Ka Nupepa Kuokoa, Volume LXI, Number 23, 8 June 1922 — Page 5

Page PDF (1.50 MB)

This text was transcribed by:  Kamehameha Schools Gift To Dr. Chun
This work is dedicated to:  Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

@@@loko o kekahi mau rumi maemae loa oloko o ka Hokele aina a i hoolimalimaia e Wa Wiliama, ko laua wahi o ka @@@ana iloko o ka manawa o ka hoolilo, a mai keia wahi laua @@@ makaikai aku ai ma na wahi kaulana o Amerika, a he @@ pule lehulehu i hala ia laua ma ia mau huiakai makaikai @@ manao o keia lawe hele a Sa Wiliama i kana wahine @@makaikai i na wahi kaulana apau o Amerika i mea no @@@ e ike ai i na wahi kaulana o kona aina hanau mamua @@@ lawe ana aku iaia i Pelekane, ka home hou o Vekinia @@@ haku aku ana.

@@@laua manawa e hele ole ai ma kekahi mau wahi, e hoo-@@ ana e laua kekahi mau po ma o ka hele ana maloko o na @@@ a ma na hale hoikeike kii onioni, no ka hoohala @@@ ana, a i kekahi manawa ma na hale e weheia ai na @@@ na haiolelo laula, a ma na wahi e malamaia ana o na @@ano nui, kahi e akoakoa nui ai na makaainana. O ka @@oohauoli loa i ko Sa William noonoo oia kona i ke aku @@ hikiwawe loa o kana wahine opio i ka makaala ame ka @@kaukau ana iaia iho ma ke ano o ka hoolauna ana me @@@ kiekie o ka aina i ko laua manawa e huikau aku ai @@ekinia noho mamao loa, ana mai kahi aku i akoakoa @@ ia e ka poe hanohano a kiekie no hapa kakini makahiki @@ hope aku, me kona launa nui ole me ka poe koikoi. @@ane i na la waena o ka mahina o Maraki hoomaka aku @@ laua holo ana no ka Hikina ma ke ano he huakai holo @@ kai wale no, no ka nana ana i na wahi kaulana a ano @@ ka aina ma ko laua alahele.

@@ na la mua o ka mahina o Mei i hoea aku ai laua i Nu@@ me ko laua manao e kau aku maluna o ka mokuahi @@ loa e holo ana no Enelani ma na la hope o ia mahina. @@ai aohe no he ma'I maoli o Vekinia, eia nae, ahoe mai-@@ kona ola kino i ka nana aku a ke kane, i ko laua mana-@@i hoea aku ai i Nu Ioka a no ia ano e o ko Vekinia hele-@@ena. koi aku la ke kane e hele laua imua o kekahi kauka @@ ka nana ana mai iaia, a no ka haawi ana mai hoi i lau ku-@@ e hoopauia ae ai ia kaulana ano e o Vekinia.

@@ hoo koia keia manao o Sa Wiliama, a imua o kekahi @@ka kaulana loa o Nu Ioka i kipa aku ai laua i kekahi la a @@kaka aku la iaia i ke kumu o ia hoea ana aku a laua, ame @@ laua manao e holo aku no Enelani ma na hope o ia ma-@@ me ka hoopau i ko laua manao e hele makaikai aku ma @@ kahi mau wahi.

@@ ko laua manawa i hoea aku ai imua o ke kauka, ua ike @@ koke mai la no oia i ke kumu o ko Vekinia anoe ana, o ia @@ hapai oia, a o ia ka manawa i pane mai ai ke kauka : @@@ kupono ia Mrs. Hita ke holo aku maluna o ka moku, @@nelani i keia manawa, no ka mea, ke ike nei au ua hapai @@ ua aneane loa e hiki mai i kona manawa e hanau ai." @@ Ewalu wale no hoi la e holo aku ai ka moku a hoea i Ene-@@no laila ma ko'u manao aole paha e lilo ana keia pilikia @@nei i mea nana e kaohi i ko maua holo ana aku no Enela- @@ i pane aku ai ke Sa Waliama.

