Ka Nupepa Kuokoa, Volume LXI, Number 22, 1 Iune 1922 — Lawe ke Kumu o Kamehameha i Kona Ola Iho Me Kana Pu Ponoi i Ki Ai o E. G. Barlett iaia a Make ma ka Poakahi Nei MAOPOPO OLE KE KUMU O KELA HANA Koho Wale Ia Aku Nae no ka Wili Mau o ka Ma'i me ke Poho o Kana Mau Dala [ARTICLE]

Lawe ke Kumu o Kamehameha i Kona Ola Iho

Me Kana Pu Ponoi i Ki Ai o E. G. Barlett iaia a Make ma ka Poakahi Nei

MAOPOPO OLE KE KUMU O KELA HANA

Koho Wale Ia Aku Nae no ka Wili Mau o ka Ma'i me ke Poho o Kana Mau Dala

Maloko o kona keena hana, ma ke Kula Kamehameha o na Keikikane, i lawe okoa ae ai o E. G. Bartlett, ke kumupoo o kela 'kula, i kona ola iho, ma ka hapalua o ka hora elima 0 ke kakahiaka o ka Poakahi nei, mamuli o kona ki ana iaia me ka a make. Aole he mau kumu maopopo loa 1 ikeia, no kela lawe okoa ana ae o keia kumu i kona ola iho, koe wale no ke koho wale ana aku, ua hoea mai kela hana, mamuli o ka maikai ole o 'kona ola kino, ke poho o kana mau dala, i hookomo nui aku ai iloko o na hui aila ame laholio, a pela hoi, kona kauohaia ana aku e hoomaha no hookahi makahiki. Ua hoi aku kela liaole e hiamoe ma ka po o ke Sabati, ma kona manawa maamau, me : ka loaa ole ona hoohuoi ana i kana wahine ame ka aua mau keiki, o kela ko lakou manawa hope loa e hiamoe loa ai, ma ke ano he ohana. Ma ka hora elima o kela kakahiaka, ua puoho ae a oia, me ka ike mai o kana wahlue. Ua hoomakaukau oia iaia iho ma ke komo ana i kona mau lole, a haalle iho la ialoko o ka rumi moe, me ka hele ana aku noloko o kona keena hana; a i ka manawa i hele aku ai ka mea pulumi hale, ma ka hora eono ae, ua loaa aku la kona kino make, e waiho mai ana ma kona pakaukau, e kalele ana ke poo maluna o kona mau lima, a ma 'kona aoao hod e waiho ana kana pu panapana. Ua hoikeia ae la kela lohe i na kumu e ae « ke kula, a hoike loa ia mai la no hoi ka lohe i ka oihana makai. * ' Ua waiho iho kela 'kumukula i kana wahine ame ka laua mau kaikamahine elua mahope nei, iloko o na haawina o ke kumaha, no keia hoopokoleia ana mai la o kona mau lal e ola ai ma keia honua. Ma kahi o ke 38 ka nui o kona man makahiki, ma kona manawa i make aku la, a ua hoea mai oia no Hawaii nei iloko o ka makahiki 1908, ma ke ano he kumukula no ke kula Kamehameha o na Keikika'ne, mai ia manawa mai kona noho kumu ana no kela kula, ahiki waio no i kona lawe okoa ana ae Ia i kona ola Iho. Ma kekahi manawa ae nei i liala ua haawi aku ka papa kahuwaiwai 0 na Kula Kamehameha iaia, e hele hoomaha oia no hookahi makahiki, a ua waeia ae hoi o Mr. W. E. Givens, ke kumu mua o ke Kula McKinley, 1 pani ma kona wahi, a no ka hooko ana aku i kela manao o na kahuwaiwai, ua hoolala oia i kana papahana, no ka holo aku me kona ohana i Amerika, eia nae aole i holopono ia mau hoolala ana, ma o keia lawe okoa an* ae i kona ola, e hoopokole J ana i kona mau auwe, ma keia ao. | Ma ka auwina la ae o ka Poalua i malamaia ai kona anaina hooleWa, me ka malama >pu ia ana o kekahi anaia» haipule maloko o ka halepule o ke kula, kahi i akoakoa ae ai na kumu ame na haumana, no ke komo pu ana iloko o na hana o kela anaina.