Ka Nupepa Kuokoa, Volume LXI, Number 22, 1 June 1922 — HE PUOLO WAIMAKA NA KE ALOHA. [ARTICLE]

HE PUOLO WAIMAKA NA KE ALOHA.

E ka Lunahooponopono o ka Nupepa Kuokoa, Aloha oe:—E ae»mai ia'u i o kou mau kolamu e hoike aku no ka 'u puolo waimakk a ke aloha, nona ke poomanao e kau ae )a maluna, i ike mai ai hoi na ohana, na makamaka ame na hoaloha no apau o kuu mama heleloa Mrs. Kapine K. Kaahea. Oiai e npho ana no oia me ka nawaliwali ma ko laua home noho ma Puea, Waianaeuka, ua kikoo aku la na lima o kana kaikamahine aloha makua, a hoomanawanui hoi, a hoihoi māi la iaia ma ko maua home noho me ka'p kane ma ke alanui Frog Lane, kokoke i ke alanui Kula. Oiai ma ko maua poli oia malalo o ka'u pulama aloha ana me ka'u kane, a ma ka la 23 o ka mahina aku nei o Aperila 1922 a imua ponoi o ko'u alo ame ko'u papa hoU, i hanu ae a ī. oia i kona aho hope loa, iloko nae o ka wa i maopopo ole aku ai o kona hopena ia, a ka-

moe aku la ke akaku me ka Makua lani mao, e hoomaha mai na luhi mai o keia a,O- ' Ua hanauia kuu mama aloha ma j Puea, Waianaeuka, i ka mahina o, lune 11, 1866, mailoko mai o Hakuole (w) ame Kuala (k) kona mau makua. •Nolaila ua piha iaia he 56 makahiki ame na mahina keu, a haa'lele mai la kela ia'u ame kana lei hanai e noho u aku nona me ka minamina. I kona mau la opio oiai ka pua e mohala ana iluoa o ka wahine, ua hoohuiia iho la oia me ko'u papa, oia hoi o Opunui Naoho, a mai ia laua i puka mai ai ho hookahi wale no kaikamahine, a oia no ka mea nana e haku nei i keia hoalohaloha Mrs. €hriatinu Kalehuamakanoe Kaopua. Ua hala e aku ko'u papa i ka po, a mare hou oia me kana kane elua, a na ka make i wetye ae la ka hipuu a hookaawale ae la i ko laua noho aloha ana o ke kane me ka wahino, a weho iho la i ka pili hookoo ialoko. E hookanaaho ae ana e hoonana i na ikulu waimaka o ke aloha makua, pehea hoi e pau ai; ua eha i ka eha lima ole a ke aloha. 0 % ka'u no ia e pulaina aku ana e maliu e hoi mai, eia no au ko lei milimili poina ole a ko alohu la, o Kalehuamakanoe, uhi ae la nae ka noe halii paa i ka piko o Kaala, ke nihi kokolo ae la e hoope kehau ana i na hua ohelo kaulaau 0 ia lalani mauna. Aloha ia kuahiwi kahi au e uhai aholo aku ai i ka i'a nana i ka lani ke ola, a hoomaona aku hoi i kona la pololi. Aloha wale au ke hoo* manao ae i kahi wai o Kanewai ame Olopua ne hone i ka iliili, no plua na waimaka luuluu, aloha, no Puliawai ame oe pu e 'Mikilua, ua hoopale mai la kela ia olua. Ua hoonaue aku la no mao. Aloha wale ke Kaiaulu ka makani kaulana o Waianae ame ka niu haohao o Poka-i, ua hala ke kama hookipa, aole ia me olua; ua pau ke kipa hou ana io olua la. Meha ke kai o Nene'u ame na makalae o Maili ame Nanakuli, ua hala ke kupa ke kamaaina o ia mau aekai aole loa e hoopulu hou kou mau hunakai ma kona mau papalina aloha, a moe aku la e hoomaha no ka wa mau loa. He makuahine i piha me ka oluolu,'he akahi kona ano ma na mea upau, he ike, he heahea, a hookipa 1 lea poe apau e kipa aku ana i ona la. Nolaila ke haawi aku nei i na hoomaikai palena ole, i ka poe apau i lāuna mai me a'u iloko o ua hora o ke kumakena, a pela hoi me na papahi nani, na makana pua ame ka poe no apau i ukali i kona liua- ; kai hope loa, no ka ilina ma Koula, a pela au e noi nei i ka Makua Lani Nana no e pale ae i na manao. kaumaha a luuluu, a e hilinai aku j laia, i loaa ke ola mau loa. j 0 maua iho no me ka haahaa. MRS. 0. K. KAOPUA, JAMES K KAOPUA, | Frog Lane, Honolulu, Mei lō, 1922