@@Ina no ekolu la ia e holo aku ai aohe no ia he kumu e @@ai ia'u ke e aku, no ka mea, ua ike no oe e ma'i ana oia @@luna o ka moku, e nui ana kona luai a e poluea ana, a oiai @@nei e ma'i ana iluna o ka moku e lilo ana ia i mea hoo- @@kia i ka mea maloko o kona opu, a he pilikia nui ia nona @@ka bebe pu, e ike mai oe i keia," wahi a ke kauka. @@ He hoakaka hoohoka nui loa keia i ko Sa Wiliama ma- @@ no ka mea, ua paa loa kona manao e hoihoi pu aku i kana @@ine me ia i kona home, aka nae ia manawa hookahi aole @@makemake e poino kana mau mea aloha mamuli oia ma- @@paakiki on a no ka hoihoi pu aku i Enelani. He pule a i ole elua paha i hala ae ua ike aku la oia i ka @@ ae o ka helehelena o ka wahine i ka maikai, a hoolana loa @@la lona manao. Ma kekahi kakahiaka loaa mai la ke@@kelekalapa @ aia mai Enelani mai e hoike mai ana no ka @@@ kalilolilo loa o kona makuahine, a e hoike pu mai ana he @@@@ ka loaa aku iaia e ola mai ana, a e kauoha mai ana iaia @@@ iaia mamua o kona hala ana aku ma kela aoao o ka mu@@@eleele o ka make.

@@he puupuu ikaika loa keia. i ku'iia mai la iaia; ia manawa @@@iho la oia iaia iho aia oia mawaena o na mea aloha elua, @@aloha o ka whaine he mau mahina wale no ko laua noho @@@ana, a e hoohua mai ana laoi i kekahi hua ohana ana i hau@@@ ai e loaa ana i hooilina no kona mau waiwai apau, a @ke aloha hoi o ka makua e hiki ole ai ke loaa i ke kuai aku @@@ke dala.  Ua lilo keia lono i mea hookaumaha loa i kona @@oo, elike no me oe, e ka makamaka heluhelu, e ike iho @@ou iho ke ku oe ma ke kulana i like me ko Sa Wiliama. @@@ia i kaana pono iho ai i kona noonoo ke ike iho la oia ua @@ me kekahi karaima ino loa ana e hana ai in a e hooko@@ ana oia i ke kauoha no ka hoi ana aku e ike i kona mamahine a e haalele iho i ka mea ana i aloha ai a i hoohiki @@ai hoi imua o na kanaka, a imua o ke Akua, e malama oia @@i na kau ai ame ke kau wi, i ka manawa ma'i'ame ka @@awa ma'i ole, a iaia wale no oia e pili aku ai,a  o ka make @@no ka mea nana e hookaawale ia laua.

@@@eia nae, in a hoi no kona hoi ole aku e ike i kona makua@@@r iloko o kona manawa nawaliwali ke ike iho la no oia @@a iho elike ana no kona lilo i kanaka hana karaima me ka @@@ino loa me kana e hana iho ai no kana wahine.  "Pehea @@u e hana ai, a heaha la ke alahele maikai loa a'u e hahai wahi ana iaia iho.

@o keia manao uluahewa loa iloko on a e hiki ole ai iaia ke @holo i ka mea pono e hana ai, a i loaa mai ai hoi kekahi @kaka mai kekeahi kauka mai, hele aku la oia e hui me ke @@uka Noka, no ke kukakuka ana me ia no kana mea pono e @@a aku ai, a hoakaka aku la imua on a i kona pilikia.

