Ka Nupepa Kuokoa, Volume LXI, Number 23, 8 June 1922 — $5500 I OHIIA E KA OIHANA MAKAI NO NA HOOPA'I. [ARTICLE]

$5500 I OHIIA E KA OIHANA MAKAI NO NA HOOPA'I.

Haule na loaa i ohiia no na hoopa'i ame na dala bela i lilo wale i ke aupuni kulanakauhale o na mahina mamua aku i ko ka mahina 0 Mei i hala iho la. Ma ka hoike a ka hope kakauolelo maloko o ke keena o ka hope makai Kulanakauhale Ed. Ross o ka waihoia ana ae 1 ka papa o ka heluna o ka poe i hopuia no Mei he 736, a o ka huina nui o na dala hoopa'i ame na dala bela i lilo wale i ke aupuni he $5565.45. He $858.10 ka oi aku o keia huina i ohiia i ko ka mahina o lanuafi, ka mahina kiekie loa o na loaa iohiia ,o ia hoi he $4707.35. Mailoko o ka 735 poe i hopuia he 486 i ahewaia a he 217 i hookuuia. 128 mau hihia i koe aole i liookolokoloia a loaa ka olelo hooholo. 0 na Kepani ka oi aku o na lahui ku-e kanawai, 112 mau inoa, he 60 o ia huina i hoopiiia ae no ke ku-e i ke kanawai e pili ana i ka holo ana ona kaa. He 64 mau Pake, he 40 Pukiki, he 34 mau Hawaii a no na lahui huikau e ae he 236. Ila ikeia ka ikaika a hooko o na makai mokokaikala ma o ka paa ana ae he 319 poe i ka hopuia no ke ku-e i na kanawai o ke aupuni kulnnakauhale a he huina o $1753. 30 i ohiia no ia mau hihia; no ka mahina aku o Aperila he $1324.65 ua like ia me $428.85 ka oi aku no ka mahina o Mei. No na hihia piliwaiwai he $717.20 i komo ae i ka pahuhao waiho dala a ka oihana raakai. He 32 poe i hopuia no ka ona a he 29 o ia huina i hoopa'iia. *+-•