Ka Nupepa Kuokoa, Volume LXI, Number 22, 1 June 1922 — LOAA AKU NA IPUHAO PUHI RAMA ILOKO O KA PA PUAA. [ARTICLE]

LOAA AKU NA IPUHAO PUHI RAMA ILOKO O KA PA PUAA.

Maloko o kekahi pa puaa ma kahi kokoke i ka haloma'i ma Kalihi-kai, i loaa aku ai' i na akena hookapu waiona kekahi ipuhao puhi rama o 40 galani, 100 galani rama i hoawaawaia ame ekolu galani lemuhao, a ma ka oleloia, he Kepani o S. Oshiro ka ona nona ia waiwai, ua paa ae oia i ka hopuia a hoopiiia ae no ke ku-o i ke kanawai hookapu waiona. Ma ke awakea o ka Poakahi iho nei keia paa ana o Oshiro ame na mea paahana ana i ka hopuia. Ma ia po iho he Kepani o M. Tomagawa ka i paa ae i ka hopuia

e Oolburn ame kona mau kanaka, 111 a kekahl hale ma ke alanul haloma'i Pupulo. Hookahi ipuhao puhi rama i loaa aku ma kona wahi, 100 golani i hoawaawaia ame hookahi kakini galani okolehao. Eha mau paiki me kekahi mau omolo waina mai Hilo mai i paa i ka hopuia e na kanaka hooko kanawai hookapu waiona ma ke kakahiaka Poakahi nei ma kekahi aoao mai o ka Uwapo 14 ma £e alanui Moiwahine kokoke i ka Uwapo Dilinahama, a elua mau, Kepani i paa ae i ka hopuia no laua na inoā o Niso Yamamoto ame T. Okamōto, he mau luina noluna o ka mokuahi Mauna Kea, no ku-o i ke kanawai waiona. Ma ka olelo a na Kepani ma ko laua manawa i paa ai i, ka hopuia no kekahi mau ohua oko aku o ka Mauna Kea ka ia mau paiki lole.