@@Ina no kou lawe pu aku i ko wahine me oe i Enelani aohe @@ pane no ka hopena poino e loaa ana iaia; i hai aku nae @@ia oe, in a no kou paakiki loae lawe pu ia Mrs. Hita me oe, hana mauna loa ia i kona ola, aole iaia wale, aka i ke keiki kekahi ana e lawe pu la maloko on a. Malia paha e pae @@@nakila aku ana no oia i Enelani, aka nae, ma kou ike aole loa @@ia hopena maikai iaia, o ke kaumaha, ke kaniuhu, ka mea @@oaa ana ia oe, a he mea minamina loa ke ola ua ike oe ia mea.

Aka nae, no ka pilikia o ko makuahine au i hoakaka mai la a huipu hoi me ka pilikia o ko makuahine au i hoakaka mai la a huipu hoi me ka pilikia o kau wahine ke kaumaha nei au nou ua maopopo iau ke koikoi o ka haawina kaumaha e kau iho ana maluna ou.

"Eia wale no ka'u ao ia oe, in a ua paaloa kou manao no ka hoi aku i Enelani no kela ma'i o ko makuahine, alaila e haalele mai oe i ko wahine malalo o kau malama ana, a ke hoohiki aku nei au e haawi ana au i kau malama ame kau noonoo nui ana maluna on a me hemea la he pilikana oia nou oiai oe e kaawale aku ana.

"Ua hoomamaia ae la ko Sa Wiliama manao ma kekahi ano, no ka mea, o ia wale no ka mea pono e hanaia, nolaila, mahope o kona noonoo akahele ana no kekahi manawa hooholo iho la oia e ae aku i ka manao maikai o ke kauka, o ia hookahi wale no ke hoi aku i kona home ma Enelani.

Malia paha, e loaa iho ana kekeahi manao koho ia oe, e ka makamaka heluhelu, he kekalapa hoopunipuni wale no kela o ka loaa ana mai i ke Sa Wiliama i mea nona e hoi koke aku ai; aole he mai io no ko ka makuahine, a ike aku ana kakou i ka hopena, a o ka hoomaka ana hoi ekaawale keia mau mea aloha elua no kekahi mau makahiki lehulehu ma ia hope mai. 

I ka pau ana o ka Sa Wiliama kukakuka ana me ke Kauka Noka, hoi aku la oia a ko laua hale a hoike aku la i na mea apau a ke Kauka Noka o ka hoakaka ana aku iaia, a i ka lohe ana o Vekinia i ka manao o ke kauka, i mai la i ke kane:

Ina pela o oe kookahi no ke hoi, eia nae, he mau olelo ia a Vekinia o ka pane anu aku i aneane loa ai knoa puuwai naha no ko laua hookaawaleia iloko o na la pokole wale no o ko laua noho pu ana, a oiai hoi he manawa ia nona iloko o ke kulana kupilikii i maopopo ole aku ka hopena, a he manawa hoi kupono loa ai e noho pu mai kana kane imua o kona alo iloko o ia manawa, a malia o ko laua ike hope loa ana no paha ia kekahi i kekahi; ua lawa loa ia e hooluuluuia ai ka noonoo e hiki ole ai e paa ka waimaka.

O ka haawina maikai loa i loaa ia Vekinia oia no ka mau o kela manao koa iloko on a, ua maopopo iaia hookahi wale no mea hiki ke kokua mai iaia iloko o ka wa pilikia o ia k@ mana ame ka uhane o ke Akua, a Iaia wale no e kau aku ia oia i kona manaolana no kona palekana ame ka lanakila i na manawa apau.

Mai hookauhamha loa oe i kou noonoo no'u e kuu wile aloha ; no ka mea, ua maopopo ia'u e haawi mai ana no ke Kauka Noka i kana kiai makaala loa ana mai maluna o'u i na manawa apau au e kaawale aku ai," wahi ana iaia i ke kane, i ke ahiahi mamua iho a kau aku ke kane no ka moku no Enelani ka pahuhopu. "Ia oe e kaawlae aku ai, aohe au mea e hopohopo mai ai no'u no ka mea, ua hoohiki mai la hoi ke Kauka Noka imua ou e makaala mau mai ana oia ia'u.

