahi o ke Sabati aku nei, he mau oleloa'o e hoonaauao aku ana i na Pilipino e noho nei ma Hawaii ka i haawiia aku e Manuel Quezon, ka peresidena o ka aha senate ma Pilipino, a mai a Seka hgje o na lunamakaainana, e gio Osmena aku ka lunahoomalu o pili ana i ka hoahu ana i ko lakou mau ukuhana ,ka hooikaika ana e loaa ka iko ia lakou ma na hana e pili ana i ka mahiko ame ka hana ana i ke kopaa, 'ame ka malama ana i ko lakou mau ano maikai, ame' ka noho lokahi ana me na kanaka ma Hawaii nei, a e hooikaika na Pilipino apau e noho nei ma Hawaii e loaa ia lakou ka ike ma na hana apau i hiki ai ia®lakou i ke hoonui aku i na pomaikai ma Pilif)ine i ko lakou manawa e hoi aku ai i ko lakou Xmau home. He mau kaukani o na Pilipino limahana mai na mahiko mai, pola hoi ka poe o noho hana nei ma na oihana kaua aina ame moana, ame na kanaka e hana nei maloko o ke kulanakauhale ma na hana like ole, ae ma kela halawai i malamaia ai maloko o ka halekoa, he halawai piha ohohia loa ia e na Pilipiuo a no na manawa lehulehu i haawiia mai ai i na malihini na leo huro aiAe ka paipai ana. He mau kanaka - makaukau loa keia mau luna aupuni ma «ka haiolelo ana ma ka lakou olelo, a ua lilo no hoi ka laua mau olelo i mea ohohia nui ia ia e na Pilipino apau i akoakoa ae ma kela halawai ma kela po. Ma ka olelo o ka lahui Tagalog o Manuel Quezon o ka haiolelo ana aku. He papa ahaaina nui ka na Pilipino o ka hoolala ana no na malihini, aka nae, mamuli o na kumu keakea ua hoopau wale ia a ua hoike kau o Osmena, ka lunahoomalu o ka hale o na lunamakaainana ma Pilipine i kona minamina no ka hiki ole e hookoia aku ia makemake o na Pilipino, o kana nae o ka hoike ana aku o ka ahaaina no ka noonoo o ia ka mea pono e malamaia e hoohauoliia aku ai na kaukani o ka poe apau i akoakoa mai. Ua ao aku o Quezon i na kanaka o kona aupuni e hoomakauii, e malama i ke dala e loaa mai ana ia lakou mai ka lakou mau hana mai, aole hoi e uhauha wale no me ka

hoohemahema aole e hoahu dala maloko o ka O kekahi mea ana i a'o aku ai oiai na Pilipino e noho ana ma Hawaii nei e hooikaika lakou e a'o i na ano hana apau e pili ana i ka oihana īnahiko, oiai o ka oihana niahiai ma Hawaii nei ua hiki aku ia i ke ana kiekie loa o ka- hoonui ana ae i ka ike ma ia a oiai o ka maliiko kekahi o na hana hoopomaikai nui i ka aina, he mea pono i na Pilipino e noho nei ma Hawaii e liooikaika ma ia oihana, i Jioi aku no ia o lakou i Pilipine ua loaa ia lakou ka ike a ua hiki ia lakou ke hoohana aku ia ike maluna o ka lepo o ko lakou aina ponoi. O keia, wahi ana, kekalii o na hana e hooiaio ia mai ai he lahuikanaka na Pilipino e hoomakaukau ina ia lakou e lawe i ke koikoi o na hana o ke aupuni. Ua ao pu aku oia ia lakou ma ke ano o ko lakou noho a malama ana i ko lakou mau inoa a kul&na maikai mawaena o ka lahui i mamao loa mai na lahui mai ma Pilipino, he hoike ana aku ia i ko lakou mau ano maikai. E pono e noho lakou me ka maluhia ame ka lokahi me na lahui apau a lakou e noho pu ana maanei. Ma ia halawai ua aponoia ka olelo hooholo i hoomakaukauia ai e ke komite a na Pilipino e apono ana i ka misiona a na eLelo e holo aku ana no Wakinekona no ke noi ana aku o haawiia mai ke "Kuokoa i na Mokupuni Pilipine. O Pablo Manalapit, ke alakai o na Plipino ma Hawaii nei ka lunahoomalu o ia halawai, mahope o ka haawiia ana ae o kekahi mau _leo huro ekolu ua hookuuia ka halawai a hoi hou aku na malihini noluna o' ka mokuahi Tenyo Maru no ka hoololi ana i ko laua mau aahu no ka holo ana ae no ka hale o J. W. Waldron, ka peresidena o ka ahahui o ka poe mahiko Hawaii ma ke Awawa o Nuuanu, kahi o laua i lilo ai lie malihini koikoi ma kekahi papa ahaaina i haawiia.