            "I kela ame keia moku e loaa aku ana kau leka ia oe e hoakaka aku ana i kou ano ame kou kulana a nolaila ke manaoio nei au oahe poino iki e loaa ana iau oiai oe e kaawale aku ana, aka, ua ike oe he mea paakiki ka kiki ana e uumi iho i ke aloha; aka, e hoomanawanui no hoi paha au elike me ka hiki ame ka ikaika e loaa ana iau. Eia no kau noi ia oe, ma@ hoopoina oe i ka hoouna mai i kekahi leka na'u," i pane ae ai o Vekinia me ka hiolo o na waimaka.

"O, e kuu Vekinia, e lilo ana keia haalele iho o'u ia oe maanei i mea hoehaeha loa i kou noonoo. O, e kuu aloha hoi, in a e hoopaakiki mai ana eo i kou koi mai ia'u e hoi ua like no ia me kou olelo okoa ana mai oahe ou aloha ia'u, in a e olelo mai ana oe ia'u e noho, aole au e hoi aku ana," wahi ana, me ka haale mai la o na waimaka ma kona lihilih.

"O, aole, e kuu aloha, ua ike au he hana ia nau ka hoi ana aku e ike i ko makuahine, no ka mea, in a au e aua ana ia oe e noho mai, he hewa ia no'u e hiki ole ai e haha kuu uhane a e huikala ole ai au ia'u iho, in a e make mai ana ko makuahine; he pilikia ko'iko'i  loa kela e hiki ole ai ia oe ke noho mai, nolaila, e hoi oe, a eia no ka'u kauoha ia oe, i noho oe a i ike ua pau ka pilikia o ko makuahine e hoomanao mai oe ia'u kii mai oe a hoi pu aku kaua i Enelani, " i pane ae ai o Vekinia me ka leo oluolu loa.

"A pehea, in a o oe pu kekai e lilo ana mai au aku o keia ka Sa Wiliama o ka noonoo ana iho, aohe nae oia i hoopuka aku i kekahi huaolelo, o kana wale no o ka pane ana aku; "a pehea in a e hoohemahema ana au i ka malama ana aku ia oe me kou noho mau iloko o ke kaniuhu no'u?"

            "O, e Wile, aole e loaa ana ia mea iau no ka mea, ua hoolako mai no hoi oe i na mean apau e pono ai au, a oiai oe e kaawale aku ana e hoao no hoi paha au e hookele iau iho me ka maikai loa e hiki ana iau aole au e hookaumaho loa is ana, wale no ko'u aloha ame ka hoomanao mau aku nou, no ka mea, ua ike no au mamuli o kekahi kumu maikai loa i kaawale aku ai oe mai au aku, a he hana maikai no hoi ia au i hana ai , a i kou manawa e ike ai au kaawale oe mai kela pilikia mai e hoi hou mai ana no oe i ou nei i kekahi la."

            "He mea oiaio, e hoi hou mai ana au i ou la," alaila hopu mai ia oia i ka wahine a hoopili aku la i kona umauma, a haawi iho la kekahi mau honi hoomaumau ana ma na papalina a ma na lehelehe. O kana ia i manao kuhihewa ai, o@ ka e pahee loa aku ana i ka welowelo.

            Ua kaumaha loa ka noonoo o Sa Wiliama ia manawa no kona kaawale aku, me kona nana ole mai i ka helehelena hoihoi o ka wahine e nana aku ana iaia.

            I kona noonoo iaia iho ia manawa, me he mea la e hoike mua mai ana kekahi mea uhane iaia he poino nui ke halawai mai ana me ia ma ko laua manawa e hookaawaleia ai. Eia nae aole oia i haawi i kona noonoo nui maluna o ia manao palaualelo, hoahewa wale iho la no oia iaia iho no ka noonoo honua wale aku no no ia pilikia e hiki mai ana me ke kumu ole, o ka mea apiki nae, aole hiki iaia ke hookaawale aku ia manao mai iaia aku.

            Ua hoea mai la ke kakahiaka, a ke hookokoke mau mai la hoi ka hora e hookaawalea ai na mea aloha elua me ko laua haawi ana ae i na puili aloha hope loa, a kaawale aku ke kane a noho iho hoi o Vekinia me ka u ame ka helelei mau o na waimaka ke hoomanao ae no kana mea aloha i kaawale aku la.

            Ma ia manawa aole kela helehelena kaumaha ma ko Vekinia mau maka, o ka minoaka ame ka hoihoi wale no kana o ka hoike ana mai imua o ke kane, mamuli keia o kona hooholo ana i kona manao aole h oike aku i kekahi helehelena kaumaha imua o ke kane e lilo ai kona helehelehna kaumaha i me hoehaeha aku i ke kane i na minuke hope loa o ko laua kaawale ana.

            Mahope iho o ko laua haawi ana ae i na puili ahloha hope loa, na muki paplina ana, na olelo kaukau no hoi, elike me ia e ike mau ia ai ma ka manawa e kaawale ae ai na mea aloha, hoi aku la Vekinia a ma ka puka aniani a noho iho la me na waimaka e helelei ana, a nana aku la i ka holo o ke kaa e lawe ana i ke kane no ka uwapo, me ke ani peahi ana i kona hainaka, ame ke kiola ana aku i knana honi i ke kane i ken kaa i huli ae ai ma ke hiki o ke alanui a pau aku la kane ike ana iaia.

            Aole i loihi loa kona uwe ana no ka mea, iaia i noonoo iho ai, ua lako no oia i na mean apau a ke kane o ka hoolako ana nona. He mau rumi ake a nani kona, he wahine aoo ka i hoolimalimaia e ke kane no ka noho pu ana mai me ia a he wahine hoi nana e kokua mai iaia i na manawa apau a ke kane e kaawale aku ai.

            Ua nui a lawa pu oia m ke dala, ka makamaka a o ke kokua kokoke hoi iloko o kona manawa o ka pilikia, a e hele mau mai ana no hoi ke Kauka Noka e kiei iaiai i kela ame keia la. No keia mau mea kokua mai iaia aohe ana mea e kuhalahala iho ai, koe wale no kona aloha i ke kane i kaawale mai iaia aku, a eia nae, aole no e loihi loa ana na la hui hou no laua, pela ka paa o kona manao. (Aole i pau)

HE HAOLOALOHA NO KA EKAESIA O PAIA MAUI

            Ma ka la 10, Mei, 1922, i kipa palanehe ae ai ka anela o ka make ma ka home aloha o  Mr. ame Mrs. Pupuhi, a kaliki aku la i ka hanu hope loa o ka makou keiki, haiolelo lunakahiko, hoapaahana, iloko o ka Ekalesia o Paia, nei i keia mau makahiki i hala ae la; o ia no o Edward M. Kapoo ka haiolelo a ka aha Mokupuni Euanelio i hoouna aku ai no ka ekalesia o Wananalua, Hana, Maui.

            Mamuli o ka loaa ana i na pili kia kino, onawaliwali ma ke kino, i hoopokole koke ia mai ai kona mau la o keia ola ana. Ua komo aku kona ekalesia, e auamo pu i na luuluu, ke Kula Sabati, ka Ahahui C. E. Sr.; ka ahahui Pokii, a pela pu me ka Ahahui Kaeaena o na opio.

            Ua hoounaia mai ka ekaesia aku o Paia he elima mau lunakahiko o ka ekalesia, no ke komo pu ana aku e kii, a e hoihoi mai i kona kino wailua maluna o ka waapa mokuahi Makaiwa, i ko makou kaikuaana iloko o ka Haku o Iesu Kristo.

            Ua hoihoiia mai kona kino walua me ka holopono o na mea apua. Ua waihoia kona kino maloko o ka Luakini o Paia, ua hui mai na ohana, na makamaka, na hoalaoha a kanikau pu me ke aloha, e nana aku ana i ka hope o na mea apau malalo o ka la.

            He mea minamina loa i ka make ana o kona poe haipule. Pomaikai ka poe i make iloko o ka Haku. E nana i ka Isaraela oiaio aole he hoopunipuni iloko ona. Ma kekahiaka o ka Poaha Mei 10, 1922 i malamaia ae ai kona anaina hai pule maloko o kona ekalesia ma Paia, e kona kahu ame na luna kahiko ame na hoaloha apau. A hoihoiia aku la kona kino no ka lepo, no ka mea he lepo no ke kanaka, a e hoi aku no i ka lepo.

            Ma ke makou aoao o ka ekalasia holookoa, pina ole ia makou na mea maikai a E. M. Kapoo i hana mai ai iloko o kona ekalesia.

            He makuakane hoomanawanui, he aloha he oluolu, he makua makaukau i ke alaki himeni ame na hana maikai apau.

            O na makahiki o kona ola and, he 45 makahiki, na makahiki o kona noho ana iloko o ka ekalesia he 3 makahiki, noho haiolelo no Waihee ame Waiehu, he 6 mahina Noho i haiolelo no Wananalua, Hana, he 16 la wale no, a pau ka hana, kuu ka luhi, a e kakali aku ana i ke kani mai o ka pua ka Haku, o ka hopena o keia ao i na la mahope. E hoonaniia o Iehova Sabaota, Nana no i haawi mai, a Nana no i lawe aku.

            Ua waiho iho la mahope nei he kaikuahine ma keia kino, na keiki a makou ame na ohana. Ke auamo pu nei makou i na luuluu ame na kaumaha, a nonoi aku i ko kakou Haku ia Iesu Kristo, Nana no e lawe ae na haawe kaumaha maluna o ka ohana, ka makuahine, na keiki ame na moopuna.

            E hooholo hi ia, e hookomoia i hookahi kope i ka Hoaloha, hookahi i ka Nupepa Kuokoa, a hookahi hope i ka makuahine kanemake.

            O makou iho no me ke aloha nui nona

MOSES M. KAHIAPO JOSEPH A KAHOLOKULU, KEALOHA KALAAUPA, MRS. D. KALAAUPA, MRS. H. KAWAAINUI, MRS. LUM HO, MRS. LIZZIE MACHADO,

NA IO WANA MOMONA O KA UANOE

            Ma poipu, ka home nani o Mr. ame Mrs. Albert Akana, i hoonuu iho ai kahi kaaka phia eu, i keia mau ono like ole, io wana momona, paiea, opihi, pala moi, io nenue.

            Ua ai a pololei, i keia mau mea i hoomakaukauia e na lima oolea o kuahine ma, nui ka ono o keia mau mea apau, e pahee ai ko puu lapuwale ke momi, a hoomanao ae la i keia wahi mele:

Kamau kiaha i olu, I pahee ko puu ke moni, Mai kuhi no oe na ha'i, O kau wikiwiki ana iho. Na keonimana, ame na lede e hoonuu ana i keia mau ono, Jim, Aea, Mahu ame kana ulua, Kanani Keawe, ame kana wahine, Albert Akana ame kana kihei pili, Chas. Kaili ame kana wahine, Kina ame kana huapala, Mrs. Peter Kamano, ame kana kane, Mrs. Jacob Mahu ame kana kane, Mrs. Peter Kealoha me kana piliaoao.

            Ua hopuia ma kawai he Pake nana e aihue mau nei na moa ma keia mau apana, a hoopaaia ae ma ka halepaahao, a i kona hookolokoloia ana, ua hooholo ka aha, e ki paku loa iaia. oiai he nui a lehulehu kona manawa i paa ai ma ka halepaahao, no keia hows he aihue.

            Nui ke ohohiaia o ka Ahahui Kamehameha, mahele o Kaumaualii ma Kaui nei, ma ka mahina o Maraki, he 13 lala i komo hou mai, a ma ka mahina o Mei i hala aku la, he 12 i komo hou mai no, auwe no ka nani e, o ka lokahi ame ke aloha ka mea e holopono ai na hana imua.

He mau kulu pakaua eloelo ko ka Uanoe, i kela pule aku nei,ke hele la a pul@ wale na wahi palekokio o kuahine ma i ka hele i ka wahie puhi palaoa, a piha pu no hoi na pahu wai, o balala ma e noho ana i ka ehu a ke kai, ola ia kini, ke a mai la ke ahi.

            He mau wahi meahou keia o ka Uanoe o Koloa neik ke hea mai nei o Omoe , e paa oe i keia, a hu ae la ka aka, o us wahi kaaka piha eu nei o Makahuena.

            Me ka Lunahooponopono ka mahalo nui, ame na keiki oniu hukepau ko'u aloha no,

PETER KAMANO SR. KOLOA, KAUAI.

HOOLAHA

Ua makemakeia na lala apau o ka Ahahui, Kokua ame Manawalea o na poola, e hiki ae ma ka Luakini o Kawaiahao, ma keia Sabati ae e hiki mai ana, Iune 11, 1922, hora 10:30, no ka hoomanao ana i ka la hanau o Kamehameha I, ka na'i Aupuni o Hawaii nei E hele ae e na lala me ko oukou lole makaainana.

            Oluolu e akoakoa pu ae ma Aala Paka, me ka lole o ka ahahui, ma ke kakahiaka o ka Poakahi, Iune 12, n oke komo pu ana aku iloko o ke ka'ihuakai o ia la ,e hoomaka ana ma kahi i hoikeia ae la maluna, no ka palii kahi e malamaia ai na hana hoomanao. Ke kono pu ia aku nei ka poe apau he mau palule ulaula ko lakou e komo pu ae, mai lilo oe i mea makaiaki, aka e komo pu iloko o ka huaka'i. Hele mai apau.

GEO. K KANE

Kakauolelo;

JESSE ULUTHI,

Peresidena.

6507---Iune 8, 1922.E Ka Poe Hookuonoono

Ke Makemake Oukou i na Lako---

NO KA HOME A NO KA AINA MAHIAI PAHA E KAPA AE MA KE KEENA O NA LAKO PILI HAO O KA

AMERICAN FACTORS, LIMITED

Kapuahi.

Lako Mahiai.

Lako Halekuai me Pa.

No na mea elike me keia:

Meahana Mahiai.

Meahana Kamana.

Pili Hao a Ano e Ae.

Uwea Pa Moa me Pa.

Pena me na Palaki.

Aila me Vaniki.

O ke Kanaka Kuai i na lako Hano Maikai ua Lanakila e no Oia i ka Hapa o ka Hakaka

Aole hiki ia oe ke lawelawe i na hana maikai me na meahana inoino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, in a he noonoo oia. Aka nae ua poho wale ka manawa ame ke dala ma ka hana ana pela.Ke kuai nei o Lewers & Cooke, Ltd., i na lako hana maikai wale no.

Ke Malama NEi MAKOU HE AHUA PIHA PONO LAULA O NA

LAKO MAHIAI A

ME NA LAKO KUKULU HALE

He Kuai Hoemi Hou no ko Keia Poakolu Ae

METROPOLIAN MEAT MARKET

E-ninau no Lui; he oluolu na kukai ana ma ka kaua olelo makuahine.

Hele mai, mai hilahila!